оздравени – Kurir.mk

ИЗЈ: Раст од 4,1 отсто на бројот на новозаразени и починати

Магдалена Андонова — Wed, 10 Feb 2021 11:47:31 +0000

Според неделниот извештај на Институтот за јавно здравје во периодот од 1 до 7 февруари, тестирани се вкупно 14.398 материјали во лабораториите во кои се спроведува молекуларно тестирање и антигенско тестирање за присуство на SARS-CoV-2, со зголемување од 4,8 отсто во однос на минатата недела. Регистрирани сe 2.120 нови позитивни случаи од 34 градови во државата со зголемување од 4,1 отсто во однос на минатата недела, соопшти Министерството за здравство. Најголем дел од регистрираните случаи се од Скопје (n=1.011; 47,7 отсто), со неделна инциденца – 163,7/100.000. Највисока неделна инциденца од 415,7/100.000 е регистрирана во Демир Капија. Процентот на позитивност се движи од 10,3 до 17,7 отсто, просечно 14,2 отсто, идентично како минатата недела. Регистрирани се заболени лица во сите возрасни групи. Најзастапена е возрасната група на лица на возраст над 60 (n=568, 26,8 отсто). Голем број на заболени се регистрира и кај лицата во возрасните групи од 30 до 39 години (n=422; 19,9 отсто), од 50 до 59 години (n=381; 18 отсто), од 40 до 49 години (n=358; 16,9 отсто) и од 20 до 29 години (n=257; 12,1 отсто). Најмал број е регистриран кај децата на возраст до девет години (n=40; 1,9 отсто) и 10 до 19 години (n=94; 4,4 отсто). По добиени два негативни теста за присуство на SARS-CoV-2 или со употреба на новиот алгоритам, со статус „оздравени“ се стекнале 3.322 лица кои биле хоспитализирани или на домашно лекување, 11,6 отсто повеќе во споредба со минатата недела. Пријавени се 66 смртни случаи од 21 град, со зголемување од 3,1 отсто во однос на минатата недела. Во однос на возраста, 58 лицa биле над 60 години, пет лица на возраст од 50 до 59 години и по едно лице на возраст од 40 до 49 години, од 30 до 39 години и 20 до 29 години. Во текот на минатата недела (01-07.02.2021), до ИЈЗ се пријавени 649 материјали кои биле секвенционирани за присуство на британскиот сој на SARS-CoV-2 од три лаборатории (ИЈЗ, Клиника „Жан Митрев“ и МАНУ). Од секвенционираните, 56 се позитивни за присуство на новиот сој на SARS-CoV-2. Од овие резултати е забележано дека британскиот сој на SARS-CoV-2 е присутен во осум градови, а најголем број случаи се откриени во Охрид (n=25), Прилеп (n=10) и Кавадарци (n=4). Согласно анализите од МАНУ, во последниот период се детектирани поголем број на нови варијанти, кои претходно не беа присутни кај пациентите во нашата држава, што може да укажува на континуиран внес на нови случаи на Ковид-19 од странство. Деталниот извештај на Институтот за јавно здравје за состојбата со Ковид-19 за периодот од 1 до 7 февруари 2021 година, како и кумулативната состојба со Ковид-19 во Република Македонија се објавува на веб страницата на Институтот за јавно здравје: http://iph.mk/ , стои во соопштението.

Шест новозаболени, 18 оздравени од Ковид 19 во Куманово

Тале Кристо — Tue, 18 Aug 2020 13:30:29 +0000

Центарот за јавно здравје Куманово во последниве 24 часа, евидентира шест новозаболени лица од Ковид 19 – пет од Куманово, еден од Липково, соопштија, денеска надлежните од јавната здравствена установа. Оздравени се 18 пациенти. -Вчера имаше поголем број на новозаболени, а денеска се шест. Имаме двајца кои работат во странство, еден асимптоматски кој направил тест за да патува во странство. Во текот на вчерашниот ден имаше четврица повратници од странство, четворица кои сакале да се вратат во странство, двајца биле на одмор во Охрид, неколку изолирани случаи на вработени во приватни фирми и еден лекар од Општата болница. Уште еднаш апелирам строго да се почитуваат мерките, да одмараме, но да се запази физичката дистанца, да се носи маска, често да се мијат раце, изјави директорот на Центарот, д-р Ариф Љатифи. Денеска, извршени се 52 тестирања од кои 20 по „Мој термин“ и 32 епидемиолошки и контролни тестови. Од почетокот на пандемијата во Кумановско-липковскиот регион, Ковид дијагностицирани се 1.295 случаи, а во моментов активни се 286.

