отвори – Kurir.mk

Словенија ги отвори градинките и училиштата

Тале Кристо — Mon, 18 May 2020 09:41:29 +0000

Во Словенија денеска децата се вратија во градинските, а дел од учениците почнаа со настава, јави дописникот на МИА од Љубљана. Градинките во кој важат строги правила со цел спречување на ширењето на коронавирусот од утрово ги отворија вратите за децата, кои повеќе од два месеца беа дома. Повторно работат и училиштата, но само за учениците од прво, второ, трето и девето одделение. Според словенечкото Министерството на образование, утрово во училиште дошле вкупно 64.497 ученици, односно 34,5 отсто од вкупниот број основци во земјата. Од денес отворени се и установите за престој и образование на деца со посебни потреби. Инаку, според одлуката на Националниот институт за јавно здравје, наставниците и предавачите ќе мораат да носат заштитни маски, а просториите треба комплетно да се дезинфицираат неколкупати во текот на денот.

Хрватска неформално ги отвори границите за туристи пред четири дена

Тале Кристо — Wed, 13 May 2020 09:17:27 +0000

Хрватска неформално ги отвори своите граници за туристите пред четири дена, пишува загрепски „Јутарњи лист“, потсетувајќи дека министерот за внатрешни работи Давор Божиновиќ најави дека денеска ќе се донесе одлука за туризмот на ниво на Европската унија. Весникот пишува дека тоа било навестено вчера, кога Божовиќ на редовната прес-конференција на Штабот за цивилна заштита потврди дека луѓето кои на граница докажале дека имаат резервирано туристичко сместување во Хрватска, всушност влегле во земјата без никакви проблеми. Весникот забележува дека формално-правно тоа е спротивно на препораките на Хрватскиот институт за јавно здравје од 9 мај, со кои се пропишува дека странците можат да ја преминат хрватската граница само во три специфични ситуации и тоа кога во Хрватска имаат недвижен имот или пловило, ако доаѓаат на погреб или се во земјата од деловна причина. „Јутарњи“, повикувајќи се на неофицијални извори, навадува дека токму туристите спаѓаат во категоријата економски интерес и иако тоа никаде не е децидно наведено, тие всушност можат да влезат во земјата.

Хрватска ги отвори границите, само треба да се внимава на препораките

Тале Кристо — Sun, 10 May 2020 15:13:31 +0000

Границите на Хрватска од утрово се отворени, а според таа одлука, на хрватските граѓани им е дозволено да доаѓаат, односно да заминуваат во странство, почитувајќи ги општите и посебните препораки на Хрватскиот институт за јавно здравје. Кризниот штаб појасни дека граѓаните на земјите-членки на ЕУ и членовите на нивните семејства, како и граѓани на трети земји со долгорочен престој, имаат право да влезат во Хрватска кога имаат деловни причини или економски интереси, пренесува порталот Индекс. Право на влез во Хрватска имаат и лицата со право на престој врз основа на други директиви на ЕУ или националното право. Меѓу исклучоците на кои е дозволен влез во земјата се и оние кои патуваат поради неодложни лични причини. Хрватскиот министер за здравство Вили Берош рече дека засега не размислува за воведување тестирања на границите.