овесни снегулки – Kurir.mk

Овесни снегулки и банана за здравје и енергија

Ивана Ефремовски — Thu, 24 Nov 2022 13:53:07 +0000

Комбинацијата од млечни протеини, овесни снегулки и банана е одлична за инстантно зголемување на енергијата и нема да дозволи да се изморите ниту при потешки физички активности. Потребни состојки: Една чаша млеко Една лажица јогурт Една банана Три лажици овесни снегулки Неколку зрна суво грозје Малку цимет Подготовка: Овесните снегулки потопете ги во млекото. Сувото грозје оставете го половина час во млака вода. Сите состојки измешајте ги во блендер откако овесните снегулки ќе омекнат. Додадете уште малку цимет откако смутито е готово.

Палачинки со овесни снегулки и банана: Здрава и хранлива опција за ден полн со енергија

Ристе Здравков — Fri, 29 Jul 2022 08:58:14 +0000

Овие брзи и лесни палачинки може дури и да ги заменат традиционалните кога сакате брзо да подготвите слатко задоволство. Ако ништо не може да се спореди со рецептот на нашите баби за палачинки со вашиот избор на намаз, овие сигурно ќе бидат похранлива и поздрава опција за појадок и почеток на денот, која доволно ќе ве засити. Состојки: - 2 јајца; - 150 гр. овесна каша; - 200 мл. млеко; - 1 банана; - половина лажичка прашок за пециво; - прстофат сол; - цимет по желба. Подготовка: Иситнете ги снегулките со помош на сецко (или блендер). Измешајте ги јајцата, млекото, солта и циметот, па додајте ги иситнетите снегулки и испасираната банана, но внимавајте смесата да не е премногу ретка бидејќи не правите класични палачинки. Затоа, нека биде малку погуста, а можете и накнадно да ја згуснете со додавање банана. Печете на средна температура, на претходно загреана тава за палачинки. Смесата истурете ја со кутлача, и оставете сама да се разлие - со големина на американски палачинки. Знак дека треба да ја свртите е кога ќе се појават меурчиња. Пржете ја другата страна уште една минута или две. Послужете со преливот кој го посакувате (или мед) и исечкана банана.

Овие четири намирници сигурно ги имате дома: Искомбинирајте ги и килограмите сами ќе исчезнат!

Ивана Ефремовски — Mon, 16 Sep 2019 09:55:19 +0000

Овие четири состојки се присутни во речиси секоја кујна, а кога ќе ги искомбинирате, ќе добиете идеален пијалак за согорување на мастите. Зеленото јаболко е од голема важност бидејќи е полно со растителни влакна кое ќе може доволно да ве засити без да внесувате беспотребни калории. Шеќерот од зеленото јаболко бавно се апсорбира во цревата, со што се спречува ненадејното ослободување инсулин кое директно влијае и врз слабеењето. Потребни состојки: 125 грама овесни снегулки Пола литар минерална вода 1 лимон 2 зелени јаболка Исечкајте го јаболкото на парчиња, потоа во блендер ставете ги парчињата јаболко и минералната вода, додадете ги овесните снегулки и блендирајте додека не добиете течна смеса. Потоа ставете ја во сад и по желба исцедете лимон во неа. Овој пијалак се конзумира една недела, наутро откако ќе се разбудите или пред да спиете, по ваша желба.