оу димитар македонски – Kurir.mk

Вандализирано ОУ „Димитар Македонски“ во населба Лисиче (ФОТО)

Магдалена Андонова — Mon, 08 Nov 2021 15:23:03 +0000

На Фејсбук профилот „Населба Лисиче“ денеска беа споделни фотографии од извршен вандализам низ целото основното училиште „Димитар Македонски“ кое се наоѓа во самата населба Лисиче. - Нацртани сатанистички звезди, ишрктано со боја по ѕидовите, подот и вратите и уште разни други вулгарности. Најостро го осудуваме ова срамно, безобразно и нецивилизирано однесување, пишува во Фејсбук објавата.

Митески: Додека сите првачиња се радуваа на првото училишно ѕвонче, Марин и Царовска им ја укинаа радоста на дечињата од ОУ „Димитар Македонски“

Магдалена Андонова — Wed, 01 Sep 2021 12:06:10 +0000

За жал, срамот е на Златко Марин и Мила Царовска. Додека во цела Македонија првачињата се израдуваа на првото училишно ѕвонче, дечињата од ОУ "Димитар Македонски" во Населба Лисиче немаа таква можност. После 5 години од почнување со изградба, после сите лаги искажани од градоначалникот и министерката за образоввание, единствено "успешно" им ја укинаа радоста на стотина дечиња, кои овој ден требаше да го паметат цел живот. Нема зборови кои можат да ја опишат оваа неспособност наречена СДСМ. Искрено жалам за секоја изгубена детска насмевка поради неспособноста на "владетелите". Овде не станува збор за политика, овде станува збор за тажна слика која ќе ја паметат долги години една цела генерација на дечиња и родители. Жално и срамно. Фејсбук статус на Дејан Митески

Ова е причината зошто Марин наместо на лице место, држи состаноци во канцеларија и се фали со изградба на училиштето во населба Лисиче (ВИДЕО)

Дарко Андоновски — Tue, 02 Jun 2020 15:47:19 +0000

ОК ВМРО-ДПМНЕ Аеродром денеска сподели видеа од моменталната состојба и вистината за основното училиште „Димитар Македонски“. -Вистината за ОУ "Димитар Македонски" Ова е причината зошто #ЗлаткоМарин, наместо на лице место, држи состаноци во канцеларија и се фали со изградба на училиштето во населба Лисиче. Среде бел ден, ниту еден работник, ниту една машина на лице место. Апсолутна тишина. Руинираните бараки, за жал, најверојатно и наредната учебна година ќе служат како училници. Три години, а никако да продолжи изградбата на училиштето. Пред секои избори нови ветувања, но и нови лаги од страна на #Марин и #СДС. #Неспособни (повеќе фотографии во коментар), стои во нивниот пост на Фејсбук. https://www.facebook.com/okaerodrom.vmrodpmne/posts/2087510218061281 Инаку во некои медиуми денеска излегоа и информации дека изградбата на новиот објект е во тек, што е сосема невистинито, а доказ се видеата и фотографиите погоре во веста. Во тек се градежни активности на основното училиште „Димитар Македонски“ во населбата Лисиче. За изградбата на ОУ „Димитар Македонски“ работен состанок денеска имаа градоначалникот на Аеродром Златко Марин и заменик-министерката за образование Елизабета Наумовска во просториите на Општината. Како што информираше Наумовска, новиот објект е со површина од 2.840 квадратни метри и со капацитет за 700 ученици во две смени. Училиштето ќе биде опремено со кабинети по современи стандарди, простории за наставниците, за дневен престој и кујна, стои во дел од текстот објавен денеска во дел од порталите.

Децата од Лисиче учат во мизерни услови, родителите револтирани: Очајната состојба во ОУ „Димитар Македонски“ е врв на негрижата на властите

Ивана Ефремовски — Mon, 18 Nov 2019 15:08:45 +0000

Основното училиште „Димитар Македонски“ во скопската населба Лисиче наместо достоинствени услови за настава, на учениците им нуди очајна состојба. И ова трае неколку години. Револтот кај родителите расте, а децата секојдневно по неколку часови поминуваат во руинирана барака. Минатата Влада започна со градба на целосно нов објект во дворот на училиштето, но по нејзината смена работите почнаа да тапкаат во мртва точка. Иако Владата на СДСМ и општина Аеродром под закрила на Златко Марин на големо зборуваа за ова училиште, од ветувањата до ден денес нема ништо. Трошка надеж се јави кај родителите по најавата дека стагнацијата завршува и дека нивните деца ќе добијат нов објект, но неодамна добија нов ладен туш. Донесена е одлука за поништување на постапката за довршување на започнатата градба. Со други зборови, децата остануваат во старите објекти кои буквално се распаѓаат. Стотици ученици секојдневно се соочуваат со ризик дека дел од просториите во кои го минуваат најголемиот дел од денот можат да се срушат. Наместо нормални училници, дечињата од Лисиче учат во бараки изградени во 1964-та година. Руинираните тоалети, искршените клупи, испуканите ѕидови и тавани кои се распаѓаат е секојдневната слика со која се соочуваат голем број на деца. Оваа мизерија е и работното место на голем број наставници, кои колку и да сакаат да работат во соодветни услови, мора да се снаоѓаат во овој очај. Марин во својата предизборна програма ветуваше дека условите во кои децата посетуваат настава ќе бидат едни од неговите приоритети. „Во мандатниот период посебно ќе се залагаме за создавање современи и соодветни услови за образование“-ветуваа во својата програма „Живот во Аеродром за сите“. На дело, ништо од тоа. КУРИР денес побара одговори од општината, кои се следните чекори кои ги планираат за ова училиште и до кога децата ќе учат во вакви услови? Од таму добивме само„префрлување на топката“ до адреса на Министерството за образование и наука. -Според нашите информации во Министерството за образование и наука работат на изнаоѓање решение во најкус можен рок. За подетални информации би ве замолиле да се обратите до оваа институција од каде што се надлежни за ова прашање, се наведува во одговорот на општината до редакцијата на КУРИР. Секако, КУРИР ги побара истите овие одговори и од Министерството за образование и наука. Од таму, одговорноста ја префрлија на Илинденска број 2. -Постапката за избор на компанија за довршување на градежните активности за изградба на објектот на ОУ „Димитар Македонски“ е поништена поради тоа што пристигнатите понуди ја надминаа проценетата вредност на инвестицијата. Информацијата е проследена до Влада од каде очекуваме согласност за повторно објавување на постапка за јавна набавка за избор на компанија која ќе ги доврши градежните активности, се наведува во одговорот на МОН до КУРИР. КУРИР во дописите до општината и министерството го спомна и револтот на родителите, но тие наши прашања беа игнорирани, односно воопшто не добивме одговор на нив. Дел од нив најавија протест и дека нема да ги пуштаат децата на настава во второто полугодие. Неколку родители чии деца се во ова училиште ја контактираат редакцијата на КУРИР веќе подолго време. Едногласни се дека нема да дозволат уште долго децата да им посетуваат настава во мизерни услови. Прашуваат дали функционерите од актуелната Влада би дозволиле нивните деца да учат во ваков руиниран објект и најавуваат дека ќе превземат ригорозни мерки.