пајаци – Kurir.mk

Пронајдете ги 7-те муви меѓу пајаците: Можете ли да ги воочите за помалку од 30 секунди?

Ристе Здравков — Thu, 02 Nov 2023 10:23:20 +0000

Пред вас е криенка која целосно ќе ве полуди, исто како што ги полуде корисниците на социјалните мрежи. Имено, унгарскиот уметник Гергели Дудаш, попознат како Дудолф, подготвил една од неговите познати игри во која меѓу стотици мали пајаци сокрил седум муви. И вашата задача е да ги најдете. Ако сте вешти и имате остро око, можеби нема да ви биде тешко, но многумина се мачеа. Тоа го поткрепува и фактот што сегашниот рекорд е пронаоѓање на сите седум муви за – 30 секунди. Можете ли да го срушите? Ако се откажете, одговорот може да се најде на крајот од текстот.

Германка со страв од пајаци во паника повикала полиција

Магдалена Андонова — Mon, 31 Oct 2022 11:18:28 +0000

Германка која страда од арахнофобија, исплашена побарала помош од полицијата во Баден-Виртемберг. Според полицискиот извештај, 33-годишната жена пријавила дека видела пајак во нејзиниот автомобил и дека ѝ била потребна итна помош бидејќи не можела да продолжи да вози. Полицајците го пребарале возилото, но пајаци биле пронајдени, па жената се смирила. Таа го продолжила своето патување, според полицијата. Арахнофобијата е патолошки страв од пајаци. Луѓето со арахнофобија ги проверуваат своите кревети неколкупати пред спиење. Стравот од пајаци може да стане причина и за избегнување прошетки во природа. (МИА)

НЕ Е СУЕВЕРИЕ! Еве зошто не е добро да го убиете пајакот во куќата, пуштете го да излезе надвор

Магдалена Андонова — Fri, 19 Aug 2022 11:21:22 +0000

Едно старо суеверие вели дека никогаш не треба да убиете пајак во домот! Зошто? Не е најдетално објаснето, но има врска со несреќата што ќе си ја „повлечете“ на прагот... Ако не сте знаеле, и науката потврдува дека не е паметно да се убиваат овие инсекти во било кој случај. А еве зошто... Вистината е дека пајаците се важен дел од природата и нашиот внатрешен екосистем - исто како и другите организми сами по себе! Дури и кога вашиот стан е беспрекорно чист, не е изненадување ако налетате на повремениот пајак кој „залутал“ однадвор. Некои се таму само „во минување“; а некои се населиле без намера да си заминат - додека некој не ги избрка. Постојат видови на овие инсекти кои уживаат дури и во затворени простории, каде што „среќно“ го живеат својот живот и се размножуваат. Овие инсекти се обично безопасни, тие дури можат да бидат корисни - да јадат други штетници, па дури и други пајаци. Иако генерално предаторите се подготвени да јадат сè што ќе им дојде при рака, пајаците редовно фаќаат досадни штетници, па дури и инсекти кои носат болести - на пример, комарци. Постои дури и вид на пајак што скока, кој претпочита да јаде комарци кои се хранат со крв. Така, со убивање на овие инсекти, ќе дозволите други штетници да се населат во вашиот дом... Научниците понатаму велат дека е сосема нормално да сакаме да убиеме пајак штом го видиме. Ги има тие долги нозе и ослободува отров, кој во повеќето случаи е премногу слаб за да предизвика проблеми кај луѓето, ако нивните „заби“ можат дури и да ни ја пробијат кожата. Каснувањата од пајаци се исклучително ретки. Иако има неколку кои се опасни, како црната вдовица и осаменикот, но овие видови ретко се среќаваат. Ако навистина не можете да поднесете пајак во вашата куќа, стан, гаража или каде било, наместо да го убиете, обидете се да го фатите и да го ослободите надвор. Тој ќе најде друг дом, а вие и тој ќе бидете среќни и задоволни! Едно старо суеверие вели дека никогаш не треба да убиете пајак во домот! Зошто? Не е најдетално објаснето, но има врска со несреќата што ќе си ја „повлечете“ на прагот... Ако не сте знаеле, и науката потврдува дека не е паметно да се убиваат овие инсекти во било кој случај. А еве зошто... Вистината е дека пајаците се важен дел од природата и нашиот внатрешен екосистем - исто како и другите организми сами по себе! Дури и кога вашиот стан е беспрекорно чист, не е изненадување ако налетате на повремениот пајак кој „залутал“ однадвор. Некои се таму само „во минување“; а некои се населиле без намера да си заминат - додека некој не ги избрка. Постојат видови на овие инсекти кои уживаат дури и во затворени простории, каде што „среќно“ го живеат својот живот и се размножуваат. Овие инсекти се обично безопасни, тие дури можат да бидат корисни - да јадат други штетници, па дури и други пајаци.

Пајаците не треба да се убиваат- ова се причините!

