осми септември – Kurir.mk

Нападната вработена во болницата „8-ми септември“ среде полноќ – ова се деталите

Дарко Андоновски — Thu, 21 Oct 2021 14:08:04 +0000

На 20.10.2021 во 08.30 часот во СВР Скопје, Б.Г.(53) од Скопје пријавила дека во 00.05 часот во градската општа болница „8 Септември“ во Скопје, додека била на своето работно место, била физички нападната од А.Г.(35) од с.Марино, скопско. Се работи на расчистување на случајот.

ВАКА СЕ САКА МАКЕДОНИЈА: Скопско Нерези вечерва „гореше“ во чест на роденденот на нашата татковина (ВИДЕО)

Дарко Андоновски — Tue, 07 Sep 2021 20:24:43 +0000

Додека Македонија утре го прославува роденденот на нашата татковина, вечерва по тој повод буквално „гореше“ скопско Нерези. Жителите на населбата Нерези вечерва го прославија роденденот на нашата земја Македонија на комитски начин. На видеото може да се забележи дека жителите се наредени низ целото спортско игралиште и во исто време ги палат баклите во чест на празникот 8 септември. На крајот од видеото има и огномет со кој тие уште еднаш докажаа како се сака нашата татковина МАКЕДОНИЈА. Инаку претходно на социјалните мрежи се појави фотографија од графит кој е нацртан на игралиштето во скопската населба Нерези. На графитот беше напишано името Македонија и беа нацртани ликовите на најголемите македонски револуционери. Најинтересното беше што жителите на Нерези сами си го нацртале овој графит.

Бајден со честитка по повод 8 Септември: САД остануваат непоколебливи поддржувачи на Северна Македонија

Дарко Андоновски — Tue, 07 Sep 2021 14:57:20 +0000

Со гордост ве поздравивме како 30-ти сојузник на НАТО, и со нетрпение очекуваме да ве видиме и во ЕУ. САД остануваат непоколебливи поддржувачи на Северна Македонија, порачува меѓу другото американскиот претседател Џо Бајден во честитката до претседателот Стево Пендаровски по повод Денот на независноста Денот на независноста на Република Северна Македонија – 8 Септември. – Во име на американскиот народ, го честитам денот на независноста на Северна Македонија. Одбележувајќи ја оваа прилика, ние исто така ја одбележуваме 25-годишнината од нашите дипломатски односи и силното пријателство меѓу нашите две нации. Нашите земји ги обединуваат семејните и историските врски, како и нашите заеднички демократски вредности и посветеност на човековите права. Нашето партнерство ќе продолжи да им користи на нашите народи во годините што доаѓаат. Со гордост ја поздравивме Северна Македонија како 30-ти сојузник на НАТО минатата година, признавајќи дека Вашата земја даде витален придонес за безбедноста и стабилноста на регионот долго пред таа да се приклучи на Алијансата. Ви благодариме што оваа година бевте домаќин на мултинационалната вежба „Решителен удар 21“ во Центарот за воена обука „Криволак“ и што повторно ги покажавте водечките капацитети и подготвеноста на Северна Македонија. Како што Вашата земја продолжува да напредува – зголемување на просперитетот за сите Ваши граѓани, подобрување на владеењето на правото, зајакнување на Вашите демократски институции – САД остануваат Ваши силни и непоколебливи поддржувачи. Со нетрпение очекуваме да соработуваме со Северна Македонија на патот на спроведувањето на реформите што ќе ја обезбедат европската иднина на Вашата земја, вклучително и пристапувањето во Европската Унија. Ви посакувам безбеден и среќен Ден на независноста и Ви благодарам за Вашето долгогодишно пријателство, пишува во честитката претседателот на Соединетите Американски Држави Џо Бајден до претседателот на Република Северна Македонија Стевопендаровски, по повод Денот на независноста на – 8 Септември.

ПАЦИЕНТ СЕ ФРЛИ ОД КОВИД ОДДЕЛЕНИЕТО ВО 8-МИ СЕПТЕМВРИ- станува збор за маж, еве на која возраст бил

Дарко Андоновски — Wed, 10 Feb 2021 09:46:23 +0000

Пациент кој бил сместен во ковид одделението во болницата осми септември утрово се фрлил од прозор. Од МВР за КУРИР го потврдија случајот, станува збор за 70 годишен пациент кој неофицијално скокнал од првиот кат од ковид одделението. Инаку според нашите сознанија пациентот се уште лежи пред болницата, а во моментов се врши и увид. Од МВР детали најавија во текот на денот.