пад на цена на нафта – Kurir.mk

Со појавата на новиот сој на коронавирус падна цената на нафтата во светот

Магдалена Андонова — Fri, 26 Nov 2021 14:45:56 +0000

Цените на нафтата денеска се намалија по под 78 долари за барел на меѓународните берзи, поради стравот на трговците дека новиот сој на коронавирусот може да го забави закрепнувањето на економијата и побарувачката на нафта, што би можело а резултира со значителен вишок во понудата. На лондонскиот берза барел нафта попладнево беше повисока за 4,28 долари во однос на претходното затворање и се продаваше за 77,94 долари. На американскиот берза вредноста на нафтата забележа пад од 4,31 долари и се тргуваше за 74,08 долари. Цените на нафтата и акциите паднаа на крајот на неделата бидејќи инвеститорите стравуваат дека новиот сој коронавирусот може да го запре закрепнувањето на економијата и побарувачката. Европските земји веќе ги ограничија пристигнувањата на патници од Јужна Африка каде што е откриен новиот сој. Повтореното разгорување на пандемијата го привлече вниманието на пазарот кон проценките на Организацијата на земјите извознички на нафта (ОПЕК) и нејзините сојузници дека понудата на нафта ќе ја надмине побарувачката на крајот на оваа година и почетокот на следната година. ОПЕК плус одлучи само скромно да го зголеми снабдувањето во декември, за 400.000 барели дневно, отфрлајќи ги повиците од САД и другите купувачи да понудат повеќе барели за да го запрат растот на цената на нафтата. (МИА)

Пад на цената на нафтата

Дарко Андоновски — Mon, 27 Jul 2020 13:30:51 +0000

Цените на нафтата денеска забележаа пад, бидејќи инвеститорите вложуваат во сигурен имот поради растот на новозаболени со Ковид-19 во светот и поради тензиите помеѓу САД и Кина. Цената на северноамериканската нафта брент се намали за 20 центи или за 0,5 проценти и се тргуваше за 43,14 долари за барел, додека американската ВТИ (WTI) нафта забележа пад од 14 цени или 0,4 отсто и барел се продаваше за 41,15 долари. Исто така е намалено и производството на нафта во САД, како и побарувачката бидејќи некои делови на САД ги продолжија рестриктивните мерки, а во други делови од светот ограничена е потрошувачката на нафта. Инвеститорите се обидуваат и да ги согледаат евентуалните последици од ураганот Хана, кој за време на викендот го погоди брегот на Тексас. Производителите и преработувачите на нафта соопштија дека не очекуваат последици од ураганот.

Падна цената на нафтата како резултат на зголемениот број заразени од коронавирус

Магдалена Андонова — Mon, 13 Jul 2020 14:39:14 +0000

Цената на нафтата на светските пазари денеска падна како резултат на рекордниот дневен пораст на заразени со коронавирус ширум светот, со голем скок во САД во текот на викендот. Трговците за натамошни насоки го очекуваат состанокот на ОПЕК, што треба да се одржи оваа недела. Цената на барел сурова нафта на лондонскиот пазар утрово падна за 53 центи, на 42,71 американски долари. На американскиот пазар, барелот се тргуваше за 64 центи пониска цена, за 39,91 американски долари. Светската здравствена организација (СЗО) вчера соопшти дека во светот во последните 24 часа се регистрирани 230.370 случаи на заразени со коронавирус, што е рекорден дневен пораст од почетокот на пандемијата. (MИА)