овчар – Kurir.mk

Овчар пукал кон кучиња, а погодил и повредил човек

Ивана Ефремовски — Tue, 06 Sep 2022 13:59:20 +0000

На 05.09.2022 во 21:18 часот во СВР Куманово, од Општа болница Куманово било пријавено дека кај нив со повреда бил донесен Ј.С. од Куманово. Полициски службеници излегле на местото и во службен разговор со нив Ј.С. пријавил дека со повредите се здобил во с.Војник, општина Старо Нагоричане. Како што пријавил тој, додека шетал бил погоден од овчар, кој со воздушна пушка пукал кон кучиња. Се преземаат мерки за расчистување на случајот.

Прва жртва од поплавата во Грција: Овчар пронајден мртов во Евија

Магдалена Андонова — Fri, 15 Oct 2021 10:45:59 +0000

Овчар (69) од Евија, кој се води како исчезнат од вчера, е пронајден мртов на островот по обилните дождови. Непосредно пред неговото исчезнување, тој се јавил во Противпожарната служба за да побара помош, бидејќи бил заробен во таа област. Тој бил пронајден мртов далеку од неговиот автомобил, кој го однесе вода за време на невремето. Според првите информации, овчарот, кој е прва жртва од бурата Балос, бил лоциран со помош на хеликоптер на противпожарната бригада, пренесува Прототема. Неговиот автомобил, кој бил лоциран во петокот наутро, бил искршен на делови, што покажува колку била силна водата. Да потсетиме, Грција ја погоди силно невреме, а слично време се очекува и денеска.

ВМРО-ДПМНЕ: Заев лета хеликоптер, Николовски путерот се одмора во Дубаи, а за овчарот од кратовско, кој загуби живот немаше ниту болничко возило

Тале Кристо — Wed, 07 Apr 2021 07:05:33 +0000

Заев лета хеликоптер, Николовски путерот се одмора во Дубаи, а за Златко Божиновски, овчарот, кој загуби живот немаше ниту болничко возило. Оваа власт со сите нејзини претставници е целосно забегана и одлепена од реалноста, стои во партиското соопштение на ВМРО-ДПМНЕ. Целиот трулеж на системот исплива на површина. Власта е неспособна и неорганизирана. Луѓе умираат затоа што нема кој да ја организира државната управа. Доколку имаше возило или хеликоптер за Златко Божиновски кој почина откако доктор го носеше 5 часа на раце низ планина, тој денеска можеше да биде жив. Неколку часа порано во болница можеби ќе го спасеа неговиот живот. И по неговата смрт, институциите си ја префрлаат топката, а Филипче кој не успеа да спаси еден човечки живот, без срам уште ја извршува функцијата министер. Што треба уште да се случи за Филипче да си даде оставка? Уште колку наши сограѓани треба да умрат? Уште колку? Срамота!, се вели во соопштението на ВМРО-ДПМНЕ.

ТАЖНА ВЕСТ: Почина овчарот од кратовско кого Итна помош го извлекуваше на раце без надлежните да пратат соодветно возило

Дарко Андоновски — Tue, 06 Apr 2021 12:45:22 +0000

63-годишниот овчар по една седмица во кома, утрово почина во Штипската болница, потврдија за Телма од болницата. Сточарот преживеа мозочен удар, а за неговиот случај се разбра откако лекар од кратовската Итна помош преку ФБ објави како неколку часа го носеле во импровизирана носилка од бачилото во кратовските планини до возилото за итна помош кое не можело да стаса поради непристапен терен. Откако лекарот ја објави информацијата и фотографиите од спасувањето на ФБ, напиша и дека ниту една институција не испратила соодветно возило или помош за да се обезбеди побрз транспорт. Претседателот Стево Пендаровски, вицепремиерот Никола Димитров, но и други владеачки функционери реагираа и соопштија дека станува збор за несоодветна реакција на терен, а директорите на ЦУК и на ДЗС изјавија дека тоа што било побарано било преземено (ЦУК), односно дека Дирекцијата за заштита и спасување воопшто не била информирана, а има соодветни џипови за планиснки терени. Се отвори и прашањето за употреба на хеликоптери на АРМ и на МВР, но ниту тие не биле известени односно не била побарана помош од нив. Случајот кој заврши со смрт на 63-годишниот маж уште еднаш покажа дека во Македонија нема соодветен систем за медицинско спасување и извлекување, ниту пропишан и ефикасен начин за употребата на хеликоптери во хуманитарни цели за спасување на човечки животи.

