озборување – Kurir.mk

Дали знаете зошто луѓето озборуваат?

Ристе Здравков — Mon, 24 Jul 2023 13:39:35 +0000

Нема личност што барем еднаш во животот не озборувала. Но, сите би рекле дека не го одобруваат озборувањето. Сепак, психолозите велат дека озборувањето не е страшно и дека е вкоренето во еволуцијата. Тие претпоставуваат дека 65 до 90 отсто од секојдневните разговори се вртат околу луѓето што не се присутни. – Луѓето озборуваат со уживање што може да се спореди со храната или сексот – пишуваат истражувачите во едно истражување. Само мал број луѓе признаваат дека сакаат да озборуваат. Според една анкета што ја објавува германскиот завод за статистика, половина од луѓето велат дека озборуваат поретко од еднаш месечно или никогаш. Само 11 отсто од луѓето признаваат дека го прават тоа секојдневно. Озборувањето е еднакво посветено на соседите, колегите, роднините и пријателите, нешто помалку на шефовите, а најретко на партнерот. Моралниот код на повеќето општества го осудува зборувањето на луѓето зад грб. – Озборувањето се гледа исклучиво како саможивно однесување со цел да се манипулира со луѓето, врз нив да се влијае со зли намери – пишува во холандско истражување „Зошто луѓето озборуваат“. – Преку озборувањето учиме кој е потенцијално добар партнер за соработка и од кого треба да се држиме подалеку – вели психологот Јан Енгелман, кој ја истражува оваа тема на Универзитетот „Беркли“ во Калифорнија. Кој ќе биде примен во групата, а кој останува надвор? Во текот на еволуцијата тоа било прашање за живот или смрт. Пресудно за преживување било навреме да бидете предупредени кои се предавници, измамници, егоисти… Озборувањето ни помага да одлучиме кого ќе примиме во својот круг. Дури и малите деца на овој начин се штитат од егоистичните врсници што не сакаат да делат ништо или со кои е забавно да се игра. А што ако зборуваат за вас? Озборувањето не помага само да се издвои пченката од плевелот и така да се изберат соодветните членови на групата. Озборувањето на другите исто така претставува сврзно ткиво на групата. Со озборувањето се зајакнува социјалната врска меѓу озборувачите кои се потпираат едни на други. Но, се озборува и во рамките на потесните групи. Зарем тоа не е особено лошо? И не баш. Бидејќи оној што ќе ги скрши нормите на групата за да добие лични придобивки мора да има предвид дека другите ќе зборуваат за тоа. Стравот дека можеби ќе станете предмет на следната „трач-партија“ ги мотивира членовите на групата да постапуваат праведно кон другите. На крајот на краиштата, ако правилата екстремно се прекршат, личноста може да биде и избркана од заедницата. Тогаш, дали озборувачите го имаат на ум доброто на групата? Не е толку едноставно. Научниците пронашле причини што ги тераат луѓето да озборуваат. Покрај размената на корисни информации, озборувањето навистина може да се користи како манипулација. Кога со некој зборувате за личност што не е присутна, вие влијаете врз мислењето на соговорникот. Така се шират предрасуди и шпекулации кои брзо може да добијат големина на мобинг. Но, повеќето луѓе немаат лоша намера кога озборуваат. Најчестиот мотив е едноставна радост поради шпекулации за некого. Забавно е да се разменуваат нови трачови, тоа го одвлекува вниманието од секојдневието и им овозможува на луѓето да го исполнат времето, пишуваат холандските истражувачи. Но, иако речиси сите озборуваат, барем понекогаш сите ќе кажат дека тоа не е убаво. – Можеби не сакаме кога другите озборуваат бидејќи може да нè озборуваат нас. Нашата репутација повеќе не е во наши раце, повеќе немаме целосна контрола – вели истражувачот Јан Енгелман.

Хороскопски знаци кои уживаат да ги озборуваат другите: Секогаш ќе ви зборуваат само „зад грб“

