основен суд скопје 1 – Kurir.mk

Се дезинфицираат судниците и се прави нов распоред за седење на странките во Кривичниот суд

Ивона Петрова — Mon, 01 Jun 2020 08:08:17 +0000

Основниот кривичен суд Скопје информира дека започнува со интензивни подготовки на сите судници и простории во судската зграда и оти од среда, 3 јуни, доколку во меѓувреме не се добијат нови напатствија од Судскиот совет, ќе се постапува по сите насрочени судења согласно календарот за судење објавен на веб страната на судот. -Основниот кривичен суд Скопје ја информира јавноста дека по добивање на одлуката на Судскиот совет на Р.С.М. за судење на сите насрочени судења која беше објавена во петок 29 мај, попладне започнува со интензивни подготовки на сите судници и простории во судската зграда. Во текот на денешниот ден ќе се врши целосно дезинфицирање на судниците и нов распоред за седење на странките согласно препораките на Владата за заштита од ширење на вирусот КОВИД – 19, се вели во соопштението од Судот. Заради тоа, посочуваат оттаму, денеска и утре, 1-ви и 2 јуни, Судот ќе постапува само по итни – притворски предмети и предмети поврзани со член 205 – 206 од КЗ, како и во изминатите два месеца, а од среда, 3 јуни, доколку во меѓувреме не се добијат нови напатствија од Судскиот совет, ќе се постапува и по сите останати насроечни судења согласно календарот за судење објавен на веб страната на судот.

Основниот суд спротивно на препораките одржува рочишта како во обичен ден- Дали дел од истите е и Фатиме Фетаи која се вратила од Хрватска?

Дарко Андоновски — Mon, 30 Mar 2020 10:19:52 +0000

Очигледно за Основниот суд во Скопје не важат препораките донесени од владата уште пред неколку недели за претпазливост од ширење на опасниот корнавирус. Ова утро пред Основниот суд во Скопје глетката речиси фрапантна. Ниту се почитува растојанието од најмалку два метра, ниту се носат заштитни маски и ракавици, ниту се одложуваат судењата. Денеска инаку без никакво почитување на мерките и препораките трае судењето за Титаник. Инаку вчера Апелациониот суд одлучи јавните седници и расправи кои се закажани од 30 март до 30 април да бидат одложени. Освен ова на истите овие рочишта се појавува и поранешната обвинителка во СЈО Фатиме Фетаи која наместо да биде во изолација и да ги почитува препораките се појавува во судот. И покрај препораките на Владата да не се патува надвор од државата во услови на пандемија на Корона вирусот, Фатиме Фетаи учествувала на симпозиумот Crime Prevention through Criminal Law & Security Studies оддржан во Дубровник, Хрватска во периодот од 8 до 14 март 2020г. Дали Фатиме по враќањето во државата се пријавила на властите и согласно препораките е ставена во изолација. На ова реагираа и многу граѓани на социјалните мрежи кои прашуваат дали таа била во самоизолација во време на пандемијата која владее низ Европа и Светот?

