основно училиште – Kurir.mk

Повторно оперирани двајца повредени од масакрот на Коста, еве каква им е состојбата

Ивона Петрова — Mon, 08 May 2023 16:52:36 +0000

Во Ургентниот центар во Белград денеска беа оперирани наставничката по историја и ученичка кои беа повредени во масакрот во средата на 3 мај во ОУ „Владислав Рибникар“. Наставничката Т.С. и една ученичка денеска повторно се оперирани во Ургентниот центар. Според извор запознаен со двете операции, двете интервенции поминале добро. Наставничката и ученичката сега се опоравуваат на интензивна нега. -Најважно е да се стабилни и се да помние во најдобар ред. Овие операции беа планирани, бидејќи и двете пациентки имаа неколку прострелни рани. Најпрво најважно беше да се санираат оние кои беа опасни по живот. Сега ги решаваме останатите. Наставничката имаше операција на дланката, додека лекарите кај девојчето ја оперираа раката бидејќи имаше неколку рани од куршуми. Од едната и извадија страно тело, открива извор запознаен со денешните операции. Во средата, на 3 мај, осомничениот ученик Коста К. (13) дошол во ОУ „Владислав Рибникар“ вооружен со два пиштоли испукал 57 куршуми. Во ранецот имал и четири молотови коктели.

„Сите сме неми од шок, неопислива тага е во семејството“, исповед на роднина на училишниот чувар Драган

Ивона Петрова — Fri, 05 May 2023 19:04:50 +0000

Во масовното пукање во основното училиште „Владислав Рибникар“ загинаа осум деца, како и еден чувар, а ранети се шест ученици и еден наставник по историја. Прв на метата на 13 годишниот Коста К. бил обезбедувачот Драган Влаховиќ, човек кој цела институција го обожувала. Братучед на убиениот Драган за Телеграф.рс раскажа колку човечка големина бил тој. Според него, тој бил извонреден човек, вистински добар човек. - Не сакам да претерувам нешто, но навистина е така - ја започнува својата исповед и наведува дека Драган е разведен и дека зад себе не оставил потомци. - Немаше деца, разведен беше. Неговите родители се живи, поради се минуваат низ агонија... Има и две сестри, едната е докторка - рече тој и додаде дека сите се без зборови од шок и не можат да разберат што се случило. Во семејството на чуварот владее неопислива тага. -Не знаеме кога ќе биде погребот, сите се изгубени, вели братучедот на Драган.

Одреден 30 дневен притвор за таткото на Коста

Ивона Петрова — Fri, 05 May 2023 17:19:29 +0000

Вишиот суд во Белград му одреди притвор до 30 дена на таткото В.К.(47), чиј син К.К. во основното училиште Владислав Рибникар уби девет и рани седум лица. В.К е осомничен за кривично дело Тешки дела против општото обезбедување од чл.288 ст.2 во врска со чл.278 ст.1 од Кривичниот законик. Притворот му е одреден поради постоење особени околности кои укажуваат дека може за краток временски период да го повтори кривичното дело, како и поради тоа што кривичното дело кое му се става на товар е казниво со затворска казна над десет години, а начинот на извршувањето и сериозноста на последиците од кривичното дело ја вознемируваат јавноста, што може да го загрози непреченото и правично водење на кривичната постапка. На денешното сослушување осомничениот негираше дека го сторил делото и детално ја изнесел својата одбрана.

Таткото на Коста негирал дека сторил кривично дело, еве каде се наоѓал сефот со оружјето

Ивона Петрова — Fri, 05 May 2023 16:30:07 +0000

Во Вишото јавно обвинителство во Белград денеска беше сослушан Владимир К. (47) поради постоење основи на сомнение дека сторил кривично дело Тешки дела против општото обезбедување од чл.288 ст.2 во врска со чл.278 ст.1 од Кривичниот законик. -Се сомнева дека Владимир К. во претходниот период го тренирал неговиот 13-годишен син К.К. да ракува со огнено оружје и муниција, со тоа што го носел во стрелачки клуб за да вежбаат гаѓање цел со огнено оружје, и покрај тоа што детето има 13 години и таквата активност и обука е очигледно несоодветна за неговата возраст. Исто така, Владимир К. се сомничи дека постапил спротивно на одредбите од член 32 став 1 од Законот за оружје и муниција и член 2 став 1 од Правилникот за просторни технички услови за безбедно чување оружје и муниција, бидејќи не обезбедил услови за безбедно сместување и складирање на оружје и муниција за да не може да дојде во сопственост на неовластени лица, односно да се заклучи и одделно да се одвои во сефови, каси или слични ормари кои не можат лесно да се отворат. Се сомничи дека од неговите дејствија на 03.05.2023 година неговиот син К.К успеал да добие пиштол „ЦЗ сенка“ калибар 9х19мм и пиштол „Ругер МК“ калибар 22 мм ЛР, за што осомничениот Владимир К. располага со дозволи од надлежен орган, кој бил во неправилно обезбеден метален сеф во плакарот лоциран во ходникот на станот. Детето со себе однело оружје и муниција во основното училиште „Владимир Рибникар“ во Белград, каде испукал голем број истрели и усмртил еден чувар и осум ученици, додека тешко ранил шест ученици и еден наставник. На рочиштето осомничениот негираше дека го сторил делото и детално ја изнесе својата одбрана. Обвинителството ќе му предложи на судијата за претходна постапка на Вишиот суд во Белград на осомничениот да му одреди притвор за да не влијае врз сведоците, за да не го повтори кривичното дело за краток временски период и поради јавна вознемиреност, се вели во соопштението на Вишото јавно обвинителство. К.К. не одговара кривично според важечките прописи, бидејќи не наполнил 14 години. Истиот е сместен на опсервација во соодветна психијатриска установа за деца и младинци.

