основач – Kurir.mk

Основачот на „Бионтек“: Во овие земји вирусот ќе биде под контрола до крајот на летото

Ивона Петрова — Sun, 21 Mar 2021 10:01:03 +0000

Основачот на германската компанија „Бионтек“, Угур Сахин, кој ја разви вакцината против Ковид-19 со американската компанија „Фајзер“, вели дека вирусот ќе биде под контрола во повеќето европски земји и САД до крајот на летото. Тој смета дека овие проблеми се привремени, дека е можно да се вакцинираат 70 проценти од Германците до крајот на септември и дека вирусот тогаш веќе нема да претставува таков проблем. – Во многу европски земји и САД, повеќе нема да ни требаат општи затворања до крајот на летото, изјави Сахин за германскиот весник „Велт ам Зонтаг“. Тој вели дека ќе има епидемии на вируси, но дека ќе бидат „позадинска бучава“. – Ќе има мутации, но нема да не плашат, додава Сахин. Досега речиси девет проценти од населението во Германија примило барем една доза вакцина.

ТАЖНА ВЕСТ: Почина еден од основачите на навивачката група „Чкембари“

Тале Кристо — Thu, 21 Jan 2021 12:32:41 +0000

На 58-годишна возраст почина Вања Георгиевски, еден од основачите на битолската навивачка група „Чкембари“. Вања беше познат градски урбан лик кој кој неизмерно го сакаше Пелистер. Присутен на трибините беше секогаш и ги бодреше како Пелистер, така и македонската репрезентација. Од Георгиевски се простија и навивачите на Пелистер, Чкембари: „Почивај во мир ВАЊА ЛЕГЕНДО Анегдотите за тебе ќе се прераскажуваат, споменот твој ќе живее на нашата трибина. Вечно во срцата на твоите Чекмбари“, велат во својот последен поздрав од навивачката група „Чкембари“.

Основачот на „Лидл“ е најбогатиот Германец

Дарко Андоновски — Mon, 21 Sep 2020 09:10:07 +0000

Основачот на познатиот ланец супермаркети „Лидл“, Дитер Шварц е најбогатиот Германец. Ранг-листата на дневниот весник „Билд“ покажува дека овој 80-годишен основач на „Лидл“ и ланецот „Кауфланд“ има имот вреден 41,8 милијарди евра. На второ место е семејството Рајман, кое е сопственик на компаниите „Јакобс“ и „Коти“ со проценет имот вреден 21,45 милијарди евра, а на трето е семејството на Волфганг Порше, сопственик на автомобилските гиганти „Порше“ и „Фолксваген“, со имот вреден околу 20 милијарди евра. Вкупниот имот на 1.000 најбогати Германци, според „Билд“, во моментов достигнува вредност од 1,1 трилиона евра, што е за 0,76 проценти повеќе од минатата година. Весникот наведува и дека во Германија има 251 милијардер, што е за осум помалку од минатата година.