отворено на алфа – Kurir.mk

Стојановски: Владата влијае на работата на заедничката комисија со Бугарија, и нанесува штета на Македонија

Дарко Андоновски — Mon, 17 Jun 2019 19:24:41 +0000

Страшко Стојановски, универзитетски професор при своето гостување на емисија „Отворено на Алфа“ посочи дека преговорите на комисиите не водат до компромис, бидејќи оштетената страна сепак е македонската страна. -Не би рекол дека владата молчи, повеќе би рекол дека дискретно се повлекува, префрлајќи ја одговорноста на некој друг. А, тој друг се разбира е Комисијата, односно членовите на Комисијата од македонска страна. Очигледно дека Република Македонија е во пасивна ситуација односно во пасивна состојба, посочи Стојановски. Стојановски Тој додава дека она што владата настојува да го наметнува, го наметнува дискретно преку самата Комисија и очигледно е дека е потребно да се прават некакви компромиси би рекол условно кажано кои се врзуваат со националната историја и историските факти. Ваквиот тип на преговори условно кажано е на некој начин преседан во регионот на Југоисточна Европа, но ние сме навикнати на преседани во континуитет. При самото свое излагање Стојановски истакна дека работата на комисиите е да се дојде условно кажано до некој компромис, но сепак сите решенија ќе бидат на штета на македонска страна за жал.

Митевски се сомнева за чистка во МВР по партиски клуч: Спасовски треба да си поднесе оставка

Дарко Андоновски — Tue, 05 Mar 2019 19:11:45 +0000

Поранешниот прв човек на ДБК Горан Митевски во емисијата Отворено на Алфа телевизија истакна дека постои голема злоупотреба во МВР при промена на раководните кадри без интерен конкурс, како и изборот на несоодветниот кадар кој што се вработува во министерството. Митевски вели дека има случаи каде забни техничари се вработуваат во МВР и во бирото за јавна безбедност иако имаат несоодветно образование со самото тоа што се роднини на некои партиски функционери и пратеници од владејачкото мнозинство. -Министерот Спасовски не ги објасни критериумите за избор за во Агенцијата за национална безбедност на оние лица кои треба да преминат во новата агенција,односно кој од нив е подобен или не, после две години од неговото министерување имајќи ги сите механизми во рака, треба да си поднесе оставка зошто тоа го премолчел 2 години, доколку во МВР имало увидел несоодветен кадар, вели Митевски. Тој истакна дека според новиот најавен закон сите вработени нема да преминат во новата агенција, туку се очекува добар дел од нив да бидат отпуштени без притоа да се објаснат критериумите како тоа ќе се селектира. Доколку се стави директор на новата агенција кој што ќе биде партиски кадар тоа ќе биде потврда на моите сомневања дека ќе се случи одредена чистка по партиски клуч, вели Митевски за Алфа.

Митевски: Раководни лица во МВР се присилуваат да си дадат отказ, за на нивни места да се вработат партиските војници на СДСМ

Дарко Андоновски — Tue, 05 Mar 2019 18:27:34 +0000

Поранешниот прв човек на ДБК Горан Митевски во емисијата Отворено на Алфа телевизија истакна дека раководни лица во МВР се присилени да потпишуваат изјави дека се откажуваат од работните позиции од семејни и лични причини, за да на нивно место се вработат партиски кадри на СДСМ. Митевски вели дека станува збор за партиска злоупотреба на објавениот јавен оглас од страна на новата Оперативно - техничка агенција ОТА кој што иако бил објавен луѓето кои се вработиле биле примени по партиски списоци на владејачката партија. -Сето тоа се случува и во Министерството за внатрешни работи, по мои информации во последниве 3 месеци започнувајќи од декември месец масовно се менуваат кадрите во Бирото за јавна безбедност,со барање овие лица да потпишат изјави дека работните места ги напуштаат од семејни и лични причини, вели Митевски. Тој истакна дека овие раководни лица се присилени на тоа и на нивно место доаѓаат млади неискусни кадри кои допрва ќе треба да се обучуваат. Постои големо незадоволство од страна на вработените во МВР од луѓе кои се и симпатизери на СДСМ, како министерот Оливер Спасовски дозволил и не ги испочитувал подзаконските акти за избор на раководни лица преку интерни конкурси, вели Митевски. -По секоја цена се менуваат предходните раководни кадри во МВР пред претседателските избори заклучно со 8 февруари, каде речиси сите раководни позиции со нови неискусни кадри, партиски избрани, вели Митевски за Алфа.

