отчет – Kurir.mk

Отчет на градоначалникот на Општина Ѓорче Петров пред граѓаните

Тале Кристо — Wed, 23 Nov 2022 17:54:55 +0000

Вечерва со почеток од 19:30 часот во Дом на културата Ѓорче Петров градоначалникот на општината Александар Стојкоски ќе има отчет пред граѓаните за сработеното во изминатата година. -Започнуваме со нова пракса на работењето во Општина Ѓорче Петров, транспарентност, отчетност, одговорност за сработеното пред жителите. Ве повикувам утре, среда 23 ноември, со почеток во 19:30 часот, да присуствувате во Дом на културата Ѓорче Петров, на презентација на отчетот за сработеното во изминатата година, објви вчера на својата Фејсбук страница Стојкоски.

Стефковски: Реконструиран е резервоарот за вода, реконструиравме улици, игралишта, се инвестира и во училиштата во Гази Баба

Ивана Ефремовски — Sun, 06 Mar 2022 13:05:10 +0000

Во првите 100 дена од мандатот комплетно реализиравме 29 проекти, и започнавме со реализација на дополнителни 13 проекти. Работевме интензивно, транспарентно и постојано помеѓу граѓаните, таму каде што и ни е местото. Така и ќе продолжиме, затоа што вредноста во политиката не е во она што ќе кажат политичарите за време на изборната кампања, туку тоа што ќе го направат за народот и општината откако ќе ја добијат довербата, кажа градоначалникот на општина Гази Баба, Бобан Стефковски, на денешниот отчет за 100 дена локална самоуправа на градоначалните од редовите на ВМРО-ДПМНЕ во скопскиот регион - „Промени што носат иднина – 100 дена локална власт отчет на ВМРО-ДПМНЕ“ „Животната средина е на врвот на моите приоритети. Во првата недела од мандатот спроведов ревизија и донесов решение со кое ја запрев постапката за отворање на нов хемиски отпад на територија на општина Гази Баба. Спречивме отворање нов хемиски отпад и двојно ги зголемивме средствата за подигнање на нови зелени површини. Исчистивме над 35 диви депонии кои беа на јавните површини низ Гази Баба. За прв пат воведовме субвенционирање на граѓаните кои ќе купат нов велосипед и електричен тротинет, како и субвенционирање за чистење на оџаците и вградување на уреди за течен нафтен гас на автомобилите. Додека двојно ги зголемивме средствата предвидени за субвенции за инвертер клими и печки на пелети. Гази Баба ќе ја направиме најзелена општина во градот Скопје“, рече Стефковски. Стефковски посочи дека инфраструктурата е област од која произлегуваат најголемите проблеми на граѓаните и затоа од првиот ден неуморно се работи за истата да се подобри. Асфалтирани се улици во Трубарево, Булачани и Колонија во должина од над 2000 метри, додека тампонирани се улици во Инџиково, Гоце Делчев, Раштак, Хиподром 2, Јурумлери и други населени места во должина од над 3000 метри. Изградени се тротоари и пешачки патеки во Автокоманда, Железара, Триангла и Виниче во должина од над 1500 метри. Додека во тек е и изградбата на пешачка и велосипедска патека на кејот на реката Вардар од салонот Мерцедес до Јурумлери во должина од 2200 метри. „Се зафативме со решавање на проблемот со фекалните канализации во повеќето населени места. Ја започнавме и завршивме првата фаза на фекална