Спасувачка акција во близина на грчкиот остров Родос, спасени 29 лица

Ивана Ефремовски — Wed, 10 Aug 2022 07:02:39 +0000

Од рано утрово во тек е спасувачка акција во морскиот дел јужно од грчкиот остров Родос за пронаоѓање на бегалци и мигранти, а веќе се спасени 29 лица од околу 80 кои се пренесувале во чамецот што се нашол во тешка положба, јави дописничката на МИА од Атина. Од крајбрежната служба на Грција соопштија дека утрово биле информирани дека чамец со странски државјани е во тешка положба, по што веднаш започнала акцијата во која учествуваат два чамци за спасување на крајбрежната служба, еден брод на воената морнарица, три брода што се во близина, како и хеликоптер Супер пума. Досега, спасени се 29 лица, додека според она што тие го кажале, во чамецот имало околу 80 бегалци и мигранти. Спасувачката акција е на 38 наутички милји јужно од Родос во меѓународните води и во рамките на делот во кој Грција е одговорна за потрага и спасување. Од првиот момент бил информиран министерот за поморство на Грција Јанис Плакиотакис, кој дал наредба веднаш да се мобилизираат сите средства за спасување на лицата. (МИА)

Загина едно лице во потонат чамец во близина на грчкиот остров Родос

Магдалена Андонова — Mon, 23 Nov 2020 12:38:10 +0000

Во близина на крајбрежјето во северозападниот дел на грчкиот остров Родос, потонал чамец во кој се превезувале околу 14 лица, веројатно мигранти, а еден маж го загуби животот, јави дописничката на МИА од Атина. Според грчката крајбрежна служба, 13 лица од чамецот успеале сами да стигнат до брегот и се во добра здравствена состојба, додека пак спасувачките екипи го извлекле безживотното тело на еден маж. Според спасените, во чамецот имало вкупно 14 лица, но патролните бродови од крајбрежната служба продолжуваат со спасувачката акција, во случај да има и други починати или исчезнати од потонатиот чамец. (МИА)

остров родос – Kurir.mk

Спасувачка акција во близина на грчкиот остров Родос, спасени 29 лица

Загина едно лице во потонат чамец во близина на грчкиот остров Родос