ова е македонија – Kurir.mk

„Ова е Македонија за сите“ денеска во Петровец

Ивона Петрова — Wed, 06 Sep 2023 07:58:14 +0000

Претседателот на ВМРО-ДПМНЕ, Христијан Мицкоски денеска заедно со градоначалникот на општина Петровец, Борче Митевски ќе присуствуваат на пуштање во употреба на новоизградената општинска зграда во Петровец. Настанот е во рамките на активноста „Ова е Македонија за сите“. По завршувањето на настанот изјава за медиуми ќе даде Мицкоски.

Мицкоски: Летово заедно со дел од тимовите од „Ова е Македонија за сите“ ќе посетиме дел од населените места опфатени со акцијата, ќе разработиме стратегија за решавање на проблемите

Ивона Петрова — Thu, 06 Jul 2023 06:49:43 +0000

Акцијата „Ова е Македонија за сите“ заврши со посетени 709 населени места од страна на 19 тимови на ВМРО-ДПМНЕ во чиј состав имаше 200 луѓе од ВМРО-ДПМНЕ, објави на Фејсбук претседателот на партијата, Христијан Мицкоски. Посочи дека нотирани се 18.324 проблеми, најголемиот дел од кои директно зависат од централната власт, која 6 години е нема на барањата на народот. -Најголемиот дел од руралните места, но и градовите од внатрешноста немаат добра инфраструктурна поврзаност помеѓу себе. Земјоделците немаат откуп за своите производи. Здравството е урнисано. Народот од секој дел од државата бара промени, зошто е повеќе од сигурен дека со СДС и ДУИ може само полошо. Народот бара решенија, но бара и одговорен пристап. Летово, со дел од тимовите ќе посетам дел од населените места кои веќе еднаш беа посетени во рамки на акцијата. Лично ќе ветам работа, одговорност и посветеност за секое едно населено место во државата и за Македонија. ВМРО-ДПМНЕ ќе разработи план и стратегија и идната наша влада ќе почне решавање на проблемите, за да се обезбеди подобра иднина за сите, стопи во објавата на Мицкоски.

Мицкоски на работен состанок со тимовите од „Ова е Македонија за сите“

Ивона Петрова — Wed, 05 Jul 2023 09:03:29 +0000

Претседателот на ВМРО-ДПМНЕ, Христијан Мицкоски денеска ќе одржи работен состанок со тимовите од акцијата „Ова е Македонија за сите“. На состанокот, информираа од ВМРО - ДПМНЕ, ќе бидат разгледани извештаите за проблемите со кои што се соочуваат граѓаните, како и можните решенија за нивните проблеми и идеи. По завршување на состанокот изјава за медиуми ќе даде Ивица Томовски, член на Централниот комитет на ВМРО-ДПМНЕ.

Трибина „Борба против корупцијата и криминалот“ во Гевгелија

Ивона Петрова — Thu, 15 Jun 2023 07:16:39 +0000

Трибина на тема „Борба против корупцијата и криминалот “ ќе се одржи денеска со почеток од 18 часот на Градскиот плоштад во Гевгелија. Организатор на трибината е ВМРО-ДПМНЕ, а во рамки на акцијата „Ова е Македонија за сите“. Говорници на трибината се: · Христијан Мицкоски, претседател на ВМРО-ДПМНЕ, · Александар Николоски, потпретседател на ВМРО-ДПМНЕ, · Ели Панова, пратеник во македонскиот парламент, · Драган Ковачки, пратеник во македонскиот парламент, · Ѓорги Сламков, поранешен претседател на ДКСК

Љутков: Граѓаните во општина Петровец се разочарани од централната власт и со нетрпение чекаат да ја дадат поддршката за ВМРО-ДПМНЕ

