овци – Kurir.mk

СО МОТОР „СУЗИКИ“ УДРИЛ ВО ОВЦИ НА ПАТОТ – 36 годишен маж итно префрлен во болница по несреќата

Дарко Андоновски — Mon, 09 Oct 2023 09:55:07 +0000

На 08.10.2023 во 16.30 часот во Полициската станица Свети Николе било пријавено дека на магистралниот пат Велес-Штип, клучка за с.Каратманово, мотоцикл „сузуки“ со светиниколски регистарски ознаки, управуван од Д.А.(36) од с.Ерџелија, светиниколско, удрил во овци кои преминувале преку патот и паднал. Во несреќата со тешки телесни повреди се здобил мотоциклистот, констатирани во Општата болница Велес. Извршен бил увид од увидна екипа од Полициската станица Свети Николе.

Исплатени субвенциите за обележани грла овци, кози и маторици

Ивона Петрова — Thu, 16 Mar 2023 13:06:16 +0000

Агенција за финансиска поддршка во земјоделството и руралниот развој денеска изврши исплата на директни плаќања за обележани грла овци, обележани грла кози и женски приплодни грла – маторици. Корисници на мерката за обележани грла овци се земјоделските стопанства одгледувачи на овци кои поседуваат најмалку 30 грла овци од сите категории евидентирани во Регистерот на одгледувалишта на овци. Вкупната исплатена финансиска поддршка изнесува 553,9 милиони денари за 2 664 одгледувачи. Корисници на мерката за обележани грла кози се земјоделските стопанства одгледувачи на овци кои поседуваат најмалку 10 грла кози од сите категории евидентирани во Регистерот на одгледувалишта на кози. Вкупната исплатена финансиска поддршка изнесува 53,5 милиони денари за 1 439 одгледувачи. Корисници на мерката за женски прилолдни грла – маторици се земјоделските стопанства кои поседуваат минимум 6 грла маторици. Вкупната исплатена финансиска поддршка изнесува 9,96 милиони денари за 375 одгледувачи. -Со силна динамика ја продолжуваме исплатата за мерките за сточарско производство. По исплатите за живинарско производство, денеска ја реализираме и исплатата за одгледувачите на овци, кози и маторици. Дополнително, следи и исплатата за огледувачите на говеда и корисниците кои имаат пријавено пчелни семејства, вели директорот на Платежната агенција Никица Бачовски.

Товарен воз удрил во стадо овци кај Миравци

Тале Кристо — Mon, 31 Oct 2022 18:35:05 +0000

Товарен воз усмртил околу 30 овци кај Миравци, потврди вечерва за МИА, Тони Ангеловски, помошник на министерот за внатрешни работи, за односи со јавноста. – Денес околу 15 часот во Полициската станица Гевгелија, било пријавено дека во близина на железничка станица Миравци, товарен воз кој сообраќал на релација Гевгелија-Скопје, удрил во стадо овци, при што биле усмртени околу 30 овци, а повредени лица нема, појасни Ангеловски за МИА. Увид на местото врши екипа на Полициска станица Гевгелија.

ФОТО: Овци го прекинаа снимањето на „Невозможна мисија 8“

Ивона Петрова — Thu, 22 Sep 2022 12:37:22 +0000

Снимањето на осмиот филм од серијалот „Невозможна мисија“ со поднаслов „Смртно лоцирање, 2. дел“ (Mission: Impossible – Dead Reckoning – Part Two) беше прекинато од стадо овци кои „го нападнаа“ местото на снимањето… Најновиот дел на еден од најпрофитабилните филмски серијали со Том Круз во главната улога, се снима во Лејк Дистрикт во Англија, а на филмската екипа работата им ја прекинало стадо овци кои просто минувале тука. Тоа, воообичаено, може да трае подолго, па снимањето морало да биде прекинато додека животните не се оддалечат оттаму. Филмаџиите автори на седмиот и осмиот дел со ист поднаслов, неколкупати мораа да ги менуваат плановите изминативе две години… Само за седмиот дел од филмот, продукцијата предвиде околу 290 милиони долари, но буџетот се зголемуваше со секоја корона-изолација… Се повторуваа тешки сцени кои повлекуваат и скапо затворање на делови од градот, вклучително и акциона сцена за време на карневалот во Венеција. Ова ги зголеми конечните трошоци за цели 100 милиони долари, во споредба со последниот дел од 2018 година. Корона-кризата значеше и одложувања на премиерата, па така, 7. дел ќе биде првпат прикажан на 14 јули 2023 година, а за 8. дел првичниот датум е 28 јули 2024 година.

