отпис на долгови – Kurir.mk

ВМРО-ДПМНЕ: Џабе отпис на долгови, кога со Заев драматично пораснаа цените на производите и до 40%

Ивона Петрова — Wed, 30 Jun 2021 06:36:44 +0000

Од ВМРО-ДПМНЕ велат дека откако е СДСМ на власта цените на производите на мало постојано се зголемуваат. -Народот секоја година плаќа поскапо од тоа што плаќал претходната година. Само споредбено 2021 година со 2020 година имаме раст на цените на основните намирници и до 40%. Неспособноста на Заев и лошото водење на политиките на економско поле допринесе до раст на цената на 1 литар зејтин во малопродажба од околу 67 денари на 95 денари, тоа е зголемување за над 40%. Покачување со Заев имаме и на цената млекото, имено 1 литар млеко во малопродажба кој во 2020 година се продавало по 45 денари сега се продава за околу 52 денари, се наведува во соопштението на партијата. Оттаму посочуваат дека со Заев скокна и цената на брашното, 1 килограм брашно во 2020 година се продавал за 34 денари, сега се продава за околу 39 денари. -Сите продукти, и зејтинот и млекото и брашното се продукти кои се составен дел или суровина за поголем дел од прехранбената индустрија, растот на овие продукти е раст и на цените во цела гранка. Со СДСМ се е поскапо. Народот живее по сиромашно. Време е да си заминат. Време е за Македонија за сите луѓе, соопштуваат од ВМРО-ДПМНЕ.

Заев тврди едно, Бошњаковски друго: Нема конкретни бројки колкумина ќе бидат опфатени со отписот на долговите, анализите биле во тек

Дарко Андоновски — Sat, 02 Feb 2019 19:49:55 +0000

Владата не знае од каде е добиена бројката од двесте илјади граѓани и семејства на кои вчера премиерот Заев најави дека ќе им го прости долгот од 110 милиони евра за струја, објавува Алфа. По оваа изјава јавноста жестоко реагира на социјалните мрежи. Владиниот портпарол Миле Бошњаковски ни изјави дека точни проценки немаат за тоа на кои семејства, од кои делови на Македонија ќе им бидат простени долговите, ами само дека станувало збор за добра волја. Анализите, вели, биле во тек. Од каде тогаш бројките? Бошњаковски претпоставува дека постоеле некакви информации за должници за кои веќе се активирале извршителите, ама прецизно извор не даде. -Премиерот кажа дека постои добра волја кај ЕЛЕМ и ЕВН, а механизмите за тоа како би се извело и сите други анализи прецизни ќе се прават понатаму. Немаме за сега анализа конкретна со прецизни бројки, вели Бошњаковски. Како е возможно да се излезе со бројка, па и со конкретен износ во пари, ако не постои анализа, а за тоа Владата и отворено признава? Во ситуација кога се најавува ваква мерка, во пресрет на претседателски и евентуално предвремени парламентарни избори, без соодветна аргументација, може да се толкува како популистичка мерка за добивање на гласови. Токму вака ја нарече оваа иста влада во 2014 година мерката за отпис на долгови за социјалните случаи што тогаш ја најави премиерот Груевски. Тогашните експертски анализи пред повеќе од четири години ја оценија мерката како „класична коруптивна“ во битка за гласови, па и како комунистичка, оти „граѓаните требале да бидат благодарни на дарежливоста на власта со тоа што ќе гласаат во нејзина полза“. И сега експертските мислења се критични. А најжестоки се граѓанските реакции на социјалните мрежи. Граѓаните уште еднаш се почувствуваа обесправени, велат зошто никој не се сети на редовните плаќачи на сметки кои тоа го прават секој месец без разлика дали имаат пари или не?

Хрватска им ги отпиша долговите на повеќе од 150.000 граѓани

Ивона Петрова — Tue, 24 Jul 2018 06:28:20 +0000

Хрватска им ги отпиша долговите на повеќе од 150.000 блокирани граѓани, кои на државата и правни лица поврзани со неа и должеле 10.000 куни (1.360 евра) плус камати. Премиерот Андреј Пленковиќ изјави дека долговите се отпишани врз основа на новиот Закон за отпишување на долгови за физички лица кои имале долг до 10.000 куни плус камати, со што целосно се деблокирани 6.248 граѓани. Износот на отпишаниот долг е 1,338 милијарди куни. Најмногу граѓани на кои државата им го отпишала долгот има во Загреб и тоа 28.743, во Сплит се 4.302, во Осијек 3.701, а во Ријека 3.842. Станува збор за отпишување на долгови кон државата или правни лица на кои државата им е единствен основач или сопственик, како што се Хрватската радиотелевизија или Хрватскиот завод за здравствено осигурување