овен – Kurir.mk

Овенот, Шкорпијата и Лавот ментално најсилните хороскопски знаци

Тале Кристо — Thu, 24 Nov 2022 21:53:07 +0000

Дали чувствувате болка во зглобовите или 'рбетот?Дали чувствувате болка во зглобовите или 'рбетот? Секој хороскопски знак има свои квалитети, но особено се истакнуваат луѓето родени во овие 3 знаци. Тие се предодредени за голем успех. Неуспехот не им е опција, се што ќе започнат го претвораат во успех. Ова се трите ментално најсилни хороскопски знаци: Овен Овенот е полн со енергија, виталност и е многу активен на сите полиња. По природа е љубопитен и амбициозен, па на секој чекор ќе наиде на можност да создаде успешен бизнис и да заработи пари. Стравот е непознат за претставниците на овој знак, па затоа секогаш се подготвени за нови предизвици. Од друга страна, тие често делуваат премногу импулсивно, па секој Овен има барем еден непријател во својот живот. Тие не се плашат да го кажат своето мислење и затоа може да биде многу тешко да се работи со нив. Нивните најдобри квалитети се лидерството, енергијата и бестрашноста. Шкорпија Претставниците на овој знак имаат многу силен карактер. Ова е особено точно на емотивно ниво, бидејќи нивната страсна природа ги прави незапирливи. Кога размислуваат за нешто, не се откажуваат додека не постигнат успех. Имаат силен карактер и импулсивен темперамент. Шкорпиите обично се многу критични, донекаде арогантни, а односите со нив често се полни со тешкотии. Нивните најдобри квалитети се решителност, истрајност и способност за постигнување цели. Лав Лавот е доминантен и роден лидер, па соодветно, неуспехот не е опција за него. Не се плаши од ништо и сака да стекнува познанства, да започнува бизниси и да наоѓа иновативни решенија. Сепак, сето тоа понекогаш им се “удира од глава“, па импулсивно можат да направат погрешен чекор. Сепак, бидејќи се креативни, брзо се извлекуваат од секаква неволја. Нивниот најдобар квалитет е харизмата со која зрачат и одлучноста да бидат најдобри во се.

ОВИЕ луѓе се најмудри, но и чувствителни – еве што вели хороскопот за нив

Ивана Ефремовски — Fri, 13 May 2022 20:30:48 +0000

Ова е убедливо најмудриот знак во хороскопот и нема шанси да го „зезнете“! Станува збор за Овен. Древните Маи Овенот го викале Чен. Негови симболи се Месечина, племенитост, црна олуја и запад. Тоа всушност значи, влегување во суштинска племенитост и мудрост на луѓето родени во овој знак, што значи дека се мудри и чувствителни. Сакаат се да држат под контрола, но тоа често не им успева. Кон целта одат многу директно, па често тоа може да биде и малку непријатно. Амбициите и успехот најмногу ги мотивираат и благодарение на голема енергија, главно во тоа се успешни. Многу сакаат да изградат кариера и да имаат општествен статус, што најчесто го постигнуваат со брак. Голем импровизатор е и за секој проблем, од деловен до финансиски, лесно наоѓаат решение. Мора да има многу пари бидејќи обожува да ги троши, великодушен е и сака другите да ги опсипува со внимание. Има многу едноставен пристап кон љубовта и сексот. Кај него е се едноставно, но може да стане многу невротичен доколку нема партнер или доколку не добива доволно љубов. Подготвен е максимално да се жртвува за партнерот кого внимателно го избира.

Зрачат со позитивна енергија – луѓето во овој хороскопски знак треба да бидат ваши пријатели

Ивана Ефремовски — Tue, 10 May 2022 20:32:32 +0000

Ако познавате луѓе кои се родени во хороскопскиот знак Овен, знајте дека имаат многу позитивни страни. Aвантуристи Само повикајте Овен и тој ќе ви предложи нешто ново и откачено. Овните и авантурата секогаш одат заедно, тие се способни од една обична семејна прослава да направат луда забава. Зрачат со позитивна енергија По природа се позитивни души. Таквата енергија им помага со леснотија да поминат низ најтешките животни ситуации, а кога нешто не испадне по планот најчесто се обвинуваат самите себе. Поголемиот број на Овни знаат како да избалансираат помеѓу охрабрувачкиот и претераниот оптимизам. Таа нивна способност многу му помага на пријателот кога му е потребна подршка и трошка надеж во најлошите ситуации. Верни Овните никогаш нема да го изневерат пријателот или да ја откријат неговата тајна.