Катерина Бојаџиева — Wed, 17 Aug 2022 12:45:59 +0000

Постојат повеќе причини поради коишто никогаш не треба да се убива пајак, дури и ако тој во мигот се чини како „најголемата опасност“ за Вашиот дом. Пред сѐ, познавачите велат дека повеќето од овие животинчиња воопшто не се опасни. Напротив, некои ги јадат штетниците и инсектите кои носат болести, како што се комарците… Во Африка, на пример постои и вид пајак, наречен „скокачки пајак“ што јаде исклучиво комарци полни со крв. Се разбира, другите видови јадат и лебарки, молци итн. Значи, пајаците се корисни затоа што можат да придонесат за заштита на човековото здравје. Новото истражување објавено во списанието „Сајенс оф нејчр“ (The Science of Nature) посочува дека сите пајаци во светот јадат меѓу 400 и 800 тони инсекти и други мали штетници годишно. Според научникот Мартин Нифелер, пајаците со улогата во намалувањето на бројот инсекти и одржувањето на природната рамнотежа, имаат исклучителна улога во општиот екосистем. Во народната медицина, пајакови мрежи се користат за залечување на рани и намалување на крвавењето. Современата медицина открива и дека пајаковите мрежи се богати со антисептик вебицилин и витамин К, којшто игра важна улога во згрутчувањето на крвта. Во некои земји се користат и за третман на срцева аритмија и Алцхајмерова болест. Се разбира, сосема е природно некои луѓе да се плашат од пајаци, но и покрај тоа, тие не треба да се уништуваат. Наместо тоа, најдобро е да го фатите во тегла и да го пуштите назад во природата.

УТРЕ Е ПАВЛОВДЕН- еве што се верува дека ќе ви се случи ако ве полази пајак на овој ден

Дарко Андоновски — Mon, 12 Jul 2021 10:42:39 +0000

По Претовден, утре е големиот православен празник Павловден кој се празнува на 13 јули. На Павловден именден слават тие што го носат името Павле, Пајо, Павлина и сл. иако и претходниот ден може да се сретне празнување на овие имендени, затоа што претходниот ден се празнува споменот на двајцата апостоли. На Павловден жените повеќе му посветуваат внимание од Петровден. Во некои места на овој ден не се работи за да не се дојде до контакт со пајаци, да не го каснат некого при полските работи, жетва, врзување снопови, и слично. Се верува дека човек каснат од пајак на овој ден тешко ќе оздрави. Затоа овој ден е познат и како Пајаковден.

Еве зошто не треба да ги убивате пајаците во вашиот дом: Истражувачите откриваат колку се корисни!

Магдалена Андонова — Sat, 20 Mar 2021 14:32:50 +0000

Науката откри зошто не треба да убиваме пајаци. Тие се всушност важен дел од природата, како и нашиот затворен, домашен екосистем. Многу луѓе на своите домови гледаат како на простор целосно изолиран од природата и инсектите и не толерираат пајаци внатре, иако тие навистина можат да бидат корисни. Студија спроведена од тим од Универзитетот во Северна Каролина докажа дека од 50-те куќи што ги прегледале, во секоја живее одредена количина пајаци. Подрумските пајаци понекогаш ги оставаат своите мрежи за да ловат други пајаци на нивниот терен, имитирајќи го пленот за да ги фатат своите „роднини“ на вечера, пишува TNW. Бидејќи пајаците имаат тенденција да јадат се што ќе фатат, тие често убиваат други штетни инсекти во куќата, како што се комарци или стоногалки. Истражувачите нагласија дека стравот од пајаци е потполно природен, но дека тие всушност се фасцинантни суштества што го ослободуваат нашиот дом од други инсекти.

Дете видело необични црни точки на небото и веднаш почнало да снима: Кога сфатило за што се работи се вкочанило од страв (ВИДЕО)

Ивана Ефремовски — Wed, 16 Jan 2019 15:39:59 +0000

Едно момче (14) од Бразил снимил необична појава додека патувал со родителите на фарма кај своите дедо и баба. Возејќи се во автомобил, забележал црни точки на небото па веднаш го зел телефонот и снимил интерсна сцена. Кога малку подобро погледнал, сфатил дека станува збор за пајаци кои изгледале како да паѓаат од небо. Снимката на детето по име Жоао Педро Мартинели Фонсека веднаш стана хит на интернет, а експертите објаснија за што всушност станува збор. Необичниот феномен бил предизвикан од жешкото и влажно време, а пајаците всушност не паѓаат туку се движат по голема мрежа која ја направиле за полесно да уловат инсекти со кои се хранат. -Тоа е нивна тактика со која го зголемуваат подрачјето за фаќање на храна, обично инсекти. Свилените нишки делуваат како падобрани, објасни еден биолог за локалните медиуми.

Ако се здружат, пајаците би го изеле човештвото за една година

Предраг Кукиќ — Sat, 05 Jan 2019 09:59:40 +0000

Во теорија, пајаците може да го изедат секој човек на Земјата во рок од една година, објави Вашингтон пост. Имено, биолозите Мартин Најфелер и Клаус Биркофер направиле пресметки и своите истражувања ги објавиле во The Science of Nature. Така откриле дека глобалната заедница на пајаци годишно јаде меѓу 400 и 800 милиони тони плен, наведува весникот. За споредба, околу седум милијарди луѓе годишно јадат околу 400 милиони тони месо и риба. Според сторијата, вкупната биомаса на возрасните луѓе изнесува 287 милиони тони. Тоа значи дека пајаците може да се нагостат со луѓето и се уште би имало што би биле гладни. Неколку факти за пајаците влијаат на вака необична вест: – Истражување на урбани и приградски домови покажало дека пајаци живеат во 100 отсто домови во Северна Каролина. Пронајдени се во 68% купатила и повеќе од 75% спални соби. – Кога сите пајаци би се ставиле на вага, би тежеле 25 милиони тони. На пример, Титаник тежел 52.000 тони – односно околу 478 Титаник бродови. – Пајаците секојдневно јадат по околу 10 отсто од својата телесна тежина. Тоа е исто како човек од 100 кг дневно да изеде 10 килограми месо.