пајак – Kurir.mk

Пајак и Таско „Намерно“ ја вжештија атмосферата на крајот од летото

Ристе Здравков — Thu, 07 Sep 2023 07:56:02 +0000

Денеска на социјалните мрежи беше објавена новата песна на Пајак и Таско, која носи наслов „Намерно“… Музиката и текстот е нивно дело, додека аранжманот го направи продуцентот Ивајо. За оваа песна, Таско и Пајак снимија и видеоспот, во кој покрај нив двајца се појавуваат и неколку згодни девојки. Спотот е пак во режија на „Урбан Рекордс“, односно Гордан Божиновски, Били и Никола Наумовски…

Пајак и Теодора Џехвероивиќ на егзотична „Летна авантура“ (видео)

Ристе Здравков — Tue, 13 Jun 2023 09:49:24 +0000

Пајак и Теодора Џехверовиќ имаат летна авантура, но не љубовна, туку музичка. Токму „Летна авантура“ е насловот на нивната нова песна за која извадија и спот кој е егзотичен и модерен. Христијан Настески или попознат по уметничкото име Пајак се потпишува како автор на музиката и текстот, додека аранжанот и миксот го работеше Иван Јованов. Станува збор за летна песна со весел и лесен ритам за уво,а препознатлив за музичкиот израз на Пајак. Она што денешните млади го сакаат, Пајак знае да го направи, а веќе и српските ѕвезди „намирисаа“ каде се хитовите, па тргнаа во реализација на дело. Претходните соработки на Пајак со Лара Иванова и Антониа Гиговска достигнаа милионски прегледи на Јутјуб, а најновата со Џехва веќе брои над 870 илјади. Еве како звучат и изгледаат Пајак и Џехва во овој македонско-српски спој на „Летна авантура“:

Пајак и Антониа Гиговска заедно… „малку авантура, малку љубов, малку стрес“ во – „Хабиби“ (ВИДЕО)

Ристе Здравков — Mon, 23 Jan 2023 11:47:15 +0000

После многубројните Јутјуб прегледи и големиот бум кој го направи со макфестовскиот дует со Лара Иванова во темата „Bella“, младата трап ѕвезда Христијан Настески со естрадно-уметнички прекар Пајак промовираше нов дует. Овој пат со по многу што во јавноста експонираната Антониа Гиговска, која по дуетот со „2 Бона“ и нивната „Хиена“, сега заедно со Пајак пее „Хабиби“. Музиката и стиховите се и овој пат авторско дело на младиот Пајак, што покажува дека прераснува во сериозен хит -мејкер кога е барем во прашање музиката на новата генерација. Аранжманот, миксот и мастерингот се вообичаено дело на постојаниот соработник на тимот на „Урбан рекордс“, братот на некогаш познатиот и популарен Јован Јованов, Иван Јованов – Ивајо. Целиот продукт секако е под закрила и етикета на најпродуктивната продикциска куќа во поново време, веќе споменатите „Урбан рекродс“. Разбирливо, песната е визуелизирана и со видеоспот кој стандардно го потпишува трито на продукцијата: Били Д, Гордан Божиновски, Никола Наумовски. Видео спотот на Пајак и Антониа визуелно изгледа како истиот да е снимен некаде на Блискиот Истокот, зашто целата атмосфера и амбиентот, од сценографијата преку костимите, па се’ до кореографијата „мирисаат“ на Ориентот. Впрочем како и атмосферата во песната, но и самите стихови: „Малку авантура, малку љубов, малку стрес, заради тие очи паѓам jaс на грев…“, кои како намерно да се пишувани за да го опишат она што на Антониа и се случува периодов на приватен план. Освен тоа, планирано или не, песната излегува во момент кога Антониа е во фокусот на јавноста по роденденското изненадување за целата јавност дека по сите љубовни превирања, 22 годишната пејачка ќе стане мајка. Како звучи и изгледа „малку авантура, малку љубов, малку стрес“ и сето тоа спакувано во темата „Хабиби“ на Пајак и Антониа, проследете во видеото во продолжение:

Одличен спој на трап и поп: Хитот „Bella“ на Лара и Пајак е на трето место во трендинг (ВИДЕО)

Дарко Андоновски — Wed, 02 Nov 2022 11:09:18 +0000

Младите ѕвезди Лара Иванова и Пајак се познати како исклучително перспективни музичари, а нивниот нов дует „Bella“ донесе модерен младешки звук на домашната музичка сцена. Хитот „Bella“ со кој се претставија на овогодинешното издание на Макфест, е спој помеѓу трап и поп музиката, а дека публиката е воодушевена, го потврдува фактот што веќе недела дена се наоѓа на третото место во трендинг на YouTube каналот. Успехот на песната се должи на комбинацијата на нивните импресивни вокали и младешката позитивна енергија со која зрачат овие двајца млади пејачи. „Одлично се надополнувате двајцата,браво“,„Svaka cast! Predobra pesma! POZDRAV IZ SRBIJE! “10/10 Само вака продолжете !“, се само некои од коментарите под песната. Инаку, ова е прв пат Лара и Пајак да „вкрстат“ гласови, но со оглед на тоа дека хитот има многу добар фидбек од публиката, сигурно нема да биде последна соработка. Текстот и музика на песната се со потпис на Пајак, а аранжманот е дело на Иван Јованов -Ивајо.

ФОТО: Урнебесна порака која ја насмеа Македонија

Ристе Здравков — Fri, 13 May 2022 19:46:12 +0000

На социјалните мрежи, попладнево се појави урнебесна порака оставена на автомобил во скопската населба Влае. На еден од паркираните автомобили беше оставен лист со порака „Не викај пајак, земаме невеста“. Објавата ги насмеа и расположи скопјани, а предизвика и низа коментари. Епа, не ти е лесно. Уште пајак да викаме, гласеше еден од коментарите. Како вие би постапиле во ваква или слична ситуација?