Јупитер од Риби влегува во знакот на Овен: Стрелецот и Рибите најмногу ќе ја почувствуваат оваа промена

Магдалена Андонова — Mon, 09 May 2022 08:42:50 +0000

Ова е неделата во која планетата Јупитер ќе го промени својот знак. Од знакот Риби ќе влезе во знакот на Овен и ќе го започне својот нов дванаесетгодишен циклус. Оваа промена најмногу ќе ја почувствуваат Стрелците и Рибите. Понеделник започнуваме со два предизвикувачки аспекти на Месечината кон Сонцето и Сатурн, кои велат дека ќе треба да се прилагодиме на некои ситуации кои ќе не ограничат и ќе го попречат постигнувањето на целите. Ќе се најдете во ситуации или врски во кои нема да бидете целосно задоволни. Еден дел ќе биде исполнет, но ќе пропуштите друг, исто толку важен дел. Ќе мора да правите компромиси кои потешко ќе ги постигнете поради нагласената емотивност. Можете лесно да западнете во состојба на хаос. Она што може да ве држи во рамнотежа е почитувањето на вашиот рутински и точен распоред, како и мирното функционирање. На овој ден Меркур е во мирување бидејќи се подготвува за својот ретрограден тек, што дополнително ја влошува ситуацијата. Меркур од вторник ќе тргне во ретроградна три неделна авантура, што најмногу ќе влијае на Близнаците и Девицата, но и на другите, забавувајќи го движењето и ја отежнува комуникацијата. Се препорачува посебна претпазливост во сообраќајот, како и при важни договори и разговори. Внимавајте што потпишувате. Бидете повнимателни со личните документи. Не е препорачливо да донесувате важни одлуки или да купувате, особено опрема, телефони и автомобили. Разбирањето е особено тешко овој ден, затоа пазете се од недоразбирања и кавги. Во среда Јупитер го менува знакот и влегува во знакот Овен кој најмногу ќе ги погоди луѓето во знакот или подзнакот Стрелец и Риби. Ова ќе донесе промени во образованието, правото, патувањето, визниот режим, како и можности за развој и напредок. Многу е поволно да се инвестира во некои сосема нови проекти, за заминување во странство, обука, образование и добивање лиценци и дипломи. На овој ден силно е нагласен перфекционизмот, затоа воздржете се од прекумерни критики и вознемирувања. Можете да го почувствувате конфликтот помеѓу разумот и емоциите, како и помеѓу интуицијата и информациите што ќе стигнат до вас. Конфликт доаѓа ако инсистирате на некои од вашите верувања. Исто така, некој може да ве увери во вистинитоста на нивните зборови, иако можеби се многу далеку од вистинската вистина. Внимавајте на кого или во што верувате. Во четврток Месечината влегува во знакот Вага, што ќе стави акцент на врските и партнерствата во следните два и пол дена. Може да имате многу конструктивни разговори и преговори за вашата врска без разлика дали е емотивна или деловна. Преголемиот ентузијазам и оптимизам може да ве наведат да гледате на ситуациите низ розови очила и да правите компромиси таму каде што не треба. Бидете реални, гледајте ја ситуацијата на долг рок. Резервирајте петок за уживање и одмор. Угодете си самите себе. Создадете ден кој ќе го стимулира хедонизмот и убавината. Имате поголема желба за емотивно партнерство и повеќе сте подготвени да се потрудите да привлечете внимание. Убавината и естетиката ви значат многу овој ден. Уживате во друштво, елеганција и хармонија во околината. Сепак, може да има одредено незадоволство, особено ако немате или не можете да си дозволите дел од ова. Направете барем некои ситници за себе. Инспирирајте се себе си и вашата околина со убавина и создавање рамнотежа во односите. Човек лесно може да влезе во вратата на претерување, или трошење пари, јадење, незадоволство или пасивност. Во сабота имаме ситуации кои нè соочуваат низ конфликтот на старото и новото и потребата од значајно менување на работите. Иако промената е нагласена како неизбежна, одредена приврзаност кон нештата и луѓето носи страв и отпор кон новите ситуации. Неопходно е да се ослободите од некои стари обрасци и стравови, особено стравот од напуштање и сиромаштија. Ќе има ситуации кои ќе предизвикаат страв кај вас бидејќи сте премногу приврзани за вашите вообичаени и познати навики и врски иако знаете дека не се добри за вас. Бидете свесни за ова и иницирајте барем една промена. Повеќе размислувате за пари. Неделата ја завршуваме со аспекти на Сонцето кон Сатурн и Нептун. На овој ден може да се активира некој кој ви е многу важен и претставува одреден авторитет. Тоа може да биде татко, сопруг или претпоставен. Може да имате конфликт со некој од тој опис или да бидете сведоци на тешкотиите на таквата личност во вашиот живот. Овој аспект носи пад на волјата, но и имунитетот. Има многу фрустрации и ограничувачки околности кои ќе ве иритираат. Тврдоглавоста може скапо да ве чини. По секоја цена не се придржувајте до некого или нешто што не е добро за вас. Денот е турбулентен и носи многу промени и неочекувани ситуации. Се чувствувате уморно, исцрпено и како околностите да ве кочат. Обидете се да направите некои промени овој ден и да излезете од вообичаениот модел на однесување и рутина.

