особини – Kurir.mk

Од мудрите луѓе можеме да научиме колку се важни ОВИЕ особини

Ивана Ефремовски — Wed, 23 Nov 2022 07:15:34 +0000

Кои особини го красат мудриот човек? 1. Мудриот човек неуспесите не ги доживува како целосна загуба. Ги користи како искуства од кои ќе научи нешто ново, дури и да е грешка што самиот ја направил. 2. Мудриот човек ќе молчи и повеќе ќе слуша отколку што ќе зборува. Таквите луѓе се свесни за својата мудрост и немаат потреба да ја докажуваат, како што тоа го прават помалку мудрите луѓе. 3. Мудриот човек секогаш работи и создава во тишина. Не ги открива своите планови, бидејќи знае дека тоа може да предизвика љубомора, завист и оспорување. 4. Мудриот човек е лукав, во позитивна смисла. Секогаш знае да ги искористи околностите во кои се наоѓа и да ги сврти во своја полза. 5. Мудрите луѓе се обидуваат да го искористат својот максимален потенцијал дури и кога станува збор за помалку напорна задача. 6. Мудриот човек секогаш ќе ги ислуша туѓите мислења и нема да го наметнува своето. Сепак, тој не потпаѓа лесно под ничие внимание. Нема да зборува доколку не го прашаат за совет. 7. Иако изгледа дека е врзан за минатото, мудриот човек секогаш гледа во иднината. Минатото го чува само како богатство на знаење и искуство.

ОВИЕ три особини кај мажите се најпривлечни за жените

Ивана Ефремовски — Tue, 20 Sep 2022 18:54:05 +0000

Низа истражувања покажуваат детали за односите меѓу мажите и жените. Нивните интереси, желби... Така, споредувајќи резултати од неколку истражувања, докажано е кои се особините кои жените ги сметаат за најпривлечни кај мажите Интересно е тоа што парите и изгледот воопшто не биле на листата. 1. Љубезност Љубезноста е една од најпосакуваните карактеристики поради која личноста изгледа дури и попривлечно. 2. Интелигенција Постојат очигледни причини поради кои некој ја вреднува интелигенцијата кај партнерот, па дури и од перспектива на преживување личноста со супериорна интелигенција веројатно ќе ги надвладее најголемите закани и предизвици. 3. Здравје Како што покажало истражувањето, оние кои видливо го одржуваат доброто здравје обично се сметаат за поатрактивни. Авторите на студијата ова го препишуваат на еволуциските корени. Отсекогаш сме водени од тоа да ги пренесеме здравите гени на идните генерации.

6 особини на глупавите луѓе: Многу е лесно да се препознаат

Магдалена Андонова — Tue, 18 Aug 2020 09:53:15 +0000

Глупавоста е како заразна болест, рекол Шекспир одамна. А како да препознаете глупав човек? Како да го одбегнете дружењето со тие луѓе, а да не ги навредите? Ова се шесте особини на глупавите луѓе… 1. Глупавите луѓе зборуваат само за себе Секоја комуникација подразбира интеракција помеѓу две или повеќе лица. Ако не можете да дојдете до збор од соговорникот, тогаш знајте дека си имате работа со глупав човек. Тука не зборуваме за нарцисоидна личност, бидејќи станува збор за човек кој не може да разбере колку е важно да се слуша соговорникот. 2. Глупавите луѓе се глуви (метафорички) Замислете си двајца луѓе како седат во ресторан со тивка музика. Има многу малку гости, но ресторанот полека се полни. Жената му раскажува на соговорникот детали од својот приватен живот. Не размислува за тоа кој ја слуша и дали некому му пречи нејзината гласна приказна. Како што одминува времето, ресторанот се полни, музиката станува погласна, но и тонот на жената која зборува за својот развод. Во тој момент, целиот ресторан јасно го слуша нејзиниот разговор од збор до збор. Таа личност е глува за опкружувањето, само зборува за тоа што неа ја интересира моментално, не обрнувајќи внимание кој ја слуша. 3. Глупавите луѓе не се грижат за потребите на соговорникот Можеби му е здодевно? Можеби е уморен? Можеби едноставно не му се слуша таа тема? Тоа не го интересира глупавиот човек. Тој зборува за себе и за своите проблеми, игнорирајќи ги потребите на соговорникот. Таквата личност е како дете кое се вмешува во разговорот на неговата мајка и очајна бара внимание, говорејќи: „мамо, мамо!“ 4. Глупавите луѓе од сè се плашат „Не сакам да одам таму, ќе се заразам. Не сакам да дадам отказ – ќе трпам. Имам болка во градите, можеби е срцев удар…“ Глупаво е да дозволите ваквите стравови да ви го организираат животот. Ризикот речиси секогаш е богато награден. 5. Глупавите луѓе никогаш не го менуваат мислењето Тоа е врвот на глупавоста. Да се остане ист. Да не се менуваш. На пример, погледнете само како се променила науката со текот на времето. Глупаво е и понатаму да тврдите дека Земјата е рамна плоча кога докажано е спротивното. Кога личноста не е флексибилна, кога верува во едно нешто, слепо одбива да го сослуша туѓото мислење, тоа непогрешливо води кон Алцхајмерова болест, според речиси сите истражувања. Меѓутоа, секогаш постои надеж дека таа личност ќе се опамети со текот на времето. 6. Глупавите луѓе ги гледаат работите црно-бело Ништо не може да биде црно-бело. Постои цел спектар на сиви бои што го сочинуваат животот. Доколку наидете на некој проблем, не комплицирајте, само добро размислете – можеби навистина ќе дојдете до паметен заклучок на крајот.