Катерина Бојаџиева — Sun, 04 Jun 2023 15:42:19 +0000

Членот на ИК на ВМРО-ДПМНЕ, Зоран Љутков во рамки на акцијата „Ова е Македонија за сите“ ги посети населените места Чифлик, Долно Коњари и Средно Коњари во општина Петровец, од каде истакна дека поддршката за градоначалникот од ВМРО-ДПМНЕ во овие населени места е огромна, но е голема разочараноста од централната власт. „Не е големо изненадување колкава голема е поддршката на градоначалникот Борче овдека во оваа населено место и со каква позитивна енергија зборуваат, но тоа никогаш не било ни прашање колку тие го поддржуваат градоначалникот Борче, но прашање е секогаш колку малку централната власт дава поддршка во општина Петровец во последниве две години“, истакна Љутков. Тој додаде дека разочараноста на граѓаните од овие населени места доаѓа поради однесувањето на централната власт и одбивањето на сите амандмани во Собранието за поддршка на оваа општина. „Критиките постојано се за она што се случува за централно ниво, критиките се зошто пратениците во Собранието кога поднесуваат амандмани за поддршка на општина Петровец, тие амандмани секогаш се одбивани“, потенцираше Љутков и додаде дека поради ваквата состојба граѓаните со нетрпение ги чекаат изборите за својата поддршка да ја дадат на ВМРО-ДПМНЕ. „Граѓаните во општина Петровец ја даваат огромната поддршка на ВМРО-ДПМНЕ, ги чекаат изборите да дојдат и сакаат да го дадат својот глас за ВМРО-ДПМНЕ, бидејќи знаат дека и во минатото, сите проекти, сѐ што е направено во ова населено место Чифлиг е направено со помош на ВМРО-ДПМНЕ“, подвлече Љутков.

ВМРО-ДПМНЕ: Оваа влада на ДУИ и СДС ја ограбуваат Македонија, за тоа ќе бидат казнети од народот