Одгледувачите на овци незадоволни, Николовски им ја намали субвенцијата од 1300 на 1000 денари за основна мерка одгледување на овца

Тале Кристо — Fri, 11 Feb 2022 14:20:19 +0000

Одгледувачите на овци незадоволни се од одлуката на министерот за земјоделство, шумарство и водостопанство Љупчо Николовски за намалување на главната мерка за субвенционирање од 1300 денари на 1000 дена укажувајќи дека се кратат дури над три милиони евра. Митко Јанков, претседател на Здружение на сточари Агро Центар во изјава за дневникот на ТВ Алфа, вели дека со Николовски им ги намалил субвенциите кои што тие претходно ја договориле со бившиот министер Аријанит Хоџа од БЕСА, и од сегашните 1300 денари истата е намалена на 1000 денари, со образложение дека со предадено јагне во кланичен систем ќе влезе како мерка со 400 денари, што според него се кратат дури три милиони евра за целата бројка од 630.000 овци колку што се кажува дека има во Македонија, додавајќи дека со мерката 400 денари тие ќе добијат отприлика 500.000 евра, што е значително многу помалку од она што ќе го изгубат. Се уште е во тек состанокот, а субвенциите веќе ги скратија излезе во службен весник. Значи главната мерка беше 1300 денари договорено со претходниот министер Хоџа, а така што само што дојде новиот министер па се врати на 1000 денари мерката, со наводно кажано дека 400 предадено јагне во кланичен систем ќе влезе како мерка, а не како интервентна мерка, вели еден од Јанков кој е загрижен за ваквата одлука која веќе е објавена во Службен весник и е на сила. На прашањето зошто се кратат средствата и дали се во загуба тој вели дека додека се во државата се покачува, ним им се кратат субвенциите што значи дека ќе бидат во зијан со оваа работа, а дополнително и сточарство опаѓа и се помала е заинтересираноста за овчарството. Тие не кажуваат дека се скратени субвенциите, туку дека ни дале веќе уште една субвенција, од 400 денари. Но, кога ќе земеме пресметка на сите пари на целокупниот значи 1300 денари сега на 1000 денари минус 300 денара, тоа се некаде три милиона за цела бројка од 630 илјади како што викаат дека имало во Македонија, се 630 илјади овци. Тоа се три и пол милиони евра скратен, а со таа мерка од 400 денари добиваме отприлика 500.000 евра. Значи ние сме во минус два ипол милиони од нормалните субвенции без таа мерка, додаде тој. Според Јанков доколку министерството и Николовски сакаат да им помогнат тогаш сточарите бараат останат главните субвенции на 1300 денари како што беа за зачувано женско јагне 1000 денари и плус мерката од 400 денари што се планира. Како и да се гледа ние сме во зијан, за веќе знаете каде отиде нафтата, храната за овци. Сметам дека е доста со ваква погубна политика, ако навистина сакаат да помогнат на сточарството затоа што секоја година сточарството ни е во опаѓање, и навистина ако сакаат да помогнат тогаш да си останат главните субвенции на 1300 денари како што беа за зачувано женско јагне 1000 денари и плус мерката од 400 денари што се планира. Како што гледаме се помалку и помалку има заинтересирани за oвчарство, а знаете и самите една држава без земјоделие, без сточарство, без производство на храна не може. Тоа ви е исто како и да ви кажам сега со мое јагне еден Македонец ако купи 15 кила јагне, 15 кила нема да узвеземе, значи нема да бидеме зависен ден за увоз, потенцираше Јанков Според информациите кои што ги добивме состанокот во министерството завршил без да се постигне договорот меѓу сточарите и Николовски, револтирани дека со ваквите погубни политики директно им задира во егзистенцијалните потреби.

Игралиште или пасиште во Аеродром: Деца си играат, а до нив пасат овци – Марин како изреката „Село гори, баба се чешла“(ФОТО)

Ивана Ефремовски — Fri, 18 Jun 2021 19:49:35 +0000

На игралиштето кај паркот со авиончето во општина Аеродром денес бевме сведоци на несекојдневна глетка. Цело стадо овци, среде оваа скопска општина, беа пуштени да пасат трева во близина на игралиште каде во тие часови имаше огромен број на деца. Непријатна миризба се шири низ цела општина, особено во овој дел до реката Вардар. Дополнително, црн густ чад се издигнуваше и мирисаше ужасно насекаде. Градоначалникот на Аеродром, Златко Марин, треба да си ги пушти инспекциите на терен. Сигурни сме дека ќе имаат полни раце работа затоа што ова е само еден од проблемите во општината. Ако за него е нормално, среде една од најурбаните македонски општини, слободно да се носи на пасење цело стадо овци, за граѓаните сигурно не е. Ѓубре насекаде, “закрпени“ улици, дупки, раскопани тротоари, палење на отпад што дополнително го загадува воздухот во најзагадената општина... па ни фалеа уште овци. Еве ги, дојдоа и тие. Среде бел ден, среде еден од најпрометните булевари, во еден од најпосетените паркови за деца, Аеродром доби и пасиште. По принипот „Село гори, баба се чешла“, градоначалникот на СДСМ не паметиме кога последен пат сме го виделе да излезе меѓу граѓаните и да спроведе некој од проектите кои чекаат со години по неговите ветувања. Општината за која ветуваше дека ќе ја разелени, остана да чека зеленило. А тоа зеленило кое го има, сега е храна за овци.