Апелација попушти, другиот дел од Кацарска судството продолжува со судењата

Дали Кацарска судството конечно ја сфати сериозноста на коронавирусот и потребата од прекин на судењата поради здравјето на луѓето во Македонија? Денеска, поведени од небулозата на работа во вонредна состојба, прва непослушност кон наредбодавците од ек Бихаќка покажа Апелација. Од таму најавија дека е донесена одлука дека се одлагаат јавните седници и расправи пред Апелациониот суд Скопје, кои се закажани во периодот од 30 март до 30 април 2020 година. Во штурото соопштение на Апелационен суд Скопје, се вели и дека странките и јавноста дополнителнно ќе бидат известени за денот на одржување на одложените седници и расправи. Ќе повлечат ли од Апелација нога за освестување и на останатите судови? Факт е дека другите делови од популарно нареченото Кацарска судство, познати како бастиони на интересите на власта, се уште не попуштаат. Остануваат ли Основен и Кривичен суд доследни на барањата на партијата на власт, ризикувајќи го здравјето на службениците во судот, адвокатите, сведоците, обвинетите, судиите и обвинителите? Работатат е покомплексна што со ова се става во ризик и здавјето на нивните семејства и блиските. Во јавноста кружи информација, која се уште е на ниво на шпекулација, дека имаме и судија заболен од коронавирус. На прес-конференциите за ова новинарите го прашаа и министерот за здравство, Венко Филипче, но тој постојано дава негативен, иако малку и неопределен одговор на ова прашање. Шпекулација или не, веста е алармантна, но од друга страна и многу реална со оглед на ситуацијата и распространетоста на КОВИД-19 во Македонија. Факт е дека судиите и оние во судницата не се надлуѓе и уште помалку отпрони на коронавирус. Но судовите најбитни за пропагандата на СДСМ, кои се под најголемо влијание на т.н. Кацарска судство во склоп со Рускоска обвинителството, очигледно и натаму не попуштаат поради притисокот на власта и потребата да дадат свој придонес во кампањата на екс Бихаќка, која и онака нема на што друго да се темели, освен на наводни криминални реминисценции за претходната власт. Избори, кога и да бидат, ќе има. Непопуштајќи на реалната потреба за прекин на судењата во вонредна состојба и полицикси час во државата, Кацарска судството ризикува судниците и судовите да станат извор на зараза. Логичното прашање кое постојано се поставува е кој ќе је преземе одговорноста доколку се случи непосакуваното и судот стане извор на коронавирус во Македонија?

Драма во Основен Суд: На скопјанка ѝ биле упатени закани и кон неа агресивно се однесувале две лица

Катерина Бојаџиева — Thu, 07 Nov 2019 20:40:43 +0000

Во СВР Скопје, вчера во 14.00 часот, Ј.П. (37) од Скопје пријавила дека на 05.11.2019 околу 13.16 часот во просторија од Основен Суд Скопје 1, ѝ биле упатени закани и кон неа агресивно се однесувале О.Н. и И.Д.. Се преземаат мерки за расчистување на случајот.

Николоски: Тужбата на Вице Заев кон мене е нон-сенс и политички притисок врз ВМРО-ДПМНЕ

Дарко Андоновски — Wed, 16 Jan 2019 10:58:04 +0000

Вице Заев ме тужи за нарушена чест и углед, како што видовте внатре денеска тој не се појави на подготвителното рочиште и прати свој адвокат. Јас решив да се бранам сам затоа што сметам дека немам потреба од адвокати и правна помош затоа што тужбата е класичен „нон-сенс“ и е исклучително политички притисок, ова денеска пред Основниот суд Скопје 1 го истакна потпретседателот на ВМРО-ДПМНЕ Александар Николоски. -Вице Заев ме тужи за нарушен чест и углед затоа што сум кажал дека „про НАТО и про ЕУ вредности не се наместени тендери, бизниси за членови на фамилијата и братот на премиерот кој што станува главен бизнис фактор во државата“, во телефонско јавување во еден медиум и сум кажал дека „и во Брисел и во Вашингтон, тоа не се про Западни, про НАТО и про европски вредности“. Ова е причината зашто го малтретираме судот, зашто се трошат средства, зашто се одзема и вашето време и моето време, но очигледно пораката е друга, пораката на главниот бизнис фактор во државава е до сите бизнисмени во државава да размислат дека ако може главниот бизнис фактор во државава да го тужи потпретседателот на ВМРО-ДПМНЕ, вториот човек на опозицијата, што може да им се случи на нив, потенцираше Николоски. Тој додава дека верува во правниот систем на државата и на следното главно рочиште ќе ги видите и доказите кои што ги имам приложено и соодветно на тоа очекувам судот да го отфрли ова барање, односно да не ја прифати тужбата. -Во однос на притисоците од власта повикувам да престанат, ова е една лоша практика која не смее да продолжи да се случува. Сакам да ја потсетам јавноста дека поради ваквите чести случувања во координација и на власта и опозицијата пред неколку години се донесоа измени на законот за клевета, кој што ја опишува слободата на изразување во кој што јасно ставивме граници со цел за да вакви „нос-сенс и глупави“, нема друг збор пријави не се случуваат, но за жал од СДСМ решаваат тоа да не го почитуваат, додаде Николоски. Вели дека Вице Заев од неговата изјава чувствувал вознемиреност, главоболки, потење и црвенило на лицето. Следното рочиште е закажано за 26 февруари во 12:30 часот.

