остров – Kurir.mk

НА ОВОЈ ХРВАТСКИ ОСТРОВ ИМА САМО ТРИ КУЌИ – доколку сакате да го видите вистинскиот рај на земјата, време е за местото од спотовите на Оливер Драгојевиќ (ФОТО)

Дарко Андоновски — Fri, 14 Jul 2023 08:47:15 +0000

Островот Губеша што се наоѓа во заливот Градина кај хрватскиот остров Корчула, е идеално место за бегство од секојдневието. Римјаните во антиката изградиле луксузна вила во рустикален стил на островчето. Денеска се видливи темелите на ѕидовите, остатоци од складиштето за вода и ќерамика. Има и делови од системот за греење и од мозаик-подови. Римјаните тука саделе маслинки и бројни лековити растенија. Должината на крајбрежјето е 392 метри, а копното се издига на 10 метри од морето. Поради својата убавина, островот послужил и како инспирација за спотови на Оливер Драгојевиќ, Мери Цетиниќ и други познати хрватски музичари. Доколку се решите за го посетите ова привлечно место, треба да се знае оти нема организиран превоз. Имено, овде има само три рибарско-селски куќи, од кои две може да се изнајмат.

Остров со облик на морско коњче кај Дубаи продаден за 30 милиони евра

Ивана Ефремовски — Wed, 26 Apr 2023 07:23:02 +0000

Песокот на островот Џумеира Беј во Дубаи, се чини, се брои во милиони евра... На теренот нема вили со поглед на океанот, ниту барови, дури ни камионче за сладолед. Тоа е „само“ празна песочна плажа со површина од околу 2.000 квадратни метри... Но, еден човек сепак плати 125 милиони дирхами, или 30 милиони евра за неа. Оваа парцела е всушност дел од вештачкото островче во облик на морско коњче, оддалечен од копното на градот, но достапен преку мост. Ендрју Камингс, раководител на агенцијата за недвижности „Најт Френк“ во Дубаи, изјави дека со продажбава е урнат рекордот. - Тоа се 125 милиони (дирхами) за песок... Досега во медиумите се споменуваше продажба на спектакуларни вили и неверојатни пентхауси, но ова е навистина голем рекорд за парцела, вели тој. Камингс објасни дека имало само 128 парцели за продажба на островот Џумеира Беј, а сите биле распродадени пред повеќе години. Купувачот кој сакаше да остане анонимен, му донесе на продавачот добивка од 88,5 милиони дирхами, т.е. околу 21 милион евра. Имено, претходниот сопственик за истиот простор пред две години платил 36,5 милиони дирхами (девет милиони евра), но вредноста на песокот во меѓувреме се зголемила. Новиот сопственик, кој не живее во Обединетите Арапски Емирати, наводно планира изградба на семејна викендичка. (МИА)

Земјотрес со јачина од 4,5 степени го погоди грчкиот остров Евија

Тале Кристо — Sat, 22 Apr 2023 10:09:07 +0000

Земјотрес со јачина од 4,5 степени беше регистриран претпладнево на грчкиот остров Евија според официјалните податоци од Геодинамичкиот институт на Националната опсерваторија, јави дописничката на МИА од Атина. Засега нема информации за повредени или материјална штета, а земјотресот во југоисточниот дел на Евија беше почувствуван и во Атина.

Силен земјотрес го погоди филипинскиот остров Минданао

Тале Кристо — Thu, 29 Dec 2022 14:22:40 +0000

Земјотрес со интензитет од 5,5 степени според Рихтеровата скала го погоди денеска филипинскиот остров Минданао, соопшти Европскиот медитерански сеизмолошки центар. Земјотресот се случил на длабочина од 130 километри и на оддалеченост од 67 километри од градот Мати. Засега нема податоци за повредени или причинета материјална штета.