канализација во Страчинци во должина од 700 метри, инвестиција вредна над 5 милиони денари, ја започнавме втората фаза на фекална канализација во Гоце Делчев во должина од 1000 метри, инвестиција вредна над 10 милиони денари. Ја започнавме и фекалната канализација на крак од улица Сава Михајлов во Ченто. Ги продолживме градежните работи на фекалните канализации во Смилковци, Црешево и Јурумлери“, рече Стефковски. Стефковски додаде дека се започнало со решавање на проблемот со водоснабдувањето на селата Брњарци и Раштак. За Брњарци се направила бушотина и се добило позитивно мислење за користење на водата за пиење. Направена е набавка на пумпи и во тек е изработка на проект со кој водата од бушотината ќе се спроведе до резервоарите на Брњарци. Додека за Раштак исто така се направени бушотини, поставени се водомери и пуштена е новата мрежа. По цели 25 години реконструиран е резервоарот за вода во Црешево со што е решен проблемот со губење на водата. „Инспирација на нашата работа се нашите дечиња за кои се грижиме да добијат достојни услови за безгрижно детство, но и квалитетно образование и воспитание. Во таа насока отворивме катче за учење и дружење во ООУ Стив Наумов во Автокоманда, како и сензорна соба во ООУ Дане Крапчев во Ченто. Ја започнавме втората фаза на изградба на училишната сала во Стајковци, а започнавме постапка за изградба на нова училишна сала во Булачани“, изјави Стефковски. Стефковски додаде дека инвестициите во спортот се инвестиции во здрави генерации, за таа цел извршена е комплетна реконструкција на кошаркарското игралиште во ООУ Григор Прличев во Железара со поставување на тартан подлога и менување на таблите од кошевите, а реконструирано е и кошаркарското игралиште во Ченто. Тој кажа дека се зголемени буџетските средства за финансиска поддршка на спортските клубови и индивидуалните спортисти во општината. „Од аспект на социјалната заштита во изборниот период ветив еднократна парична помош за прво родено дете но по направените анализи воведовме еднократна парична помош во висина од 5000 денари не за прво, туку за секое родено дете на територија на општина Гази Баба. Воведовме и еднократна парична помош за првоодделенче во висина од 3000 денари. Реализиравме хуманитарни акции во кои поделивме над 500 хуманитарни пакети на социјално загрозени семејства“, рече Стефковски. Тој посочи дека јавната чистота и комуналната хигиена се најчестите барања на граѓаните. Во таа насока во првите 100 дена завршена е набавката на нова опрема и нова механизација за Јавното комунално претпријатие Гази Баба 2007, ставени се во функција 6 контејнери за кабаст отпад и камион специјализиран за подигање на истите. Поставени се клупи, корпи за отпадоци и урбана опрема во најголемиот дел од населените места. „Проекти ќе се реализираат насекаде низ Гази Баба затоа што одлика за ВМРО-ДПМНЕ е ветеното да се реализира. Одговорноста пред својот народ е најголема, а најважен фактор во одговорноста е дадениот збор и исполнето ветување. Јас стојам зад дадениот збор и зад секое дадено ветување. Гази Баба ќе ја направиме подобро место за живеење“, заклучи Стефковски.

