осомничен – Kurir.mk

Приведен осомничен во врска со убиството во кафе бар „Албум Шиша“

Катерина Бојаџиева — Tue, 08 Aug 2023 15:46:25 +0000

Денеска (08.08.2023) во Скопје, на подрачје на Гази Баба, полициски службеници од СВР Скопје во содејство со САЕ „Тигар“ и Секторот за меѓународна полициска соработка- Отсек потраги извршија претрес на дом и го приведоа Г.М. (31) од Скопје, кој бил баран со потерница од надлежното обвинителство во врска со убиството во кафе бар „Албум Шиша“ во Скопје на 06.03.2023. Г.М. е задржан во полициска станица и против него до ОЈО Скопје е поднесена кривична пријава по брза постапка за извршенo кривичнo делo „помагање" по чл. 24 од КЗ во врска со кривично дело „убиство“ по член 123 од КЗ, извршени на ден 06.03.2023. ГМ. е предаден на ОЈО за натамошна постапка.

Покрената истрага против осомничениот за убиството на тројца Курди во Париз

Тале Кристо — Mon, 26 Dec 2022 14:03:34 +0000

Француското обвинителство покрена формална истрага против осомничениот за убиството на тројца Курди во Париз. Покренувањето формална истрага значи дека постојат сериозни или конзистентни докази кои укажуваат на вмешаност на осомничениот во кривично дело, пренесува Ројтерс. Обвинителството во соопштението наведува дека мотивот за нападот најверојатно бил од расистичка природа, додека претставниците на Курдите бараат нападот да се прогласи за терористички чин. Тие повикаа и на мирен протест попладнево на местото на убиствата. Мажот (69), чие име не го соопшти полицијата, беше уапсен во петокот откако двајца мажи и една жена беа застрелани во курдски културен центар и блиско курдско кафуле во прометниот централен 10-ти кварт во Париз.

Турција: Уапсен уште еден осомничен за нападот во Истанбул

Тале Кристо — Thu, 17 Nov 2022 07:20:18 +0000

Турските безбедносни сили во Сирија лишија од слобода уште еден осомничен за терористичкиот напад во Истанбул, при што беа убиени шест лица, јави турскиот телевизиски канал „А Хабер“. Според турскиот претседател Реџеп Тајип Ердоган, ситуацијата во Истанбул се вратила во нормала по нападот. „Уште еден терорист, кој помогнал да се изврши нападот, е фатен во Азаз, на северниот дел од Сирија“, се наведува во извештајот на турските безбедносни сили. Претходно, турските власти соопштија дека се уапсени неколку десетици осомничени, како и Сиријка, која се сомничи дека ја поставила бомбата. Во експлозијата што се случи во неделата во центарот на Истанбул загинаа шестмина, а 81 лице се здобија со повреди.

Уапсен уште еден осомничен за убиството на холандскиот новинар Де Врис

Тале Кристо — Wed, 27 Jul 2022 13:58:36 +0000

Уапсен е уште едно осомничено лице за убиството на холандскиот репортер Питер Р. де Врис, со што вкупниот број на осомничени се зголеми на шест, се наведува во соопштението на холандското обвинителство. Британските медиуми наведуваат дека полицијата и обвинителството веруваат дека уапсениот бил дел од криминална организација која извршувала убиства за пари. Осомничениот (27) е уапсен во градот Хелмонд, но неговото име не се соопштува. Обвинителите соопштија дека веруваат дека неговата вмешаност во убиството на Де Вриј е „индиректна“. Британските медиуми потсетуваат дека Де Врис, славна личност чие доследно известување помогнало да се решат големите национални и меѓународни криминални случаи, бил застрелан во 2021 година, на фрекфентна улица во Амстердам, што предизвика национален излив на тага. Државното обвинителство сè уште истражува и за други инволвирани во убиството, вклучувајќи го и нарачателот или нарачателите. Пресудата на судењето на двајцата уапсени непосредно по убиството беше одложена на 11 јули, откако судиите наредија повторно отворање на случајот по апсењето на дополнителните осомничени. На 4 јули полицијата уапси еден Полјак за кој се верува дека помогнал во организирањето на убиството во Холандија, а еден ден подоцна и еден осомничен во Шпанија, како и уште еден на карипскиот остров Курасао. Сите шестмина осомничени се во притвор, а обвинителите побараа доживотни затворски казни за едниот за кој се смета дека е егзекуторот и за вториот кој го возел.

