осминафинале – Kurir.mk

Извлечени осминафиналните двојки во Купот на Македонија

Тале Кристо — Tue, 26 Sep 2023 12:12:36 +0000

Познати се двојките од осминафиналето во Купот на Македонија. Бранителот на трофејот, Македонија Ѓорче Петров ќе игра против Вардар. Финалистот од ланската сезона во натпреварувањето, Струга Трим Лум ќе гостува кај Воска. Двојки за осминафиналето во фудбалскиот Куп на Македонија: Вардар – Македонија Ѓ.П. Брегалница – Јанг Тим Работнички – Шкендија Силекс – Башкими Пелистер – Тиквеш Брера – Гостивар Шкупи – Охрид Воска – Струга.

Македонските одбојкари во осминафиналето против Италија или Србија

Тале Кристо — Wed, 06 Sep 2023 13:12:56 +0000

Македонската одбојкарска репрезентација во осминафиналето на Европското првенство ќе игра против кодомаќинот Италија или Србија, а противникот ќе биде познат по исходот од вечерашниот дуел на „црвено – жолтите“ против Чешка со почеток во 20 часот во СЦ „Борис Трајковски“ во Скопје. Во случај на победа, македонските одбојкари ќе го освојат третото место во групата Ц и во својот дебитантски осминафинален натпревар ќе играат против Србија на 10 септември во Бари, додека во случај на пораз, противник во нокаут фазата ќе им биде Италија ден порано, исто така, во Бари. Претходно денеска во рамки на завршното коло во групата Ц ќе играат Полска и Црна Гора. Избраниците на селекторот Јошко Миленкоски во досегашните четири натпревари на Европското првенство ги совладаа Данска (3-1) и Црна Гора (3-0), а загубија од Полска и Холандија со идентични 3-0 во сетови.

Осминафинална жрепка во Лига Европа и Лигата на конференции

Дарко Андоновски — Fri, 24 Feb 2023 08:41:35 +0000

Во седиштето на УЕФА во Нион денеска со жрепка ќе бидат одредени двојките за осминафиналето во второто и третото по ранг европско клупско натпреварување, Лига Европа и Лигата на конференции. За точно напладне е закажана осминафиналната жрепка во Лига Европа, а еден час подоцна ќе бидат одредени и двојките за осминафиналето во Конференциската лига. Осумте победници во групната фаза во Лига Европа (Арсенал, Бетис, Фенербахче, Ференцварош, Феенорд, Фрајбург, Реал Сосиедад и Унион Сент – Жил) изборија директен пласман и се одредени за носители, а преку плејоф натпреварите кои беа комплетирани синоќа им се приклучија Јувентус, Баер Леверкузен, Спортинг, Севиља, Унион Берлин, Манчестер јунајтед, Рома и Шахтјор Доњецк. Првите натпревари ќе се играат на 9 март, а реваншите се на програмата една недела подоцна. Финалето во Лига Европа ќе се игра на 31 мај на „Пушкаш Арена“ во Будимпешта. Во Конференциската лига директен пласман во осминафиналето обезбедија Вест Хем, Ница, АЗ Алкмар, Слован Братислава, Виљареал, Ѓургарден, Башакшехир и Сиваспор, а преку плејофот им се приклучија Андерлехт, Гент, АЕК Ларнака, Фиорентина, Лацио, Базел, Лех и Шериф. Првите натпревари се на програмата на 9 март, а реваншите на 16 идниот месец. Финалето во Конференциската лига ќе се одигра на 7 јуни во Прага.

Утре првите осминафинални пресметки во Лигата на шампиони

Тале Кристо — Mon, 13 Feb 2023 13:38:27 +0000

По тримесечна пауза од разврската во групите, утре почнува нокаут фазата во Лигата на шампиони со првите два осминафинални дуели во кои Милан е домаќин на Тотенхем, додека Баерн во Минхен го пречекува ПСЖ. Челзи в среда му гостува на Борусија Дортмунд, додека Клуб Бриж е домаќин на Бенфика. Првите натпревари во рамки на осминафиналето ќе бидат комплетирани идната недела кога на програмата се пресметките меѓу Ајнтрахт Франкфурт - Наполи, Ливерпул - Реал Мадрид, Интер - Порто и Лајпциг - Манчестер сити. Реваншите се на програмата на 7, 8, 14 и 15 март.

Осминафиналето на СП 2022 најефикасно во историјата на Мундијалите

Тале Кристо — Wed, 07 Dec 2022 08:51:10 +0000

На осум натпревари од осминафиналната фаза на Светското првенствои 2022 во Катар беа постигнати 28 голови. Ова е рекорд во оваа фаза во историјата на фудбалските Мундијали откако беше воведен во 1986 година. Најефикасен натпревар во 1/8 финалето на СП 2022 беше синоќешниот меѓу Португалија и Швајцарија (6:1), на кој беа постигнати седум гола. Четвртфиналната фаза ќе почне в петок. Двојки за четвртфиналето: Хрватска – Бразил (9 декември) Холандија – Аргентина (9 декември) Мароко – Португалија (10 декември) Англија – Франција (10 декември).