Тале Кристо — Sun, 10 Jul 2022 21:10:19 +0000

Да бидеме реални, повеќето од нас во одредена мера сакаат да оговараат. Некои тоа го прават од забава, други за да им помине времето…но има и онакви кои буквално уживаат да шират гласини за другите. Апсолутни шампиони во оваа дисциплина според хороскопскиот знак се… БЛИЗНАЦИ Близнаците никогаш нема да научат да стават фластер на устата. Тие се исклучително друштвени и постојано се опкружени со луѓе и логично е дека секогаш наидуваат на некој сочен трач. Едноставно со својата добродушност и насмевка некако ги тераат луѓето да им раскажат нешто во доверба. Од тој момент во нивното тело се создава немир бидејќи сметаат дека информацијата е бескорисна ако не ја пуштат во етер. Дури и ако некој нивни пријател им каже нешто во доверба, Близнаците и понатаму не знаат да го држат јазикот меѓу заби. Поради тоа, често знаат да изгубат пријател. Близнаците не шират гласини со лоша намера туку за да ги фасцинираат останатите со својата сочна информација. ДЕВИЦА Девицата е вистинска алапача, иако воопшто не изгледа како таква. Таа е мудра пред се, па затоа грижливо ги собира информациите во својата глава каде ги обработува и ги складира бидејќи не се знае кога ќе и затребаат. Разликата меѓу Девицата и Близнаците е во тоа што таа не бира личности за партија трач, туку тоа најчесто и се блиски луѓе кои потоа нејзиниот глас го шират надалеку. Девицата често пати оговара бидејќи и е здодевно, па на тој начин со пренесување на туѓи пикантерии го надополнува своето празно време. Девицата си се доживува како победник бидејќи прва била на трага на интригантна вест. Дали со тоа на некого ќе му наштети не и е многу важно и тогаш нејзината егоистична природа излегува на преден план. ВОДОЛИЈА Водилијата е енциклопедиски пример за тоа “јазикот е побрз од паметот“. Иако себе си не се смета за оговарачка, помеѓу нејзиниот мозок и јазикот често се случува “краток спој“ и едноставно заборава да го задржи за себе она што го слушнала. За жал тоа е така иако се смета за еден од најинтелигентните хороскопски знаци. За Водолијата оговарањето е од забава, бидејќи е љубопитна по природа и секогаш сака да дознае нешто ново. Во основа е добронамерна па дури и кога оговара води сметка да не му наштети на некого, освен ако субјектот на оговарање не го поднесува. На Водолијата по правило не би требало да и е гајле што другите зборуваат позади нејзин грб, но кога ќе дознае дека некоја ја оговарал воопшто не и е пријатно.

Држете се подалеку од озборувачи: Ако зборуваат СО вас, ќе зборуваат и ЗА вас

Ивана Ефремовски — Thu, 24 Mar 2022 20:42:26 +0000

Тие се луѓето кои секогаш знаат по нешто за некого. Мал или голем трач, изгледа како да живеат за тоа. Да дознаваат работи за другите, а потоа да ги шират наоколу. Лесно ќе паднете во нивната замка. Прво ќе ви речат дека тоа е тајна која ви ја откриваат само вам, но по некое време ќе сфатите: тие зборуваат насекаде. Во ред е еднаш да згрешите. Не можете да ги познавате луѓето. Но, не паѓајте втор пат во нивната замка. Не озборувајте со нив, не им кажувајте работи за себе, ниту за другите луѓе. Бидејќи нивното златно правило вели: Ако зборувам со тебе, ќе зборувам и за тебе. Ќе искористат сè што сте им кажале. Ќе ги превртат вашите зборови и ќе ги пренесат понатаму. Тие живеат за тоа. За хаосот и драмата кои ги создаваат и тоа никогаш нема да го смените. Балканот е полн со такви луѓе. Тие не размислуваат за своите животи, за своите маани и проблеми, ама би ви кажале за туѓите проблеми. Дури и на нивните најблиски. А, потоа ним ќе им кажат за вашите проблеми. Така во круг. Така живеат и така функционираат. Бегајте од овие луѓе.

Проста реченица со моќен ефект: Еве што да им кажете на луѓето кои озборуваат

Ивана Ефремовски — Tue, 07 Sep 2021 14:29:27 +0000

Озборувањето е насекаде и не можеме да ги одвикнеме луѓето од оваа навика. Но, психолозите откриле едноставна реченица што веднаш може да го сопре овој лош начин на разговор. Секогаш кога некој ќе се обиде да ве вовлече во негативна дискусија за друг човек, поставете го следново прашање: „Зошто ми го кажуваш ова?“ Реченицата делува многу просто, но го постигнува саканиот ефект. Ова прашање го елиминира секој себичен мотив на озборувачот и му помага да разбере дека вие не сте заинтересирани да водите таков разговор. Озборувањето не е безопасна навика. Зборовите се многу моќни. Ширењето гласини и лаги за луѓето може да остави ужасни последици на нив. Никогаш не заборавајте дека кога озборувате, вие повредувате некого, без разлика дали тоа е директно или индиректно. Следен пат кога некој ќе се обиде да ве наведе да озборувате, сетете се дека едноставната реченица како „Зошто ми го кажуваш ова?“ може да го спречи ширењето на лошите гласини.

Запомнете ја, изговорете ја: Ова е единствената реченица која може да им стави крај на сите озборувања