Нови детали за пукањето во Илинос, САД: Осомничениот испукал 70 куршуми кон учесниците на парадата

Тале Кристо — Tue, 05 Jul 2022 18:50:37 +0000

Осомничениот за вооружен напад за време на парадата на Денот на независноста на 4 јули во близина на Чикаго испукал „повеќе од 70 куршуми“, изјави денеска претставник на локалната полиција, пренесува Си-Ен-Ен. Осомничениот, идентификуван како Роберт Е. Кримо III, легално ја купил пушката од која беше пукано на вчерашната парада во северното предградие на Чикаго. Полицијата соопшти дека тој поседувал друга пушка, која била пронајдена кога полицијата го запрела во возилото. Во неговата куќа биле пронајдени неколку оружја. Претставник на полицијата изјави дека „според сите индиции“ Кримо сам го извршил нападот. Тој додаде дека полицијата верува дека Кримо го планирал нападот неколку недели однапред. Полицијата се уште не го утврдила мотивот за нападот.

Во Холандија уапсено едно лице, осомничен за убиството на новинарот Де Врис

Тале Кристо — Mon, 04 Jul 2022 14:16:09 +0000

Холандските власти денеска уапсија 27-годишен полски државјанин, осомничен дека го организирал убиството на познатиот новинар Питер де Врис, речиси точно една година по вооружениот напад врз него. Уапсеното лице, чиј идентитет не е соопштен, е осомничено дека „ги наредил оние што го убиле Де Врис“, соопшти холандското обвинителство. Тие не соопштуваат други детали, но нагласија дека ја продолжуваат истрагата за да откријат кој го нарачал убиството и мотивот. За убиството на Де Врис им се суди на 21-годишниот Холанѓанец Делан Г. и на полскиот државјанин Камил Е., а нивните пресуди судот треба да ги изрече на 14 јули. Обвинителите побараа доживотна казна затвор за двајцата. На 6 јули 2021 година, Де Врис беше застрелан од непосредна близина во центарот на Амстердам, им подлегна на повредите девет дена подоцна, на 64-годишна возраст.

Притвор за осомничен за полов напад врз сопствената малолетна сестра

Тале Кристо — Fri, 28 Jan 2022 09:17:07 +0000

Основното јавно обвинителство Кавадарци донесе Наредба за спроведување истражна постапка против 19-годишен жител на селото Дреново, осомничен дека сторил кривично дело – Полов напад врз дете кое не наполнило 14 години. Осомничениот искористил момент додека бил сам во домот со неговата 11-годишна сестра, па врз неа извршил други полови дејствија. Јавниот обвинител до судијата на претходна постапка при Основниот суд во Кавадарци достави предлог за опртеделување мерка притвор за осомниченото лице. Судијата го прифати предлогот и со Решение на осомничениот му определи мерка притвор во траење од 30 дена.

Приведено лице од радовишко, осомничено за подметнување пожар

Тале Кристо — Fri, 06 Aug 2021 15:38:27 +0000

Министерството за внатрешни работи соопшти дека во врска со настанатите пожари во с.Погулево и Дамјан, од страна на полициски службеници од Одделението за внатрешни работи Радовиш од слобода е лишен И.О. од с.Тополница. Тој откако ги забележал полициските службеници се обидел да избега, но бил фатен, приведен и се работи на расчистување на случајот. Инаку, на подрачјето на ОВР Радовиш на неколку метри оддалеченост имаше три пожари, од кои тој во с.Погулево е изгаснат, кај с.Парналија и Супурге е локализиран, а на влезот од с.Дамјан се преземаат мерки за негово гасење, стои во соопштението.

Кариерата му заврши неславно, кој е Рашковски – од арогантен политичар до осомничен?

