пабло ласо – Kurir.mk

Пабло Ласо нов тренер на Баерн Минхен

Бошко Тасиќ — Tue, 13 Jun 2023 04:22:00 +0000

Шпанскиоѕ кошаркарски тренер Пабло Ласо преживеа срцев удар пред крајот на минатата сезона и успешно се оправи од големиот шок, но во моменти кога се уште не го надмина истиот, доживеа големо разочарување. Ласо заработи отказ од Реал Мадрид поради здравствени причини и не доби дозвола од Флорентино Перез да продолжи да го води првиот тим, што значеше дека Ласо ќе мора да мине една година без кошарка. „Кралевите“ го ангажираа Чус Матео и тоа се покажа како одличен потег за клубот кој ја освои европската титула оваа сезона, но по крајот на истата, пристигна информација за новиот предизвик кој ќе го има Ласо. Искусниот стручњак си подаде рака со Баерн Минхен и ќе го води баварскиот великан во наредните две години, откако потпишал договор со 2025-та година. – Ова е голем чекор во мојата кариера, првпат ќе работа во друга земја. Досега работев само во Шпанија и ова е огромен предизвик за мене. Среќен сум што ќе бидам дел од овој тим и од оваа голема организација, – порача Ласо.

Пабло Ласо е новиот тренер на Баерн Минхен

Бошко Тасиќ — Tue, 02 May 2023 04:52:09 +0000

Поранешниот тренер на Реал Мадрид, Пабло Ласо во следната сезона ќе го предводи германскиот Баерн Минхен, објавија Еурохупс и „Марка“. Управата на Баерн е незадоволна од игрите на клубот во Евролигата, одлучи на крајот од сезоната да се раздели со актуелниот тренер Андреа Тринкиери и негова замена да биде трофејниот шпански тренер. Според шпанскиот весник „Марка“, Ласо веќе потпишал трогодишен договор со Баерн кој има големи амбиции за следната сезона.

Двајца шпански тренери во игра за наследник на Атаман на клупата на Анадолу Ефес

Бошко Тасиќ — Tue, 25 Apr 2023 05:21:32 +0000

Ергин Атаман на крајот на сезоната го напушта Андолу Ефес и според грчките медиуми, веќе е договорен двегодишен договор на клупата на Панатинаикос. Двојниот европски првак бара замена за позицијата шеф на струката и го сведе списокот на две имиња. Двајцата се шпански тренери, Пабло Ласо и Чави Пасквал. Во моментов далеку пореална опција е тренерот на Зенит со оглед на тоа што Пасквал, според пишувањата на германските медиуми, се договорил за соработка со Баерн Минхен.

Пабло Ласо ќе биде нов тренер на кошаркарскиот клуб Баерн Минхен

Бошко Тасиќ — Mon, 17 Apr 2023 14:44:48 +0000

Пабло Ласо ќе се врати следната сезона во Евролигата по една година пауза. Шпанскиот стратег има понуди од неколку клубови, но работата е речиси завршена со еден евролигаш. Тој е пред потпис на договор со Баерн Минхен. Германските медиуми пренесуваат дека тој бил виден во Минхен во текот на вчерашниот ден и имал разговори со раководството на клубот. Пабло Ласо ќе го замени Андреа Тринкиери, кој е на клупата на Баварците во последните три години. Ласо освои две титули во Евролигата со Реал Мадрид, а за него е заинтересиран и Панатинаикос.

Пабло Ласо од наредната сезона седнува на клупата на Панатинаикос

Бошко Тасиќ — Sun, 12 Mar 2023 07:46:59 +0000

Шпанскиот кошаркарски стратег Пабло Ласо оваа лето се враќа во Евролигата и ќе биде нов тренер на атински Панатинаикос, јавуваат грчките медиуми. Раководството на грчкиот клуб настојуваше Ласо да седне на клупата веднаш по неодамнешната оставка што му беше врачена на црногорскиот тренер Дејан Радоњиќ, но Шпанецот изрази желба да го преземе Панатинаикос по завршување на сезоната. Ласо, според грчките медиуми, ќе биде дел од долгорочен проект и ќе потпише договор на три години. Мадридски Реал во јули лани го раскина договорот со Ласо од медицински причини, бидејќи искусниот тренер доживеа срцев удар и не ја предводеше екипата во завршницата од сезоната.