Ивона Петрова — Sun, 14 May 2023 09:37:15 +0000

ВМРО-ДПМНЕ и овој викенд продолжи со акцијата за теренски посети на населени места и средби со граѓани, во која 19 тимови ги слушаат проблемите со кои се соочуваат и сугестиите за нивно решавање. Членот на Извршниот комитет на ВМРО-ДПМНЕ, Владимир Ѓорчев беше во посета и оствари средба со жителите на населените места Ѓавото, Стојаково, Селемли, Миравци, Пирава при што беше констатирано дека огромно е незадоволството од актуелната Влада предводена од Димитар Ковачевски и неговите министри. „Големо е незадоволството затоа што народот се иселува и си заминува. Големо е незадоволството од корупцијата, по што Македонија бесрамно се краде. Во оваа влада главниот збор го нема СДСМ, туку ДУИ. СДСМ дојде до тоа дереџе, да бидат измеќари и слуги на желбите и програмата на ДУИ. Македонија гледа до која мерка е дојден Ковачевски каде што бара дозвола од ДУИ дали да поднесе оставка, а ДУИ му вели нема да поднесеш оставка, ќе седиш, ќе ни служиш уште година дена. Македонија ќе се пљачка, Македонија ќе се уништува, а тие да бидат во нивните министерски фотељи“, рече меѓу другото Ѓорчев. Пратеникот во македонското Собрание, Бране Петрушевски со неговиот тим разговараше со многу граѓани од населените места Бељановце и Добрашане кои што им укажаа на сериозни инфраструктурни, бирократски, економски проблеми кои ги тиштат во нивното секојдневно живеење. „Овој народ плаќа даноци, овој народ плаќа акцизи и надоместоци за да се полни буџетот на Република Македонија, кој што го пљачкаат ДУИ и СДСМ. Но македонскиот народ ширум државата ќе ги казнат на следните избори, токму ДУИ, Груби, Ахмети, СДСМ и Ковечевски и ќе ги испратат на срамното буниште во историјата“, истакна Петрушевски. Ели Панова, пратеничка во македонскиот Парламент заедно со нејзиниот тим беше во струмички населени места Муртино, Добрејци и Просениково каде разговараа со жителите што секојдневно ги тиштат. „Тие знаат дека виновниците за нивните проблеми се ДУИ и СДСМ. За жал, во моментов, Република Македонија ја води премиер кој што никогаш не излегол на избори, кој што се плаши да излезе на дебата и на кој што му ја искинале и оставката која што ја дал. Виновници за целата оваа ситуација во која што се наоѓа Република Македонија, постојат и за да ги надминеме мораме да се сплотиме и да кажеме дека е доста со распродавање на државата, доста е со трошење на милиони на проекти кои што никој од овие граѓани нема да ги осети“, рече Панова. Потпретседателката Гордана Димитриеска Кочоска со нејзиниот тим беше во посета и оствари средба со жителите на населените места Милетино, Челопек, Седларце и Брвеница каде се осврна на економијата која е најважна за граѓаните и потенцираше дека полош животен стандард Македонија немала никогаш до сега. Ќе тргнам од економијата затоа што сметам дека е најбитна, на крајот од денот секој од нас се бори за плата и да може да има подобар живот. Математиките и статистиките покажуваат дека полош животен стандард не сме имале никогаш, дури и периодот на транзицијата. Зошто? Затоа што денеска со две минимални плати не може да се помине месецот, инфлацијата е повеќе од 20%, кажа таа. Драган Ковачки со неговиот тим беше во посета на населените места Чифлик, Умлена и Робово во Општина Пехчево, каде што истакна дека власта наоѓа 20 милиони евра за изградба на 1 километар на коридорот 8, а нема 620 илјади евра за инфраструктурно поврзување на три населени места и дека Али Ахмети, Артан Груби и Димитар Ковачевски се најголемите кочничари на патот на Македонија кон Европската Унија. Владо Мисајловски, потпретседател на ВМРО-ДПМНЕ и пратеник при теренската посета од на населените места Радишани и Бутел истакна дека доаѓа денот кога ќе се стави крај на политиките на СДС и ДУИ. Потпретседателот на ВМРО-ДПМНЕ и градоначалник на Општина Аеродром, Тимчо Муцунски посочи дека Македонија ќе добие историски највисока цена за изградба на автопати, каде што еден километар автопат ќе чини околу 25 милиони евра. Генералниот секретар, Ѓорѓија Сајкоски од населените места во Маврово и Ростуше рече дека со проектот за коридорот 8, владата не ја поврзува општина Кичево, туку дека истиот ќе завршува само до Зајас, со што остануваат уште 16 километри до Кичево кои нема да бидат опфатени во автопатското решение Гостивар – Букојчани. Претседателот на Унијата на млади сили (УМС) на ВМРО-ДПМНЕ, Сергеј Попов од кавадаречко истакна дека дури 61% од младите сметаат дека државата не инвестира за подобрување на финансиската состојба на оние млади кои живеат во сиромаштија, затоа тие се иселуваат и заминуваат од државата. Миле Лефков, член на ИК и пратеник во собранието при посета на населеното место Блатец, потенцираше дека се појасно е дека истокот во државата се повеќе се празни, а сетоа тоа е поради власта од СДСМ и ДУИ која се грижи само за богатење на функционерите. Пратеникот Никола Мицевски при средбите со жителите на населените места Шашарвалија, Селце, Чардаклија и Караорман потенцираше дека се поголем е бројот на разочарани граѓани од страна на власта и дека власта сака да донесе закони со европско знаменце за да наполнат се повеќе од своите џебови.

Трибина на ВМРО-ДПМНЕ: „Современи образовни политики“

Ивона Петрова — Thu, 11 May 2023 12:52:07 +0000

ВМРО-ДОМНЕ денеска во Ректорат во општина Штип организира трибина на тема „Современи образовни политики“. Трибината ќе започне во 18 часот и е во рамки на акцијата „Ова е Македонија за сите". Говорници на трибината се: -Проф. д-р Христијан Мицкоски, претседател на ВМРО-ДПМНЕ, -Проф. д-р Весна Јаневска, претседател на комисија за образование и наука на ВМРО-ДПМНЕ, -Проф. д-р Гордана Сиљановска Давкова, пратеник во македонското собрание, -Проф. д-р Христина Серафимовска, член на комисијата за образование и наука на ВМРО-ДПМНЕ -Проф. д-р Весна Кожинкова Карагунова, претседател на Советот на општина Штип Во воведниот дел на трибината ќе се разговара со Иван Јорданов, градоначалник на Општина Штип.