паднат – Kurir.mk

УЖАС КОЈ ЌЕ ГО ГЛЕДАТЕ БЕЗ ДА ТРЕПНЕТЕ – воен авион се заби во зграда во Русија, пламените јазици се шират во секунда (ВИДЕО)

Дарко Андоновски — Mon, 17 Oct 2022 17:15:21 +0000

Руски воен авион од типот Су-34 падна врз повеќекатна станбена зграда во рускиот град Јејск, во близина на југоисточната граница со Украина, објави РТ. Падот на авионот го потврди Руското Министерство за одбрана. Оттаму соопштуваат дека пилотот успеал да се катапултира. Станува збор за воен повеќенаменски борбен авион Су-34.Авионот се урнал одејќи на вежба, веднаш откако полетал од локалниот аеродром, а еден од моторите на авионот се запалил по полетувањето, соопшти Руското Министерство за одбрана.

A photo circulating where the pilot appears to have ejected from the plane pic.twitter.com/6eQ1AIjQtk
— Mary Ilyushina (@maryilyushina) October 17, 2022

По падот како што јавуваат локалните медиуми, глетката била застрашувачка, избивајќи на местото голем пламен, кој ја зафатил станбената зграда.

Членовите на екипажот на авионот што падна во Грција се украински државјани

Ристе Здравков — Sun, 17 Jul 2022 09:27:04 +0000

Украински државјани се осумтемина членови на екипажот во карго авионот Антонов-12 што доцна синоќа се урна, откако претходно се запали, во близина на грчкиот град Кавала, а пренесувал 11,5 тони муниција од Србија наменета за Бангладеш, јави дописничката на МИА од Атина. По несреќата, во која нема преживеани, пожарот е целосно изгасен, а противпожарната служба на Грција, утрово со дрон го испитуваше теренот и според локалните власти, освен остатоци од авионот и муницијата дронот регистрирал и делови од човечки тела. Портпаролот на украинското МНР, како и генералниот конзул на Украина во Солун, кој е на местото на несреќата, потврдија дека членовите на екипажот биле нивни државјани. Според грчките медиуми, се очекува во Кавала да пристигне специјален тим за нуклеарно- хемиско- биолошка одбрана од Министерството за одбрана на Грција за да ја истражи опасноста од евентуални токсични материи и за да се одреди понатамошниот тек на истрагата. Поради веројатноста токсични материи да се испуштени во воздухот, од жителите од околните села било побарано да не ги отвораат прозорците и да не користат клима уреди. Освен изјавите на локалните власти, во Грција засега не постојат официјални информации околу несреќата, а грчките медиуми се повикуваат на свои извори, но и на информациите во српските медиуми по прес конференцијата на министерот за одбрана на Србија Небојша Стефановиќ, кој рече дека авионот што е во сопственост на украинската фирма „Меридиан“, полетал од Ниш и пренесувал 11,5 тони муниција за Министерството за одбрана на Бангладеш. Според Срефанивиќ летот ги имал сите уредни дозволи, согласно меѓународните прописи, а ги демантираше натписите во дел од српските, но и странските медиуми дека со авионот се пренесувало оружје од Србија за Украина. Од компанијата „Меридиан ер карго“, во чија сопственост е авионот, за грчкиот информативен портал „Њуз247“ рекле дека авионот пренесувал опасен товар, околу 12 тони муниција од Србија и крајната дестинација бил Аман во Јордан, а паралелно истакнале дека муницијата не е поврзана со Русија или Украина. Карго авионот Антонов-12 се урна синоќа околу 23 часот по локално време откако помалку од час и половина претходно полетал од Ниш. Неофицијално авионот имал проблем со еден од моторите, пилотот доставил барање за принудно слетување во Кавала, но не успеал да пристигне до аеродромот и откако претходно се запалил во воздух, се урнал помеѓу две села западно од грчкиот град. Очевидци за грчките медиуми велат дека слушнале силен звук и виделе огнена топка што паѓа, а по падот, се слушале и експлозии. Од противпожарната служба на Грција, веднаш по падот на авионот соопштија дека интервенираат 15 пожарникари со седум возила, а на местото на несреќата пристигнаа и спасувачки екипи.

Скопјанец рано утрово со електричен тротинет паднал среде улица – по незгодата веднаш бил пренесен во болница со тешки повреди

Дарко Андоновски — Sat, 28 Aug 2021 09:55:07 +0000

На 28.08.2021 околу 00,40 часот пријавено е дека на ул.Борис Трајковски во Скопје З.Д. (46) управувајќи електричен тротинет „ксауми“, паднал. По незгодата З.Д. бил пренесен во комплекс клиники „Мајка Тереза“ каде од доктор му биле констатирани тешки телесни повреди. Увид на лице место извршила екипа од СВР Скопје.

Пред 14 години паднал во неговиот двор и од тогаш е негово милениче: За тажната приказна на овој штрк во Облешево зборува целиот исток

Дарко Андоновски — Tue, 01 Jun 2021 08:19:27 +0000

Иако штрковите често можат да се видат во источните делови на Македонија, тие сепак живеат на крововите или бандерите каде немаат никаков контакт со луѓето. Сепак штркот Иле веќе 14 години е домашно милениче во семејството на Таки во селото Облешево. Штркот повредувајќи го своето крило останува да живее во домот на ова семејство од 2007 година до денес. Тој во домот на Таки паднал на втори август, па затоа го добил името Иле, но откако дознале дека е женско го прекрстиле во Илинка. Целиот прилог на Телевизија М-НЕТ погледнете го ТУКА.