Стојкоски: Започнавме реконструкција на три училишта, изготвена е проектна документација на фотоволтаици на сите општински објекти

Ристе Здравков — Sun, 06 Mar 2022 12:55:04 +0000

На самиот почеток затекнав исклучително тешка финансиска состојба на општината со превземени обврски од приближно 4 милиони евра и доспеани долгови за плаќање од приближно 2 милиони евра. Сума која го надминува основниот годишен буџет на општината, истакна градоначалникот на општина Ѓорче Петров Александар Стојкоски на денешниот регионален отчет „Промени што носат иднина - 100 дена локална власт отчет на ВМРО-ДПМНЕ“, додавајчи дека ваквата ситуација е само мотив веднаш да се фати за работа и активност и од општината да направи модерно, хумано и урбано место за живеење Успеавме за кратко време да го решиме деценискиот проблем и да ја расчистиме најголемата дива депонија во Ново Село, расчистени се над 11 хектари површина и одложени се над 200 метри кубни градежен смет и шут, создадовме слободен простор, а на истото место заедно со градот Скопје набрзо ќе започнеме со изведба на нов МЕГАПАРК, прв после десетици години во Ѓорче, вели Стојкоски. Стојкоски додаде дека успеале да исчистат и повеќе помали депонии во индустриската зона на Шарпланинска и во урбаното јадро на општината. Покрај оваа успеавме да исчистиме и повеќе помали депонии во индустриската зона на Шарпланинска и во урбаното јадро на општината, истакна тој. За првите 100 дена Стојкоски потенцираше дека подигнат е нов парк од 1000 м2 со автономен систем за наводнување за тревните површини и дрворедите покрај булеварот "Македонска војска. Подигнавме нов парк од 1000 м2 со автономен систем за наводнување за тревните површини и дрворедите покрај булеварот "Македонска војска". Ревитализирани и подигнати се над 2000 м2 зелени површини комплетно опремени со ситеми за наводнување со прскалки. Со акцијата се опфатени локации покрај ул.Васил Чакаларов во УЗ Хром, ул. Македонска Војска во УЗ Ѓорче Петров и покрај ул. Лука Геров во населбата Даме Груев, кажа Стојкоски. Во делот на изведба на инфраструктура, Стојкоски потенцираше дека подеднакво се работи и во урбаниот и руралниот дел на општината. Изградивме нови 500 метри водоводна мрежа на крак од ул.22 и 102 во Волково, изведена е атмосверска канализација во должина од 850 метри на ул Манчу Матак, а се работи и на изведба на капитална инвестиција, атмосверска канализација на ул.Радушка во должина од 1200 метри. Изградивме нови 2000 м темпониран пристапен пат за жителите на Орман и Никиштани, за олеснет пристап до обработливите површини.Се реконструираше коловозот на улиците Беаз Куле во Дексион, Алексо Демниевски 23 во Диво Маало, Крсто Раковски во , а во тек е изведба на нов коловоз и на улицата Манчу Матак во Хром, вели Стојкоски. Градоначалникот Стојкоски посочи дека во моментот се одвиваат градежни работи во три училишта во Ѓорче Петров, како и дека е во тек е поврзуваме ПООУ Беровски и градинката во Хром со системот за централно греење. Во моментов се изведуваат градежни работи во три училишта во Ѓорче Петров. Започнавме со целосна реконструкција на ходниците во ООУ Димитар Поп Ѓоргиев Беровски и тоалетите, а ќе следи и изведба на енергетски ефикасна фасада. Ги поврзуваме ПООУ Беровски и градинката во Хром со системот за централно греење со што ќе придонесеме за намалување на загадувањето во овој дел на општината, објасни тој. Изготвуваме проектна документација за поставување на фотоволтаици на сите општински објекти, проект со кој отпочнуваме да работиме во насока на енергетски независна општина. Во однос на општинското работење, Стојкоски подвлече дека во наредниот период ќе се започне со дигитализација и модернизирање на општинските услуги преку примена на веб апликација, лесно достапна и функционална. Во наредниот период започнуваме со дигитализација и модернизирање на општинските услуги преку примена на веб апликација, лесно достапна и функционална. Отпочнуваме со уредување и на локалитетот Крст во Кучково и изградба на пешачка и вело патека со што Ѓорче добива современ спортско рекреативен центар за аутдор активности, објасни Стојкоски. Во напредна фаза на имплементација е и проектот со меѓугранична соработка за изградба на пречистителна станица и колектор за фекалната мрежа во село Орман, со што Ѓорче ќе биде првата општина со две пречистителни станици во руралниот дел на општината. Во тек е и набавка за изведба на нова бушотина за вода во село Кучково, проект со кој го решаваме горливиот проблем на местното население, а го ветивме како приоритетен за решавање, нагласи Стојкоски.

Муцунски: Лошото урбанистичко планирање во Аеродром е минато, почна процедура за бришење на 7 градежни маркици, граѓаните ќе добијат нови паркови, градинки, спортски игралишта и општина со нула корупција