Пабло Ласо го одби Израел

Бошко Тасиќ — Tue, 28 Feb 2023 06:06:18 +0000

Кошаркарската федерација на Израел ги прекина преговорите со Пабло Ласо, потврдувајќи дека шпанскиот стратег ја одбил понудата да седне на клупата на израелската репрезентација. Ласо изминатиот период имаше неколку средби со израелските претставници, а на последната ги известил дека разгледува неколку понуди од европски екипи, пренесува „Баскет њуз“. Мадридски Реал во јули лани го раскина договорот со Ласо од медицински причини, бидејќи искусниот тренер доживеа срцев удар и не ја предводеше екипата во завршницата од сезоната.

Пабло Ласо наскоро селектор на Израел?

Бошко Тасиќ — Sat, 14 Jan 2023 07:36:31 +0000

Челниците на Израелската кошаркарска федерација наскоро ќе се сретнат со шпанскиот стратег Пабло Ласо за да го убедат да ја преземе репрезентацијата на оваа земја. Директорот на израелската репрезентација Пини Гершон ја иницираше оваа средба, кој сака познатиот шпански стручњак да го води Израел во наредниот период. Ласо моментално е без ангажман, бидејќи минатата година го раскина договорот со Реал Мадрид. Со мадридскиот клуб освои 22 трофеи. Ласо неодамна изјави дека се чувствува одлично и додаде дека е подготвен за нови предизвици. Израел во моментов е без селектор, бидејќи Гај Гудеш поднесе оставка во ноември минатата година по неуспехот на репрезентацијата на Европското првенство.

Ласо по отказот од Реал: Имам потврда од моите лекари дека можам да тренирам кој било кошаркарски клуб

Дарко Андоновски — Tue, 05 Jul 2022 12:07:02 +0000

Реал Мадрид денес официјално ја објави одлуката да го ослободи Пабло Ласо од должностите како главен тренер на тимот поради медицински причини. – По срцевиот удар што го доживеа нашиот тренер пред неколку недели, Реал Мадрид имаше неколку консултации со лекари и кардиолози. Сите тие рекоа дека продолжувањето со работа повлекува јасен ризик за здравјето на тренерот, се вели во соопштението на Реал Мадрид. Ласо реагираше на Твитер. – Мило ми е што можам да споделам со сите дека имам целосна потврда од лекарите дека можам да тренирам кој било кошаркарски тим на професионално ниво. Благодарен сум за сите знаци на внимание. Ќе имаме личен состанок во блиска иднина за да можам да го задоволам вашиот интерес, напиша 54-годишниот кошаркарски стручњак.

Реал Мадрид му врачи отказ на тренерот кој беше дел од клубот од 2011 година

Бошко Тасиќ — Mon, 04 Jul 2022 19:42:41 +0000

Пабло Ласо преживеа срцев удар минатиот месец и успеа да се врати за финалната серија против Барселона, која на крајот се претвора како последна за него како тренер на Реал Мадрид. „Кралскиот клуб“ ова попладне донел неочекувана одлука и му врачил отказ на искусниот стратег, вест која ја потврдија двата најугледните весници од шпанската престолнина. „Марка“ и „АС“ информираат дека раководството на клубот претседавано од Флорентино Перез решило да го прекине договорот на Ласо една година пред истекот, одлука која никако не ја одобрувал тренерот, но која морал да ја прифати.

Ласо нема да биде присутен во арената за време на првиот натпревар од финалето против Барселона

Дарко Андоновски — Mon, 13 Jun 2022 13:04:22 +0000

Тренерот на Реал Мадрид, Пабло Ласо зборуваше за неговата здравствена состојба. Како што пишува Ласо, тој нема да биде присутен на арената за време на првиот натпревар од финалната серија во шпанското кошаркарско првенство против Барселона. -Јас сум многу добар, веќе закрепнувам, но денеска нема да бидам во Палау Блауграна, напиша Ласо на Твитер. Претходната недела Ласо доживеа срцев удар, по што беше опериран. Натпреварот Барселона – Реал е закажан за вечер во 21 часот.