отстранување – Kurir.mk

Како да ги отстраните масните дамки од каучот? ДВА трика по кои мебелот ќе ви биде како нов!

Ристе Здравков — Fri, 28 Apr 2023 07:35:53 +0000

Штотуку купивте кауч и веќе сте го извалкале? Знаеме, мрсните дамки на мебелот звучат како ваш најлош кошмар и се чувствувате како никогаш да не можете да му ја вратите поранешната слава. Сепак, со помош на следните две ефективни решенија, вашиот тросед наскоро ќе изгледа како нов. Сода бикарбона Посипете ја дамката со сода бикарбона и оставете ја да отстои еден час. Ќе откриете дека сода бикарбоната ќе ја впие маснотијата, па на местата каде што се дамките таа ќе потемни. Потоа користете шпатула за да го отстраните вкоренетиот прав и втријте детергент за миење садови во дамката и потоа исплакнете. Можеби ќе треба да го повторите процесот на сода бикарбона уште неколку пати додека не се апсорбира целата маснотија. Талк или бебешка пудра Доколку немате сода бикарбона, тогаш испробајте го следниот трик. Потребен ви е талк во прав или некаква пудра, која е одличен отстранувач на дамки од масло. Извалканото место посипете го со пудра и оставете го да отстои додека не ја впие целата маснотија, а потоа исчеткајте го со мека четка за облека и ќе видите дека дамката ќе исчезне.

Општина Центар започнува со акција за отстранување на паркинг блокатори и ослободување на јавни површини

Тале Кристо — Mon, 16 Jan 2023 11:15:49 +0000

Секторот за инспекциски работи на Општина Центар во наредниот период започнува со засилени контролни активности за ослободување на јавните површини кои се под надлежност на општината. Во деновите што следат, инспекорите ќе вршат надзори и ќе ги санкционираат сите правни и физички лица кои имаат поставено блокатори за паркинзи на улиците, тротоарите или другите јавни површини. Општина Центар упатува апел до сите граѓани и правни лица кои без потребна документација имаат поставено блокатори на јавни површини во најкраток можен рок самите да ги отстранат. Во спротивно, блокаторите ќе бидат отстранети од страна на општинските служби, а на одговорните ќе им бидат изречени глоби и санкции согласно Законот за јавна чистота.

Отстранете ги веднаш: Овие типови луѓе го трујат вашиот живот

Ристе Здравков — Mon, 20 Dec 2021 10:33:05 +0000

Постојат многу извори на негативност во нашите животи. Понекогаш околностите се далеку од совршени и ние стануваме несреќни и депресивни и се чувствуваме како да нема излез од оваа спирала. Вие имате моќ да направите пресврт во вашиот живот. Можете да почнете со отстранување на отровните луѓе од вашиот живот. Во продолжение прочитајте 8 типови луѓе кои го трујат од вашиот живот: Луѓето кои шират негативност Дали некој човек во ваша околина е постојано лут, огорчен и несреќен? Ако е така, веројатно можете да почувствувате како тие луѓе постојано ја наметнуваат својата негативност и песимизам. Кога сте опкружени со луѓе кои цело време кукаат, така и вие постојано ја примате нивната енергија. Ако пречесто се дружите со тие луѓе, веројатно и вие ќе го усвоите тој негативен начин на размислување, а сите знаеме колку е важно да размислуваме позитивно. Луѓе кои цело време ве критикуваат Тие обично почнуваат со мали работи, како на пример тоа дека не им се допаѓаат вашите чевли, но набргу ќе преминат на критикување на работите за кои вие чувствувате голема страст. Да, секако ви се потребни луѓе кои искрено ќе ви кажуваат што мислат, но не ви требаат луѓе кои цело време ќе ве критикуваат и понижуваат. Никогаш нема да се чувствувате слободно и удобно ако продолжите да бидете во друштво на вакви луѓе. Луѓе кои ви го трошат времето Сосема е супер да поминувате време со луѓе кои имаат посебно место во вашиот живот. Но, има луѓе кои го сакаат нашето внимание само за да добијат внимание. Тие не ви помагаат во развојот и растот, тие само го трошат вашето време. Не им го дозволувајте тоа. Љубоморни луѓе Кога се случува ретко, не е страшно, но некои луѓе се постојано љубоморни и никогаш не се среќни со тоа што го имаат и никогаш нема да бидат среќни на вашата среќа. Тие постојано испраќаат негативни вибрации затоа што се завидни. Треба да се опкружите со луѓе кои ве поддржуваат и кои ќе ви помогнат да одите напред. Луѓе кои секогаш мора да бидат жртви Тоа се луѓе на кои секогаш „Цацко им е крив“ за нивните грешки или неуспеси. Тие никогаш не преземаат одговорност за своите постапки, а во еден момент тие сигурно ќе ве обвинат вас. И најлошо од сѐ е што таквата состојба на ум брзо ќе ви ја префрлат и на вам, но тоа не ви е потребно на вас. Луѓе кои не се грижат за вас Ова можеби делува очигледно, но многу често се дружиме со луѓе кои воопшто не се грижат за нас. Можеби тоа е затоа што најчесто се надеваме дека работите ќе се променат, но едноставно нема ниту една валидна причина да се дружиме со некој кој не се грижи за нас. Себични луѓе Овие луѓе само се преправаат дека се грижат за вас. Но, порано или подоцна, сѐ се врти околу нив. Во односите во животот мора да даваме и да земаме, ако некој само зема од вас, тогаш време е да се оддалечите. Луѓе кои секогаш ве разочаруваат Никој од нас не е совршен. Сите грешиме и понекогаш се случува да бидеме негативни, критични, себични или љубоморни. И тоа е океј. Сите ние сме луѓе. Но, важно е да бидеме подготвени да работиме на себе, да се развиваме и да се трудиме за да бидеме подобри луѓе. Ако има некој во вашиот живот кој цело време ве разочарува, а не прави ништо за да се поправи, тогаш е време да му кажете збогум. Што може да направите за да го подобрите својот живот? Прв чекор е да се ослободите од негативната околина, а најважно од сѐ е да останете позитивни. Променете го негативното рамислување и ослободете се од ограничувачките уверувања.

ВИДЕО: Мајка открива како да отстраните маркер од ѕидовите – сите родители останаа во неверување

Магдалена Андонова — Wed, 18 Nov 2020 10:30:08 +0000

Koга децата ќе одлучат да ги искористат ѕидовите наместо хартија за цртање, настанува ситуација која е ноќна мора за секој родител. Трагите од боици, фломастери и маркери понекогаш е невозможно да се отстранат, но една мајка, се чини дека пронашла ефикасна метода. На бел ѕид каде што имало натпис од маркер, испрскала со крема за сончање и бојата веднаш почнала да протекува од ѕидот. Потоа со крпа го избришала натписот за да ги отстрани сите траги и успеала во тоа. Видеото е објавено на ТикТок, каде инаку се делат совети и трикови за родители.

@botanysquaredCelebrating every one of your orders 🤗 #smallbusinesscheck #bossbabe #order #beautybusinessowner #smallbusinessuk #ecommerce ♬ original sound - Botany Squared