Димитриев: Граѓанскиот совет за надзор на ОТА заглави со кадри кои што ќе испорачуваат политички извештаи

Дарко Андоновски — Tue, 22 Jan 2019 20:57:28 +0000

Пратеникот на ВМРО-ДПМНЕ, Емил Димитриев во неговото гостување во Отворено на Алфа телевизија говорејќи за Советот за граѓански надзор врз ОТА изјави дека советот кој требаше да биде тело кое нема да биде политичко, сепак заглави со кадри кои што ќе работат во прилог на политиката и кои целата јавност знае за кого одработуваат. Тој потенцираше дека цело време се се сведува на едни исти луѓе или т.н. аналитичари кои што во работно време се советници во владини кабинети, а попладне се по телевизиите како аналитичари. - Сметав дека граѓанскиот совет ќе биде првото тело или првата институција во Македонија на новата Влада кое што на дело ќе го демонстрира она што го говореа како опозиција, дека не треба политизација, но заглавивме со политички кадри, кадри кои што ќе испорачуваат извештаи кои ќе одат во прилог на политиката, изјави Димитриев Димитриев истакна дека самиот процес уште од самиот почеток е промашен, огласот не бил транспарентен, а целата постапка формално и структурно не ги исполнува условите и затоа неопходно е огласот да се поништи и да има нов, кој ќе биде достапен на што е можно повеќе експерти. - Огласот беше распишан прилично несоодветено, не го видоа луѓето доволно, аплицираа многу малку луѓе. Дури и од формален аспект таму пишува дека во граѓанскиот совет треба да членуваат тројца претставници од невладиниот сектор, тројца од експертската јавност, и формално овој услов не е запазен. Уште еден аргумент кој што говори дека огласот и целата процедура треба да биде сторнирана, да биде поништен и да имаме нов оглас, нагласи Димитриев.

Славески: ВМРО-ДПМНЕ јасно кажа дека е подготвена уште веднаш за предвремени парламентарни избори

Дарко Андоновски — Tue, 15 Jan 2019 12:44:29 +0000

Уште и на 19-ти октомври ВМРО-ДПМНЕ јасно кажа дека е подготвена уште веднаш за предвремени парламентарни избори, појасни Трајко Славески, член на ИК на ВМРО-ДПМНЕ кој гостуваше вчера на емисијата „Отворено на Алфа“. При самото гостување на Славески на емисијата „Отворено на Алфа“, водителката го праша дали партијата навистина е подготвена за предвремени парламентарни избори имајќи го на ум влогот на меѓународната заедница за процесите. Славески одговори дека не го знае каков е ставот на меѓународната заедница и односно колку тие влијаат на одлуките што СДСМ и ДУИ треба да ги донесат во врска со барањето на ВМРО-ДПМНЕ за предвремени парламентарни избори. -Но само ја да потсетам дека и пред почетокот на целокупната процедура за уставните измени односно пред 19-ти октомври ВМРО-ДПМНЕ јасно кажа дека е подготвена уште веднаш за предвремени парламентарни избори. Тогаш постоеше можност ако не се случија оние криминални уцени на пратеници и други засегнати за да постигнат потребно мнозинство за отпочнување на процедурата за промена на Уставот и ние јасно излеговме дека сме подготвени за избори, посочи Славески. Славески потенцира при самото гостување дека таков е случајот и сега, дури мисли дека е обично политиканство, односно перење на совеста на сите оние претставници на СДСМ кои што тврдат дека наводно овдека има барање без да речеме желба за да се добијат предвремени парламентарни избори.

Силјановска: Тие што утре ќе кренат раце во собранието, ја фалсификуваат историјата

Дарко Андоновски — Tue, 08 Jan 2019 18:38:52 +0000

Професорката од правниот факултет „Јустинијан Први“ од Скопје, Гордана Силјановска Давкова, како гостин во Отворено на Алфа телевизија нагласи дека оние пратеници кои утре ќе кренат раце да гласаат за уставните промени ја фалсификуваат историјата и дека тоа не е само неморален чин, туку и низа кривични дела. Таа вели дека политиката е надвор од границите на правото, дека процедурата е гаранција за демократијата, па го праша Претседателот на Владата во која постапка преговара за нови амандмани? „Се знае дека амандмани се поднесуваат во постапка по предлог Законот, тоа значи утре. Но кај нас се е надвор од процедурата. Ако го споредите првиот текст на Предлогот за отворање на Уставот, кој што беше испратен во Собранието ќе видите дека воопшто не кореспондира со Нацртот. Ако ние ги учиме студентите дека Уставот е над законите и ако сакаме да имаме правна држава тогаш Уставот е најважната рамка за политиката, но во Македонија тоа не важи.“, вели професорката. Таа ги нагласи последиците кои ќе произлезат од спроведувањето на Преспанскиот договор. „Далеку од умот е дека на 8 септември повеќе од милион луѓе гласале за Северна Македонија, тоа го пишува во Преамбулата. Постои огромна контрадикција меѓу Преамбулата и членот 36, бидејќи во Преамбулата исто така се почнува со историската меморија, а меморијата е душата на Уставот. “, вели таа. Професорката изјави дека поради три провинции во Грција кои се појавиле за прв пат на географската карта во 1987 година како региони, не како територијални единици, сега можат како сакаат и кога сакаат да го користат називот Македонија. А ние кои барем 74 години живееме во Република Македонија, повикувајќи се на правото на самоопределување мораме да внимаваме дека придавката „Македонија“ не смееме да ја користиме ни пред државните институции, кога во придавката е суштината.