Две повредени деца од училиштето се уште критични, повеќе тешко ранети во Младеновац

Ивона Петрова — Fri, 05 May 2023 13:10:59 +0000

Српската министерка за здравство Даница Грујичиќ ја соопшти состојбата на повредените во пукањето во ОУ „Владислав Рибникар“ во Врачар и Младеновац, при што потенцираше дека неколку пациенти се во критична состојба, јави дописникот на МИА од Белград. Што се однесува до ранетите во училиштето, двете момчиња кои се лекуваа во Тиршова денеска се пуштени дома, но девојчето со повреди на главата се уште е критично. Три деца и наставничката се уште се во Ургентниот центар, момчето и девојчето, како и наставничката се добро, додека другото момче е многу сериозно и има тешки оштетувања на 'рбетниот мозок. Кога станува збор за ранетите во пукањето во Младеновац, сите повреди се предизвикани од огнено оружје, а 13 повредени се хоспитализирани. Како што рече Грујичиќ, М.М. има површна рана на градниот кош, но нема повреди на внатрешните органи на абдоменот, стабилен е и опериран. -Девојчето Н.Н.(2006) има прострелна рана во главата и мочниот меур, оперирано е, изваден е хематом од десната страна на челото, а пред операцијата не можела да гледа во левото око каде се забил куршум и ја чека уште една интервенција. М.А. е најтешко повредена, има две прострелни рани, извадени се бубрегот, дуоденумот и дел од дебелото црево, повредите на екстремитетите се третирани површно, а доколку се стабилизира, следува ортопедска интервенција, рече министерката. И.И. околу 20 години, има повреда на ногата, на операција е и во состојба на хеморагичен шок, анестезиолозите ја надоместиле изгубената крв, решена е фрактура на десната бутна коска, подлактица и надколеница, му се вршат ортопедски интервенции. -В.Н.(2003) десната горна нога и препоните се без оштетување на крвните садови, по стабилизирање на состојбата ја чекаат дополнителни ортопедски интервенции. С.Ј.(1972) има повреда на градниот кош, извршена е операција, стабилна е, има фрактура на прв лумбален пршлен и засега нема знаци на поместување на нозете, може да биде минливо. Острелна рана на долниот дел на карлицата на М.П.(1969) е оперирана и тој е на интензивна нега, оперирана и П.М. со повреда на глутеалната регија, рече Грујичиќ. Во болницата „Драгиша Мишовиќ“ има двајца пациенти, М.П. (1997) со отсранет бубрег, има повреди на крвните садови, операцијата е завршена и И.М. (2003) со деструкција на коската на десната бутина, без знаци на оштетување на нервите и крвните садови, стабилна е. Во болницата во Смедерево имало тројца пациенти, од кои еден (Р.Ј., роден 2002 година) поради компликации на повреди на градниот кош бил префрлен во Ургентниот центар и е префрлен во стабилна состојба.

Исповед на момче кое било на списокот на Коста, открива што им кажал на последниот тренинг

Ивона Петрова — Thu, 04 May 2023 20:58:51 +0000

Кога Коста пукал, неговото лице покажувало дека е лут и бесен. Прво пукал кон наставничката, а потоа се свртел и почнал да пука кон учениците. Ова го изјавило момче кое било директен сведок на масакрот и чие име го имало на списокот на Коста. Момчето детално раскажало што се случило кобното утро. - Коста беше во дворот, чекаше да заѕвони и потоа влезе во училиштето. Бев во училницата и кога заврши лекцијата влезе Коста. Погледот му беше фиксиран, а неговото лице покажуваше дека е бесен и лут. Прво ја застрела наставничката по историја. Кога таа падна, Коста по случаен избор продолжи да пука кон нас. Сите почнаа да врескаат, некои паднаа на подот додека други скокнаа низ прозорецот. Некои истрчаа од училницата додека Коста ја менуваше рамката на пиштолот, објаснува вознемиреното момче кое инаку му било другар на Коста. Според неговите зборови, сите пријатели на Коста се на списокот што е пронајден. - Сите му беа најдобри пријатели. Не разбирам зошто се налути - додава момчето. Посочува и дека Коста никогаш не добил единица од Иисторијата. - Не е точно дека имал единица историја. Дури и беше ослободен од тој предмет до крајот на годината, поради успехот што го постигна на натпревари - изјави момчето. Потсетувајќи се на последните денови пред масакрот, момчето вели дека со Коста бил на кошаркарски тренинг. -Кога заврши тренингот рече дека тоа му е последен тренинг и дека нема да се врати. Сите мислевме дека се шегува... - вели момчето.

