пабло ескобар – Kurir.mk

Синот на Пабло Ескобар, „падна“ на бугарска мисица: Александра го маѓепса Хуан

Катерина Бојаџиева — Wed, 12 Feb 2020 14:52:58 +0000

Бугарските убавици отсекогаш буделе восхит кај мажите во странство. Доказ за тоа е „Мис Бугарија 2013“ Александра Милтенова, која успеа да освои еден од најбогатите наследници на светот. Во моментов, сексипилната дама го темнее тенот во сончево Тулум и често споделува жешки фотографии од таму кои добиваат многу лајкови и коментари. Секако многу мажи сонуваат да дојдат до неа, вклучително и Хуан, синот на убиениот шеф на колумбиската нарко мафија, „кралот на кокаинот“, Пабло Ескобар. Тој не пропушта да лајкува секоја најнова фотографија на Александра, кои беа снимени во Мексико. Уште поинтересно е што се зборува дека некои од нив биле направени во неговиот замок – вила. Сè уште не се знае дали постои романтична врска помеѓу Александра и Хуан, но очигледно наследникот на Пабло Ескобар „паднал“ на убавината на бугарската нимфа. Извор и фотографии: woman.bg

Неколку секунди пред рушењето на вилата на Пабло Ескобар: Луѓето тврдат дека на снимката се појавил неговиот дух

Ивана Ефремовски — Fri, 01 Mar 2019 08:01:16 +0000

По донесеното решение од страна на колумбиската влада, вилата на Пабло Ескобар во Меделин беше срушена до темел на 22-ри февруари оваа година, а на камера наводно бил “фатен” и неговиот дух како шета по ходниците на луксузната вила и тоа неколку секунди пред таа да биде срушена. Озлогласениот господар на дрогата и неговото семејство живееле на овој имот во текот на 80-тите години. Во текот на рушењето кое било изведено со 375 килограми експлозив, очевидци тврдат дека го забележале духот на Ескобар кој поминувал низ ходниците. Во видеото кое се појавило на социјалните мрежи може да се забележи бела сенка која проаѓа помеѓу прозорците и големиот влез пред да “одлета” кон небото и да исчезне токму во моментот кога зградата почнала да се руши. Корисниците на социјалните мрежи веднаш тврделе дека таа силуета е духот на Пабло, а други пак тврдат дека станува збор за фотомонтажа. Кокаинскиот нарко бос кој годишно заработувал и по неколку милијарди долари е убиен во 1993 година, на 44-годишна возраст.

Синот на Пабло Ескобар со шокантна изјава за Френк Синатра

Ивана Ефремовски — Thu, 13 Sep 2018 12:51:03 +0000

Синот на Пабло Ескобар тврди дека пејачот и глумец Френк Синатра бил „негов човек во Мајами", т.е. таму препродавал кокаин. Ескобар, кој е роден во Колумбија, се уфрлил во картел уште во 1970-те, а по смртта на водачот Фабио Рестреп, момчето ја презема контролата и почнува со масовна експанзија на бизнисот со дрога. Во исто време во својот крај се однесувал како Робин Худ, па многумина и го обожавале поради хуманитарните проекти што ги финансирал. Синот на легендарниот криминалец, архитектот Себастијан Марокин тврди дека еден од неговите соработници бил и легендарниот Синатра. - Тој сесрдно му помагаше на Ескобар да заработува околу 420 милиони долари неделно... Беше подобар препродавач, отколку пејач, вели Марокин. И братот на Пабло, Роберто Ескобар ги потврдува овие наводи во својата книга, раскажувајќи како се почнало со тоа што Синатра се понудил да му го покаже Лас Вегас од хеликоптер. Синатра почина 1998 година. Ова не е првпат тој да се поврзува со мафијата. ФБИ има цело досие за тоа со кого се бил поврзан во американското подземје, особено во Филаделфија и Детроит. Гласините говорат и дека лик од филмот „Кум" е заснован на Синатра и тоа како тој ја добил улогата во „Одовде до вечноста" за којашто тој 1954 година беше награден и со Оскар. Токму затоа Синатра го мразел филмот „Кум“ и бил во постојан конфликт со режисерот Френсис Форд Копола. (МИА)

Вдовицата и синот на Пабло Ескобар обвинети за перење пари

Ивана Ефремовски — Wed, 06 Jun 2018 06:08:47 +0000

Аргентински суд покрена обвиненија против вдовицата и синот на починатиот колумбиски наркобос Пабло Ескобар. Судот ги товари вдовицата на Ескобар, Марија Изабел Сантос Кабаљеро и неговиот син Хуан Себастијан Марокин Сантос, кои живеат во Аргентина, за перење пари од шверц на дрога. Дел од нивните сметки се замрзнати, но Судот сепак реши да не им одреди мерка притвор и да им овозможи да се бранат од слобода. Пабло Ескобар, кој беше познат како „крал на кокаинот“, раководеше со еден од најмоќните нарко картели во колумбискиот град Меделин. Тој беше убиен при полициска акција во 1993 година.