Ивана Ефремовски — Fri, 30 Oct 2020 10:06:16 +0000

Сите сме чуле реченици од типот „Виде ли што таа носеше вчера?“, „Слушнав дека раскинале“, „Знаеш дека тој всушност бил вработен преку врски?“. И на сите ни се случило да учествуваме во секојдневните „трач“ разговори. Луѓето обожаваат да озборуваат и да шират гласини. Истражувањата откриле дека дури 80% од нашите разговори се состојат од дискусии за приватните животи на другите луѓе. Зошто луѓето озборуваат? Според психолозите, главната причина зошто го правиме тоа е нашата желба да си го олесниме процесот на градење социјални односи со луѓето. Работите што не им се допаѓаат на две или повеќе лица се помоќна алатка за зближување од нивните заеднички интереси и работи што им се допаѓаат. Освен тоа, луѓето чувствуваат едно посебно задоволство кога споделуваат доверливи информации за другите. Тие обожаваат да зборуваат за туѓите неуспеси и грешки, бидејќи на тој начин се споредуваат себеси со луѓето кои се полоши од нив. Како да го сопреме озборувањето? Озборувањето е насекаде и не можеме да ги одвикнеме луѓето од оваа навика. Но, психолозите откриле едноставна реченица што веднаш може да го сопре овој лош начин на разговор. Секогаш кога некој ќе се обиде да ве вовлече во негативна дискусија за друг човек, поставете го следново прашање: „Зошто ми го кажуваш ова?“ Реченицата делува многу просто, но го постигнува саканиот ефект. Ова прашање го елиминира секој себичен мотив на озборувачот и му помага да разбере дека вие не сте заинтересирани да водите таков разговор. Озборувањето не е безопасна навика. Зборовите се многу моќни. Ширењето гласини и лаги за луѓето може да остави ужасни последици на нив. Никогаш не заборавајте дека кога озборувате, вие повредувате некого, без разлика дали тоа е директно или индиректно. Следен пат кога некој ќе се обиде да ве наведе да озборувате, сетете се дека едноставната реченица како „Зошто ми го кажуваш ова?“ може да го спречи ширењето на лошите гласини.

Славица повторно стана ХИТ на утринска: Јас само чекам љубов да водам со љубовникот додека мажот не е тука, а тој не го бива (ВИДЕО)

Дарко Андоновски — Fri, 15 Nov 2019 12:53:28 +0000

Во попладневната емисија на телевизија Алфа како и вообичаено граѓаните имаа можност да дебатираа, а овој пат на темата „Озборување“. Во емисијата се јави веќе добро познатата на македонската јавност гледачка, Славица дебатирајќи на оваа тема. Таа среде емисија зборуваше за нејзиниот љубовник, но и како тој озборувал додека воделе љубов. Целото триминутно хит излагање на оваа гледачка можете да го проследите во продолжение:

Држете се подалеку од луѓето кои озборуваат- ако зборуваат со вас, ќе зборуваат и за вас

Катерина Бојаџиева — Thu, 09 May 2019 11:07:29 +0000

Тие се луѓето кои секогаш знаат по нешто за некого. Мал или голем трач, изгледа како да живеат за тоа. Да дознаваат работи за другите, а потоа да ги шират наоколу. Лесно ќе паднете во нивната замка. Прво ќе ви речат дека тоа е тајна која ви ја откриваат само вам, но по некое време ќе сфатите: тие зборуваат насекаде. Во ред е еднаш да згрешите. Не можете да ги познавате луѓето. Но, не паѓајте втор пат во нивната замка. Не озборувајте со нив, не им кажувајте работи за себе, ниту за другите луѓе. Бидејќи нивното златно правило вели: Ако зборувам со тебе, ќе зборувам и за тебе. Ќе искористат сè што сте им кажале. Ќе ги превртат вашите зборови и ќе ги пренесат понатаму. Тие живеат за тоа. За хаосот и драмата кои ги создаваат и тоа никогаш нема да го смените. Балканот е полн со такви луѓе. Тие не размислуваат за своите животи, за своите маани и проблеми, ама радо би ви кажале за туѓите проблеми. Дури и на нивните најблиски. А, потоа ним ќе им кажат за вашите проблеми. Така во круг. Така живеат и така функционираат. Бегајте од овие луѓе.

Ова прашање со сигурност ќе го прекине озборувањето: Дали сте доволно храбри да го поставите?

Катерина Бојаџиева — Wed, 10 Apr 2019 16:29:12 +0000

Озборувањето на луѓето и ширењето гласини не носи ништо добро, а ѝ наштетува на личноста која ги кажува тие работи. Без оглед на тоа дали кажувате негативни работи за некој или само слушате, вие сте дел од тие бесмислени и расипани приказни. Озборувањата се насекаде околу нас. Понекогаш и несвесно ги шириме, а понекогаш и несвесно шират муабети за нас. Социјалниот психолог Лорен Бег вели: „Околу 60% од разговорите помеѓу возрасните луѓе се вртат околу случки кои воопшто не се случиле. Поголемиот дел од нас носат заклучоци на основа на претпоставки.“ Жално е тоа што луѓето кои озборуваат не се чувствуваат виновни и не се каат поради тоа. Тие и не сфаќаат дека грешат и едноставно уживаат во несреќата на другите. Ако не сакате да слушате озборувања за други луѓе, тоа можете да го спречите со едноставно прашање упатено кон личноста која сака да ви каже некакво озборување: „Зошто ми го кажуваш тоа?“ Откако ќе го чуе ова прашање, вашиот соговорник ќе сфати дека оваа тема не ве интересира. Личноста која озборува ќе се изненади од вашето директно прашање и ќе сфати дека едноставно не сакате да зборувате некому зад грб.