отвара – Kurir.mk

Сојузот на здруженија на пензионери ќе отвори телефонска линија за пенионерски прашања

Магдалена Андонова — Thu, 30 Jul 2020 09:46:28 +0000

Сојузот на здруженија на пензионерите на Македонија ги информира пензионерите дека од 4 август ќе почне да функционира отворена телефонска линија за пензионерите „Ало, пензионерски прашања“ на која двапати неделно, по два часа пензионерите ќе можат да добиваат одговори на нивните прашања. – Во услови на пандемија, Сојузот на здруженијата на пензионерите на Македонија ги информира пензионерите дека од 4 август ќе почне да работи телефонската линија 02 3213 227 „Ало, пензионерски прашања“. Одговорите ќе ги даваат стручни и компетентни лица ангажирани од Сојузот, секој вторник и четврток од 10 до 12 часот, појаснуваат од Сојузот. Оттаму додаваат дека на овој начин се потврдува грижата за пензионерите со цел да добијат одговори на нивните психолошко-социолошки и здравствени проблеми, или да остварат обична комуникација со што, како што посочуваат, ќе се потврди значењето на разговорот и вниманието неопходно за луѓето во третата доба. (МИА)

Дизниленд во Париз ќе се отвори на 15 јули, во фази

Тале Кристо — Mon, 22 Jun 2020 15:31:32 +0000

Компанијата „Волт Дизни“ соопшти денеска дека забавниот парк Дизниленд во Париз ќе биде отворен во фази, почнувајќи од 15 јули, неколку дена откако паркот повторно ќе се отвори во Соединетите Американски Држави. Директорката на паркот во Париз, Наташа Рафалски изјави дека се очекува повторно отворање на Дизниленд паркот, паркот Волд Дизни студио, хотелот Њупорт беј и Дизни селата. Компанијата ги затвори парковите низ целиот свет поради пандемијата на коронавирусот и најави дека Дизниленд во САД ќе се отвори на 11 јули, исто така во фази.

Италија ќе ја спасува туристичката сезона, од овој датум се отвараат границите

Тале Кристо — Sat, 16 May 2020 07:49:15 +0000

Движењето во регионите ќе биде повторно дозволено од 18 мај, а забраната за меѓурегионално патување ќе биде укината на 3 јуни. Владата на Италија донесе одлука на 3 јуни да ги отвори границите за граѓаните на Европската Унија со што овозможува слободно движење во земјата. -Владата ја одобри уредбата предложена од премиерот Џузепе Конте и министерот за здравство Роберто Сперанза, со која ќе се отворат границите за жителите на ЕУ, Сан Марино и Ватикан од 3 јуни, се вели во соопштението. Движењето во регионите ќе биде повторно дозволено од 18 мај, а забраната за меѓурегионално патување ќе биде укината на 3 јуни. Укинувањето на забраната за патување е значаен чекор на патот кон закрепнување за оваа тешко погодена земја, а владата се надева дека некако ќе успее да ја спаси летната туристичка сезона. Италија е меѓу најпогодените земји во светот од коронавирус со повеќе од 31.600 смртни случаи и околу 223.800 случаи на заболени од 21 февруари. Италија е трета земја во однос на стапката на смртност од „ковид-19“, зад САД и Велика Британија.

Германија почнува да ги отвора продавниците

Тале Кристо — Mon, 20 Apr 2020 07:23:58 +0000

Германија се подготвува за нова фаза во борбата против епидемијата на коронавирусот, при што на некои бизниси сега им е дозволено да работат по едномесечен прекин, јави ДПА. Се отвораат мали и средни продавници со површина помала од 800 метри квадратни, иако 16-те покраини имаат различни правила за враќање на работа. Дилерите на автомобили и на велосипеди и книжарниците исто така ќе можат да продолжат со работа. Во некои провинции зоолошките градини се исто така на оваа листа. Училиштата ќе бидат отворени за дел од учениците кои полагаат или се подготвуваат за испити во Саксонија, Берлин и Бранденбург. Другите провинции треба да ги отворат училиштата подоцна оваа недела или почетокот на мај. Дебатата за грижата за помалите деца продолжува. Се очекува денеска да се одржи состанок на работната група на која ќе се разговара за постепеното обновување на работата на јаслите и градинките во државата.

Австрија размислува на лето да ги отвори границите за туристи од одредени земји

Тале Кристо — Sun, 19 Apr 2020 10:47:19 +0000

Официјална Виена би можела да дозволи туристи од Германија и други земји во кои коронавирусот е под контрола да ја посетат Австрија во текот на летото, изјави австриската министерка за туризам Елизабет Костингер. Германските туристи учествуваат со повеќе од 30 проценти во посетите за време на летната туристичка сезона во Австрија. Учеството на туризмот во БДП на Австрија е едно од најголемите во ЕУ. – Слободата на патување ќе остане ограничена во наредните месеци. Меѓутоа, доколку земјите се успешни (во борбата против коронавирусот), како што е Германија, постои реална шанса за билатерални договори, рече Костингер. Конзервативниот премиер Себастијан Курц изјави дека Австријците треба да размислат за тоа летните одмори да ги минат во својата земја за да и помогнат на економијата. Владата до крајот на април планира да претстави план за постепено отворање на рестораните и туризмот. Од вторник, во Австрија се отворени одредени продавници, но со задолжително носење заштитна маска. Задолжително е да се носат маски и во јавниот превоз, и во такси-возилата. Според Универзитетот Џонс Хопкинс во Австрија коронавирусот е потврден кај 14.671 лица, од кои 443 лица починале.

Северна Ирска планира повторно да ги отвори продавниците за алкохол

Тале Кристо — Fri, 27 Mar 2020 20:18:17 +0000

Регионалната Влада на Северна Ирска планира да дозволи повторно да се отворат специјализираните продавници за алкохолни пијалаци, соопшти денеска министерот за правда. Северноирските власти на почетокот од неделава наредија затворање на продавниците за алкохол што предизвика критики од страна на политичари и трговци, затоа што со тоа се зголеми притисокот врз, и без тоа, преоптерените супермаркети, каде исто така се продаваат алкохолни пијалаци. Во Северна Ирска има 275 лица заразени со коронавирусот, а 13 се починати.