осудени лица – Kurir.mk

Осуденици влегле во канцеларија во затвореното одделение во „Идризово“, оштетен дел од инвентарот

Ивона Петрова — Fri, 31 Mar 2023 16:24:13 +0000

Нов инцидент регистриран во затворот „Идризово“. Тројца осудени лица влегле во канцеларија во зградата на затвореното одделение во установата каде имало вработени. -На 30.03.2023 во 15.17 часот во СВР Скопје од КПУ Затвор Идризово било пријавено дека околу 14.30 часот во канцеларија во зградата на затвореното одделение во установата, во која имало вработени лица, влегле осудениците Р.К(34), Н.З.(31) и Б.З.(32) и еден од нив оштетил дел од инвентарот, велат од МВР за Курир. За случајот е запознат Јавен обвинител и се работи на негово расчистување.

Намален бројот на осудени и обвинети лица

Ивона Петрова — Wed, 29 Jul 2020 10:59:15 +0000

Бројот на пријавени полнолетни лица – познати сторители во 2019 година, во споредба со 2018 година, е зголемен за 5,6 проценти, додека бројот на осудените полнолетни лица е намален за 19.8 проценти, а бројот на обвинетите лица е, исто така, намален за 21.4 проценти, покажуваат податоците на Државниот завод за статистика. Бројот, пак, на пријавени деца во судир со законот – сторители на кривични дела, во 2019 година, во споредба со 2018 година, е намален за 5.2 отсто. – Во 2019 година, во споредба со 2018 година, бројот на осудените деца во судир со законот – сторители на кривични дела е намален за 7,9 проценти, покажуваат податоците од Државниот завод за статистика.

Претседателот на Алжир помилува околу 3.500 осуденици

Ивона Петрова — Wed, 05 Feb 2020 06:53:00 +0000

Алжирскиот претседател Абделмаџид Тебун потпиша указ за помилување за речиси 3.500 осудени лица, но мерката не важи за оние уапсени и поврзани со протестно движење кое веќе една година демонстрира против властите. Тебун одлучи да ја помилува првата група од 3,471 осудени лица, на кои им остануваат шест месеци затвор, соопшти кабинетот на алжирскиот претседател, додавајќи дека ќе биде помилувана и втора група осуденици. Уредбата не важи за оние уапсени за дела поврзани со протестно движење кај луѓето познати како „Хирак“. Националниот комитет за ослободување на затворениците соопшти дека мерката не важи за уапсените Хирак, бидејќи за повеќето од нив судските предмети се во тек. Повеќе од 140 демонстранти во моментов се наоѓаат во привремен притвор додека против 1.300 им судски постапки.

Намален бројот на осудени и обвинети, а зголемен на пријавени лица во 2018 година

Ивана Ефремовски — Fri, 31 May 2019 07:24:28 +0000

Лани во споредба со 2017 година бројот на осудените полнолетни лица е намален за 6,6 отсто, а на обвинетите лица е намален за 8,1 отсто, информираат од Државниот завод за статистика. Бројот на пријавените деца во судир со законот – сторители на кривични дела во 2018 година пак е намален за 4,15 отсто во споредба со 2017 година. Минатата година во споредба со 2017-та, бројот на осудените деца во судир со законот – сторители на кривични дела е намален за 10,3 отсто. За 9,5 отсто, како што информираат од ДЗС, е зголемен бројот на пријавени полнолетни лица – познати сторители на кривични дела во 2018-та споредено со 2017 година.