отпечаток од прст – Kurir.mk

Пред гласање задолжителна проверка со отпечаток од прст

Ивона Петрова — Sun, 31 Oct 2021 05:38:33 +0000

Првпат на Локалните избори 2021 во процесот на гласање се применуваат уреди за биометриска идентификација на гласачите. За потребите на 3480 избирачки одбори ДИК од германската компанија „Дермалог“ набави 4000 терминали. Со уредот за биометриска идентификација на гласачите управуваат само претседателот или заменик претседателот на Избирачкиот одбор кои ќе имаат посебни картички што се дел од доверливиот избирачки материјал и се чуваат во избирачкото место. Доколку тие се отсутни, со уредот управува лице од администрацијата определен со мнозинство гласови на присутните членови на избирачкиот одбор. По отворањето на гласачкото место, покрај стандардната проверка на просторијата и целокупниот доверлив и недоверлив изборен материјал се врши и проверка на фукционалноста на уредот. При вклучување на уредот се најавува лицето што ќе управува со него, се избира јазик што ќе се користи и се печати извештај со моменталната состојба на податоците во уредот. На екранот на уредот за биометриска идентификација на гласачите треба да се бидат прикажани следните податоци: Избори и датум на избори, моментално време, општина, број на избирачко место, вкупно регистрирани гласачи, вкупно гласачи кои гласале, распределба по род на гласачи кои гласале. Уредот треба да даде и податоци одзивот на гласачите во време на гласањето во интервал не подолг од два часа. Уредот се активира за идентификација на гласачите со започнување на гласањето во избирачкото место. Личниот идентитет гласачот го докажува со важечки лична карта или патна исправа односно лична карта чија важност истекла во периодот од распишувањето на изборите до денот на нивното одржување и патна исправа чиј рок на важење е истечен односно истекува по 31 јули 2020 чија важност се продолжува до 31 декември 2021 година и отпечаток од прсти. Гласачот влегува во избирачкото место и покажува важечки лична карта или патна исправа на членот на избирачкиот одбор што ракува со уредот за идентификација, а гласач кој нема личен документ или има истечена важност на личната карта или пасошот пред периодот на распишување на изборите нема да му биде дозволено да се идентификува со отпечаток со прст на уредот и нема да му се дозволи да гласа. Член на ИО ја споредува фотографијата од личните документи со лицето на гласачот и доколку утврди дека не е истото лице не му дозволува да се идентификува со отпечаток од прст на уредот и нема да му се дозволи да гласа. ИО го потврдува идентитетот и врши проверка дали гласачот нема претходно гласано преку податоците од важечки документи и со отчитување на отпечатоци од прсти што треба да се совпаѓа со отпечатокот од прст на гласачот во електронскиот избирачки список за соодветното избирачко место во техничката опрема. Идентитетот на гласачот се потврдува со земање на отпечаток од показалец од десната рака, а доколку нема десен показалец, се зема отпечаток од показалец од лева рака. Ако на гласачот му недостигаат двата прста, се зема отпечаток од наредниот прст од десната рака и истото се евидентира во дневниот за евиденција на настани. Уредот го чита отпечатокот од прстот и се обидува да најде совпаѓање со отпечатоците што се во електронскиот избирачки список за сите гласачи запишани на тоа избирачко место, додека не се најде совпаѓање. Доколку софтверот укаже дека квалитетот на отпечатокот е лош или слаб, софтверот на УБИГ тоа го третира како погрешно скенирање на отпечатокот и бара повторување