РТ Америка згаснува, повеќето вработени се отпуштени

Тале Кристо — Fri, 04 Mar 2022 11:36:06 +0000

РТ Америка ќе престане да работи и ќе отпушти поголем дел од своите вработени, се вели во писмото од T&R Productions, продукциската компанија која стои зад руската државна мрежа. Во писмото до вработените, Миша Солодовников, генерален директор на T&R Productions, рече дека ќе „престане да работи“ на сите свои локации „поради непредвидени настани“. -За жал, претпоставуваме дека ова ќе биде траен прекин на работниот однос, додаде тој. Компаниите ја прекинаа соработката T&R Productions имаше канцеларии во Њујорк, Мајами, Лос Анџелес и Вашингтон. Престанокот на T&R значи и крај на американската филијала на РТ, пишува Си-Ен-Ен. На почетокот на неделата, давателот на сателитска услуга DirecTV, еден од двајцата што емитуваа РТ Америка, ја прекина соработката, што и нанесе голем финансиски удар на мрежата. Roku, кој продава хардвер кој им овозможува на корисниците да следат содржини преку Интернет, исто така рече дека ја исфрлил РТ Америка од својата платформа. Во последниве денови, Раша Тудеј, која управува со неколку мрежи ширум светот, значително го намали досегот на емитување бидејќи технолошките компании и телевизиските мрежи ширум светот ги прекинаа врските со неа поради инвазијата на Украина.

Отпуштените работници од Горење ќе бидат вработени во нова фабрика за телевизори

Тале Кристо — Tue, 16 Jun 2020 10:01:50 +0000

Раководството на кинеската компанија Хисенс која е сопственик на гигантот Горење, објави дека ќе отвори нова фабрика за телевизори каде предност при вработувањето ќе имаат работниците кои ги отпушти поради намалување на производството за време на пандемијата со коронавирусот. Како што јави дописникот на МИА од Љубљана, плановите на Хисенс е производствените капацитети да бидат сместено во објектот на Горење во Велење. Според најавите првите телевизори во новата фабрика треба да почнат да се произведуваат следната година. Предвидено е првично да се вработат 350 луѓе кои би произведувале над четири милиони телевизори годишно. Сите оние работници кои веќе добија откази од Горење, сега ќе имаат предност при вработувањето, а компанијата ќе има даде и посебни писма со препорака. Отказите во Горење предизвикаа голем број реакции и протести. Најголем дел од отпуштените се жители на Велење, Шоштањ и околните места, па затоа на случувањата во компанијата се гледаше како на голем социјален удар врз регионот.

Отпуштени работници – Kurir.mk

РТ Америка згаснува, повеќето вработени се отпуштени

Отпуштените работници од Горење ќе бидат вработени во нова фабрика за телевизори