Ристе Здравков — Sun, 06 Mar 2022 12:43:47 +0000

Еден од првите предизвици откако ја презедовме општината Аеродром беше тоа дека во минатите години имало несоодветно урбанистичко планирање. Увидовме дека мора да се запре градбата во централното урбано подрачје на општината и затоа се отпочнати процедури за бришење на 7 градежни маркици токму во тоа централно урбано јадро на општината, изјави градоначалникот на Општина Аеродром, Тимчо Муцунски на денешниот настан „Промени што носат иднина – 100 дена локална власт отчет на ВМРО-ДПМНЕ“. Тој посочи дека лошото урбанистичко планирање создало и други проблеми, нема доволно места во градинките, нема доволно простор во училиштата и затоа откако уште во првите 100 дена отпочнат е процес за до крајот на првата година од мандатот да се отворат 2 нови градинки, а до крајот на мандатот предвидени се вкупно 4 градинки. Муцунски истакна дека тоа е многу значајно бидејќи околу 800 деца чекаат место за градинка. - Три основни училишта беа во критична состојба на раб на состојба да децата треба да одат во трета смена, затоа отпочнати се проекти и наскоро веруваме дека ќе се заврши процесот на доградба и проширување на капацитетите на 3 основни училишта. Образованието и покрај тоа што сме ограничени со поддршката од централната власт, сепак ќе биде наш врвен приоритет, потенцираше Муцунски. Муцунски нагласи дека кога се прашање младите општината реализира субвенции за новороденчиња, субвенции за првачиња, а работи на проширување на тековните рекреативни капацитети кои ги има општината. - Нови игралишта, се гордееме со преземените активности во првите 100 дена во СЦ „Марко Божиновски каде уште повеќе ќе работиме на решавање на инфраструктурата. Отпочнати се и постапки за проширување и градење на нови детски игралишта, нови спортски игралишта, изјави Муцунски. Тој изјави дека се работи и во делот на чистотата, зеленилото, отпочнат е нов проект за управување со отпад, и со имплементација на овој проект Аеродром ќе биде лидер во Македонија во управување со отпад и рециклажа. - Работиме во делот на инфраструктура. Во првите 100 дена сме изградиле неколку нови улици, но тоа што е важно и сакам да го најавам е дека отпочнавме процедури кои ќе овозможат во оваа буџетска година да има сериозни капитални инвестиции во делот на уличната инфраструктура. Тука посебен фокус ќе имаме во делот Лисиче, Горно Лисиче, Долно Лисиче и населба Лисиче. Тоа е значајно бидејќи безбедноста во сообраќајот станува голем предизвик, рече Муцунски. Муцунски нагласи дека во првите 100 дена имаше тековни акции за зазеленување, пошумување и се отпочнува со процедури за изградба на нови паркови. Верувам дека пред летниот период бидејќи во тек се подготовките, каде што избришавме две градежни маркици, веќе во мај или јуни граѓаните ќе добијат нов парк од 5500 метри квадратни. Работите кои сме ги преземале во првите 100 дена создаваат простор општината да има нова динамика на развој. Многу е значајно сите мерки кои ги преземаме заеднички работиме плански за сите критични прашања. Се преземаат мерки за решавање на проблемот со паркингот, имаме градски проблеми кои ги решаваме со Градот Скопје како што е проблемот со дивите кучиња, сме преземале конкретни активности заедно со ЈП Лајка, истакна Муцунски. Тој додаде дека во делот на услугите на општината веќе е пуштена апликација „мЗаедница Аеродром“ преку која може граѓаните директно да комуницираат со општината. Да пријавите проблем, да дадете идеја, да може да реализирате услуга во општината без притоа физички да се пријавите, барање за субвенција, барање за поддршка на спортски клуб, пријавување на проект од културата, науката, и работиме да имаме 100% дигитализација на услугите. Работиме на проект и за нула корупција во кој дел е оваа апликација во Општина Аеродром и заедно со странски и домашни проекти работиме на план и методологија, да имаме ефикасна општина, потенцираше Муцунски.

Костовски: Почнавме со изградба на ново основно училиште и нов парк во Бутел, наскоро започнуваме со реконструкција на улицата „Бутелска“

