Ќе се гласа новиот пакет помош за американската економија

Тале Кристо — Wed, 10 Mar 2021 06:28:19 +0000

Претставничкиот дом на американскиот Конгрес денеска треба да гласа за новата верзија на пакетот економска помош поради пандемијата во висина од 1.9 трилиона долари, што претходно беше одобрен од Сенатот. Долниот дом на Конгресот, контролиран од демократите, треба да го изгласа законот, иако републиканците се еднодушно против. Законот потоа треба да се најде на работната маса на претседателот Џо Бајден на потпишување. Набљудувачите сметаат дека неговото донесување е само формалност, додека за републиканците пакетот финансиски е премногу голем и недоволно фокусиран. Администрацијата на Бајден, пак, веднаш по донесувањето на законот, планира поактивна медиумска кампања во следните денови за претставување на неговата полезност за економијата и народот во САД.

САД: Постигнат е договор за огромен пакет помош

Ивона Петрова — Wed, 25 Mar 2020 07:44:28 +0000

Претставниците на Белата куќа и Сенатот постигнаа договор рано утрово, со кој е предвидена огромна помош на деловните субјекти, работниците и системот на здравствена заштита, најмногу погодени од пандемијата на новиот коронавирус. Тоа е исто така најголемата мерка за спасување на економијата во американската историја и е наменета како повеќенеделна или повеќемесечна „помош за економијата“ што се движи кон рецесија, пренесуваат американски медиуми. Информацијата за договорот ја објави високиот советник на Белата куќа, Ерик Уланд, непосредно по полноќ, додавајќи дека се уште треба да се финализира. „Дами и господа, постигнавме договор“, нагласи тој. Тој пакет економски мерки предвидува директни исплати на повеќето Американци, продолжување на бенефициите за невработени и програма за помош од 367 милијарди американски долари за мали бизниси да се задржи профитот додека работниците се дома.

пакет помош – Kurir.mk

Ќе се гласа новиот пакет помош за американската економија

САД: Постигнат е договор за огромен пакет помош