оскар – Kurir.mk

Список на главните номинации за Оскар пред 95-та церемонија

Тале Кристо — Sat, 11 Mar 2023 10:25:15 +0000

Академијата за филмски уметности и науки ќе ги додели Оскарите в недела навечер на 95-та церемонија во театарот Долби во Лос Анџелес. Листа на главни номинации за наградата која академијата ја објави на 24 јануари. Најголем број номинации: - „Everything Everywhere All At Once “ - 11 номинации - „All Quiet on the Western Front “ и „The Banshees of Inisherin “, по девет номинации - „Elvis “ - осум номинации Номинации за најдобар филм: - "Everything Everywhere All at Once" - "The Banshees of Inisherin" - "The Fabelmans" - "Tar" - "Top Gun: Maverick" - "Avatar: The Way of Water" - "Elvis" - "All Quiet on the Western Front" - "Women Talking" - "Triangle of Sadness" Номинации за најдобар режисер: - Мартин Мекдонаг, „The Banshees of Inisherin “ - Даниел Кван и Даниел Шајнерт, „Everything Everywhere All at Once “ - Стивен Спилберг, "The Fabelmans" - Тод Филд, „Tar“ - Рубен Остлунд, „Triangle of Sadness “ Номинации за најдобар актер: - Остин Батлер - Колин Фарел - Брендан Фрејзер - Пол Мескал - Бил Наји Номинации за најдобра актерка: - Кејт Бланшет - Ана де Армас - Андреа Рајзборо - Мишел Вилијамс - Мишел Јео Номинации за најдобра споредна машка улога: - Брајан Тајри Хенри - Џад Хиршер - Брендан Глисон - Бери Кеоган - Ке Хуи Кван Номинации за најдобра споредна женска улога: - Анџела Басет - Хонг Чау - Кери Кондон - Стефани Хсу - Џејми Ли Кертис Номинации за најдобар странски филм: - "All Quiet on the Western Front", Гермнаија - "Argentina, 1985", Аргентина - "Close", Белгија - "EO", Полска - "The Quiet Girl", Ирска

Номинациите за „Оскар“ ќе бидат објавени денеска

Катерина Бојаџиева — Tue, 24 Jan 2023 07:34:04 +0000

Американската Академија за филмски уметности и науки денеска во Лос Анџелес ќе ги објави номинациите за престижните „Оскари“. Одличјето е претставено со позлатена статуетка во облик на човек, изработена од британиум, со црна метална основа, а висока 34 сантиметри и тешка 3,85 килограми. Годинешното, 95-то доделување на наградите ќе се одржи на 12 март, во 24 категории. Свеченоста на прогласување на победниците е една од најпрестижните доделувања награди во светот на филмот. Филмот „КОДА“ на режисерот Шан Хедер беше минатогодишен добитник на главниот „Оскар“ за најдобар филм.

Ќе плати голема отштета, но нема да лежи во затвор: Славниот добитник на Оскар силувал жена

Ивана Ефремовски — Fri, 11 Nov 2022 17:55:31 +0000

Њујоршката порота го прогласи режисерот и сценарист награден со Оскар, Пол Хагис, одговорен за силување на публицистка во неговиот стан на Менхетен во 2013 година. Судот му наложи плаќање на 7,5 милиони долари отштета во граѓанската постапка. Пресудата е донесена по 15-дневното судење на државниот суд на Менхетен. Хејли Брист навела во тужбата од 2017 година дека Хагис, познат по сценаријата за филмовите „Million Dollar Baby“ и „Crash“ ја силувал откако ја присилил да му се придружи во неговиот стан по премиера на филм. Брист е една од четирите жени кои јавно го обвиниле Хагис за недолично сексуално однесување, но тој ги негирал ваквите обвиненија. Адвокатката на Хагис рекла дека судењето не било фер бидејќи судијата дозволил изјави од други жени кои го обвиниле сценаристот, но никогаш не презеле ништо против него. -Го употребија ова за да ја искриват вистината, да го убијат ликот на господин Хагис, да го отсликаат како чудовиште и ја користат стратегијата „каде има чад, има и оган“, рекла неговата адвокатка. За потсетување, во јуни Хагис беше уапсен од страна на италијанските власти кои го држеа во притвор повеќе од 2 недели под обвинение за сексуално злоставување и нанесување тешки повреди.

Домородната Американка која го одби „Оскарот“ на Брандо, почина од рак

Тале Кристо — Mon, 03 Oct 2022 07:53:29 +0000

Сачин Литлфедер, американската глумица и активистка која го одби „Оскарот“ за „Кум“ во име на Марлон Брандо, почина на 75-годишна возраст, објави вчера Академијата за филмски уметности и науки во САД. Домородната Американка боледувала од рак на дојка. Според изјава на нејзин близок, таа починала вчера напладне во нејзиниот дом во Новато, северна Калифорнија, опкружена со своите најблиски. Марлон Брандо освои „Оскар“ за најдобра машка улога во 1973 година за филмот „Кум“, но не присуствуваше на доделувањето, протестирајќи за поддршка на правата на Домородните Американци. На настанот во негово име, се појави Лидлфедер. Таа одби да го прифати признанието и одржа кус говор дека одбивањето делумно се должи на „односот кон американските Индијанци во филмската индустрија и на телевизија“ во континуитет. Холивудската кариера на глумицата, се чини, во тој миг беше запечатена, оти последната споредна улога таа ја имаше во филм од 1978 година. Академијата што го спроведува доделувањето на „Оскарите“, во август објави отворено писмо и официјално извинување за тој однос кон неа.