Сведоштво на докторот кој прв влегол во училницата: Не можев да и кажам на мојата пријателка дека детето и е убиено

Ивона Петрова — Thu, 04 May 2023 20:51:14 +0000

Докторот Александар Стијачиќ од Заводот за итна медицинска помош прв по пријавувањето на масакрот влегол во основното училиште „Владислав Рибникар“, а потоа и во училницата каде Коста К. усмрти дел од соучениците. Стијачиќ истакнува дека вакво нешто не видел во кариерата и дека тој и неговите колеги направиле се за да ги спасат ранетите деца. Како што вели, за жал на нивните соученици, веднаш по влегувањето во училница можел само да констатира смрт. - Кога влеговме внатре, тоа беше нешто што не сум го видел досега, работам овде 30 години и сум видел секакви убиства, несреќи, но ова е нешто што остава впечаток, не само на мене туку на сите што беа таму- вели д-р Стијачиќ. Докторот додава и дека му пришла пријателка пред училиштето и го прашала дали го видел нејзиното дете.Како што вели, меѓу жртвите било и нејзиното дете, но немал сила да и каже. - Ми пријде другарка, чие дете беше внатре, го познавам и детето и неа. Знаев дека детето е мртво, не можев да и кажам, реков - оди во училишниот двор и види што се случува. Не смеев да и кажам, жената ќе умреше, објаснува Стијачиќ.

Полициска инспекторка открива нови детали од распитот: Коста имаше апсолутно отсуство на емпатија

Ивона Петрова — Thu, 04 May 2023 17:32:39 +0000

Бојана Отовиќ Пјановиќ од српското Министерството за внатрешни работи која долги години работи со малолетници вели дека присуствувала во училиштето, но и додека се вршеле разговори со Коста К. кој усмрти 9 лица, а рани седум. -Личниот впечаток е дека тој имаше апсолутно отсуство на емпатија. Искрено кажано, сите бевме повознемирени отколку што беше тој. Сè уште сум во шок и под општ впечаток. Цело време разменуваме искуства за тоа што можело да се направи без да се осудиме себеси и нашите постапки. Сепак, семејството потфрлило, тоа е мое мислење, невозможно е тој на бирото да има скица, а да не се види. Како да има плач за внимание, на детето му треба вниманието на родителите, изјави таа во гостувањето на „Белградска хроника“ на РТС. Драган Вулевиќ, специјалист за социјално право посочи дека се работи за структурно нарушување на однесувањето и личноста од непозната етиологија и би било добро да се утврди причината за ваквиот недостиг на емпатија.

Трогателни сцени: Татко ги презеде ранецот и тетратка на убиената ќерка, па залепи умреница на вратата од училиштето

Ивона Петрова — Thu, 04 May 2023 17:00:50 +0000

Поранешниот одбојкар Драган Кобиљски денеска го презеде ранецот и тетратката на 14-годишната ќерка Е.К., која беше убиена во пукањето во ОУ „Владислав Рибникар“ во Белград. Како што јавуваат српските медиуми, таткото потоа залепил умреница на вратата од училиштето. Претходно, тој и неговата сопруга дојдоа пред училиштето каде бројни граѓани палеа свеќи и оставаа цвеќе во спомен на жртвите.

Зборовите на оваа мајка одекнуваат: Ми беше дома, мојата ќерка му беше на списокот, тој е зло

Ивона Петрова — Thu, 04 May 2023 13:56:50 +0000

Граѓани, но и основци и средношколци облечени во црно се собираат пред училиштето „Владислав Рибникар“ за да им оддадат почит на загинатите во страшниот масакр кој бвчера се случи во Белград. Една мајка, видно потресена, викаше дека Коста е зло. -Го познавав дечкото, тој беше кај мене дома, тргнете ги тие лаги, родителите разговараа со него, не беше малтретиран - рекла мајката. - Не играше игри, не беше малтретиран, девојките беа заљубени во него. Тој беше разгалено, монструозно дете - рекла жената. Таа со солзи изјави дека нејзината ќерка била на неговиот список. Со солзи бараше да се отстрани транспарентот пред училиштето на кој пишува дека треба да се разговара со децата, бидејќи како што рече тоа не е вистина. – Воопшто не го жалам, нагласи таа.