Сточарите разочарани, се уште не им се исплатени премиите за 2020 година

Ивона Петрова — Sat, 01 May 2021 14:20:08 +0000

Претседателот на Здружението на сточари од Кичевско Ајрадин Бајрами изјави дека сопствениците на матични стада овци во кичевијата се крајно разочарани од инертниот однос на Министерството за земјоделство, шумарство и водостопанство, бидејќи се уште не им се исплатени премиите за 2020 година, кои вообичаено се префрлаа на нивна сметка до крајот на февруари. Годинава, истакна Бајрами, се соочуваме со најголеми проблеми во одгледувањето на матичните стада овци. Голем проблем ни претставуваат се уште неисплатените субвенции за 2020 година, што требаше да легнат на наша сметка уште во февруари. Дефицитот на средства ни ја отежнува работата нормално да функционираме и затоа не треба да чуди намалениот интерес за одгледување на овци во нашиот регион, рече Бајрами и потенцира исто така дека е зголемена откупната цени на годинешното јагне, откако ги продадоа годинешните јагниња. -Кога беа за продажба нашите јагниња кон средината на март, цената на откупувачите се движеше од 135 до 140 денари за килограм жива мера, а денес кога во целост го продадовме годинешното јагне, цените се подигнаа и се движат од 170 до 180 денари, како да се чекаше да го продадеме нашето јагне за потоа да можат да речат дека цените и не биле така ниски во споредено со претходните години. Сите трошоци се зголемени од храната до лекарствата, единствено нашите приходи се намалени и ако продолжи оваа агонија и ние ќе завршиме со одгледување на овци, додава Бајрами. Тој рече дека ако во блиска иднина не бидат исплатени субвенциите за минатата година, тие ќе ги блокираат патиштата за да ја потсетат Владата на обврските кои ги презема кон нив. Јагнешкото во продавниците во Кичево се движи од 350 до 400 денари за килограм и ретко кој од граѓаните купува повеќе од еден бут.

МОЌНА ФОТОГРАФИЈА: Куче ги спаси овците од волци, а еве каква благодарност доби

Ивана Ефремовски — Mon, 08 Mar 2021 09:04:08 +0000

Оваа фотографија е толку моќна што покажува какви емоции знаат да покажат животните. Овца изразува благодарност на едно куче откако тоа го спаси нејзиното јагне и целото стадо од напад на глутница волци. Кучето е многу повредено, а во херојскиот чин го ризикуваше својот живот. Фотографијата нека биде лекција за луѓето и љубовта.

Иднината на сточарството: Робот чува овци!

Ристе Здравков — Sun, 24 May 2020 13:12:34 +0000

Роботот Spot на американската компанија Boston Dynamics веќе е познат и ги има докажано своите можности, а сега една новозеландска компанија ја тестира неговата примена во сточарството. Поточно, чување овци. Компанијата Rocos смета дека роботот Spot со своите способности и напредна технологија би можел да биде од голема помош кога станува збор за чувањето на овци на тешко достапните места. За време на тестирањето, роботот „шеташе“ низ неистражени подрачја на Нов Зеланд, со тоа што од Boston Dynamics ја надгледуваа неговата работа преку посебен кориснички интерфејс кој го разви Rocos. Ова би им овозможило на сточарите од далечина да ги надгледуваат своите стада и нивната локација, а роботот може да ги алармира доколку дојде до некаква непредвидлива ситуација.

Прескапиот тревник на Шилегов денес е полн со овци (ФОТО)

Ивана Ефремовски — Thu, 14 May 2020 14:00:03 +0000

Среде Скопје, но и среде епидемија, се појави најскапата трева која македонските граѓани ја имаат видено. Додека поради коронавирусот земјава брои жртви, а огромен број на граѓани едвај сврзуваат крај со крај борејќи се за егзистенција, власта се луксузира. Најскапиот тревник во светот скопјани ги чини 530.000 евра, обвинија и од ВМРО-ДПМНЕ. Граѓаните со право се револтирани што додека тие живеат во мака, Шилегов го прави овој огромен трошок. Затоа, направија герила акција, па денес тревникот е полн со овци. Не вистински, секако, но пораката од граѓаните е јасна.