пајак служба – Kurir.mk

Од утре поскапува „пајакот” во Скопје, наместо 2.500 денари, еве колку ќе чини сега!

Дарко Андоновски — Fri, 30 Sep 2022 12:26:23 +0000

Од 1 октомври, за 1.000 денари ќе поскапи казната на пајак-службата на ЈП „Паркинзи Општина Центар“ (ПОЦ). Наместо 2.500 денари, ако за погрешно паркирање интервенира пајак-службата казната сега ќе биде 3.500. Одлуката за поскапувањето ПОЦ ја оправдува што цената е иста 10 години и дека во изминатиот период драстично поскапеле нафтените деривати. Нови цени има и за зонските паркиралишта со тоа што е направена промена на зоните. Со тоа, паркирањето во Буњаковец сега се зголемува од 60 на 70 денари за час.

Пајакот собира низ Скопје: За една недела подигнати 305 непрописно паркирани возила од јавните површини

Ивана Ефремовски — Thu, 01 Oct 2020 07:45:56 +0000

Во текот на изминатата недела (24.09 – 30.09.2020 година) со специјалните возила пајак се отстранети вкупно 305 возила од јавните површини. Од вкупниот број непрописно паркирани и подигнати возила, 35 се отстранети од зонските паркиралишта, а другите 270 возила по налог на сообраќајната полиција по основ на сторени прекршоци: паркирање на коловоз, велосипедска патека, пешачки премин, тротоар, зелена површина, спротивно на сообраќајните знаци, како и по повик од трето лице. Контролорите на зонските паркиралишта во истиот период санкционирале вкупно 356 возило, поради нерегулирано паркирање, односно за неплатена паркинг-услуга. Од нив, 35 возила се отстранети со пајак службата, поради пречекорување на дозволеното време на задржување на паркиралиштето. -Градот Скопје и јавното претпријатие „Градски паркинг“ апелираат до граѓаните да го чуваат зеленилото и другите јавни површини, а своите возила да ги паркираат исклучиво на означените паркиралишта. Апелираме сите корисници на услугите за паркирање, навреме да го регулираат плаќањето за паркинг-услугата, за да не бидат санкционирани и да не им биде поставен блокатор на тркалото. Плаќањето за паркинг-услугата може да се изврши преку СМС порака или со греб картичка, се наведува во нивното соопштение.

Треба да и се одземе возачката: Луна Џогани прво возеше во спротивна насока, а со тоа што го направи потоа си ја заслужи казната! (ВИДЕО)

Дарко Андоновски — Tue, 25 Feb 2020 11:48:37 +0000

Победничката на „Задруга“ Луна Џогани овие денови освен што мака мачи со законите во Србија, мака мачи и со папараците кои го снимија и овој нејзин срамен прекршок. Имено младата пејачка Луна Џогани прво возеше во спротивна насока, а потоа пајак и ја зема колата поради непрописно паркирање на зелена површина. За жал за сето ова немаше да дознае целата јавност доколку екипата на српската емисија „Папарацо Лов“ не ја улови пејачката и нејзиното движење низ Белград. Инаку ова не е прв пат Луна да не знае да се снајде со нејзиниот автомобил кој го доби како подарок по победата во реалното шоу. Претходно таа имаше проблеми со бришачите, па возеше со кренати, а сето тоа исто така го сними екипата на оваа емисија.

За една недела отстранети 167 непрописно паркирани возила од јавни површини во Скопје