на процесот. Доколку не се најде совпаѓање на гласачот треба да му се скенира левиот показалец и процесот се повторува. Кога избирачкиот одбор ќе констатира дека гласачот го докажал својот идентитетот и утврдил дека не гласал претходно и му се совпаѓа отпечатокот од прст со отпечатокот од електронскиот список, на мониторот на уредот ќе се појават податоци од избирачкиот список на тој избирач. Ако гласачот претходно не гласал, информациите се прикажани со зелено. Член на одборот ја потврдува идентификацијата и гласачот е обележан во системот дека гласал. Доколку уредот не може да најде совпаѓање на отпечатоциоте од прсти, сигнализира со жолта боја. Во тој случај ИО пристапува кон утврдување на личниот идентитет на гласачот преку важечка лична карта или пасош и проверува дали гласачот е запишан и дали е потпишан во печатениот избирачки список. Доколку се утврди дека гласачот го има во печатениот Избирачки список и нема гласано, се внесува во уредот преку отчитување на личниот документ на МРЗ скенерот или со преку внесување на матичниот број. Ако веќе бил обележан дека гласал системот ги прикажува со црвено и сигнализира со аларм така што нема да му биде дозволено да гласа. Избирачкиот одбор нема да им дозволи гласање на денот на изборите на лицата кои ќе се пријават за гласање како болни и изнемоштени доколку дојдат на избрачкото место на денот на гласање. Откако ќе биде потврден идентитетот на гласачот, неговиот реден број се заокружува во изводот на Избирачкиот список, и тој се потпишува, а ако е неписмен става отчеток од прст. По идентификацијата и потпишувањето избирачот ќе добие гласачко ливче. Во случај уредот да е технички неисправен и неупотреблив избирачкиот одбор веднаш телефонски ја известува ОИК да го замени уредот. ОИК веднаш праќа техничко лице кое е овластено од ДИК за да донесе нов резервен уред. Тоа лице на самото место ја утврдува состојбата, и ако е технички неупотреблив телефонски ја известува ОИК и ќе инсталира нов резервен уред во кој ќе ги префрли сите податоци. Ако уредот е неупотреблив и не може да се замени тогаш ОИК со потврда од техничко стручно лице ангажирано до ДИК електронски ќе поднесе писмено барање до ДИК и ДИК ќе треба да одлучи дали гласањето ќе продолжи согласно со членот 108 од Изборниот законик. Кога гласањето ќе заврши претседателот или заменик на претседателот на избирачкиот одбор го деактивира уредот за натамошна идентификација на гласачи, после што нема да може повторно да се активира. На мониторот на уредот освен податоците бројот на избирачкото место и времето, треба да биде прикажани вкупниот број на регистрирани гласачи, вкупно гласачи кои гласале со отпечаток од прст изразено во број и процент од вкупниот број на запишани гласачи на тоа избирачко место, бројот на гласачи кои не можеле да бидат идентификувани со уредот а се регистрирани во уредот преку скенирање на личниот документ или со рачен влез преку матичен број, како и број на мажи и жени кои гласале. За транспорт и приомпредавање на уредите ОИК задолжително ја известува полицијата. Во Упатството на ДИК се предвидени исклучоци од гласање со техничка опрема, а тоа се сите лица што ќе треба да гласаат во сабота, на еден ден пред денот на изборите. Тоа се болните и немоќните лица, лицата во притвор, затворениците, лицата со Ковид-19 или во изолација, внатрешно раселените лица, лицата во страските домови, лицата кои гласаат во ДКП-та. Утврдувањето на идентитетот на овие гласачи ќе биде со важечка лична карта или пасош, а дали гласал претходно ќе се проверува со УВ ламба и спреј.