И предвидуваат нов Оскар: Слушнете ја песната на Лејди Гага за продолжението на „Топ Ган“

Ивона Петрова — Wed, 04 May 2022 09:48:58 +0000

Лејди Гага сними песна под името „Hold My Hand“ за потребите на филмот „Top Gun: Maverick“. На обожавателите песната им се допаѓа, а дел од нив и предвидуваат и нов Оскар. -Кога ја напишав песната за „Top Gun: Maverick“ не ни сфатив колку слоеви се простираат нив срцето на филмот, мојата психа и природата на светот во кој живееме. Работев на песната една година, ја усовршував, се обидувам да ја направам наша. Сакав да претворам музика во песна во која ја делиме нашата длабока потреба да бидеме сфатени и да се обидеме да се разбереме едни со други, вели Гага. Пејачката изрази благодарност за укажаната доверба и дадената можност.

По големиот скандал со шлаканицата: Академијата денес ќе одлучи дали да му го одземе Оскарот на Вил Смит

Ивана Ефремовски — Fri, 08 Apr 2022 10:33:17 +0000

Денес се носи одлука дали на Вил Смит ќе му биде одземен Оскарот по големиот скандал кога тој му удри шлаканица на Крис Рок. По овој непримерен чин на Оскарите, Смит се повлече од Американската филмска академија, телото кое денеска ќе одлучува за неговата судбина – дали ќе му биде одземена златната статуетка. Само неколку минути откако доби шлаканица на сцената, Смит доби Оскар за најдобар актер во главна улога за „Кралот Ричард“. Сега Академијата ќе одлучи дали ќе му ја одземе. Средбата во Академијата е закажана за денеска во 18 часот по наше време.

Филмови кои неочекувано не се номинирани за Оскар

Ивона Петрова — Sun, 20 Feb 2022 19:16:48 +0000

Листата номинации за Оскарите е објавена по долго чекање. Психодрамата The Power of the Dog има номинации во 12 категории, што за многумина е помалку изненадувачки. Свое место на листата со неколку номинации имаат и филмовите Dune, Belfast, West Side Story, но има изненадувања и во однос на филмовите кои не се меѓу номинираните, а се очекуваше да се најдат на оваа листа. Еве дел од нив: The Last Duel Dear Evan Hansen The Unforgivable House of Gucci Joe Bell Cyrano The Tender Bar Respect

Годинава и твитерџиите ќе изберат добитник на „Оскар“

Катерина Бојаџиева — Thu, 17 Feb 2022 13:04:33 +0000

Американската филмска академија од годинава воведе нова категорија на доделувањето на наградите наречена Твитер Оскар. Од 14-ти февруари, корисниците на Твитер можат да гласаат за своите омилени филмови од 2021 година користејќи го хаштагот #OscarsFanFavorite, без оглед дали истите се номинирани за Оскар. Филмот кој ќе добие најмногу гласови од фановите до 3-ти март ќе биде признаен во текот на доделувањето на наградите кое ќе се одржи на 27-ми март. Секој Твитерџија може да гласа до 20 пати дневно, а победничкиот филм ќе биде прогласен на доделувањето на најпрестижното филмско признание. Освен тоа, 3 корисници на Твитер кои го дале својот глас од периодот од 14-ти февруари до 3-ти март ќе бидат избрани – заедно со своите гости – да патуваат во Лос Анџелес со платени трошоци за да присуствуват на церемонијата на доделување на Оскарите. Пет корисници на социјалната мрежа,пак, ќе добијат годишна карта за кино по свој избор, претплати за стриминг платформи и ексклузивни производи од продавницата на Музејот на Академијата.

Го собори рекордот со „Греми“ наградите, а сега Бијонсе доби прва номинација за „Оскар“

Ивана Ефремовски — Fri, 11 Feb 2022 11:00:35 +0000

Откако лани го собори рекордот за најмногу добиени „Греми“ награди, поп-пејачката Бијонсе годинава ја освои и својата прва номинација за „Оскар“ за најдобра филмска музика. Се работи за песната „Be Alive“, којашто е дел од филмската музика на „Краот Ричард“ – приказна за детството на тениските сестри Серена и Венус Вилијамс и нивниот инспиративен татко Ричард. Извршниот продуцент и ѕвезда на филмот, Вил Смит, кој исто така, е номиниран за најдобра главна машка улога, зборуваше за песната, инспирирана од приказната на херојот кој ги претвори своите ќерки во шампионки. -Спојот на филмот и песната е еден вид магија што е неспоредлива во забавната индустрија. Бев пресреќен кога Бијонсе ја прифати соработката, изјави Смит. Иако ова е нејзина прва номинација за Оскар, Бијонсе неколкупати настапуваше на „Оскарите“ со своите хитови. Таа е номинирана за најдобра оригинална песна, покрај Ван Морисон, Лин-Мануел Миранда, Дајан Ворен и Били Ајлиш и, Финис. Годинашното 94. доделување на Оскарите ќе се емитува на „Еј-би-си“, на 27 март.

Вил Смит заслужува трета номинација за „Оскар“, според првите критики

Ивона Петрова — Thu, 30 Sep 2021 10:31:01 +0000

За улогата во новиот филм „Кралот Ричард“ (King Richard), инаку биографска приказна за строгиот татко на американските тенисерки Венус и Серена Вилијамс, глумецот Вил Смит ги собра сите пофалби. Многумина сега на актерот му предвидуваат и трета номинација за „Оскар“ за главна улога. Тој беше номиниран за највредното филмско одличје и во 2002 година, за улогата на Мухамед Али во филмот „Али“ и во 2007. за „Потрага по среќата“. По прикажувањето на три меѓународни фестивали, филмот „Кралот Ричард“ има оценка 6,4 / 10, на ИМДБ. Кинопремиерите ширум светот се закажани за 18. и 19 ноември.