отворање граници – Kurir.mk

Нов Зеланд ги отвори границите за странци по повеќе од две години

Магдалена Андонова — Mon, 01 Aug 2022 11:13:39 +0000

Нов Зеланд ги отвори своите граници за странци во понеделникот, за прв пат од март 2020 година, кога земјата беше „заклучена“ поради пандемијата на коронавирус. Границите на Нов Зеланд почнаа повторно да се отвораат во февруари, прво за Новозеланѓаните, а ограничувањата постепено беа ублажени. Процесот на повторно отворање заврши во неделата навечер, при што на посетителите им беше потребна виза, а на оние со студентски визи сега им беше дозволен влез во Нов Зеланд. Дозволено е и пристигнување на бродови за крстарење и странски јахти. Посетителите мора да се вакцинираат против Ковид-19 и да се тестираат најмалку двапати по пристигнувањето во Нов Зеланд. Новозеландската премиерка Џасинда Ардерн на Кинескиот бизнис самит во Окленд изјави дека завршувањето на постепеното отворање на границите е огромен успех. - Тоа беше постепен и внимателен процес од наша страна од февруари, бидејќи ние, заедно со остатокот од светот, продолжуваме да управуваме со многу жива глобална пандемија додека го одржуваме нашиот народ безбеден, рече премиерот. Меѓународните студенти даваат значаен придонес за економијата на Нов Зеланд, а образовниот сектор се надева дека ќе профитира од отворањето на границите. Министерот за туризам на Нов Зеланд, Стјуарт Неш, рече дека враќањето на бродовите за крстарење исто така ќе биде поттик за локалните индустрии.

Австралија ги отвора границите по речиси две години локдаун и скандалот со Ѓоковиќ

Магдалена Андонова — Sun, 20 Feb 2022 09:16:33 +0000

Австралија, потпирајќи се на високата стапка на вакцинација против коронавирусот, утре за првпат ќе пречека меѓународни туристи по речиси две години од затворањето на нејзините граници, пишува Танјуг. Отворањето на Австралија за туристите е најјасен показател за напуштање на строгиот пристап во борбата против пандемијата на коронавирус и посветеноста на коегзистенција со коронавирусот со вакцинација, со цел да се намали смртноста и бројот на тешки случаи на болеста. Најголем број од 2,7 милиони случаи на заразени со коронавирус во земјава се забележани со пристигнувањето на варијантата омикрон кон крајот на ноември. Сепак, со една од најголемите стапки на вакцинација во светот - повеќе од 94 проценти од луѓето на возраст над 16 години - се забележани нешто помалку од 5.000 смртни случаи, што е само дел од стапката на смртност во многу други развиени земји. Одлуката за отворање на границите за странските туристи стапува на сила нешто повеќе од еден месец откако светскиот тениски ас Новак Ѓоковиќ беше депортиран од оваа земја, иако претходно му беше одобрено медицинско ослободување од вакцинација против коронавирус.

КОНЕЧНО: Еве од кога ќе може да одиме во Грција – потребен ќе биде сертификат за вакцинација или негативен ПЦР тест

Магдалена Андонова — Wed, 21 Apr 2021 20:59:59 +0000

Министерот за здравство д-р Венко Филипче, во вечерашното интервју на телевизија Сител посочи дека нашата држава веќе има изготвено сертификат, по насоки на ЕУ, со посебен код кој ќе послужи на граѓаните да патуваат во Грција, откако тамошните власти ќе донесат и официјална одлука за тоа. Според најавите кои Филипче ги доби од грчкиот министер за туризам Теохарис тоа се очекува да се случи на 14 мај. Освен сертификат за вакцинација, граѓаните кои не се вакцинирани ќе може да патуваат и со потврда за негативен ПЦР тест кој може да го напратва во една од 20 те лаборатории кои имаат дозвола од Министерството за здравство. -Тоа што би требало да се бара при премин на границите се потврда или за примена вакцина за што ние имаме спремна потврда со соодветен код, кој ќе биде прифатен на сите гранични премини. Тој сертификат е подготвен и на почеток на следната недела веќе во понеделник ќе се издава ретроактивно на сите лица кои се ревакцинирани. Доколку граѓаните не се вакцинирани, вториот услов е негативен ПЦР тест. Ние имаме листа од 20 тина овластени лаборатории кои стручната Комисија на МЗ и дел од Комисијата за заразни болести утврдиле дека работат во соодветни стандарди и тие лаборатории со издаден ПЦР тест, се разбира доколку е тој негативен, граѓаните ќе имаат можност да влезат во Грција. Сега чекаме и официјална потврда, а секако ја следиме и епидемиолошката состојба - изјави Филипче Дали со една доза на вакцината Астра Зенека ќе може да се патува во странство, министерот посочи дека таква одлука се уште нема, но таква одлука има и така функционира Велика Британија. Филипче:Сертификат за вакцинација или негативен ПЦР тест за патување во Грција