ДИК испрати известување дo ОИК, важна информација и за граѓаните

Ивона Петрова — Sun, 17 Oct 2021 08:07:43 +0000

Од Државната изборна комисија е испратен меил до сите општински изборни комисии кои треба да го проследат до избирачките одбори. Меилот јавно на денешната прва прес конференција го прочита претседателот на ДИК, Александар Даштевски. „Почитувани, ДИК ве известува доколку гласачот неспорно е идентификуван во избирачкиот список а уредот за биометриска идентификација не го препознава и по неколку обиди на гласачот му се дозволува да гласа со оставање на отисок од прст во изводот на избирачкиот список во графата за отисок на прст. Напомена: Стариот начин на гласање со употреба на спреј и УВ лампа се применува само во случај кога уредот за биометриска идентификација на гласачот е неупотреблив или нема можност за негова замена. ДИК“

Идентитетот на гласачот задолжително ќе се проверува со отпечаток од прст

Ивона Петрова — Sun, 17 Oct 2021 04:56:56 +0000

Првпат на Локалните избори 2021 во процесот на гласање ќе се применуваат уреди за биометриска идентификација на гласачите. За потребите на 3480 избирачки одбори ДИК од германската компанија „Дермалог“ набави 4000 терминали. Со уредот за биометриска идентификација на гласачите ќе управуваат само претседателот или заменик претседателот на Избирачкиот одбор кои ќе имаат посебни картички што се дел од доверливиот избирачки материјал и се чуваат во избирачкото место. Доколку тие се отсутни, со уредот управува лице од администрацијата определен со мнозинство гласови на присутните членови на избирачкиот одбор. По отворањето на гласачкото место, покрај стандардната проверка на просторијата и целокупниот доверлив и недоверлив изборен материјал се врши и проверка на фукционалноста на уредот. При вклучување на уредот се најавува лицето што ќе управува со него, се избира јазик што ќе се користи и се печати извештај со моменталната состојба на податоците во уредот. На екранот на уредот за биометриска идентификација на гласачите треба да се бидат прикажани следните податоци: Избори и датум на избори, моментално време, општина, број на избирачко место, вкупно регистрирани гласачи, вкупно гласачи кои гласале, распределба по род на гласачи кои гласале. Уредот треба да даде и податоци одзивот на гласачите во време на гласањето во интервал не подолг од два часа. Уредот се активира за идентификација на гласачите со започнување на гласањето во избирачкото место. Личниот идентитет гласачот го докажува со важечки лична карта или патна исправа односно лична карта чија важност истекла во периодот од распишувањето на изборите до денот на нивното одржување и патна исправа чиј рок на важење е истечен односно истекува по 31 јули 2020 чија важност се продолжува до 31 декември 2021 година и отпечаток од прсти. Гласачот влегува во избирачкото место и покажува важечки лична карта или патна исправа на членот на избирачкиот одбор што ракува со уредот за идентификација, а гласач кој нема личен документ или има истечена важност на личната карта или пасошот пред периодот на распишување на изборите нема да му биде дозволено да се идентификува со отпечаток со прст на уредот и нема да му се дозволи да гласа. Член на ИО ја споредува фотографијата од личните документи со лицето на гласачот и доколку утврди дека не е истото лице не му дозволува да се идентификува со отпечаток од прст на уредот и нема да му се дозволи да гласа. ИО го потврдува идентитетот и врши проверка дали гласачот нема претходно гласано преку податоците од важечки документи и со отчитување на отпечатоци од прсти што треба да се совпаѓа со отпечатокот од прст на гласачот во електронскиот избирачки список за соодветното избирачко место во техничката опрема. Идентитетот на гласачот се потврдува со земање на отпечаток од показалец од десната рака, а доколку нема десен показалец, се зема отпечаток од показалец од лева рака. Ако на гласачот му недостигаат двата прста, се зема отпечаток од наредниот прст од десната рака