10 клучни особини кај жените кои сите мажи ги сакаат

Катерина Бојаџиева — Sun, 17 Feb 2019 10:35:42 +0000

Секој маж е поинаков и кај жените бара различни работи, но еве десет клучни особини кои сите мажи ги сакаат. Самодоверба Привлечноста на жената и сигурноста во нејзиниот изглед е она што му се допаѓа речиси на секој маж. На тој начин покрај себе може да има дама која знае да се носи со него и не бара постојана потврда од другите луѓе. Смисла за хумор Никој не сака да биде со личност која е секогаш сериозна и е негативно расположена. Момците сакаат девојки кои знаат да се насмеат на нивните шеги и кои самите умеат да кажат нешто смешно. Добро негувана Никој не вели дека изгледот не е важен, впрочем тоа е она што ги привлекува мажите на самиот почеток. Најмногу ги пали добро негувана жена со здраво тело која внимава на себе. Независност Жената чие однесување сугерира дека во иднина ќе се потпре исклучиво на својот маж не е многу атрактивна. Мажите сакаат внимание и грижа, но во исто време им треба и нивен простор. Разбирање Точно е дека спротивностите се привлекуваат, припадниците на посилниот пол се во потрага по жена која ќе ги почитува нивните уверувања и ќе ги дели нивните интереси. Искреност и верност Не е потребно посебно да се истакнува дека секој партнер и сопруг сака жена која ќе му биде верна и нема да го лаже. Тој едноставно мора да биде сигурен дека таа нема да флертува наоколу секој пат кога тој нема да биде во нејзина близина. Зрелост Детскиот говор може да биде интересен извесно време, но повеќето мажи ќе бараат жени кои се зрели и знаат смислено да разговараат. Кој сака да биде со личност која разговара само за облека и шминка? Исто, жените кои премногу пцујат, не се многу привлечни, особено не на мажи кои не сакаат вулгарности. Лежерност Девојката која може да ја одведат кај своите родители и со која што можат добро да се забавуваат на било кое место, онаа со која може да се релаксираат и која не се плаши дека ќе ја уништи својата шминка – тоа е девојката со која би отишле на крајот од светот. Грижа и внимание Мажот се чувствува добро кога знае дека неговата девојка или жена му посветува внимание, забележува мали нешта и се грижи за неговите потреби. Од друга страна мразат кога жената ги уценува со недостаток на внимание со цел да оствари некоја своја желба или пак да ги казни за некое однесување. Поддршка Тој сака некоја која ќе го ислуша и нема да го исмее или пак да го потцени, некој кој ќе биде на негова страна, ќе му даде објективен совет и ќе му помогне да изгледа добро пред другите луѓе.

Женски особини кои не ги сака ниту еден маж

Ристе Здравков — Wed, 13 Feb 2019 20:40:29 +0000

Нељубезноста, грубоста, несоодветно однесување се дел од машките особини кои се одбивни за жените. Но, истото важи и за мажите. Во анкета спроведена меѓу мажи на возраст од 25 години до 45 години, припадниците на посилниот пол одвоија три женски особини кои не им се допаѓаат. 1. Материјализам За многу жени финансиската сигурност претставува важен фактор кога одбираат партнер. Не треба некое посебно истражување, иако е направено, за да покаже дека материјално обезбедените и стабилни мажи им се многу попривлечни на жените од останатите. Без разлика дали спаѓате во оваа група на жени или не, отворено покажување на важноста на парите на почетокот од врската и во текот на запознавањето на мажите воопшто не им е привлечно. Ако барате скапи подароци и отворено покажувате дека ви се важни неговите финансиски гестови, треба да знаете дека во машката глава тоа изгледа многу лошо. 2. Грубост и нељубезност Жените не се единствените кои забележуваат како нивниот партнер се однесува кон другите луѓе, на пример кон келнерките или продавачите. Грубоста и негативноста воопшто не се привлечни особини и тоа останува како впечаток и кај мажите. Агресивното однесување на жените кон друга личност воопшто не е привлечно, исто како и нељубезноста и покажувањето на отворено непријателство кон некого. 3. Трачеви за туѓи животи На мажот на кој му се допаѓате сака да знае сè за вас, но не го интересираат животите на вашите другарки или колешки. Понекоја смешна ситуација или шега одвреме-навреме може да си раскажете, но ако секој збор буквално е посветен на туѓите животни, односно сте опседнати со озборување тогаш имате особина која ниту еден маж не ја сака.