Април носи промени – среќа, љубов и задоволство! Четири хороскопски знаци ќе уживаат во овој пролетен месец

Магдалена Андонова — Mon, 04 Apr 2022 09:15:49 +0000

Април започнува со новата Месечина во Овен, која ќе донесе просперитет, среќа и задоволство на одредени знаци. Риби Целосно ќе се свртите кон себе, што не е баш типично за вас. Сега сте на прво место за себе и вашата кариера, како и за зголемување на приходите. Таа енергија ќе ја имате цел април и ќе ја искористите на најдобар можен начин. Станувате самосвесни и правите само работи кои ви носат среќа и успех! Стрелец Април ви носи промени кога е семејството во прашање. Поточно, многу Стрелци решаваат да стапнат на луд камен и да се реализираат во улога на родители! Со среќа! Близнаци Работата и кариерата се приоритет. Многумина од вас ќе се одлучат да го продолжат своето образование, некои целосно ќе го сменат правецот на кариерата, а некои ќе добијат големо унапредување. Зборовите, односно комуникацијата се вашето главно оружје, искористете ги максимално! Вага Ве следат емотивните промени. Го оставате она што не е во ред и со сигурен чекор одите во нов свет каде што ве чека вистинска голема љубов! Без разлика дали имате партнер или не, следите сосема ново познанство кое ви го менува текот на животот.

Плени со енергијата и освојува со самодовербата: Се што не сте знаеле за Овенот!

Ристе Здравков — Fri, 01 Apr 2022 15:11:46 +0000

Овните се страствени, сè прават со многу енергија, организирано и брзо, а познато е дека многу се сакаат. Како водечки знак, предодредени сте секогаш да бидете први, доловувате со својата енергија и на се во животот пристапувате натпреварувачки и со намера да бидете најдобри. Овенот зрачи со независност, луѓето ве гледаат како одличен заштитник и добар советник. Полни сте со самодоверба и храброст. Секогаш се истакнувате во секој тим и имате совршен баланс помеѓу заработката и трошењето. Секогаш преземате иницијатива и се трудите работите да ги правите брзо и лесно, а од друга страна не обрнувате многу внимание на последиците и не обрнувате внимание на мислењата на другите. Познато е дека Овенот не ги крие емоциите, се што чувствува го покажува веднаш, без никаков срам. Понекогаш јазикот им е побрз од умот, па често ги чини успех бидејќи не знаат да молчат и некои работи да ги задржат за себе. За овој знак е точно дека можат да бидат најдобри емотивни партнери, не се плашат, сакаат да покажуваат емоции и не им е проблем да го направат првиот чекор. Ако имате Овен во животот, ќе имате насмеана личност, полна со идеи и забавни активности, никогаш нема да ви биде досадно, тие се полни со ентузијазам, спонтаност и бурен темперамент.