и истото се евидентира во дневниот за евиденција на настани. Уредот го чита отпечатокот од прстот и се обидува да најде совпаѓање со отпечатоците што се во електронскиот избирачки список за сите гласачи запишани на тоа избирачко место, додека не се најде совпаѓање. Доколку софтверот укаже дека квалитетот на отпечатокот е лош или слаб, софтверот на УБИГ тоа го третира како погрешно скенирање на отпечатокот и бара повторување на процесот. Доколку не се најде совпаѓање на гласачот треба да му се скенира левиот показалец и процесот се повторува. Кога избирачкиот одбор ќе констатира дека гласачот го докажал својот идентитетот и утврдил дека не гласал претходно и му се совпаѓа отпечатокот од прст со отпечатокот од електронскиот список, на мониторот на уредот ќе се појават податоци од избирачкиот список на тој избирач. Ако гласачот претходно не гласал, информациите се прикажани со зелено. Член на одборот ја потврдува идентификацијата и гласачот е обележан во системот дека гласал. Доколку уредот не може да најде совпаѓање на отпечатоциоте од прсти, сигнализира со жолта боја. Во тој случај ИО пристапува кон утврдување на личниот идентитет на гласачот преку важечка лична карта или пасош и проверува дали гласачот е запишан и дали е потпишан во печатениот избирачки список. Доколку се утврди дека гласачот го има во печатениот Избирачки список и нема гласано, се внесува во уредот преку отчитување на личниот документ на МРЗ скенерот или со преку внесување на матичниот број. Ако веќе бил обележан дека гласал системот ги прикажува со црвено и сигнализира со аларм така што нема да му биде дозволено да гласа. Избирачкиот одбор нема да им дозволи гласање на денот на изборите на лицата кои ќе се пријават за гласање како болни и изнемоштени доколку дојдат на избрачкото место на денот на гласање. Откако ќе биде потврден идентитетот на гласачот, неговиот реден број се заокружува во изводот на Избирачкиот список, и тој се потпишува, а ако е неписмен става отчеток од прст. По идентификацијата и потпишувањето избирачот ќе добие гласачко ливче. Во случај уредот да е технички неисправен и неупотреблив избирачкиот одбор веднаш телефонски ја известува ОИК да го замени уредот. ОИК веднаш праќа техничко лице кое е овластено од ДИК за да донесе нов резервен уред. Тоа лице на самото место ја утврдува состојбата, и ако е технички неупотреблив телефонски ја известува ОИК и ќе инсталира нов резервен уред во кој ќе ги префрли сите податоци. Ако уредот е неупотреблив и не може да се замени тогаш ОИК со потврда од техничко стручно лице ангажирано до ДИК електронски ќе поднесе писмено барање до ДИК и ДИК ќе треба да одлучи дали гласањето ќе продолжи согласно со членот 108 од Изборниот законик. Кога гласањето ќе заврши претседателот или заменик на претседателот на избирачкиот одбор го деактивира уредот за натамошна идентификација на гласачи, после што нема да може повторно да се активира. На мониторот на уредот освен податоците бројот на избирачкото место и времето, треба да биде прикажани вкупниот број на регистрирани гласачи, вкупно гласачи кои гласале со отпечаток од прст изразено во број и процент од вкупниот број на запишани гласачи на тоа избирачко место, бројот на гласачи кои не можеле да бидат идентификувани со уредот а се регистрирани во уредот преку скенирање на личниот документ или со рачен влез преку матичен број, како и број на мажи и жени кои гласале. За транспорт и приомпредавање на уредите ОИК задолжително ја известува полицијата. Во Упатството на ДИК се предвидени исклучоци од гласање со техничка опрема, а тоа се сите лица што ќе треба да гласаат во сабота, на еден ден пред денот на изборите. Тоа се болните и немоќните лица, лицата во притвор, затворениците, лицата со Ковид-19 или во изолација, внатрешно раселените лица, лицата во страските домови, лицата кои гласаат во ДКП-та. Утврдувањето на идентитетот на овие гласачи ќе биде со важечка лична карта или пасош, а дали гласал претходно ќе се проверува со УВ ламба и спреј.