Наполи и Клуб Бриж се пласираа во осминафинале од Лигата на шампионите

Тале Кристо — Wed, 12 Oct 2022 19:13:56 +0000

Наполи дојде до четвртата победа во четвртиот натпревар од Лигата на шампионите оваа сезона откако уште еднаш го совладаа Ајакс овојпат на „Диего Марадона“ со 4-2. Македонскиот репрезентативец, Елиф Елмас ги одигра последните 15 минути од натпреварот. Наполи поведе со гол на Лозано уште во четвртата минута, а десетина минути подоцна погоди и Распадори за водство од 2-0. Во четвртата минута од вториот дел Ајакс успеа да намали на -1 со гол на Класенс, но во 62. минута од пенал Кваратцхелија го врати водството од два гола за Наполи. Беше досуден пенал и за Ајакс, во 83. минута од белата точка намали Бергвајн и ги врати надежите на неговиот тим, но во 90. минута Осимен постигна гол за конечни 4-2. Ајакс со максимални 12 бодови на две кола пред крајот обезбеди осминафинале во Лигата на шампионите. Таму се пласира и Клуб Бриж кој одигра 0-0 на гостувањето кај Атлетико Мадрид. Белгискиот тим има десет бодови. Атлетико Мадрид има само четири бода, по три имаат Порто и Баер Леверкузен, но тие имаат и натпревар помалку, сега ќе го играат својот меѓусебен дуел.

Интересни осминафинални двојки и во Лига Европа: Наполи против Барселона, Севилја против Динамо Загреб

Тале Кристо — Mon, 13 Dec 2021 12:43:05 +0000

Денеска со жрепка во Нион (Швајцарија) се одредија плеј-оф паровите во нокаут-фазата на Лига Европа.. Дерби натпревар во плејофот во Европа лигата е дуелот меѓу Барселона и Наполи на нашиот фудбалски „дијамант“ Елиф Елмас. Првиот натпревар се игра на 17 февруари на „Камп Ноу“, седум дена подоцна се игра реваншот на „Диего Армандо Марадона“. Динамо Загреб на Аедми и Ристовски ќе играат со Севилја, додека Николов со Шериф за противник го доби тимот на Брага. Барселона – Наполи Севилја – Динамо Загреб Шериф Тираспол – Брага Аталанта – Олимпијакос РБ Лајпциг – Реал Сосиедад Зенит – Бетис Борусија Дортмунд – Ренџерс Порто – Лацио

Македонскиот тенисер Калин Ивановски се пласираше во осминафиналето на Винблдон

Тале Кристо — Thu, 08 Jul 2021 13:35:57 +0000

Младиот и талентиран македонски тенисер, Калин Ивановски го продолжи успешниот настап на јуниорскиот Винблдон. Ова откако Ивановску успеа да го совлада Литванецот Едас Бутвилас со 2:0 по сетови 7:6 и 7:6. Ивановски во осминафиналето ќе игра со подобриот од мечот на Бразилецот Жоао Виктор и домашниот тенисер Џак Џоунс.

Заврши групната фаза од шампионатот, познати се осминафиналните двојки на ЕП во фудбал

Бошко Тасиќ — Wed, 23 Jun 2021 21:45:49 +0000

Со денешните натпревари заврши групната фаза на Европското првенство ви фудбал каде се познати се сите осминафинални двојки на Европското првенство. Сабота 26 јуни Велс - Данска 18 часот Италија - Австрија 21 часот Недела 27 јуни Холандија - Чешка 18 часот Белгија - Португалија 21 часот Понеделник 28 јуни Хрватска - Шпанија 18 часот Франција - Швајцарја 21 часот Вторник 29 јуни Англија - Германија Шведска - Украина

Шведска и Шпанија изборија осминафинале

Тале Кристо — Wed, 23 Jun 2021 18:27:51 +0000

Репрезентациите на Шпанија и на Шведска ќе играат во осминафиналето на Европското првенство, додека Словачка и Полска се елиминирани по завршување на групната фаза. Ова е епилогот од Е-групата по завршувањето на натпреварите од 3. коло, одиграни вечерва во Севилја и Санкт Петербург. Шпанија пред своите навивачи ја декласира Словачка со 5:0, додека Шведска на руска територија ја совлада Полска со 3:2. Табела: Шведска 7 бодови, Шпанија 5, Словачка 3, Полска 1. Во осминафиналето Шпанија ќе се соочи со Хрватска на 28 јуни во Копенхаген, додека Шведска со третопласираната селекција од Б, Ц или Д групата.