ВАЖЕН НАСТАН УТРЕ ТОЧНО ВО 8:25 ЧАСОТ! Пристигнува младата Месечина во Овен – за овие 4 хороскопски знаци веќе ништо нема да биде исто!

Магдалена Андонова — Thu, 31 Mar 2022 13:15:49 +0000

Утре на 1 април, симболичен датум, во точно 8:25 часот ни пристигнува важен астролошки настан, а тоа е младата Месечина во Овен. Младата месечина во Овен ќе биде поттик за донесување нови одлуки, така што ова е излив на позитивна енергија што треба да ја искористиме за да бидеме претприемнички. Бидејќи Овенот е знак кој е борбен и храбар и тврдоглаво ги брани своите грешки, позицијата на младата Месечина во овој знак ќе биде поттик за луѓето конечно да направат нешто што ќе им обезбеди подобра позиција во иднина. Младата Месечина во Овен ќе има најголемо влијание врз Овенот, Ракот, Вагата и Јарецот. ОВЕН - Младата месечина ќе се одвива во вашето прво поле на личноста, што ви носи позитивна трансформација. Ова е излив на позитивна енергија што треба да ја искористите за да реализирате важни работи што се однесуваат на вашиот личен живот. Ова е можност за позитивни промени кога се во прашање изгледот и стилот на облекување, па ќе бидете многу модерни. РАК - Младата месечина во Овен се одвива и на вашето десетто поле, што ќе биде вистински деловен предизвик. Тоа е тест да се направи нешто конкретно и смело! Не бидете мрзливи, туку напредувајте кон вашите соништа за кариера. Ова е време за будење и потсетник дека е време да се оди напред. Деловните промени доаѓаат од 1 април, затоа подгответе се за подинамичен период на работното место. ВАГА – Овој аспект укажува на промени во партнерствата. Тоа подразбира можна криза во партнерството и потреба да се промени нешто итно. Доколку сте во брак, партнерот ќе ве изненади со неговите барања. ЈАРЕЦ - Младата месечина се фокусира на прашања за домување и семејство. Реновирање, преселување, кредити за стан... сето тоа се можни ситуации со младата Месечина во Овен. Можеби размислувате да се преселите или да преземете чекор кој е важен за вашето семејство. Не е исклучена промена на живеалиштето. Позицијата на младата месечина може да ја користат Стрелецот и Лавот. Тие ќе уживаат во оваа енергија, па може да очекуваат позитивен пресврт. Стрелците можат да се надеваат на покана за состанок, а Лавовите ќе добијат добри вести од патот.

Да се биде роден како Овен, значи да се биде роден како победник – зошто овој знак е прв во хороскопот?