Бројот на познати видови пајаци достигна 50.000

Ивона Петрова — Tue, 12 Apr 2022 08:22:33 +0000

Според новите сознанија, во светот има 50.000 видови пајаци, а можно е да има и двојно повеќе, но сѐ уште не се откриени, сметаат научниците. „Светскиот каталог на пајаци“, кој му припаѓа на Природонаучниот музеј во швајцарската престолнина Берн, минатата недела го регистрираше 50.000-тиот вид пајак, наречен „Guriurius minuano“. Новиот вид ѝ припаѓа на фамилијата пајаци „Salticidae“, а својот плен го лови на дрвјата во јужен Бразил, Уругвај и околу Буенос Аирес, Аргентина. Откритието е на археологот Кимберли С. Марта и нејзините колеги од Бразил, а беше именуван по сега изумрениот народ Минуана, кои некогаш живееле во областа. „Пајаците се најважните ловци во копнените живеалишта на Земјата, па затоа не треба да се занемари нивната важност за животната средина. Пајаците консумираат од 400 до 800 милиони тони инсекти годишно, што ги прави битни регулатори на популацијата на инсектите. Според тоа, тие се од големо значење и за луѓето“, велат од музејот. Првиот научен опис на пајак датира од 1757 година. Но, иако биле потребни 265 години за да се достигне бројката од 50.000 видови, стапката на откривање постојано расте, па следните сто години би можеле да се откријат уште толку. „Според нашите проценки, веројатно има и 50.000 видови пајаци што досега не сме ги откриле“, велат издавачите на Каталогот. Каталогот за пајаци е достапен на интернет-страницата на музејот.

Отстранети од јавни површини непрописно паркирани 121 возило

Ивана Ефремовски — Fri, 11 Feb 2022 12:18:41 +0000

Преземени се мерки за 121 автомобил непрописно паркирани на јавни површини. Овие неправилности се утврдени за само една недела на контрола низ Скопје. Непрописно паркираните возила се отстранети по налог на сообраќајната полиција по основ на сторени прекршоци за паркирање на коловоз, велосипедска патека, пешачки премин, тротоар, зелена површина, спротивно на сообраќајните знаци, како и по повик од трето лице. -Контролите ќе продолжат да се одвиваат во континуитет. Јавното претпријатие „Градски паркинг“ апелира до граѓаните да го чуваат зеленилото и другите јавни површини, а своите возила да ги паркираат само на означените паркиралишта, велат од Град Скопје.

Еден плод ќе ви помогне да ги избркате пајаците од дома, ќе избегаат и нема да се вратат

Ивана Ефремовски — Mon, 11 Oct 2021 14:34:11 +0000

Колку и да чистиме, дома секогаш знаат да се појават пајаци на ќошевите. Тие заедно со мувите и мравките ни се најголеми “непријатели” во домот, кои навистина е тешко да ги избркаме. Сепак не очајувајте, постои начин како тие самите да бегаат. Ако сакате да не видите ниту еден пајак дома, тогаш ќе ви помогне лимонот. Киселиот вкус на лимонот и мирисот, односно силната арома, помага тие да исчезнат. Постапката е следна, ставете исечен лимон на ќошевите дома, а тој ќе ги брка пајаците, па тие нема ниту да влезат внатре.

„Пајакот“ собрал 88 возила, еве колку лица се казнети за непрописно паркирање во Центар

Ивана Ефремовски — Tue, 03 Aug 2021 08:52:24 +0000

ЈП Паркинзи на Општина Центар и Општина Центар во соработка со Сообраќајната полиција-Скопје минатата недела санкционираа 155 непрописно паркирани возила кои го попречувале нормалното и безбедно одвивање на сообраќајот. Во периодот од 26.07. до 01.08.2021 година, со помош на специјалните возила „Пајак“ на ЈП ПОЦ отстранети се 88 непрописно паркирани возила, а со поставување на механичко средство „Блокатор“ санкционирани се 67 возила кои биле затекнати во резидентни зони, а не биле корисници-резиденти на секторот во којшто биле паркирани. -ЈП ПОЦ и Општина Центар континуирано ќе ја спроведуваат оваа мерка со цел да се доведе во ред сообраќајниот хаос и проблемот со непрописното паркирање на комерцијалните и резидентните паркиралишта и улици на територија на Општина Центар, велат тие.

„Пајакот“ со полна пареа собира возила во Центар, еве колку се санкционирани за една недела

Ивана Ефремовски — Tue, 27 Jul 2021 07:49:09 +0000

ЈП Паркинзи на Општина Центар и Општина Центар во соработка со Сообраќајната полиција-Скопје за седум дена санкционираа 163 непрописно паркирани возила кои го попречувале нормалното и безбедно одвивање на сообраќајот. Во периодот од 19.07. до 25.07.2021 година, со помош на специјалните возила „Пајак“ на ЈП ПОЦ отстранети се 94 непрописно паркирани возила, а со поставување на механичко средство „Блокатор“ санкционирани се 69 возила кои биле затекнати во резидентни зони, а не биле корисници-резиденти на секторот во којшто биле паркирани. -ЈП ПОЦ и Општина Центар континуирано ќе ја спроведуваат оваа мерка и апелираат до граѓаните да ги почитуваат правилата и прописите и да ги оставаат своите возила само на пропишаните места за да им се овозможи на пешаците и велосипедистите нормално движење по тротоарите и велосипедските патеки, а на возилата безбедно движење по улиците, велат тие.