Дарко Андоновски — Sat, 04 Jan 2020 10:15:16 +0000

Во текот на изминатата недела со специјалните возила пајак се подигнати 167 возила од јавните површини. Од вкупниот број непрописно паркирани и подигнати возила, 45 се отстранети од зонските паркиралишта, а преостанатите 122 возила по налог на сообраќајната полиција по основ на сторени прекршоци: паркирање на коловоз, велосипедска патека, пешачки премин, тротоар, зелена површина, спротивно на сообраќајните знаци, како и по повик од трето лице. Контролорите на зонските паркиралишта, информираат од Одделението за односи со јавноста и информации за граѓаните на Град Скопје, во истиот период санкционирале вкупно 295 возила, поради нерегулирано паркирање, односно за неплатена паркинг-услуга. Од нив, 45 возила се отстранети со пајак службата, поради пречекорување на дозволеното време на задржување на паркиралиштето. Градот Скопје и јавното претпријатие „Градски паркинг“ апелираат до граѓаните да го чуваат зеленилото и другите јавни површини, а своите возила да ги паркираат исклучиво на означените паркиралишта. Апелираме сите корисници на услугите за паркирање, навреме да го регулираат плаќањето за паркинг-услугата, за да не бидат санкционирани и да не им биде поставен блокатор на тркалото.

За една недела: Отстранети 266 непрописно паркирани возила од јавните површини

Катерина Бојаџиева — Thu, 21 Nov 2019 09:51:04 +0000

Во текот на изминатата недела (14.11 - 20.11.2019 година) со специјалните возила пајак се подигнати 266 возила од јавните површини. Од вкупниот број непрописно паркирани и подигнати возила, 41 е отстрането од зонските паркиралишта, а преостанатите 225 возила по налог на сообраќајната полиција по основ на сторени прекршоци: паркирање на коловоз, велосипедска патека, пешачки премин, тротоар, зелена површина, спротивно на сообраќајните знаци, како и по повик од трето лице. Контролорите на зонските паркиралишта во истиот период санкционирале вкупно 489 возила, поради нерегулирано паркирање, односно за неплатена паркинг-услуга. Од нив, 41 возило е отстрането со пајак службата, поради пречекорување на дозволеното време на задржување на паркиралиштето. Градот Скопје и јавното претпријатие „Градски паркинг“ апелираат до граѓаните да го чуваат зеленилото и другите јавни површини, а своите возила да ги паркираат исклучиво на означените паркиралишта. Апелираме сите корисници на услугите за паркирање, навреме да го регулираат плаќањето за паркинг-услугата, за да не бидат санкционирани и да не им биде поставен блокатор на тркалото. Плаќањето за паркинг-услугата може да се изврши преку СМС порака или со греб картичка, велат од Град Скопје.

Полицијата вчера казнила 59 возачи, а пајакот подигнал 53 возила

Дарко Андоновски — Wed, 04 Sep 2019 08:23:59 +0000

Во текот на изминатиот ден полицијата издала 59 мандатни платни налози, а 53 возила се подигнати со специјално возило „пајак” на подрачјето на СВР Скопје. При преземени мерки и активности е констатирано дека 34 возачи управувале возила со брзина поголема од дозволената. Според информациите од СВР Скопје, од сообраќај се исклучени 14 возачи, од кои двајца затоа што управувале возила под дејство на алкохол и 12 возачи затоа што управувале возила без да се стекнат со право на управување на моторно возило. Исто така, исклучени од сообраќај се и седум возила, бидејќи биле нерегистрирани. Санкционирани се шест возачи поради поминување крстосница на црвено светло, еден возач поради недавање првенство на минување на пешаци, еден возач поради неправилно престигнување, еден возач поради недавање на првенство на минување на возила во зона на крстосница, шест возачи на мотоцикли поради неносење заштитен шлем, еден поради неносење на сигурносен појас за време на управување на моторно возило и шест возачи поради користење на мобилен телефон при управување на возило. Во однос на пешаците, соопштуваат од СВР Скопје, санкциониран е еден пешак поради поминување на коловоз вон пешачки премин.