Лоцирана изборна корупција: Делење брашно, зејтин и други производи од страна на СДСМ во Струмица пред изборите во 2011 година

Матеја Петровски — Mon, 20 Aug 2018 10:21:54 +0000

Денеска во Основниот суд Скопје 1 продолжи пуштањето на креираните снимки од наводните телефонски разговори во предметот Титаник. Од страна на одбраната и обвинетите денеска во судот беше донесен вештак за аудио снимки и беше побарано да се добие увид во компјутерот во кој е ЦД-то се разговорите, но ова беше одбиено од страна на судот и обвинителството. Обвинителката на СЈО само кажа дека одбраната може да дојде во СЈО и да ги слуша снимките, иако одбраната не бараше такво нешто, бидејќи ги слуша и во судницата, туку увид во компјутерот и ЦД-то бидејќи според нив имаат основани сомненија за манипулации со овие креирани материјали. Со други зборови, ниту судот ниту од обвинителството не дозволуваат стручно лице на одбраната да ја погледне опремата и ЦД-то одблиску, што дополнително ги зголеми сомнежите кај одбраната. Претходно, минатата недела, судот направи еклатантно кршење на законот со тоа што одби да го задолжи СЈО да приложи докази дека копиите од материјалите се идентични на оригиналот. Одби да го задолжи СЈО да приложи и достави детален записник од примопредавањето на материјалите од СДСМ до СЈО. Од страна на судот беше одбиено и да се произнесе по законот за приватност, кој е сериозно прекршен бидејќи рокот за предавање на снимките СДСМ го пропуштил и ги предал со 20 дена задоцнување, што значи дека овие снимки најмалку заради ова не можат да бидат прифатени како докази. И како и во претходните денови повторно јавноста слушаше сосема нормални разговори од изборна кампања што ги водат сите активисти и луѓе инволвирани во избори од сите партии. Од разговорите станува јасно дека на изборите во 2011 на ВМРО-ДПМНЕ му станало јасно како СДСМ во Струмица ги поткупува гласовите во ромското маало кое таму се нарекува турско маало. Имено, во деновите на кампања, неколкуте прехранбени продавници во тоа маало се преполнувале со зејтин, брашно, шеќер и други производи, кои жителите по претходна најава доаѓале и си ги подигале стоките без да плаќаат знаејќи дека тоа е донација од СДСМ за да гласаат за нив. Имено СДСМ го сменило методот. Претходно носеле од врата на врата намирници со цел купување гласови, што е далеку поризично за нивните активисти, а веќе на овие избори започнале со нова метода во која во договор со сопственикот на продавницата, секој гласач доаѓа си зема од стоката и си заминува без да плаќа, а само се запишува неговото име во евиденција. И се навидум и гледано острана изгледа нормално: Луѓето влегуваат со празни раце во продавница, а излегуваат со полни раце наводно купена стока, која всушност не е купена туку доделена од СДСМ. Од тие причини Миле Јанакиески бара влез на инспекции во ваквите дуќани кои всушност се соработници на тежок криминал направен од СДСМ, и откако ќе се констатира дека имаат стока за купување гласови, привремено да се затворат и да де спречи поткупот на гласачите. И денеска како и претходно, во секој миг, судијата Осман Шабани не можеше да го прикрие негативниот став кон обвинетите и одбраната. Фарсата во разговорите од бомбите на СДСМ. Денес на рочиштето за предметот Титаник се слушнаа дупли телефонски разговори од Миле Јанакиески и Влатко Чингоски, но снимени во различен временски период иако станува збор за истиот разговор со иста содржина помеѓу двајцата соговорници. На претходните рочишта имаше и снимки од разговори кои се снимени во 24:56 часот, што е технички невозможно, но тоа што е поапсурдно е дека соговорниците помеѓу себе се поздравуваат со Добар ден, како и со најава дека ќе се слушнат повторно вечер во 22 часот! Судот одби техничкиот вештак на одбраната да има пристап до компакт дисковите на кои се снимени разговорите во Титаник и покрај тоа што има низа недоследности во временските записи кога се случиле разговорите.