25 години по неговата смрт: Конфискуван имот на вдовицата на Пабло Ескобар

Катерина Бојаџиева — Fri, 23 Feb 2018 08:05:17 +0000

Колумбиските власти вчера наредија конфискација на имот на вдовицата и на соработници на наркобосот Пабло Ескобар.

Наредбата доаѓа 25 години по смртта на Ескобар.

Властите утврдиле дека имотот на Викторија Еухенија Енао, вдовицата на покојниот лидер на нарко картелот во Меделин, како и имотот на мајката и сестрата на Џон Хаиро Власкес Васкез, познат како Попај и еден од најблиските луѓе на Ескобар, се стекнати од активности поврзани со трговија со дрога.

Се конфискуваат луксузен стан во богатиот кварт Побладо на Меделин, три магацини, три луксузни автомобили, една куќа, земјиште и продавници.

Пабло Ескобар, кој со години беше најбараниот човек во Колумбија, беше убиен во декември 1993 година.

Родното место на Пабло Ескобар стана најпопуларна туристичка дестинација

Александар Михаилов — Wed, 10 Jan 2018 09:14:23 +0000

Меделин е град кој и натаму расте. На неговите улици може да се видат апсолутно сите профили на луѓе. Возачи на камиони, хипстери, жени со високи потпетици и тетовирани боеми - сите тие овој град го сметаат за твој дом. На почетокот на 90-тите години со овој колумбиски град владеела дрогата, а нарко босот Пабло Ескобар сеел смрт и страв речиси на секој чекор. Каков имиџ имал Меделин, доволно зборува и тоа што списанието "Time" пред 25 години го нарекол најопасен град на светот, но од 1992. година до 2017. година минало многу време. Градот чие име било непријатно и да се изговори, со време се трансформирал во вистинска туристичка дестинација. Во 90-тите насилството владеело со улиците, граѓанското општество бил непознат поим и изгледало дека за овој град нема спас. Денес Меделин е убаво и пријатно место каде се почитува законот, а економијата е во таков замав што е една од најсилните на јужноамериканскиот континент. Во што е тајната? Верувале или не, еден од жителите на Меделин, туристички водич по име Јулиан, за британски "Telegraph" раскажал дека големо влијание на развојот на градот имал, ни повеќе ни помалку, туку јавниот превоз. "Изградбата на метрото беше почетокот на сите добри работи, беше мост во подобар свет. Наеднаш сфативме дека работите навистина може да се променат и така почна револуцијата во Меделин". Пред неколку децении, градот бил на добар глас и полека и сигурно се развивал, но со доаѓањето на 80-тите и 90-тите години Меделин станал центар на кокаинот. Главниот збор го водел Пабло Ескобар, а и по неговата смрт во 1993. година, градот бил на глас како место кое не сакате да го посетите ако ви е мил животот. Со крајот на постојаните немири и внатрешните војни, во Колумбија започнало заздравувањето во целата земја, што посебно се одразило на Меделин. Сместен во долина, познат е по прекарот "град на вечната пролет" - благодарение на идеалната клима. И каде и да се свртите, ви изгледа дека нешто се случува. Градот е чист. Изградени се многу паркови, музеи, модерни библиотеки, кино на отворено, а кафулиња и ресторани има во изобилство. Јулијан објаснува дека доаѓањето на подземната железница го променило животот во некогашниот центар на дрогата. "Кога во 1994. година беше изградено метрото, тоа беше прва позитивна работа по многу време. Метрото ни даде сигурност и беше многу лесно да се движите низ градот. Луѓето излегуваа од своите квартови и почнуваа да се движат. Можеби ќе кажете дека тоа е само метро, но верувајте ми, и тоа како ја промени психологијата на градот".

Бил професионален убиец на Ескобар: Ликвидирал 250 луѓе, во затвор бил 23 години, а еве со што се занимава сега (ВИДЕО)

Матеја Петровски — Thu, 04 Jan 2018 15:03:20 +0000

„Јас сум професионален убиец. Убивам за пари. Убивав и од љубов и почитување кон Пабло Ескобар“, вели Џон Хаиро Веласкез попознат како Попај. После 23 години во затвор професионалниот убиец реши да си ја „олесни душата“. Како што признава тој во својата „кариера“ убил 250 луѓе. Тој сега е Јутјуб блогер со повеќе од 250.000 следачи. А неговата крвава приказна е преточена во книга, серии и филмови. Џон Хаиро Веласкез бил убиец од доверба на еден од најголемите трговци со дрога. Поради своите злосторства во затвор поминал 23 години и три месеци. Тој смета дека со тоа го платил долгот за своите злосторства. -Со своја рака убив 250 луѓе. А од целата организација страдаа 50.000 луѓе. Јас сум експерт за тероризам, киднапирање и сите други видови на криминал, вели Веласкез. Картелот на Ескобар е одговорен за илјадници и илјадници убиства, но покрај тоа и понатаму е популарен, неговите постери и графити може да се видат насекаде.