Најлошите особини на современите мажи

Ивана Ефремовски — Thu, 20 Dec 2018 13:28:46 +0000

Новото време носи поинаков начин на размислување, на облекување, на однесување, со еден збор – нов начин на живот. Некои промени се особено забележливи кај посилниот пол, а врз основа на женското размислување се издвојуваат најлошите особини на денешниот маж.

1. Недоследност Во сè. Ветувања, комуникација, размислување, постапки… 2. Недоволна комуникација и внимание Ова се однесува на мажите кои не исчезнуваат целосно, но и не се секогаш присутни. Прво забележувате дека меѓу вас има хемија, се смеете и зборувате за сè и сешто, а потоа тој со денови не се јавува. И тогаш, одеднаш ви праќа порака: Каде си, душо? 3. Скржавост Ако жената прифати да не плати ништо на првите два состанока, тоа не значи дека бара „спонзор“, туку тоа е општоприфатено правило што сите господа треба да го следат ако сакаат да се претстават себе си во убаво светло. Затоа, ако немате „подлабок џеб“, може да се оди на кафе или на прошетка, каде што не ќе мора да се бара и од неа да плаќа. 4. Изговорот „Не сум подготвен за врска“ Нема никаков проблем ако мажот тоа го каже на почетокот… Но, ако повеќе од еден месец редовно се гледа со неа, се чувствуваат и се однесуваат како да се во врска, а потоа тој го каже тоа повторно, тоа е себично и ниту една жена нема да го прифати. Доколку тој по еден месец смета дека не се еден за друг, тоа треба да се каже искрено и отворено. (МИА)

Жени, овие 7 ваши особини им се посебно секси на мажите

Катерина Бојаџиева — Thu, 29 Nov 2018 13:39:13 +0000

Откако ќе ги воочат физичките атрибути мажите почнуваат да ги забележуваат и карактерните особини нај жената. Како што покажаа бројните истражувања, мажите сакаат убава насмевка, заводлив поглед, но и паметна девојка. Еве кои особини им се секси на мажите: НАСМЕВКА - Бројни истражувања покажале дека на мажите многу им е привлечна женската насмевка. Сметаат дека со тоа жената покажува дека е отворена, весела и неоптеретена. Насмевката е секогаш секси! ЗНАЕ ДА СЛУША – Жена која внимателно го слуша својот соговорник е повеќе од привлечна. Едно австралиско истражување покажало дека многу мажи всушност тоа го забележуваат кај една жена. СМИСЛА ЗА ХУМОР – Сите ние обожаваме кога некој ќе не насмее и орасположи. Затоа на мажите им се привлечни жени кои имаат смисла за хумор. Таквите жени знаат да ги опуштат и насмеат мажите, а тоа е предуслов за секси расположение. ШЕГА НА СВОЈА СМЕТКА – Припадниците на посилниот пол сметаат дека нема ништо полошо од жена која не знае да се шегува на своја сметка и кога се’ сфаќа лично. Кога жената се шегува на сметка на себеси, покажува дека не е критички настроена, ни спрема себе, а ни спрема машкиот род. ПОГЛЕД – Многу мажи сметаат дека жената најдобро заведува со поглед. Некои мажи повеќе сакаат таинствен женски поглед, други пак ги привлекува повеќе срамежлив поглед. Тоа е движење кое не може да се одглуми , и најпривлечен е оној поглед кој ја одразува вистинската личност на жената. ПАМЕТ – Мажите крај себе сакаат паметна жена. Иако сите не се согласуваат, сепак и паметот е секси особина. Тоа е она што и овозможува на жената да биде интересна, интригантна, релевантна соговорничка, но и интересна во креветот. ПРИСТОЈНО ОДНЕСУВАЊЕ – Жената не мора да биде светица, но мора пристојно да се однесува. На мажите не им се привлечни жени кои се прегласни или наметливи.

Овие женски особини ги привлекуваат мажите повеќе од изгледот

Ристе Здравков — Sun, 22 Apr 2018 12:33:39 +0000

Ако мислевте дека морате да имате совршено лице или тело за да им привлечете внимание на мажите – се лажете. Повеќето од нив сметаат дека жените со малку понезабележлива шминка се многу попривлечни и дека во нивното друштво се чувствуваат попријатно. Откријте кои особини ги ценат мажите кај поубавата половина и кои се поважни од физичкиот изглед. Необична смисла за хумор Мажите сакаат жени со кои можат да се смејат. А колку понеобична и „повалкана“ смисла за хумор имаат, толку подобро. При тоа не мора да има сексуална алузија, но пожелно е да биде по малку итра. Мажите ги сакаат вашите недостатоци Можеби не ги сакате вашите раце, носот, устата. Но токму поради тие посебни обележја сте му се допаднале и ве сака. Не се обидувајте да го скриете она што мислите дека не е добро бидејќи можеби токму тие работи го привлекле. Жени што се благи и грижливи Некои жени можеби немаат совршена фигура или црти на лицето, но се сочувствителни и грижливи. Со таа особина ќе направат мажот да се чувствува гордо и сакано, а тие всушност поради тоа за возврат ги обожаваат.