Оздравеа 27 пациенти, а битката со коронавирусот ја загубиле шест лица

Тале Кристо — Fri, 19 Jun 2020 14:48:10 +0000

Како што информираа од Министерството за здраство денеска Институтот за јавно здравје регистрира 27 оздравени пациенти од: Скопје-10, Штип-3, Тетово-10, Велес-1, Битола-1 и Неготино-2. Починати се 6 лица, четворица пациенти од Скопје и двајца од Тетово. На Клиниката за инфективни болести и фебрилни состојби починати се 2 лица од Скопје, пациентка на 70 години, хоспитализирана на 16 јуни и пациентка на 76 години, од 10 јуни на клиниката. На Клиниката за нефрологија почината е пациентка од Скопје на 74 години и на Институтот за белодробни заболувања и ТБЦ почината е пациентка од Скопје исто така на возраст од 74 години. Во ГОБ „8 септември“ почина пациентка од Тетово на 66 години, примена во болницата на 14 јуни. Во КБ Тетово почина пациент на возраст од 71 година, хоспитализиран на 16 јуни. Вкупната бројка на ковид дијагностицирани во нашата земја од почетокот на епидемијата изнесува 4820, бројката на оздравени пациенти е 1863, на починати е 222, а во моментов бројот на активни случаи во земјата изнесува 2735.

Во Албанија повеќе новооздравени од новозаразени со Ковид-19

Тале Кристо — Thu, 30 Apr 2020 10:49:21 +0000

Во последното деноноќие, во Албанија, регистрирани се повеќе новооздравени пациенти отколку новозаразени со Ковид-19. Според Министерството за здравство и социјална заштита ново заразени се седум,со што вкупната бројка сега изнесува 773, додека во списокот на оздравени се впишани уште 15 или вкупно 470 лица. Сеуште активни на Ковид-19 се 272 пациента,додека до сега починало 31 лице,но сите боледувале и од други болести. „Информираме дека во Инфективната клиника и во болницата „Шефќет Ндроќи“ хопситализирани се 36 пациенти,од нив седуммина се на интензивна терапија, од кои еден во тешка сосотјба, стои во соопштението. До сега во земјата тестирани се 8.253 сомнителни случаи или за 225 повеќе од вчера.

Во Србија опаѓа бројот на заразени од коронавирус, се зголемува бројот на оздравени

Тале Кристо — Tue, 21 Apr 2020 14:35:33 +0000

Србија досега има евидентирано 6.890 заразени лица со коронавирус, 130 починати и 977 излечени лица, јави дописникот на МИА од Белград. Во изминатите 24 часа, тестирани се 3.543 лица, од кои бројот на позитивни на вирусот се намалува и тој изнесува 260 лица, со што вкупно во Србија со Ковид 19 заразени се 6.890 лица, изјави на владината прес конференција министерот за здравство Златибот Лончар. Вкупниот број тестирани лица заклучно со денес во Србија изнесува 45.355 лица, а досега се излечени 810 пациенти. Се намалува и бројот на хоспитализирани во Ковид болниците, каде се сместени 3.660 пациенти, како и бројот на пациенти со влошена клиничка слика кои се ставени на респиратор-101 лице. Во изминативе 24 часа регистрирани се пет нови смртни случаи, двајца мажи и три жени, со што вкупниот број на починати се искачи на 130 лица, изјави Лончар. Вкупниот број на здравствени работници кои се позитивни на вирусот во Србија изнесува 656 лица, од кои 430 се наоѓаат на болничко лечење. Во Социјалните установи и домовите за стари лица, позитивни на вирусот се 489 лица, како и 98 вработени. На прес конференцијата на владиниот кризен штаб, на која од денес со одлука на владата се вратија новинарите, на прашање за коментар на изјавата на СЗО дека најтешкиот период со епидемијата допрва престои, епидемиологот Предраг Кон кажа дека „не верува да вирусот во Србија ќе исчезне за време на летниот период и дека СЗО ова го порачува пред се за земјите од јужната хемисфера“ , додека министерот Лончар изјави дека Србија ќе мора да се прилагоди да живее со вирусот. -Ќе мора да живееме со коронавирусот и не постои ниту една земја која се има вратено на периодот пред кризата. СЗО не може да предвиди, а наше е да направиме се за да ја сузбиеме пандемијата со воведените мерки, со носењето маски, ракавици, со хигиена и одржување на дистанца, и така да се прилагодиме на вирусот и да функционираме, кажа Лончар. Србија од денес ги ублажи мерките со кои полицискиот час е пократок и тој ќе важи од 18 до 5 часот, а пензионерите ќе можат да го изберат своето време за прошетка од половина час помеѓу 18 часот и 1 часот наутро, во вторник, петок и недела, најмногу шестотини метри од местото на живеење. Од денес се отвораат и зелените пазари на отворен и затворен простор со задолжителна примена на сите мерки на заштита, како и автомеханичарските и вулканизерски дуќани, чевларите, кројачите, дуќаните за хемиско чистење, училиштата за обука на возачи, книжарниците, продавниците за продажба на моторни возила, велосипеди, на техничка стока и градежен материјал.

Се влошува состојбата во Велика Британија, земјата има само 135 оздравени лица од коронавирусот

Тале Кристо — Sun, 05 Apr 2020 14:27:28 +0000

Велика Британија за последните 24 часа забележа доста голем број на новозаразени со коронавирус. Според јавниот здраствен департамент, 619 лица ги загубиле животите во последниот ден а 5903 се позитивни на новиот коронавирус. Вкупно за Ковид-19 тестирани се 195.524 лица откако се рашири епидемијата, од кои 47.806 позитивни, се вели во објавата на Здраствениот Департамент. 4.932 лица ги загубиле животите, а само 135 ја победиле заразата со Ковид-19.