остров Крит – Kurir.mk

На грчкиот остров Крит пристигнаа околу 60 бегалци и мигранти

Дарко Андоновски — Mon, 07 Sep 2020 07:55:54 +0000

На грчкиот остров Крит, синоќа беа пренесени околу 60 бегалци и мигранти, меѓу кои и деца, откако чамецот со кој пристигнаа со помош на реморкер беше извлечен до пристаништето во Палеохора во југозападниот дел на островот, објавија грчките медиуми, јави дописничката на МИА од Атина. Според истите информации, чамецот бил забележан во морскиот дел во близина на Крит, интервенирала крајбрежната служба, а синоќа сите бегалци и мигранти од пристаништето, со автобуси биле пренесени во просториите на затворен базен, каде што ќе се спроведе процесот на нивна идентификација, врз основа на протоколите за заштита од коронавирусот.

Експлозија во брод на пристаништето во Ираклио на грчкиот остров Крит, повредени четири лица

Магдалена Андонова — Mon, 24 Aug 2020 09:20:07 +0000

Четири лица, членови на екипажот се повредени во експлозијата што рано утрово се случила во патнички брод закотвен на пристаништето во Ираклио на грчкиот остров Крит, јави дописничката на МИА од Атина. Според грчките медиуми, експлозијата не била од голeми размери, повредените лица се членови на екипажот, сите се пренесени во болница, а еден од нив е во сериозна состојба. Патничкиот брод сообраќал на линијата Атина- Крит, утрово стигнал на островот од атинското пристаниште Пиреас, а експлозијата се случила откако патnиците веќе го напуштиле бродот. Надлежниот на крајбрежната служба во Ираклио Ефтимис Дувис, за грчката новинска агенција АНА-МПА вели дека експлозијата била во просторот каде што се моторите. Tочните причини се утврдуваат, но дека првичните процени се дека пукнала пумпа. (МИА)

Уапсени две лица за намерно подметнување пожар на грчкиот остров Крит

Катерина Бојаџиева — Mon, 05 Aug 2019 13:47:35 +0000

Под обвинение дека намерно подметнале пожар со палење сува трева, на грчкиот остров Крит беа уапсени две лица на 37 и 16-годишна возраст, соопштуваат од Противпожарната служба на Грција, jави дописничката на МИА од Атина. Истражни службеници на Управата за противпожарна служба на префектурата Ираклио на грчкиот остров Крит, вчера ги уапсиле двете лица под сомнение дека се виновни за вчерашниот пожар.