Во изминативе седум дена санкционирани 289 непрописно паркирани возила во општина Центар

Ивана Ефремовски — Mon, 29 Jul 2019 08:14:16 +0000

ЈП Паркинзи на општина Центар и општината во соработка со Сообраќајната полиција-Скопје во изминатите седум дена санкционираа 289 непрописно паркирани возила кои го попречувале нормалното и безбедно одвивање на сообраќајот. Во периодот од 22.07. до 28.07.2019 година, со помош на специјалните возила „Пајак“ на ЈП ПОЦ отстранети се 135 непрописно паркирани возила, а со поставување на механичко средство „Блокатор“ санкционирани се 154 возила кои биле затекнати во резидентни зони, а не биле корисници-резиденти на секторот во којшто биле паркирани. -ЈП ПОЦ и Општина Центар континуирано ќе ја спроведуваат оваа мерка, и апелираат до граѓаните да ги почитуваат правилата и прописите и да ги оставаат своите возила само на пропишаните места за да им се овозможи на пешаците и велосипедистите нормално движење по тротоарите и велосипедските патеки, а на возилата безбедно движење по улиците, порачуваат тие.

Во Скопје вчера осум сообраќајки, санкционирани 117 возачи за непрописно паркирање

Дарко Андоновски — Fri, 08 Feb 2019 07:47:16 +0000

Три лица се здобиле со лесни телесни повреди во две од вкупно осум сообраќајни незгоди што се случиле изминатото деноноќие на подрачјето на Град Скопје. Во шест сообраќајни несреќи е причинета материјална штета. Според податоците на СВР Скопје, полицијата од сообраќај исклучила 43 возачи кои се движеле со поголема брзина од дозволената, тројца кои управувале возило под дејство на алкохол и осум пред да се стекнат со право на управување моторно возило. Од сообраќај биле исклучени и шест нерегистрирани возила, а со специјалното возило „пајак“ биле подигнати 88 возила. Полицијата санкционирала и 117 возачи за не прописно паркирање, еден возач кој не дал првенство на минување на пешаците, еден за неправилно престројување, тројца за не правилно престигнување, двајца за не поседување пропишана зимска опрема во возилата, 17 за не носење сигурносен појас од страна на возачите за време на управување на мототроно возило и 16 за користење на мобилен телефон од страна на возачите за време на управување на моторно возило.

Во Скопје вчера 12 сообраќајки, пајакот подигнал 73 возила

Ивана Ефремовски — Wed, 06 Feb 2019 07:52:50 +0000

Во вкупно 12 сообраќајни несреќи што се случиле вчера на подрачјето на Град Скопје, четири лица се здобиле со лесни, а три со тешки телесни повреди. Со поголема брзина од дозволената со сообраќаен знак се движеле 66 возачи. Исклучени од сообраќај се шест возачи, кои биле без возачки дозволи. Пајакот подигнал 73 возила. Од СВР Скопје информираат дека се преземени мерки и кон тројца возачи кои поминале на крстосница на црвено светло, други двајца не поседувале пропишана зимска опрема, а осум користеле мобилен телефон додека управувале со моторното возило.

Девет сообраќајки, еден загинат, четири лица се повредени

Ивана Ефремовски — Thu, 20 Dec 2018 09:30:05 +0000

Во текот на изминатиот ден (19.12.2018 година) на подрачјето на Секторот за внатрешни работи Скопје се случиле вкупно девет сообраќајни незгоди од кои една железничка незгода со загинати лица, две сообраќaјни незгоди со телесни повреди и шест со материјална штета. Во сообраќајните незгоди едно лице го загубило животот и четири лица се здобиле со телесни повреди. Од преземените мерки и активности констатирано е дека 36 возачи управувале возило со брзина поголема од дозволената. Од сообраќај се исклучени 13 возачи од кои: еден затоа што управувал возило под дејство на алкохол, 10 возачи затоа што управувале возила без да се стекнат со право за управување на моторно возило и двајца затоа што биле возачи почетници. Исто така исклучени од сообраќај се и 10 возила бидејќи биле нерегистрирани. Санкционирани се четири возачи поради поминување на крстосница на црвено светло, двајца поради неносење пропишана зимска опрема, 12 возачи поради неносење сигурносен појас и 20 возачи поради користење на мобилен телефон при управување со возило. Во текот на изминатиот ден издадени се 118 мандатни платни налози и 74 возила се подигнати со специјално возило “пајак”.