Откажан – Kurir.mk

Газдите на летните дискотеки го откажаа утрешниот протест, велат дека Спасовски ќе им помогне

Магдалена Андонова — Mon, 25 Jul 2022 13:41:59 +0000

Протестот закажан за на 27 јули, со почетокот пред Влада е откажан, кој имаше за цел да ги разбуди надлежните институции и да се погрижат ноќните клубови да добијат соодветни лиценци за работа. Ова откажување на протестот се должи, како што велат на одговорот којшто го добиле од надлежните институции, поконретно од министерот за внатрешни работи Оливер Спасовски, кој пак, се задолжил за брзо решавање на проблемот. „Нашите барања за спас на ноќниот живот во Скопје најдоа слух кај надлежните институции. Министерот Оливер Спасовски лично се заложи за брзо решавање на проблемот и спас на ноќниот живот на младите скопјани. Како причина на нивната отвореност за решавање на овој проблем протестот се откажува. Се надеваме Скопје како град за краток рок ќе може да понуди летен ноќен живот“, стои во соопштението доставено до медиумите.

Халеп го откажа настапот на Игрите во Токио

Тале Кристо — Tue, 29 Jun 2021 14:50:29 +0000

Третата тенисерка на ВТА листата, Романката Симона Халеп, објави денеска дека нема да настапи на претстојните Олимписки игри во Токио. Поради минатомесечната повреда на мускулот на Мастерсот во Рим, романската тенисерка го пропушти Ролан Гарос, а го откажа и настапот на Грен-слем турнирот во Вимблдон. – За мене нема поголема гордост од тоа да ги бранам боите на Романија, но, за жал сè уште закрепнувам од повредата поради што морам да се откажам од Олимписките игри, објави Халеп на својот Твитер профил. Претходно, настапот на Игрите во јапонската престолнина го откажаа Американката Серена Вилијамс, Шпанецот Рафаел Надал и Австријанецот Доминик Тим.

ИХФ: Денешниот меч помеѓу Германија и Зеленортските острови откажан – 10:0 за германската репрезентација

Магдалена Андонова — Sun, 17 Jan 2021 11:53:12 +0000

Меѓународната ракометна федерација (ИХФ) соопшти претпладнево дека денешниот меч од второто коло во групата А на Мундијалот во Египет меѓу Германија и Зеленортските острови е откажан и регистриран со службени 10:0 за германската репрезентација. Одлуката доаѓа откако Зеленортските острови во саботата останаа без доволен број играчи по два позитивни случаи на коронавирус. Мечот од третото коло во групата А меѓу Зеленортските острови и Уругвај засега останува на распоредот, откако африканската репрезентација ја известила ИХФ дека ќе повика нови ракометари во својот табор. (МИА)

Поради коронавирусот се откажува натпреварот за најдобро младо вино произведено во домашни услови

Тале Кристо — Thu, 12 Nov 2020 10:54:21 +0000

Дегустација, оценување и награди за млади вина од домашни производители за денот на „Beaujolais nouveau“ за 2020 година се откажува поради пандемијата од Ковид-19, информираат од Здружението на македонски винари. – За жал ваквите одлуки се тешки, но неопходни, со цел да се вклучиме во борбата против ширењето на Ковид-19. Цврсто веруваме дека наредната година ќе ни донесе подобрување во сите сегменти на нашиот живот, а дотогаш на сите винари и љубители на доброто вино кои со нетрпение го чекаа овој настан, им посакуваме пред сѐ добро здравје и секое добро, нагласија од Здружението. Оттаму препорачаа да се консумира одговорно, за добро здравје и подобри времиња.

Откажан концертот на Енрике Иглесијас во Загреб, организаторот избегал со милион евра

Тале Кристо — Fri, 22 Nov 2019 19:15:42 +0000

Планетарно популарниот музичар Енрике Иглесијас требаше да одржи концерт во Загреб на почетокот на декември, меѓутоа како што пишуваат странските медиуми, концертот е откажан поради измама на организаторот. Хрватските медиуми го контактирале здружението за продажба на билети, па добиле официјална изјава дека договорот не бил исполнет од страна на организаторот. Преку соопштение тие истакнааа дека бугарскиот промотор ArtBG не го испочитувал договореното и дека продавал влезници, промовирајќи ги концертите без да да му платат на Иглесијас. Од продукциската куќа „Евентим“ која ги продавала картите велат дека наскоро ќе излезат со нови подетални информации за концертите. Концертот е откажан поради неисполнување на договорените обврски од страна на организаторот. Покрај концертот во Загреб откажани се концертите на Енрике во Минск и Рига, исто така во организација на истиот организатор. Организаторот е од Бугарија, стои во официјалното соопштение за медиумите. „За жал, по внимателно разгледување на сите можни алтернативи, бевме принудени да ги откажеме претстојните настапи во Загреб, Рига и Минск. АртБГ, продуцентот и организатор на настанот, не успеа да ги исполни договорните обврски со салите и сите елементи за овие три настани, безбедноста на нашите фанови и персоналот е приоритет, а не можеме да ја гарантираме, освен ако промоторот не ги исполни своите обврски“, се вели во соопштението.