Голем шумски пожар на грчкиот остров Тасос, евакуирано едно село

Ивона Петрова — Thu, 11 Aug 2022 06:51:20 +0000

Голем шумски пожар во источниот дел на грчкиот остров Тасос е активен од синоќа, а утрово, превентивно е евакуирано приморското село Кинира , јави дописничката на МИА од Атина. Пожарот е во планински непрооден дел, интервенираат 102 пожарникари со пет пешадиски тима и 33 возила, шест авиони и шест хеликоптери од кои еден е за координација, а помагаат и пожарникари волонтери, армијата, како и цистерни и возила од општините. Поголемиот дел од пожарникарите на островот пристигнаа од северна Грција. Преку бројот 112 за итни случаи беше испратена порака до жителите и оние кои се наоѓаат во селото Кинира, превентивно да се евакуираат кон Лименарија.

По речиси 50-годишен спор Канада и Данска поделија мал арктички остров

Магдалена Андонова — Tue, 14 Jun 2022 15:33:39 +0000

Данска и Канада ќе го поделат на еднакви делови малиот ненаселен остров на Арктикот, познат како Ханс Ајленд, со што ќе се стави крај на речиси 50-годишниот спор околу сопственоста на оваа територија, соопшти денеска данското Министерство за надворешни работи. Канада и Данска ќе го поделат островот од 1,2 квадратни километри, што се наоѓа на исто растојание меѓу Гренланд и канадскиот остров Елзмирн, на два речиси идентични делови по природниот расцеп, пренесуваат британските медиуми. Се наведува дека договорот официјално ќе го потпишат министрите на двете земји по одобрувањето од парламентот. Се додава дека станува збор за главно симболичен дипломатски чин, со цел да се избегнат тензиите на далечниот север. Некои сметаат дека тоа е знак за приближување на арктичките НАТО држави, бидејќи конфликтот во Украина предизвика загриженост за безбедноста по децении мир во регионот. Британските медиуми наведуваат дека двете членки на НАТО се во бенигна кавга околу Ханс Ајленд уште од 1971 година. Се наведува дека ниту една земја не знаела за претензиите врз островот на другата страна сè до билатералниот состанок во 1971 година на кој се разговарало за територијалните граници. Од 1980-тите, официјални лица, научници и војници од Данска и Канада го посетуваат островот, наизменично го отстрануваат знамето на друга земја и го креваат своето. Се посочува дека двете земји во 2018 година одлучиле да формираат заедничка работна група за решавање на спорот, со цел да ја прекинат својата децениска политика на „договарања да не се договорат“. Островот го добил името по гренландскиот истражувач Ханс Хендрик, кој учествувал во првата експедиција на островот во 1853 година, а на гренландски е Тартупалук, што значи „во форма на бубрег“. Дури станала и традиција посетителите да оставаат шише канадско виски или данска ракија за нивните ривали да ги најдат при нивната следна посета, пишуваат медиумите. Британските медиуми потсетуваат дека Кралството Данска управува со Гренланд како автономна територија, на која и отстапи одредени области како надворешната и безбедносната политика. (МИА)

Беснеат пожари на островот Сазан, има опасност од експлозии на муниција

Ивона Петрова — Mon, 06 Jun 2022 05:43:49 +0000

Пожари со часови беснеат на албанскиот остров Сазан, поранешна воен база, каде постои опасност од екслозија на муниција што се наоѓа во поранешно депо. Во гаснењето, освен пожарникарски единици, вклучена е и армијата, но поради високите температури и ветерот гаснењето од копно е невозможно, па се бара гаснење и од воздух. „На терен се 61 војник кои заедно со другите структури се обидуваат да ги неутрализираат пламените јазици. Теренот, високите температури и ветерот го отежнуваат тоа. Опасност е и недемонтираната муниција“, соопшти министерството за одбрана. Претседателот Илир Мета реагираше во врска со состојбата со пожарите во земјата посебно на островот Сазан, каде може да дојде до катастрофа со несакани последици. Тој побара “целосна ангажираност на структурите на локално и централно ниво за брза локализација и што поитно гаснење на пожарите за да се спречи трагедија на животната средина што се случи минатата година кога во земјата беснееја пожари од север до југ”. Островот Сазан е најголемиот остров во Албанија и стратешки сместен меѓу Отрантската врата и влезот во Валонскиот Залив формирајќи ја границата меѓу Јадранско и Јонско Море. Од воена база во комунизмот сега е туристичка атракција.