Тале Кристо — Sat, 17 Apr 2021 18:45:09 +0000

Кој е Драги Рашковски, чие име деновиве ја бранува македонската јавност по скандалозната набавка на софтвер со огромна сума на државни пари за Министерството за внатрешни работи за кој што ниту имале, ниту пак знаеле за таквата набавка. Од доцент на Првниот факултет Јустинијан Први со три магистратури и еден докторат како што стои во неговата биографија, на првата владина седница на 5 јуни 2017 година од страна на премиерот Зоран Заев е именуван за генерален секретар на Владата на Република Македонија. Но, би рекле неславно бидејќи функцијата ја извршува со низа скандалозни изјави и афери. Па така хронолошки гледано од изјавите на народот му треба добар ќотек да го ишамара за да се свести каде е, Италијаците се ебивете народ, Малтежерите се преваранти, арогантен однос кон новинарите со закани за тужби до нив, порталите и политичките партии, отидов на одмор со семејството во Мексико оти е многу евтино па се до видео снимка објавена во италијанскиот весник „Ла Верита“ На 2 јуни 2019 година италјанскиот „Ла Верита“ објави транскрипти од аудиоснимка за наводно договарање тендер во М-НАВ за наводно договарање тендер во М-НАВ во кој пишуваше дека е вмешан генералниот секретар на Владата Драги Рашковски, со текстот „Скандал во Скопје, Тендер за ‘Леонардо’, Цигани како нас“. Имено, станува збор за италијанската фирма Леонардо за набавка на систем за управување со воздушниот простор во вредност од 7 милиони евра, иако важноста на тендерската документација била истечена, со што постоеја сериозни индиции дека Рашковски од позиција на генерален секретар сторил кривично дело злоупотреба на службената положба и овластување, а му се закануваше затворска казна од најмалку 5 години. Но, иако од страна на Јавното обвинителство се прибираа информации за истрагата, се уште нема никаква правна разрешница и по речиси три две години. Потоа, Рашковски се поврзуваше и со уште еден крупен скандал за склучување на јавно приватно партнерство од страна на владата на СДСМ за хеликоптери со фирмата Сархемс ДООЕЛ која патем била стара само 24 дена од објавување на повикот за ова финансиски неисплатливо и неисплатливо јавно приватно партнерство кое државата ќе ја чинеше 72 милиони евра. Како што информираа дел од медиумите, еден од членовите на комисијата во извештајот навел дека од компанијата Сархемс не ги доставиле сите потребни документи во предвидените рокови, односно и потврдата дека со правосилна пресуда не му е изречена прекршочна санкција – забрана за вршење дејност и управување – е доставен по предвидениот датум од 10.10.2019 година. Извештајот кој го потпишал токму Раковски како генерален секретар а кој бил и усвоен од влада се многу законски пропусти и прекршувања во целата постапка со која Сархемс и владата станаа партнери во бизнисот со хеликоптери кој со вложени 10.000 евра ќе днесе ќар од над 70.000.000 евра. Но, ниту овој скандал од страна на Рашковски и власта не беше во интерес на истрага од страна на правосудните органи за прогон. Понатаму, Рашковски се поврзува и со контроверзниот црногорски бизнисмен Миодраг Давидовиќ Дака, кој пак еден ден по изборите преку гласање на советот на општина Тетово за ДУП-от на Шик ЈЕЛАК добива зделка за изградба на 230.000 квадратни метри на станови и деловни објекти, афера тешка 200 милиони евра. Во аудиоснимките кои протекоа во јавноста се слушаше разговор каде Ги знам тие ваши трикови. Јас вас ви дадов 300.000 евра и 2.000 квадрати, работата не е завршена, што сакате уште. Јас тебе те исплатив и со тебе немам ништо“ – му вели Давидовиќ-Дака на Кичееч кој е осуден за случајот Рекет, на што Милески одговорил дека има работа сега со Рашковски. Но, ни како првите две афери, ниту аферата за Шик ЈЕЛАК Јавното обвинителство остана глуво на овие информации, кое притоа може да отвори случај по допрен глас. Последен скандал поврзан со Рашковски е токму набавката за софтвер за потребите на Министерството за внатрешни работи во вредност од 810.000 евра, иако ниту имало потреба, ниту знаело за ваква набавка, ниту пак го користеле овој софтвер. Ниту за овој случај Јавното обвинителство немаше да покрене истрага, ако не беа реакциите од страна на јавноста по фејсбук статусот на техничкиот министер Наќе Чулев кој напиша дека не му е јасно како Рашковски набавил софтвер, а Министерството за внатрешни работи не знаело за тоа. „Во периодот додека ја извршував функцијата министер за внатрешни работи во ниту еден момент не бев информиран дека Генералниот секретеријат на Владата извршил набавка на софтвер за детектирање на сообраќајни прекршоци, ниту пак е побарано од МВР спецификација за набавка на ваков софтвер, проблематика која е единствено во делокругот на надлежности на МВР, а не на други институции. Никаков софтвер не е примен во МВР во периодот додека бев министер. Уште повеќе, никогаш на Влада или на било каква владина работна група не е дискутирано или имало било каква координација за законски промени со цел примена на наведениот софтвер. Ниту тогашниот премиер, ниту генералниот секретар или било кој друг не ме информирале дека ваков софтвер е набавен“, тврди Чулев. Актуелниот секретар во кабинетот на премиерот Зоран Заев набавката ја склучил со странска фирма додека во МВР се случува надградба на системот за мониторинг на град Скопје “Сејф сити”. „360 Степени“ објави дека набавките на Рашковски никогаш не можеле да бидат инкорпорирани во системот на МВР. За ова има најава дека како случај ќе биде разгледан и од Државната комисија за спречување на корупција. Софтверот вредел околу 80.000 евра, бил набавен, но осум месеци не е пуштен во функција. „Не ми е јасно зошто Генералниот секретеријат спровел набавка на вакво софтверско решение, со оглед дека Министерството за внатрешни работи, раководено од тогашниот министер, Оливер Спасовски, во истиот период спроведува постапка за набавка на хардверско и софтверско надградување на проектот "Безбеден град", кое вклучува и софтвер за сообраќајни прекршоци, посебно ако се има предвид дека производителот и одржувач на "Безбеден град" со кој МВР има склучен договор, не дозволува инкорпорирање на надворешни софтверски решенија“, тврди Чулев. Но, ОЈО по низа скандали конечно реши да отвори истрага за ваквата спорна набавка на софтвер на МВР, а тој од Мексико кој патем со семејство сакал да се одмори зошто било многу евтино, изјави дека единствен исправен начин за дознавање на вистината е преку институциите. -Единствен исправен начин за дознавање на вистината е преку институциите. Така што, треба да ги оставиме институциите да си ја вршат надлежноста, кратко изјави Рашковски. Инаку, Рашковски по поднесената оставка од генерален секретар на владата минатата година, остана во влада како секретар за мониторинг и поддршка на институциите при реализација на програмата за работа на Владата. Но, скандалите не завршуваат тука, па со скандалите за можна злоупотреба на службената положба и овластувања, претседателката на Државната комисија за спречување на корупција Билјана Ивановска, во интервју во емисијата „Што не е јасно на ТВ Алфа посочи дека антикорупциската комисија отворила предмет за Рашковски за имотната состојба, бидејќи целиот имот со кој располагал Рашковски не бил пријавен во неговиот анкетен лист, откако АЛСА М објави дека Рашковски ќе има нов проект, овој пат изградба на хациенда од 800 квадрати во Побожје, а како инвеститор се наведуваат неговите деца. А медиумите објавувија дека Рашковски вози скап луксузен џип кој ист така не фигурирал во неговиот анкетен лист, а неговата вредност е 74.000 евра, со што отвори големи сомнежи и нејаснотии како и кога Рашковски успеал да се стекне со олку имот. Но, ништо не трае вечно. Па така “крајот“ на Рашковски доаѓа откако вчера одекна веста дека е спроведен на распит во ЈО, а по неколку часовниот распит, медиумите известија дека истиот добил 30дневен куќен притвор. Премиерот Заев и по ваквата одлука од страна ЈО продолжува да го брани Рашковски, но нејасно е зошто. Па оттука се наметнува прашањето дали можеби и тој бил вмешан во криминалните дејанија на Рашковски и дали ЈО ќе го повика Заев на распит, со оглед дека провладините медиуми при изборот на Рашковски за генерален секретар пишуваа дека тој важеше за човек од доверба на премиерот Зоран Заев, а пријателството меѓу нив било долги години наназад, како и тоа дека многу често можеа да се видат во заедничко друштво или како возат мотори.

