отпуштени – Kurir.mk

САД: Управата на болница во Бостон отпушти речиси 200 невакцинирани работници

Тале Кристо — Tue, 07 Dec 2021 09:16:09 +0000

Речиси 200 вработени во болница во американската сојузна држава Масачусетс се отпуштени поради тоа што во одредениот рок не се вакцинирале против коронавирусот, јави агенцијата Анадолија. Станува збор за вработените на болницата „ЈуМас Меморијал хелт“ во Бостон, која на персоналот му дала рок до 1 ноември целосно да се вакцинира против Ковид-19. Раководството на болницата соопшти дека чекало уште еден месец и оти на крајот ги раскинало договорите со персоналот кој не е вакциниран. – Вакцинирани се 98 проценти од персоналот на болницата, а со тие 2 проценти кои пружија отпор ја раскинавме соработката, се наведува во соопштението. Се наведува дека приоритет на болницата е заштитата на персоналот и пациентите и оти отпуштањето на невакцинираните работници е единствената опција. Во таа бостонска болница работат околу 15.000 луѓе.

„Јунајтед ерлајнс“ отпушта речиси 600 невакцинирани работници

Тале Кристо — Wed, 29 Sep 2021 06:57:52 +0000

Авиокомпанијата „Јунајтед ерлајнс“, која на почетокот на август побара од сите свои вработени во САД да бидат вакцинирани против Ковид-19, соопшти дека се подготвува да отпушти 593 лица кои не приложиле доказ дека се имунизирани. Од вкупно 67.000 вработени во компанијата, помалку од три проценти (околу 2.000 луѓе) побарале да бидат ослободени од обврската поради медицински или верски причини. Над 99 проценти од останатите избрале да се вакцинираат. – Побаравме од сите наши вработени во САД да се вакцинираат од една едноставна причина: да ја гарантираме безбедноста на нашиот персонал. Вистината е, дека сите се побезбедни кога сите се вакцинирани, и барањата за имунизација функционира, изјавија извршниот директор Скот Кирби и претседателот на компанијата Брет Харт. За 593 вработени кои не доставиле доказ за вакцинација, компанијата ќе започне процес на отпуштање согласно процедура договорена со синдикатите.

Пилоти ги служат патниците во „ИсландЕр“, стјуардесите отпуштени

Тале Кристо — Mon, 20 Jul 2020 07:22:57 +0000

Исландската национална авиокомпанија „ИсландЕр“ одлучи да ги отпушти сите стјуардеси и стјуарди, со цел да ја спаси компанијата од финансиски проблеми предизвикани од новиот коронавирус, а од денеска наместо нив, пилотите ќе ги служат патниците. – Сепак пилотите нема да губат многу време на туркање колички низ авионот, нудејќи пијалок и храна, бидејќи таа услуга поради вирусот е намалена на минимум, соопшти „ИсландЕр“, што претставува одлука без преседан, според која, дел од пилотите сега ќе се грижат за безбедноста на патниците во авионот. Како што пренесуваат медиумите, засега е нејасно како пилотите успеале за два дена да се подготват за новата улога, бидејќи одлуката за отказ на кабинскиот персонал е донесена во петокот, по долгите неуспешни разговори со синдикалните претставници. Бизнисинсајдер наведува дека се уште не е познато дали таквата замена на улогите е дозволена во регионите во кои сообраќа „ИсландЕр“, вклучувајќи ги САД и ЕУ. Авиокомпанијата „ИсландЕр“ е основана во 1937 година.

Во Тетово остануваат без работа 160 работници, тврдат дека биле принудени на нови договори

Дарко Андоновски — Fri, 03 Apr 2020 11:13:52 +0000

Во Тетово над 160 работници во фабрика за производство на предиво и волница остануваат без работа, а луѓето обвинуваат дека од страна на раководството им било извршено принуда да потпишат анекси на договорите за работа, објавува МИА. Велат дека иако добиле договори за работа на три месеци, биле принудени за истите да потпишат анекси и со тоа останале без работа. Тие сметаат дека се изиграни со цел да не да добијат плати за февруари и март. -Сите вработени во Тетекс Јарн Лимитед на од 1 до 10 март март потпишавме договори на 3 месеци. На 17 март ни беа дадени нови договори за работа со важност од 9 март до 31 март без напишан износ на плата. Така со завршување на на „новиот” договор од 1 април 2020 ние остануваме без работа. Раководната структура не ни исплати плати за февруари како и сега за март, а со тоа немаме ни платени придонеси. Од раководството ни се заканија дека мора да ги потпишеме анексите инаку нема да ни даде одјава од работно место за да се пријавиме како невработени. Исто така ни се заканија дека нема да ги добиеме платите за февруари и март, директорот ни рече дека правдата е на нивна страна. Меѓу нас има луѓе со по 35 години стаж, велат работниците кои се обраитја до нашата редакција и сакаат да останат анонимни поради страв од реваншизам по нив. Работниците го пријавиле случајот до Државниот инспекторат за труд и други соодветни институции. Редакцијата на МИА телефонски се се обиде да добие одговор од раководството, но одговор не добивме и покрај неколкуте повици и пораки. Фабриката која производство на предиво и волница е компанија со доминантен бугарски капитал.

Власта наместо да вработува и да отвора нови работни места секојдневно отпушта: 133 лица од РЕК Битола денес останаа без работа

Дарко Андоновски — Fri, 29 Dec 2017 14:35:59 +0000

-Се прашувамe дали е ова првата одлука на Васко Ковачевски, неформалниот директор на РЕК, одлука која наместо промоција за некој нов проект или вработување, е одлука за отказ на 133 лица. Вработените кои останаа без работа се лица кои се ангажирани во РЕК Битола уште од август 2015 година. Се работи за 133 фамилии од Битола, Демир Хисар, Могила, Новаци и Ресен останаа без своите средства за егзистенција токму пред самиот почеток на Новата година. Ако на ова се надоврзат уште 50на фамилии од образованието и детската заштита сликата За Живот за сите се комплетира во целост. Власта мора да престане да се однесува како државата и државните институции да се нејзин приватен посед. Државата мора да биде еднаква за сите. Со еднакви услови и можности за секој граѓанин, истакнуваат од ОК ВМРО-ДПМНЕ Битола. Од Општинскиот Комитет велат дека ништо од животот кој го најавуваше СДСМ. Граѓаните на Битола и битолско добија само беда и заплашување. -СДСМ не го интересираат граѓаните. Начинот на кој се однесува власта покажува дека единствена цел им е ослободување на работни позиции, на кои подоцна треба да се вработат луѓе од СДСМ. Власта мора веднаш да запре со праксата на бркање луѓе од работа. Граѓаните не смеат да бидат жртва на политиките на СДСМ за бркање по рецептот од „Чистачка до министер“. Граѓаните и нивните судбини не смеат да бидат заложници на теснопартиските апетити. Државата мора да биде еднаква за сите. Граѓаните заслужуваат демократија и држава во која ќе се почитува принципот на владеење на правото, стои во соопштението на ОК ВМРО-ДПМНЕ Битола.