Ивана Ефремовски — Tue, 27 Jul 2021 14:51:38 +0000

Секогаш кога ќе отворите хороскоп, забележувате дека по правило Овенот е првиот знак од хороскопот. Но, зошто е тоа така? Да се биде роден како Овен, значи да се биде роден како победник. Иако Марс, владетелот на овој знак со себе носи агресивна енергија која може да биде деструктивна, токму тоа ги прави родените во овој знак победници. Овенот секогаш сака да биде прв во сè и сешто. Меѓутоа, тоа не е само натпреварувачки дух и љубов кон победата, туку и љубов кон животот. Тој владее со првата куќа на природниот хороскоп, која означува раѓање, енергија, импулс, почеток на животот. Како прв знак на хороскопот, Овенот има совршен хороскоп. Всушност, сите куќи се природно распоредени, што значи дека на некој начин сите му служат нему. Тоа значи дека во животот на Овенот, сите нешта се одвиваат по својот природен ред. Марс во првото поле дава силна енергија за родените во овој знак, што го прави млад во душата, борбен, подвижен и секогаш подготвен за акција, со која ги реализира своите цели. Овенот секогаш е подготвен да го признае поразок и да ја пружи раката на подобриот од себе. Подготвен е да направи сè што е потребно за да победи, но ако не ја добие победата, тогаш достоинствено се повлекува. Најдобрите спортисти, воини и освојувачи се родени во овој знак. Мажите родени во овој знак се полни со енергија, спортист, авантурист, борец и војник, и тоа лојални во се што прават. Обично немаат проблеми со тежината, па често можете да ги препознаете по детските очи, насмевката, адреналинот и тн. Тие се многу коректни во семејниот живот. Обожаваат деца, и кога ќе се оженат, жената им е центар на светот. Жената родена во овој знак на прв поглед е вистинска амазонка, која всушност е убава, нежна и емотивна дама која бара маж во вистинска смисла на зборот. Тие се одлични мајки, кои се приврзани на домот, но и кон своите родители. Тие се одлични домаќинки кои мораат да бидат остварени на сите полиња.

Доаѓа најважниот астролошки ден за љубов и врски: Признајте што чувствувате, ве чека емотивна магија

Магдалена Андонова — Thu, 25 Mar 2021 20:05:42 +0000

Венера и Сонцето влегуваат во знакот на Овен на 26 март, а тој ден ќе биде најмоќен за љубовта во 2021 година. Од тој ден започнува седумгодишно патување во кое особено се активираат аспекти на љубовта, романтиката и парите за сите знаци на Зодијакот. Што се случува на небото на 26 март? Кога Сонцето и Венера се спојат во ист знак и во ист степен, Сонцето ја зголемува моќта на Венера, што значи дека планетата на љубовта почнува да свети посветло, бидејќи Сонцето и дава виталност. Тоа се случува на секои 10 до 12 месеци, секој пат во различен знак и секој пат претставува ново љубовно и финансиско патување за секој хороскопски знак, пишува InStyle. Иако се случува секоја година, во 2021 година, Сонцето и Венера влегуваат во Овен ја зајакнуваат шансата сите знаци на Зодијакот да најдат љубов и да ги остварат своите соништа. Очекувајте повеќе емоции и страсти, бидејќи Овенот е огнен и страствен знак кој сака да покажува љубов и приврзаност. Како ќе се манифестира овој астролошки настан? Многумина ќе почувствуваат наплив на емоции и ќе имаат потреба да се врзуваат. Некои ќе започнат нови односи, додека други ќе одлучат да ја прекинат врската што веќе не успеала или станала токсична со текот на времето. Астролозите веруваат дека ќе бидеме многу поискрени и ќе најдеме нови цели во нашиот љубовен живот. Конечно ќе добиеме храброст да ги постигнеме партнерските цели што ги планиравме долго време. Ако не сте во врска, ова е одлично време да си ги признаете чувствата на саканата личност. Отворете го срцето и препуштете се, бидејќи 26 март е идеален ден за љубов. Сосема е во ред да ги ставите своите чувства на прво место во овој период, бидејќи околу тоа „се врти“ и самиот знак на Овен. Оваа позиција на Венера ви носи пострасни визии, соништа и одлуки, и без каење.

Жените од овој хороскопски знак се страв и трепет за мажите

Ивана Ефремовски — Tue, 29 Sep 2020 08:20:55 +0000

Се повеќе се зборува за жени од кои мажите се плашат и ретко влегуваат во врска со нив од страв дека ќе останат инфериорни. Паметните, убави и успешни жени се опасност за многу мажи, па затоа на многумина од нив е тешко да се најде партнер кој може да ја толерира нивната доминација. Според астрологијата, еден знак е доминантен кога станува збор за жени од кои мажите бегаат затоа што се – премногу. Тоа се жени родени во знакот Овен. Тие се исклучително силни и храбри жени кои уште од мали нозе знаат дека со напорна работа и нескротлив дух ќе постигнат сè што сакаат. Повеќето мажи се чувствуваат инфериорно покрај нив, па затоа доста се плашат да влезат во сериозна врска со нив.