Македонски државјанин осомничен за убиство на две жени во Тирана

Тале Кристо — Thu, 31 Dec 2020 12:16:52 +0000

Македонски државјанин е осомничен дека претпладево околу 10:20 часот во нивниот дом во Тирана смртно ги застрелал Кристина Барди, со која живеел во вонбрачна заедница, и нејзината сестра Жанета Метани. Двојното убиство, според полицијата. се случило во домот во кој живееле во населбата „Астир“ во Тирана. На местото на настанот беше директорот на полицијата на Трана, Ребени Јаупи, кој соопшти дека е издадена потерница и апелраше до секој кој има каква било информација да и ја пренесе на полицијата. – Сторителот на двојното убиство е Перпарим Адеми (59) од Северна Македонија. Тој испукал повеќе куршуми од автоматско оружје, кое го оставил на самото место на настанот и се дал во бегство. Ангажирани се големи полициски сили за негово пронаоѓање. Објавивме и негова фотографија и апелирам до секој кој може да помогне во негово пронаоѓање, апелираше Јаупи. Тој додаде дека пред неколку години Перпарим го сменил презимите од Тела во Адеми. – Перпарим Адеми го сменил презимето кое до тогаш го имал односно Тела. Убиството го извршил пред очите на децата на една од сестрите. Првичниот мотив е дека до немилиот настан дошло поради кавга со една од сестрите околу продолжувањето на вобрачната заедница, рече Јаупи. Тој посочи дека се известени сите полициски станици во земјата, а остварен е контакт и со македонските колеги.