откажани – Kurir.mk

„Луфтханза“ има проблем со компјутерските системи, откажани многу летови

Тале Кристо — Wed, 15 Feb 2023 11:57:50 +0000

Германската авиокомпанија „Луфтханза“ денеска соопшти дека компанијата има проблеми со своите компјутерски системи. Поради спомнатите проблеми денеска се откажани многу летови, пренесува Блумберг. Портпаролката на компанијата соопшти дека истрагата е во тек.

Откажани сите летови на „Луфтханза“ од Германија

Тале Кристо — Thu, 01 Sep 2022 14:31:45 +0000

Поради еднодневен штрајк на пилотите, германската авиокомпанија „Луфтханза“ за утре откажува над 800 летови, активност што во крајна линија ќе засегне повеќе од 130 илјади патници. Како што е посочено од компанијата, последиците од штрајкот ќе се почувствуваат во текот на престојниот викенд. Авионите на „Луфтханза“ лоцирани во странство утре ќе се вратат во Германија, но патниците на кои Германија им е попатна станица патувањето ќе можат да го продолжат дури во текот на викендот. Сите летови што поаѓаат од германските аеродроми ќе бидат заегнати од штрајкот, со исклучок на летовите на подружницата „Еуровингс“. Ова е втор поголем штрајк изминатите неколку седмици. На крајот на јули, „Луфтханза“ беше принудена да откаже повеќе од илјада летови поради штрајк на персоналот на аеродромите. Синдикатот на пилотите бара зголемување на платите за 16 отсто, што досега беше одбивано од раководството. „Немаме ни најмало разбирање за тековниот штрајк. „Луфтханза“ на пилотите им понуди повеќе од поволен пакет“, соопшти управата на компанијата. Пилотите на „Луфтханза“ се меѓу најдобро платените пилоти во светот. Почетната годишна плата е 70 илјади евра, а капетан со долгогодишно искуство може да заработи повеќе од 275 илјади евра годишно.

Виенската државна опера ги откажа сите претстави до среда поради омикрон

Тале Кристо — Sun, 02 Jan 2022 09:50:37 +0000

Виенската државна опера ги откажа сите претстави до среда поради неколку случаи на зараза со коронавирус во ансамблот. Првата претстава беше откажана во саботата кога требаше да биде изведена „Лилјакот“ на Јохан Штраус помладиот. Државната опера порано не мораше да се затвори поради случаи на Ковид-19. Повеќе од 85 отсто од персоналот се вакцинирани три пати, а ПЦР тестови се прават најмалку три пати неделно, изјави директор на операта Богдан Рошчиќ. – Но, условите за работа, особено со уметнички групи, играње, пеење, танцување, заедничко музицирање, оневозможуваат целосна заштита, додаде Рошчиќ. Тој рече дека поради варијантата омикрон, брзината и интензитетот на заразата „драстично се зголемени“.

Во светот откажани над 28 милиони операции поради коронавирусот

Тале Кристо — Fri, 15 May 2020 16:15:58 +0000

Околу 28,4 милиони планирани операции се откажани или одложени низ целиот свет, како резултат на епидемијата на Ковид-19, според меѓународна студија на група хирурзи CovidSurg Collaborative објавена денеска. „Во 12-те недели на прекинати болнички активности како резултат на Ковид-19, 28,4 милиони интервенции беа откажани или одложени низ целиот свет, па пациентите чекаа подолго од очекуваното за решавање на нивните здравствени проблеми“, соопшти болничкиот центар во Рен, француски партнер во истражувањето. Таа меѓународна студија беше водена од научници од Универзитетот во Бирмингем и објавена во British Journal of Surgery. Научниците собраа информации од хирурзи од 359 болници и 71 земја за откажување на планирани операции. Според податоците, „секоја нова недела на прекинување во болниците предизвикува 2,4 милиони нови откажувања“.