оскар писториус – Kurir.mk

Писториус префрлен во друг затвор

Ивона Петрова — Tue, 30 Nov 2021 12:09:47 +0000

Поранешниот параолимпискиот шампион Оскар Писториус е префрлен во затворот во Порт Елизабет каде ќе ги запознае родителите на Рив Стинкамп, неговата девојка, која ја уби во 2013 година. Средбата, како што објави Би-Би-Си, би можел да придонесе 35-годишниот Писториус да биде пуштен на условна слобода. Писториус првично беше осуден на петгодишна затворска казна поради убиство од небрежност на својата девојка, но во 2014 година делото беше окарактеризирано како убиство со предумисла и судот ја преиначи пресудата во казна затвор од 13 години и пет месеци. Адвокатот на семејството Стинкамп, Тања Коен, изјави дека „мајката на Рив му прости на Оскар за убиството на нејзината ќерка, но тоа не значи оти Писториус треба да биде пуштен на слобода пред да ја отслужи казната во целост“.

Ќе се сретне со родителите на девојката која ја уби: Можно е условно ослободување за Оскар Писториус

Ивана Ефремовски — Tue, 09 Nov 2021 07:32:29 +0000

Јужноафриканскиот параолимпиец Оскар Писториус, кој е во затвор за убиството на својата девојка Рив Стинкамп, наскоро би можел да се сретне со нејзините родители. Тоа е дел од процесот што води кон разгледување на условно ослободување на осуденикот. Писториус има право на условно пуштање од затвор по отслужување на половина од казната. Но, прво мора да учествува и во т.н. „ресторативна правда“, што се сосредоточува на рехабилитација на сторителот преку помирување со жртвите или заедницата како целина. Писториус ја уби Стинкамп во 2013 година, потоа правдајќи се со тоа што мислел дека таа е натрапник во неговиот дом во Преторија. Испукал неколку куршуми во вратата од бањата. Во 2015 година тој беше осуден на 13 години и пет месеци затвор. (МИА)

Семејството бесно на крвавите фотографии од нејзиното тело: Објавен филм за манекенката која ја уби Писториус (ВИДЕО)

Дарко Андоновски — Thu, 13 Sep 2018 13:45:00 +0000

Семејството на манекенката Рива Стенкамп која беше брутално убиена за време на денот на вљубените од Оскар Писториус во 2013 година е бесно на Амазон прикажувајќи го документарецот за манекенката. Имено во документарецот се објавени фотографии од местото на злосторот и нејзиното тело. Во документарецот може да се види се освен нејзиното крваво тело, а во документарецот се гледаат и фотографии од нејзиното момче прекриено со крв, крвави шорцеви, крв во ходникот, како и пиштолот со кој Писториус пукал во Рива. За убиството тој е осуден на 13 години затвор, а сестрата на Рива прашува зошто пет години покасно е нужно да се покажуваат снимки од нејзината сестра која мртва лежи на подот. Инаку повеќето светски медиуми се одлучија да ги цензурираат снимките.