откриени – Kurir.mk

Со помош на куче трагач откриени се 70 килограми кокаин во контејнер со банани во Грција

Магдалена Андонова — Sat, 01 Aug 2020 11:07:08 +0000

Царинските службеници од Независната управа за јавни приходи на Грција, со помош на рендген и куче трагач во контејнер со банани откриле и заплениле 70,5 килограми кокаин, јави дописничката на МИА од Атина. Контејнерот што пристигнал од Јужна Америка, а бил наменет за земја од Западен Балкан, пријавил дека пренесува банани, но било одлучено рендгенски да се провери. Откако системот открил сомнителен материјал, бил извршен и физички преглед со помош на кучето трагач Аксел и биле пронајдени 60 пакети кокаин, со вкупна тежина од 70,5 килограми. Дрогата била внимателно скриени во контејнерот, во машините за ладење. (МИА)

Пронајдени десет мигранти при полициска контрола на магистралниот пат Штип-Радовиш

Тале Кристо — Sun, 15 Mar 2020 11:08:27 +0000

При полициска контрола на патнички автомобил на магистралниот пат Штип-Радовиш денеска околу 06:00 часот биле пронајдени десет лица мигранти од Авганистан и Пакистан. – Денеска околу 06.00 часот на магистралниот пат Штип-Радовиш, на место викано „Шести километар“, при обид за контрола од полициски службеници на патничко возило „ауди“, со скопски регистарски ознаки, возачот го напуштил возилото, а во него биле пронајдени 10 лица-мигранти од Авганистан и Пакистан, се вели во сооопштението од МВР. Се преземаат мерки за расчистување на случајот.

На пат кон Крива Паланка во возило откриени 16 мигранти

Тале Кристо — Sat, 14 Mar 2020 10:35:56 +0000

На 13.03.2020 во 22.10 часот на локален пат Св.Николе – Куманово, во населба Доброшане, полициски службеници на Одделот за гранични работи и миграции дале наредба за сопирање на патничко возило „опел зафира“, со струмички регистарски ознаки, но истото со зголемена брзина го напуштило местото на настанот. Набрзо потоа во близина на бензинска пумпа на патот кон Крива Паланка возилото било најдено запрено, а во него биле пронајдени 16 лица мигранти (13 од Пакистан, двајца од Авганистан и еден од Сирија). Лицата се сместени во ПЦС Скопје и ТЦ Табановце за понатамошна постапка. Увид на местото на настанот извршила увидна екипа од СВР Куманово.