ДИК прими нова пратка терминали за отпечатоци од прсти, почна полнењето со податоци од гласачите

Ивона Петрова — Mon, 04 Oct 2021 12:24:38 +0000

До крајот на неделата треба да пристигнат договорените 4000 терминали за отпечатоци од прсти што првпат ќе се користат на Локалните избори 2021 година на 17 октомври. Државната изборна комисија денеска прими уште повеќе од илјада од овие терминали, а веќе е започнато и полнењето со податоци од граѓаните на веќе пристигнатите, изјави денеска претседателот на ДИК Александар Даштевски, кој присуствуваше на примопредавањето. – Со денешнава пратка очекуваме да пристигнат уште околу илјада уреди за биометриска идентификација на граѓаните и со тоа ќе ги имаме над половина од потребните уреди, а до крајот на неделата ќе пристигнат сите, уште две пратки на секои два дена. Во моментот во ДИК трае полнењето на смарт картичките кое треба да заврши денеска и попладне треба да почне полнењето на апаратите бидејќи имаме доволно време. Полнењето ќе заврши некаде до 11 октомври, рече Даштевски. Едукацијата на избирачките одбори, како што кажа, се одвива добро, но ќе има уште еден циклус обуки за употребата на терминалите за што е подготвено упатство за работа со нив и изготвено видео. -Ќе се поделат упатствата и стикови со видеото за тие во секое време да можат да го видат. Планираме само за електронскиот дел да направи уште по една обука за сите во распоред од 12 до 15, во зависност од тоа кој избирачки одбор кога е слободен, рече Даштевски, бидејќи овие уреди во земјата ќе се применуваат првпат. На денот на изборите, ДИК бара да има околу двеста ИТ инжинери кои ќе им помагаат на луѓето што управуваат со опремата и компанијата која ги испорачува апаратите има исто така ангажирано 80 луѓе, кои исто така ќе им помагаат на ИТ тимот во ДИК и на избирачките одбори. Заклучениот Избирачки список е веќе даден на печатење, а веќе се печатат и гласачките ливчиња. Даштевски најави дека членови на ДИК најверојатно утре ќе одат да проверат како се одвива нивното печатење. – Можеби утре ќе одиме да провериме како се одвива печатењето на списоците и да ги провериме специмените на гласачките ливчиња, првите примероци. Но, сметам дека сега засега е се во ред и веќе 90 отсто од ливчињата се испечатени, што е добро. Останува до крајот на неделата да се допечати Избирачкиот список. Кога ќе се испечати ќе го потпишеме, најави Даштевски. Избирачкиот список треба да биде потпишан најдоцна до 1 октомври. Претседателот на ДИК смета дека Локалните избори ќе бидат добро гарантирани, но не може да гарантира како ќе се одвива техничкиот дел со примена на терминалите за идентификација бидејќи тоа се случува првпат и немало пилот примена. – Може да кажеме дека некои работи предвреме ги завршуваме, дека сите дејствија, следите и сами по Роковникот, уредно и навреме се завршени. Дадени се инструкции на ОИК да им се олесни работата и сите наши обврски што сме требале ги завршивме. Сите упатства, правилници, одлуки, обрасци итн, така што тоа ветува дека добро ќе се одвиваат изборите. Во однос на овој техничкиов дел, повеќе пати сум изјавил, дека не можам ништо да кажам бидејќи е првпат, не сме имале пилот да согледаме кои би биле слабостите на тој систем и се надевам дека се ќе биде во ред, но ништо не можам да кажам, рече Даштевски. На Локалните избори на 17 октомври ќе се применуваат истите мерки за превенција од Ковид -19 како на претходните избори. Гласањето ќе почне во 7 часот, а ќе заврши во 19:00.

За првпат полиција ќе го обезбедува доверливиот избирачки материјал, ДИК интензивно се подготвува за локалните изборите