ВМРО-ДПМНЕ: За ќефот на Заев имаше хеликоптер, за овчарот кој почина не! Тоа е животот во Македонија!

Магдалена Андонова — Tue, 06 Apr 2021 11:51:23 +0000

За ќефот на Заев имаше хеликоптер, за овчарот кој почина не! Тоа е животот во Македонија! По една седмица во кома, денеска почина 63 годишниот овчар, кој откако преживеал мозочен удар наместо да добие адекватна лекарска помош, тој бил носен со часови од лекарот на итна помош низ планински терен, затоа што немало возило кое ќе го превезе, стои во соопштението на ВМРО-ДПМНЕ. - Животот на овчарот од Кратово можеби ќе беше спасен доколку навреме беше транспортиран во болница. Хеликоптерот со кој леташе Заев можеше да се употреби и за спас на овој човечки живот, но наместо за спас на човечки животи хеликоптерите на државата се користат за ќефот на Заев и врвот на власта, велат од партијата. ВМРО-ДПМНЕ тврди дека и овој како илјадници животи кои се загубија во оваа пандемија, е загубен пред се заради лошата организираност на власта и нивната неспособност.

Мечка повредила овчар на Шара, го спасиле кучињата

Магдалена Андонова — Tue, 08 Sep 2020 10:14:19 +0000

Жител на шарпланинското село Лисец во тетовската полиција пријавил дека бил нападнат од мечка вчера во утринските часови, а се спасил од смрт благодарение на реакцијата на неколкуте кучиња што му го уваат стадото овци Г.Ј (52 ) од Лисец, според полицијата, околу 10 часот во месноста Рах, каде што го напасувал своето стадо овци бил нападнат и повреден од мечка. Кога забележал дека има мечка што се упатила кон него, почнал да бега. Мечката го стигнал и го соборила. Натрчале кучињата, почнале да лаат, па мечката избегала. Во болница му констатирале полесни повреди и бил пуштен на домашно лекување. Пред дваесетина жители на Тетово успеаја да фотографираат мечка (на фотосот) во планинскиот предел во правец кон месноста Бањиче, покрај патот Бродец-Шипковица.

Овчар пронајден мртов во трло

Ивона Петрова — Sun, 21 Jun 2020 12:02:19 +0000

На 21.06.2020 околу 06,45 часот во СВР Велес, С.Т. од с.Војница пријавил дека во трло во негова сопственост на место викано,,Клетовник’’ во атар на с.Војница го пронашол без знаци на живот Љ.П.(64) од с. Забрчани, Општина Долнени, кој работел кај него како овчар, информираат од МВР. Од доктор од итна медицинска помош била констатирана смрт без траги од насилство. Увид на местото на настанот извршила увидна екипа од СВР Велес. По наредба на јавен обвинител телото на починатиот е предадено за обдукција во Институтот за судска медицина-Скопје.

Животната приказна на иранскиот голман од која ќе ви пукне срцето- чувал овци, а вчера му одбрани пенал на Роналдо и стана ѕвезда на СП (ФОТО)

Дарко Андоновски — Tue, 26 Jun 2018 09:32:33 +0000

Животната приказна на голманот на иранската репрезентација 25 годишниот Алиреза Бејрандванд ќе ве остави без зборови. Иран синоќа беше на чекор од сензација и пласман во осминафиналето, но на крајот против Португалија успеаја да освојат само бод. Херој на Иранците синоќа беше голманот Алиреза Бејранванд кој кон почетокот на второто полувреме при 1:0 за Португалија му одбрани пенал на Роналдо. Многумина речиси вчера прв пат да слушнаа за иранскиот голман, но зад неговиот успех се крие голема тажна приказна. Неговите родители често се селеле на различни локации барајќи пасишта на кои можеле да ги пасат своите овци. Тој е најстарото дете во семејството па така целиот товар секогаш му паѓал нему. Овчар- тоа било неговата професија, но кога не морал да ги чува овците играл фудбал и локална иранска игра Дал Паран во која целта е фрлање на каменот што подалеку. Таа игра подоцна му помогна во кариерата, бидејќи се прослави фрлајќи ја топката со рака, па така светот се стаписа кога дозна дека при неговата асистенција со гол фрлајќи ја топката со рака таа летала 70 метри.