УНЕСКО: Охридското Езеро може да биде тргнато од Списокот на светско наследство

Тале Кристо — Tue, 22 Jun 2021 11:01:57 +0000

Организацијата за образование, наука и култура при Обединетите Нации (УНЕСКО) препорача отстранување на крајбрежјето на Ливерпул од Списокот на светско наследство, поради опасност од „прекумерен развој“ на урбанизмот. За местото се вели дека е „сопственост предложена за отстранување од списокот на светско наследство“. Овој потег на светската агенција разгневи многумина во тој северозападен англиски град. И Долината Катманду во Непал е предложена за вклучување во Листата на светско наследство во опасност, како и подрачјето околу Охридското Езеро на албанската и македонската страна. Тоа значи дека постои опасност целосно да се отстранат од тој список. Препораките, УНЕСКО ги објави пред состанокот на Комитетот за светско наследство, којшто го следи одобрувањето. Средбата ќе се одржи во Фужоу, Кина, од 16 до 31 јули. Во извештајот се предложени и Големиот Корален Гребен на Австралија, Венеција и Будимпешта – да бидат вклучени во списокот „Светско наследство во опасност“. Учесниците на состанокот ќе донесат конечна одлука за предлозите за бришење и предупредување. Градоначалникот на Ливерпул, Стив Ротерам го опиша потегот како „длабоко разочарувачки“. – Ние сме горди на нашата историја, но нашето наследство е витален дел од нашата преродба. Би ги повикал надлежните да ја прифатат нашата покана за посета, наместо да ја донесат својата одлука седејќи околу маса на другата страна од светот, истакна тој во објава на социјалните мрежи. Резерватот „Селоус гејм“ во Танзанија, исто така, е предложен за отстранување од списокот. Во Европа, места изложени на опасност се Будимпешта и Венеција – и двете се предмет на преразгледување и загриженост поради развојот на бродскиот туризам. – Ова би било многу сериозна работа за нашата земја доколку се укине Венеција, рече италијанскиот министер за култура, Дарио Франческини, истакнувајќи ја важноста од наоѓање долгорочни решенија за проблемот со крстарењата. Австралија денеска веќе најави дека силно ќе се спротивстави на препораката на УНЕСКО – Големиот Корален Гребен да се именува како „опасност“, поради влошување предизвикано од климатските промени. И вулканите во руската област Камчатка се препорачуваат за во списокот на загрозени места.

Отстранети милиони лажни реклами за лекување на коронавирусот во ЕУ

Тале Кристо — Tue, 26 May 2020 14:01:05 +0000

Европската комисија (ЕК) информираше дека на нејзино барање се отстранети „милиони лажни реклами“ ширум Европската унија, во соработка со националните власти за заштита на потрошувачите, јави дописничката на МИА од Брисел. На иницијатива на Комисијата здруженијата вршат скрининг на милиони веб сајтови и платформи за да откријат реклами кои манипулираат со информации за да промовираат лажни производи, во контекст на пандемијата со коронавирусот. По скринингот блокирани се милиони лажни реклами, соопшти ЕК. Резултатите од инспекцијата откриле 88 веб сајтови со лажни производи за лечење на коронавирусот, 30 сајтови со лажни информации за вирусот како 24 веб сајтови за кои постои сомнеж дека користат нефер практики за да ги зголемат цените. Во акцијата се инволвирани властите за заштита на потрошувачите на сите 27 земји членки на Унијата. Посебно внимание било посветено на понудите за маски, дезинфекциски гелови и други видови заштитна опрема, како и производи кои ветуваат лечење од Ковид-19. Европската Комисија оцени дека оваа акција е доказ за добрата соработка со онлајн платформите како Гугл и Амазон. -Повеќето онлајн платформи позитивно одговорија на повикот на Европската Комисија за справување со измами и лажни понуди и покажаа јасна заложба за отстранување на штетни содржини. Меѓутоа, како што покажа овој скрининг, измамниците продолжуваат да наоѓаат начини да ги експлоатираат слабостите на потрошувачите, да заобиколат алгоритми и да отворат нови веб сајтови, изјави еврокомесарот за правда, Дидие Рејндерс. Тој ги повика потрошувачите да бидат свесни за измамите на интернет, посебно во контекст на пандемијата. -Треба како потрошувачи да бидете свесни дека не постојат магични лекови од интернет, рече Рејндерс.

Отстранети – Kurir.mk

УНЕСКО: Охридското Езеро може да биде тргнато од Списокот на светско наследство

Отстранети милиони лажни реклами за лекување на коронавирусот во ЕУ