Ивона Петрова — Wed, 25 Aug 2021 05:51:16 +0000

Државната изборна комисија интензивно се подготвува за локалните избори. Двесте терминали за вчитување на отпечатоци од прсти денеска ќе бидат испратени од компанијата „Дермалог“ од Германија во Скопје, а откако ќе поминат сите царински формалности, најверојатно, во понеделник апаратите ќе бидат во канцелариите на Државната изборна комисија (ДИК), каде треба да биде извршено нивно примопредавање, изјави вчера за МИА претседателот на ДИК Александар Даштевски. Откако терминалите ќе пристигнат во земјата, инжинери пратени од „Дермалог“ ќе извршат обука за ракување со нив, а потоа таа обука ќе биде вметната и во планот за едукација на ДИК. Даштевски е дециден дека се ќе биде подготвено за локалните избори закажани за 17 октомври бидејќи има два месеци до изборите. На локалните избори во земјата првпат гласачите ќе се идентификуваат со вчитување на отпечаток од прст. За набавка на терминалите, како и целокупниот систем и нивното одржување за следните четири циклуси е потпишан договор со германската компанија „Дермалог“. До први октомври во земјата сукцесивно треба да пристигнат нарачаните 4000 терминали за изборите. Полициски службеници на овие избори првпат ќе го обезбедуваат доверливиот материјал, меѓу којшто ќе бидат и апаратите за вчитување на отисоците од прсти на гласачите. ДИК на седница усвои Правилник за начинот на постапување на полицијата на изборите што е изготвен во соработка со МВР. -Новина на овие избори во овој Правилник е што се воведува задолжително обезбедување при транспортот на избирачкиот материјал од страна на полицијата од ОИК до Избирачките одбори и обратно. Се работи, пред се, за доверливиот материјал гласачките ливчиња и Избирачкиот список, но овој пат за првпат и со измените на законот и техничката опрема за гласање за идентификација на гласачите при гласање преку отпечаток од прст. Тоа значи дека целокупниот доверлив изборен материјал се регулира да биде задолжително обезбдувањето, чувањето и транспортот од страна на полицијата, објасни членот на ДИК Борис Кондарко. Исто така, како што кажа, во прилог на овој Правилник се донесува и образец за повикување на полициија што ќе им се достави на избрачките одбори. ДИК на секои избори па и на овие ќе соработува со Централниот изборен штаб на МВР за изборите. На овие избори болните и немоќни лица нема да бидат проверувани со терминалите за отпечатоци од прсти туку дека тие ќе гласаат како и досега со УВ ламба и спреј. ДИК усвои упатство за начинот на гласање на овие лица и условите што се потребни да ги исполнат за да можат да гласаат на ден пред изборите и во своите домови. Барањето и медицинските документи тие треба да ги достават до подрачните единици и канцеларии на ДИК или преку полномошник и по електронски пат. Партиите веќе објавувија дел од кандидатите за градоначалници и носители на советничките листи. Владејачката СДСМ доцна синоќа на Извршен одбор утврди уште неколку кандидати, чии имиња ќе бидат соопштени во текот на денот. Претходно, партијата веќе објави имиња на 35 кандидати за градоначалници. ВМРО-ДПМНЕ досега објави 45 кандидати, а се очекува нови имиња да соопшти во почетокот на наредната недела. И партиите од албанскиот блок – ДУИ, Алијанса на Албанците/Алтернатива и БЕСА најавија неколкумина свои кандидати со кои ќе излезат на локалните избори. Според информациите на ДИК до 23 август потписи за кандидирање на локалните избори собрале независни кандидати од неколку општини, а потписи се собрани и за советнички листи. Собирањето потписи во подрачните единици и канцеларии на ДИК и пред овластени нотари продолжува до 30 август на полноќ. Подрачните одделенија и канцеларии на ДИК работат секој ден од 8 до 20 часот. На 27, 28 и 29 август ќе работат до 21 часот, а на 30 август до 24 часот. Собирањето на потписи трае заклучно со 30 август. Во меѓувреме тече и рокот за увид во Избирачкиот список, кога граѓаните во подарчните единици на ДИК или преку апликацијата на нивната веб страна можат да ги проверат своите податоци, а потоа доколку има неправилности и да достават барања за нивно корегирање или впишување. Увидот во Избирачкиот список завршува на 9 септември. Иборната кампања за првиот круг започнува на 27 септември на полноќ и завршува на 15 октомври на полноќ. Изборите, што повторно ќе се одржат со протоколи за заштита од ширење на Ковид-19, се закажани за 17 октомври. Вториот круг од изборите треба да се одржи 30 октомври.