пабло мари – Kurir.mk

Пабло Мари не бил случајно нападнат, тој бил целта на напаѓачот, еве за што се работи

Ристе Здравков — Tue, 01 Nov 2022 13:53:23 +0000

Човекот кој изврши убиство со нож во супермаркет и повреди уште неколку луѓе меѓу кои и Пабло Мари, открил дека фудбалерот бил неговата примарна цел. Убиецот е 46-годишниот Андреа Томболини кој бил под психијатриска нега. Тој си мисли дека имал рак кој наскоро ќе го убие, но во реалноста немал таква медицинска дијагноза. Томболини во супермаркет со нож избоде шест луѓе меѓу кои и фудбалерот Пабло Мари, за жал едно лице почина. „Газета дело Спорт“ открива дека напаѓачот во полиција изјавил дека неговата цел на напад бил токму Пабло Мари бидејќи му бил љубоморен на фудбалерот затоа што тој имал се. „Го препозав дека е тој. Не го нападнав случајно, кога го здогледав во редот бев љубоморен затоа што тој има се и животот му е добар, а јас сум мизерен и болен. Тогаш го прободев со ножот кој ми беше во раката и требаше да запрам тука, но наместо тоа не знам што влезе во мене и продолжив да ги бодам другите луѓе исто така“, изјавил Томболини во полицијата. Врз Пабло Мари беше извршена операција, од која тој сега се опоравува и се очекува да се врати на теренот за два месеци.

Избодениот фудбалер на Монца ќе се врати на терените на почетокот од 2023 година

Бошко Тасиќ — Sun, 30 Oct 2022 07:19:44 +0000

Пабло Мари, фудбалерот на Монца, кој деновиве успеа да преживее откако беше избоден во трговски центар во предградие на Милано, го чека двомесечна пауза поради повредата на грбот. Станува збор за нанесена повреда во нападот на психички пореметено лице кое повреди петмина, а еден почина. Мари веднаш беше опериран и е во добра здравствена состојба. Медиумите од Италија пренесуваат дека Монца на него ќе може да смета дури од новата 2023 година. Тој има повреда на мускули на грбот, кои ги здобил со бодежот од напаѓачот. „За вакви повреди два месеци е периодот кој мора да помине пред да се вратите на физичките активности“, објавиле докторите.

Арсенал нема да го земе Мари – не им се плаќа 9 милиони евра

Дарко Андоновски — Mon, 27 Jan 2020 15:40:55 +0000

На социјалните мрежи и во медиумите се појавија различни информации за тоа зошто трансферот на дефанзивецот Пабло Мари во Арсенал е пред неуспех. Шпанецот пристигна во Лондон во текот на викендот и беше подложен на лекарски прегледи, но не постои договор за фудбалерот меѓу двата клуба. Според повеќе извори, причината е тоа што Арсенал не е подготвен да ги плати потребните 9 милиони евра за играчот на Фламенго. Другите медиуми, сепак, веруваат дека Фламенго не сака да го пушти Мари и тоа го спречува договорот откако Арсенал сака да го преземе дефанзивецот. Бразилскиот клуб му дозволи на својот фудбалер да ги забрза сите работи околу неговиот договор, откако на „збор“ двата клуба се разбраа за износот на трансферот и за бонусите, но конечно стана јасно дека „топџиите“ ги промениле своите барања, што довело до откажување од страна на Фламенго.