оток – Kurir.mk

Отечени прсти и нозе, подочници: Телото ќе ви се промени во рок од 24 часа доколку ја исфрлите течноста, еве како

Магдалена Андонова — Thu, 03 Jun 2021 09:38:04 +0000

Ако често се чувствувате уморни, слаби, надуени, а очните капаци исто така се отечени, тоа е знак дека течноста останува во вашето тело. Да се ослободиме од течностите е всушност првиот успешен чекор кон детоксикација и слабеење. Многу фактори влијаат на фактот дека течноста се задржува во ткивото на вашето тело и дека таа полека се исфрла од телото. Овие се некои од главните причини за појава на едем. лоша исхрана слаба циркулација недостаток на движење и премногу седење недостаток или вишок на некои витамини и минерали проширени вени стрес менструалниот циклус изложеност на топлина предолго алергии заболување на црниот дроб срцева болест болест на бубрезите проблеми со тироидната жлезда одредени лекови Сè започнува со прекумерно внесување сол, односно натриум во организмот, а за да се исфрли течноста, потребен е калиум. Елиминирајте ја храната што ве мачи, а тоа се најчесто солени закуски, солена, преварена храна. Водете дневник за диети и обидете се да откриете дали има некаква врска помеѓу она што го јадете и како се чувствувате потоа. Подуеност и задржување на водата може да бидат еден од симптомите на нетолеранција на храна, без разлика дали станува збор за млечни производи, пченица или нешто друго. Намалете го внесот на сол и јаглехидрати. И двајцата имаат способност да ги врзуваат молекулите на водата за себе, кои ќе останат заробени во вашето ткиво. Вежбајте. Вежбањето ве поти и тоа е еден од начините освен да се навлажни, да извадите вода и сол од вашето тело. Непотребно е да се каже, тоа ќе ви помогне да се чувствувате подобро и да изгубите тежина, бидејќи не само што го исфрлате вишокот вода, туку и согорувате калории. Трчањето е идеална активност за такво нешто. Ако поради некоја причина не ви е дозволено да вежбате, обидете се да поминете време во сауна и обидете се да се потите на тој начин, но претходно консултирајте се со доктор. Пијте повеќе вода, потребни се 8 чаши вода за вашето тело да функционира нормално и да остане хидрирано. Од чаевите, добри диуретици се јаглика, бреза, пченкарна свила, глуварче. Овие чаеви се пијат неколку дена, најмногу до 7. Најдобро е да ги земате 2 до 3 пати на ден, 15 до 30 минути пред оброк, како и да ги избегнувате навечер.

Ако ве касне оса или пчела – ова ќе ве спаси од болка и отоци!

Ивана Ефремовски — Mon, 10 Jun 2019 12:52:44 +0000

Со доаѓањето на летото пристигна и сезоната на убоди од различни инсекти меѓу кои најголема опасност шират осите и стршните. Следниот совет го проширил еден пчелар, а кој го пробал ги знае резултатите. Според советите кои ги даваат пчеларите, може да си помогнете многу лесно ако имате андол или аспирин во таблета. Едноставно навлажнете ја таблетата и ставете ја на местото на убодот. Држете ја така една минута, а потоа отстранете ја. На тој начин ќе спречите оток. Убодот брзо ќе стане минато, а трагата која останува е незабележителна.

Граѓаните револтирани и со огромни отоци од убоди од комарци: Не’ изедоа, ова е алармантно (ФОТО ГАЛЕРИЈА)

Ивона Петрова — Fri, 10 Aug 2018 14:51:05 +0000

Иако Град Скопје тврди дека викендов ќе се одржи третата фаза од авионското прскање против комарци, социјалните мрежи се преплавени од фотографии и коментари каде луѓето се жалат на убоди од комарци кои резултираат со огромни отоци по телото. -Ова е во врска со прскање против комарци, сликата е сликана во Ѓоче Петров на 9.8.2018 во 20ч навечер, рој од комарци и преку 20 убоди на обична прошетка преку облека здобиени, вели читател на Курир кој ни ја испрати оваа фотографија. Во разни групи на Фејсбук се споделуваат фотографии од убоди од комарци, а родителите загрижени за своите деца бараат совети како најдобро да ги заштитат најмилите и кое средство е најефикасно. Разочарани се дека градските власти, како што велат, не презеле ништо за нивна заштита. Прошетките во вечерните часови во Градскиот парк во Скопје стануваат вистински хорор. Скопјани се жалат дека и таму има наезда од комарци. Велат, не паметат во минатото да имало толку комарци. Коментираат дека очигледно наместо против комарците, се прска за нивна прихрана. -Во парк врие, наезда од комарци. -Сите се жалат, ма какво прскање, ако прскале нема да има волку комарци. -Во Парк верувајте дека е хорор. Толку комарци не ме каснале за цел живот. -Не’ изедоа, ова е алармантно, децата ми се изедени. Ова е хаос. -Се прскаше со прихрана за комарци, се само дел од коментарите кои може да се прочитаат на социјалните мрежи. Град Скопје изминативе денови ги уверува граѓаните дека се преземаат мерки за прскање против комарци . Портпаролот на Град Скопје, Валон Салиху вели дека граѓаните се во заблуда и дека во Скопје редовно се прска против комарци, но новите авиони не се толку бучни како претходните и затоа не се слуша. -Деновиве гледам дека голем број од граѓаните не се соодветно информирани во врска со активностите кои ги има спроведено градот во врска со прскањето против комарци. Процедурите и користеното средство се тие истите како и до сега. Новитет ова година се авионите кои не бучат како тие претходните, и претпоставувам дека тука е и збунката зошто луѓето мислат дека не се прска- вели Салиху. Граѓаните не веруваат во ваквите изјави и се повеќе се убедени дека ништо не е преземено. Во меѓувреме Градот ја смени најавата за третата фаза од авионското прскање и соопшти дека наместо викендов, прскањето ќе започне од петок наутро и ќе трае до понеделник. Денес објавија и видео, наводно од утринското авионското прскање, но се утврди дека видеото е старо еден месец. По реакцијата во медиуми, Град Скопје се извини за грешката и најави ново видео од утрешното прскање. -Ја увидовме грешката што ни ја посочија дел од вашите колеги новинари, односно сме објавиле видео за почетокот на третото прскање против комарци со авион, а кое што е од почетокот на минатиот месец, односно од второто прскање. Очекуваме ново видео за прскањето против комарци кое ќе се направи утре, и истото ќе ви го доставиме. Закажаното полетување на авионите е во 05 часот на спортскиот аеродром Стенковец. Ве покануваме да дојдете и да присуствувате на подготовката и нивното полетување“, се наведува во извинувањето од Град Скопје. Останува непознато дали и кога ќе биде објавено видеото од денешното авионско прскање кое го најави Градот.