Ивана Ефремовски — Sun, 06 Mar 2022 12:42:46 +0000

Општина Бутел добива сосема нова димензија на функционирање, успеавме да ја отвориме кон сите граѓани, успеавме да создадеме тим кој неуморно и целосно се посветува на интересите на граѓаните и граѓаните го забележуваат тоа уште во првите 100 дена. Искрено чесно и со многу труд за многу кус период успеавме да поставиме нови стандарди за работа. Уште само во првиот месец успеавме целосно да проектираме и реализираме проекти во вредност од над 13 милиони денари. Администрацијата за многу кусо успеавме да ја направиме многу поефикасна а граѓаните многу позадоволни, потенцираше Дарко Костовски, градоначалник на општина Бутел на денешниот регионален отчет „Промени што носат иднина - 100 дена локална власт отчет на ВМРО-ДПМНЕ“. Костовски истакна дека изминатите 100 дена исчистени се 26 големи депонии, а целосно е исчистено и коритото на реката Серава во потегот на Радишани. -Во период од 100 дена успеавме да исчистиме 26 големи депонии, на истите места поставивме табли со натписи за забрането фрлање на шут и отпад и телефонски број каде што може да се пријави лице кое фрла отпад. Целосно го исчистивме коритото на реката Серава во потегот на Радишани од мостот па нагоре во должина од еден километар, моментално изготвуваме проектна документација градба на корито со помош на Град Скопје и изградба на трим патека со клупи, вели тој. Костовски додаде дека во населените места Бутел 1 и Радишани се изградени две нови ултрамодерни игралиштта за баскет, додека пак во образованието се инвестирани 10 милиони денари. -Во населените места Бутел 1 и Радишани изградивме две нови ултрамодерни игралишта за баскет, со лиценцирана подлога и реквизити од ФИБА. Во образованието инвестиравме 10 милиони денари, купивме 33 интерактивни табли за основните училишта, опремивме 3 целосно нови кабинети по информатика, нагласи тој. -Во градинките вложивме 3 милиони денари, купивме 2 интерактивни табли специјализирани за предшколска возраст, целосно опремивме десет занимални со сите потребни реквизити за успешна настава. Изградивме две детски игралишта. Започна со градба основното училиште во Визбегово, капитален проект кој е повеќе од потребен во ова населено место. Целосно беше реновирана спортската сала во ОУ Живко Брајковски, кажа Костовски. Костовски истакна дека реновиран е и пензионерскиот клуб во населеното место Љуботенски пат, а во соработка со Град Скопје е започната изградба на парк во населеното место Расадник, паркот се простира на 3000м2 првата фаза е при крај, во текот на следнава недела започнуваме со втората фаза. Целосно беше реновиран пензионерскиот клуб во населеното место Љуботенски пат. Заедно со градот Скопје започнавме со изградба на парк во населеното место Расадник, паркот се простира на 3000м2 првата фаза е веќе завршена, втората фаза треба да започне во текот на неделата која што следи. Костовски додаде дека во следниот период следува градежна експанзија на сите полиња. -Она што со гордост можам да го најавам е решавање на децениски проблеми во Општина Бутел. За многу скоро ќе почне целосна реконструкција и нов асфалт на улица Бутелска. Изградба на корито и трим патека на река Серава во Радишани, трим патека и на некои други места каде што веќе има изградено корито. Целосна реконструкција и нов асфалт на улица Скоевска во населба Радишани. Проектирање и се надевам оваа година целосна реконструкција на улица Радишанска. Изградба на нова детска градинка Св. Климент Охридски. Асфалтирање на десетина поголеми улици во сите населени места, фекална и атмосферска канализација во најприоритетните места. Реконструкција на неколку целосно заборавени спортски објекти во општина Бутел, рече тој. -Целосно менување и поставување на нова ограда во Училиштето СВ. Климент Охридски. Нови паркови на различни локации во општина Бутел. Во партнерство со граѓаните ќе променуваме фасада и кровови на станбените единици во нашата Општина, веќе направивме стратегија како тоа да се изведе. Ќе има голема поддршка за спортот, помош за спортските клубови и стипендии за најуспешните спортисти. Стипендии за најуспешните ученици во основните училишта, изјави градоначалникот Костовски.

СЛЕДЕТЕ ВО ЖИВО: Обраќање на Христијан Мицкоски, отчет на шест градоначалници

Ивана Ефремовски — Wed, 02 Mar 2022 10:57:26 +0000

Во 12:30 часот во Народен театар во Општина Гевгелија ќе се одржи регионален отчет „Промени што носат иднина – 100 дена локална власт отчет на ВМРО-ДПМНЕ“ на градоначалниците на ВМРО-ДПМНЕ. На настанот свое обраќање ќе има претседателот на ВМРО-ДПМНЕ, Христијан Мицкоски. Денес отчет за сработеното ќе дадат: -Градоначалникот на општина Радовиш, Ацо Ристов; -Градоначалникот на општина Гевгелија, Андон Сарамандов; -Градоначалникот на општина Конче, Златко Ристов; -Градоначалникот на општина Босилово, Ристо Манчев; -Градоначалникот на општина Ново Село, Ѓорѓе Божинов; -Градоначалникот на општина Василево, Славе Андонов. Настанот можете да го следите во живо на следниот линк:

ВО ЖИВО: 100 дена локална власт- отчет на градоначалници на ВМРО-ДПМНЕ во Велес

Тале Кристо — Sat, 26 Feb 2022 12:02:19 +0000

100 дена локална власт- отчет на градоначалници на ВМРО-ДПМНЕ во Велес. Настанот започна во 12:30 часот во библиотека „Бели Мугри“ во Велес и одржи регионален отчет „Промени што носат иднина - 100 дена локална власт отчет на ВМРО-ДПМНЕ“ на градоначалниците на ВМРО-ДПМНЕ, при што свое обраќање имаше претседателот на ВМРО-ДПМНЕ проф. д-р. Христијан Мицкоски. На настанот отчет за сработеното ќе дадат: -Градоначалникот на општина Велес - Марко Колев -Градоначалникот на општина Свети Николе - Дејан Владев -Градоначалникот на општина Кавадарци - Митко Јанчев - Градоначалникот на општина Неготино - Горан Стојанов - Градоначалникот на општина Градско - Киро Нацков - Градоначалникот на општина Лозово - Бошко Цветковски

Отчет за првите 100 дена од мандатот на градоначалникот на Ранковце, Борче Спасовски

Тале Кристо — Wed, 23 Feb 2022 16:46:42 +0000

Градоначалникот на општина Ранковце, Борче Спасовски даде отчет за сработеното во првите 100 дена од неговиот мандат. Во продолжение интегрален текст од отчетот на градоначалникот Спасовски: Почитувани, Членови на Советот, претставници на општинската администрација, претставници на јавното комунално претпријатие, претставници на општинското основно училиште, претставници на Територијалната противпожарна единица Ранковце, претставници на Министерство за внатрешни работи, претставници на бизнис секторот, почитувани граѓани на Општина Ранковце. Изминаа првите 100 дена од преземањето на функцијата градоначалник на Општина Ранковце, 100 дена исполнети со одговорност, посветеност и желба да се направи нешто повеќе за своите сограѓани. Па во суштина луѓето се разликуваат токму по тоа. Колку се одговорни и колку се работливи, колку се професионални и колку знаат да се носат и да бидат посветени на она што го работат. Јас сметам дека се нафатив на оваа функција токму од тие причини, што за себе сметам дека ги поседувам, барем дел од тие квалитети коишто ги спомнав, а генерално се раководам од мотото дека Општината и Градоначалникот како функција секогаш треба да бидат во функција на развојот на општината, на подобрување на квалитетот на животот на граѓаните во општината. Колку сум јас задоволен, лично, најмалку е важно. Во моментов најважно е колку се граѓаните задоволни барем од она што го сработивме во изминативе 100 дена. Мислам дека со проектите кои што ги реализираме, со оние проекти кои веќе ги реализиравме во овој кус временски период, граѓаните треба да се задоволни, меѓутоа тоа ќе треба тие најдобро да го кажат и да судат за сработеното. И не само за она што го сработивме во изминатите 100 дена туку и со повеќе други проекти кои ги започнавме и коишто се во тек, граѓаните, наскоро, ќе можат да почувствуваат подобрување на квалитетот на нивното живеење. Општината ја затекнав со долг од приближно 3.000.000 денари кон доверители по основ на набавени стоки и извршени услуги. Во изминатите 100 дена она што го променив во функционирањето на Општина Ранковце во поглед на приходите и расходите е сведување на непродуктивните расходи на минимум и зголемување на приходите пред се од локални даноци и такси за да со домаќинско работење го забрзаме локалниот економски развој на општината. Досега се започнати и реализирани следниве проекти: -Изградба на дел од канализација во с.Љубинци, во должина од 711 метри; -Изградба на дел од локален пат с.Герман, во должина од 887 метри; -Реконструкција на ООУ Христијан Тодоровски Карпош, с.Радибуш; -Заврши изградбата на дел од локален пат с.Радибуш - маала Којкарци, во должина од 500 метри; -Започна првата фаза од изградбата на водоснабдителниот систем за населено место Псача, инвестицијата во вкупна вредност од 30.123.838,00 денари; -Обезбедив финансиски средства за Изградба на улица во село Ранковце – крак 1, за кој е во тек спроведување на постапка за доделување на договор за јавна набавка, -За поставување на урбана опрема и реквизити на детско игралиште во село Ранковце; - За изградба на локален пат во село Ветуница-Стојкова Маала, во должина од 440 метри, Изградба на дел од улица во село Ранковце (Десетак-Млин), во должина 450метри, Изградба на дел од локален пат во село Радибуш-Маала Којкарци, во должина од 480метри; - и одобрен проект од УНДП, за меѓу општинска соработка со општина Крива Паланка, обезбедена техничка опрема за Територијалните противпожарни единици од Крива Паланка и Ранковце. Во овие 100 дена се одржаа 5 седници на Советот на Општина Ранковце, одлуките на Советот во Општина Ранковце се носат еднгласно. Тоа најдобро зборува дека политичка обоеност нема, дека она што е во интерес на граѓаните, она што е во интерес на Општината, она што е во интерес на подобрувањето на квалитетот на живеењето на граѓаните на Општина Ранковце, секогаш и секаде ќе биде прифатено. Гледајќи како се одвиваат овие седници на Советот на Општина Ранковце, јас мислам дека добрата соработка ќе продолжи. Ние секогаш сме отворени, подготвени за конструктивни идеи, за конструктивни предлози што сметам дека тоа го прифаќа и опозицијата, односно советниците кои доаѓаат од опозицијата и сметам дека секој конструктивен предлог ќе биде прифатен и од Советот и од мене како градоначалник и ќе биде подржан, бидејќи интересите на граѓаните и квалитетот на нивното живеење и сето она што ја чини севкупната атмосфера во Општината не признава партии, не признава бои, не признава религии, туку напротив, дупките на патиштата, неосветлените улици, нерешените комунални проблеми секојдневно се соочуваме сите подеднакво. И токму решавањето на тие проблеми ќе биде подеднакво за сите граѓани во Општина Ранковце.

