падобран – Kurir.mk

Планинари испишаа историја, тие се први луѓе кои со падобран се спуштиле на втората највисока планина во светот

Ивона Петрова — Wed, 15 Mar 2023 13:15:21 +0000

Ветераните на параглајдерството, Том де Дорлодот и Хорасио Лоренс лани летото го минаа во Пакистан, но и станаа првите луѓе кои со падобран се спуштиле на К2, втората највисока планина во светот, притоа достигнувајќи висина од 7.577 метри. По тој нивен подвиг е снимен документарен филм со наслов „Летање меѓу џиновите“ (Flying Between Giants). И двајцата спортисти имаат неколку незаборавни летови во своите кариери, но нивната последна авантура е можеби најнеобична досега. Тие се првите кои со падобрани се искачиле на планината К2 на Хималаите. Снимките ги направиле сами, без поддршка од хеликоптер и камери поради големите височини на коишто летале. Планината К2 (8.611 м) е втора највисока во светот по Монт Еверест (8.848 м). И двете е дел од планинската верига Каракорум. Документарецот почнува со нивното напорно патување до базниот камп во Пају преку градовите Скарду и Аскола - последните „траги на цивилизацијата“ пред глечерот Балторо. Каракорум се одликува по тоа што може да се лета и повеќе од 100 километри на ден без никаква можност за безбедно слетување. Затоа авантуристите морале прецизно да планираат и да го следат времето пред летот. Тие летале заедно цело време, а секој со себе носел камери, дополнителен кислород, радиоврска и ГПС-уред за сателитско следење за скоро целосна безбедност. Тоа значи 20 килограми дополнителен товар на себе. Во првите три недели, тие биле придружувани од менторот, Шпанецот Рамон Мориљас, кој во 2009 година достигна височина од 7.821 м летајќи со тн. парамотор. На последниот ден, Де Дорлодот и Лоренс го презеле последното, седумчасовно патување што го нарекоа „Грен слем“, а при кое ги посетиле планините Транго Тауерс, Музтаг Тауер, К2, Броуд Пик и Гашербрум.

Сакала посебно да го прослави 18-тиот роденден, но тоа ја чинеше живот: Падобранот не се отвори, родителите го снимаа кобниот пад

Ивана Ефремовски — Fri, 29 Mar 2019 12:48:19 +0000

Мексиканката Ванеса Ивон Мелендес Карденас сакала за својот 18-ти роденден да скока со пријателите со падобран, но се тргна на лошо. Заедно со уште тројца ученици и со инструкторот се подготвувала за летот, а пријателите и семејството ја снимале нивната авантура. „Еве сега ќе слета“, рече еден маж пред да забележи дека Ванеса ја нема.

Una tragedia ocurrió en #Morelos cuando dos personas fallecieron al no abrirse su paracaídas #AzucenaxMilenio pic.twitter.com/Pjf5YP6dQk
— Azucena Uresti (@azucenau) March 26, 2019

Нешто подоцнам, две тела се пронајдени во полето, на Ванеса и на инструкторот. Семејството гледало како Ванеса паѓа право во смрт зошто падобранот не и се отворил. Сепак, од фирмата која организира скокови со падобран велат дека несреќата не е предизвикана поради лоша опрема туку се сомневаат дека некој „чепкал“ околу механизмот за пуштање на падобранот. „Не знаеме што уште се случило, правиме истрага. Ова не се случува туку така, туку во прашање е човечка грешка. Ова сигурно е поврзано со некој кој бил на тој лето, некој кој ракувал со механизмот на погрешен начин“, рече Хорхе Гаитан кој смета дека падобранот е активиран во фаза на летото кога е невозможно механизмот да одговори. Ванеса паднала од висина од околу 400 метри.

Трагедија во Русија: Пар со падобран налета на далековод, по струјниот удар летнаа на плажа (ВИДЕО)

Ивона Петрова — Fri, 28 Sep 2018 08:41:17 +0000

Две лица кои летувале на црноморскиот брег избегнале смрт кога нивниот падобран налетал на далековод. Рускиот пар уживал во парасејлинг, по што се случила несреќата. Ветерот ги однел мажот и жената директно кон далеководот во кој се заплеткал падобранот. Струја ги удрила двајцата, а претпреле и други повреди. Кога падобранот се спуштил на песокот, луѓето притрчале да помогнат. Истрагата подоцна покажала дека најверојатно возачот на чамецот премногу се доближил до брегот, па падобранот наместо над морето се нашол над плажата. РТ наведува дека мажот и жената со тешки повреди биле пренесени во болница.

За влакно избегната трагедија: Ветерот фрли падобранец врз карпите и го влечеше по земја

Ивана Ефремовски — Thu, 02 Aug 2018 18:53:14 +0000

Наглата промена на времето на море и силниот ветар кој во еден момент се засилил, фрли денеска еден падобранец, кого го влечел глисер, на карпите од плажата на авто-кампот Полидор во Фунтана недалеку од Пореч. Според зборовите на очевидци, силниот ветар буквално го повлекол падобранецот и глисерот кон копното, по што падобранецот повеќе пати паднал и удрил во брегот, карпите и терасата на еден локал. Со оглед на тоа што падобранот се уште создавал сила и го влечел унесреќениот по тлото, на помош му скокнале многубројните гости кои тука се бањале во морето или седеле ко кафулињата. Мажот е префрлен во болница, а со какви повреди се здобил допрва треба да се утврди.