ФОТО: Хрватски остров се продава за 700.000 евра

Ивона Петрова — Fri, 20 May 2022 06:59:21 +0000

Малиот приватен јадрански остров Мали Космач во Хрватска, во подрачјето Сплит-Далмација, се продава за 700.000 евра, според агенцијата за недвижности цена што може да достигне и до еден милион евра, објави загрепската телевизија Н1. Островот има површина од 5.000 квадратни метри и е во сопственост на жител на градот Винишче. Понуден е на пазарот во 2016 година. Но, продажбата е отежната поради тоа што на островот не е дозволена градба, како и тешкиот пристап до него поради острите карпи коишто го опкружуваат. Погоден е главно за земјоделство, според условите во областа. Хрватска има 1244 острови и помали островчиња, од кои 66 се населени. Повеќе од 80 отсто од островите се во државна сопственост, а останатите се во приватна сопственост.

ЦДЦ со предупредување: Избегнете патување на овој остров со „многу висок“ ризик во Индискиот Океан

Магдалена Андонова — Tue, 22 Mar 2022 11:42:22 +0000

Aмериканскиот Центар за контрола и превенција на болести во понеделникот додаде уште една дестинација во категоријата високо ризични места за патување - и повторно е место коа се наоѓа на Индискиот океан. На нивото 4 се искачи Мадагаскар. Југоисточниот дел на Африка е познат по уникатниот див свет, вклучувајќи лемури и поради тоа што е четврти по големина остров во свет. Минатата недела, многу помалата островска држава Маурициус во Индискиот Океан беше единствената дестинација додадена на Ниво 4. Таа остана на ниво 4 и оваа недела. ЦДЦ поставува дестинација на ризик „Ниво 4: Ковид-19 многу висок ризик“ кога се регистрирани повеќе од 500 случаи на 100.000 жители во изминатите 28 дена. Мадагаскар престојуваше на „Ниво 3: Висок ковид-19 ризик“ минатата недела. Повеќе од 120 дестинации во светот моментално се наоѓаат на Ниво 4. Како што бројот на места со „многу голем ризик“ опаѓа откако достигна околу 140 во Февруари, се уште постојат места на Ниво 4 повеќе отколку во другите категории. Да резимираме - новот дополнување на Ниво 4 на 21 март е Мадагаскар. Советите на ЦДЦ се да се избегнуваат патувања на државите кои се наоѓаат на Ниво 4. Праговите за ЦДЦ за известувања за здравствени патувања се засноваат првенствено на бројот на случаи на Ковид-19 во дестинација. ЦДЦ не ги вклучува Соединетите Држави во својата листа на совети, но тие беа шифрирани во боја на Ниво 4 на 21 март на картата на агенцијата за нивоа на ризик од патување. Туристичките фаворити заглавени на Ниво 4 се Аруба, Бразил, Канада, Египет, Франција, Грција, Перу и Шпанија. Обединетото Кралство е таму од јули 2021 година. Можете да ги видите нивоата на ризик на ЦДЦ за која било глобална дестинација на страницата со препораки за патување. Во поширокото патничко упатство, ЦДЦ препорача да се избегнуваат сите меѓународни патувања додека не бидете целосно вакцинирани.

ВИДЕО: Украинските војници кои беа стационирани на островот Змеини и кои доброволно се предадоа ќе бидат вратени дома

Тале Кристо — Sat, 26 Feb 2022 12:52:33 +0000

82-ца Украински војници кои беа стационирани на островот Змеини, пристигнаа во градот Севастопол откако доброволно се предадоа. По кратки правни процедури, војниците на Украинската армија ќе бидат пратени дома кај нивните фамилии – изјави министерството за одбрана на Руската федерација Овие војници беа стационирани на островот Змеини и имаше известувања дека откако одбиле да се предадат, руската морнарица ги убила.