Регионален отчет „Промени што носат иднина – 100 дена локална власт отчет на ВМРО-ДПМНЕ“

Ивона Петрова — Wed, 23 Feb 2022 11:33:49 +0000

Започна регионалниот отчет „Промени што носат иднина - 100 дена локална власт отчет на ВМРО-ДПМНЕ“ на градоначалниците на ВМРО-ДПМНЕ, Настанот се одржува во Охрид, а предвидено е обраќање на претседателот на ВМРО-ДПМНЕ Христијан Мицкоски. На настанот отчет за сработеното ќе дадат: -Градоначалникот на општина Охрид- Кирил Пецаков -Градоначалникот на општина Демир Хисар - Никола Најдовски -Градоначалникот на општина Вевчани - Спасе Кочовски - Градоначалникот на општина Македонски Брод - Жарко Ристески - Градоначалникот на општина Јегуновце - Димитар Костадиновски - Градоначалникот на општина Брвеница - Јовица Илиевски

„1090 проекти за отчет на ВМРО-ДПМНЕ, 0 проекти за 0 отчети на СДСМ“

Магдалена Андонова — Wed, 23 Feb 2022 08:16:24 +0000

1090 проекти за отчет на ВМРО-ДПМНЕ, 0 проекти за 0 отчети на СДСМ. Градоначалниците од редовите на ВМРО-ДПМНЕ имаат реализирано многу повеќе проекти за 100 дена, отколку што нивните претходници од СДСМ имале за 4 години. Нема општина каде има градоначалник од редовите на ВМРО-ДПМНЕ, а да не е подигнато нивото на комуналната хигиена. Исчистени се голем број депонии, а улиците и јавните површини редовно се чистат, стои во соопштението на ВМРО-ДПМНЕ. Од партијата посочуваат дека се започнати нови или реновирани се 33 градинки, и 68 училишта низ цела држава. - Сите градинки во Аеродром и дел од основните училишта добија фотоволтаични кровни конструкции. Отпочнати се 166 капитални проекти. Нема општина во државата каде во првите 100 дена нема отпочнато со изградба на нова канализациона мрежа на места каде што ја немало, или обнова на постоечка. Градоначалниците на ВМРО-ДПМНЕ има со што да се пофалат, тие од СДСМ немаат ниту еден проект. Тоа е разликата и граѓаните јасно ја гледаат, се додава во партиското соопштение.