осомничено лице – Kurir.mk

ВИДЕО: Осомничениот на у*иството на семејството Ѓокиќ присуствувал на нивниот погреб

Ивона Петрова — Fri, 22 Oct 2021 11:36:28 +0000

Српските медиуми јавуваат дека убиецот на тричленото семејство Ѓокиќ присуствувал на нивниот погреб. Полицијата неодамна го приведе Горан Џониќ кој е осомничен дека го извршил убиството над Горан, Гордана и нивната ќерка Лидија по кои полицијата трагаше една недела. Се уште не е познато како успеал да ги намами во пустата улица, но она што го изјавија тамошни власти и според медиумските пишувања, осомничениот некое време го планирал убиството и се подготвувал за истото. Претходно однел канти во бензин и ја ископал дупката во која по убиството ги фрлил телата. Имено, осомничениот маж му е братучед на убиениот Горан и според пишувањата на медиумите, двајцата биле во добри односи и немале никакви проблеми. Дел од медиумите објавуваат дека осомничениот присуствувал на погребот на членовите на семејството Ѓокиќ и одблизу го гледал спуштањето на нивните ковчези. Она што полицијата досега го открила, а што е познато, е дека во дворот на осомничениот пронајдени се закопани 43.000 евра. Дополнително светло кон него фрлил и фактот дека само неколку дена по убиството тој вратил долг во висина од 8.000 евра. При приведувањето, осомничениот Горан се бранел обвинувајќи го синот за убиството. Рекол дека не бил тој виновен туку неговиот син. Полицијата го проверува и дворот од имотот на повозрасниот син на осомничениот кој пак е припадник на српската војска. Со полициска придружба во полициски станица била однесена и сопругата на осомничениот за убиството.

Лице од Шипковица на разговор во полиција за пожарот на влезот од селото

Тале Кристо — Wed, 11 Aug 2021 10:44:55 +0000

Во врска со пожарот кај влезот во тетовското село Шипковица, пријавен вчера во 19.40 часот во Полициското одделение Попова Шапка, полициски службеници го затекнале Н.Б.(58) од Шипковица, кој во дворот на угостителски објект што граничи со шумата, запалил смет и други отпадни работи. – Пожарот бил изгаснат, а повредени лица нема. Во кооординација со Јавен обвинител со него е извршен службен разговор, а по целосно расчистување и документирање на случајот ќе следува соодветен поднесок, соопштија денеска од МВР.

НОВИ ДЕТАЛИ: Во тек потрага по избеганото лице од пред Кривичен суд

Ивона Петрова — Thu, 22 Apr 2021 08:50:15 +0000

Од Министерството за правда за Курир потврдија дека утринава од пред Кривичниот суд на затворската полиција и избегало лице кое било спроведено до судот за одржување судски процес. -Се работи за лице кое е осомничено за криумчарење на мигранти и кое од притвор било спроведено до судот. Затворската полиција и екипи од МВР во моментов трагаат по лицето, имаат сознанија за неговата локација. Наскоро се очекува негово приведување, истакнаа од Министерството за правда за Курир. Како што претходно објави Курир, осомниченото лице утринава откако било спроведено, избегало од затворската полиција најверојатно искористувајќи ја гужвата пред Судот.

Предложени мерки на претпазливост за лице осомничено за измами при купопродажба на станови

Тале Кристо — Fri, 16 Apr 2021 11:41:54 +0000

Основното јавно обвинителство Скопје денеска оиведе постапка против едно лице за продолжено кривично дело – Измама од член 247 став 3 во врска со став 1 во врска со член 45 од Кривичниот законик. Во периодот од мај 2020 година до март 2021 година, осомничениот во повеќе наврати, искористувајќи ист траен однос и исти прилики, довел и држел во заблуда најмалку седум оштетени граѓани. Со намера за себе да прибави противправна имотна корист, тој како агент во својата агенција за недвижности лажно им прикажувал факти на оштетените дека е овластен од различни сопственици да ги продава нивните станови на други лица. Откако ќе ги огласел становите, ги покажувал пред потенцијалните купувачи, договарал продажба и наплаќал средства на име капар, но потоа не доаѓало до склучување купопродажен договор, а уплатените средства не ги враќал. Осомничениот, по наредба на јавен обвинител беше лишен од слобода и за него ќе биде поднесен Предлог за определување мерки на претпазливост – обврска повремено да се јавува кај определено службено лице во Судот, привремено одземање на патната исправа и забрана за издавање нова, како и забрана за преземање определени работни активности. Постапката против осомничениот е во тек, се испитуваат лица и се обезбедуваат и други докази.

Едно лице осомничено дека неовластено држело поголемо количество муниција

Дарко Андоновски — Fri, 10 May 2019 16:19:24 +0000

Основното јавно обвинителство Гостивар донесе Наредба за спроведување истражна постапка против едно лице за кое постои основано сомнение дека сторило кривично дело – Неовластено изработување, држење, посредување и тргување со оружје или распрскувачки материи. – На 9 мај 2019 година на магистралниот пат Кичево-Гостивар, при претрес на возило во кое осомничениот 24-годишен жител на Скопје се превезувал како сопатник, биле пронајдени вкупно 612 куршуми муниција за пиштоли со различен калибар. Муницијата била пронајдена во џебовите на осомничениот и под седиштето во автомобилот, соопштија од Обивинителството. Наведоа дека, ценејќи дека се исполнети законските основи, надлежниот јавен обвинител до судијата на претходна постапка при Основниот суд во Гостивар доставил предлог за определување мерка притвор за осомниченото лице.