пакетчиња – Kurir.mk

Новогодишно дарување за учениците од ДУРМДОВ „Димитар Влахов“

Магдалена Андонова — Thu, 23 Dec 2021 15:13:59 +0000

Големо предновогодишно дарување се одвиваше денес во ДУРМДОВ “Димитар Влахов”. Дечињата со оштетен вид добија пакетчиња од Општина Кисела Вода, од Амбасадата на Република Бугарија во Македонија и од хуманитарното здружение Св. Спас. Нив им ги доделија градоначалникот Ѓорѓиевски, бугарскиот амбасадор Ангел Александров Ангелов, отецот Оливер, како и Претседателот на Советот на Општина Кисела Вода, Иван Живковски, пратеничката од Кисела Вода Бети Стаменкоска-Трајкоска и претставници од бугарската амбасада, кои ја следеа музичката програма подготвена од овие ученици. -Големо е моето задоволство што денес имам можност да присуствувам на новогодишната приредба на учениците од ова училиште. Заедно со бугарскиот амбасадор во Македонија и со отецот Оливер, на кои во овој момент би сакал да им се заблагодарам, обезбедивме донација, новогодишни пакетчиња кои се надевам дека ќе донесат радост кај учениците и ќе ја подигнат празничната атмосфера. Воедно, како нов градоначалник на Општина Кисела Вода, каде е лоцирано самото училиште, сакам да упатам јасна порака дека преку моето делување ќе направам значајни чекори во насока на промовирање на еднакви можности за секој поединец, во подобрување на социјалната инклузија на лицата со визуелно нарушување и дека тие можат да сметаат на сеопфатна поддршка од локалната самоуправа-потенцираше градоначалникот Ѓорѓиевски во своето обраќање. Честитки и желби за успешна Нова година упатија и другите присутни. Настанот беше збогатен со презентација на активностите кои ги имаат сите струки од Државното училиште за рехабилитација на деца и младинци со оштетен вид „Димитар Влахов“.

Општина Кисела Вода даруваше пакетчиња на дечињата од ЈДГ 8 Март

Магдалена Андонова — Thu, 23 Dec 2021 14:03:30 +0000

Претседателот на Советот на Општина Кисела Вода, Иван Живковски, со претставници од општинската администрација, денес беше во градинката “8 Март”, објект “Пржино”, каде на сите дечиња им беа доделени пакетчиња, како донација од Општина Кисела Вода. Децата се претставија со приредба насловена “Новогодишна приказна”, а пакетчињата им ги делеше Дедо Мраз. - Присуствувавме на една преубава, весела детска приредба во градинката во Пржино и голема е моето задоволство што Општина Кисела Вода даде свој влог во оваа искрена детска среќа. Денес доделените пакетчиња се дел од донацијата од преку 2000 пакетчиња за сите деца од градинките, за децата со посебни потреби и децата од социјално-ранливите категории. Во пресрет на Нова година, како раководство на општината, се потрудивме да создадеме убаво расположение кај што поголем број на дечиња и сакам да најавам дека останатите пакетчиња ќе ги поделиме во сабота, во паркот Шопен, на Новогодишниот хуманитарен базар кој освен за најмладите, ќе понуди содржини и за нивните родители, баби и дедовци. Се надевам дека сите заедно ќе го креираме новогодишното расположение во општина Кисела Вода-изјави претсетаделот на Советот, Живковски, кој од дечињата од градинката доби честитка и нивни изработки.

Новогодишни донации на ЕВН Македонија

Ристе Здравков — Thu, 23 Dec 2021 12:06:56 +0000

За време на новогодишните празници, ЕВН Македонија традиционално донира пакети со храна на Македонската православна црква (МПЦ), Исламската верска заедница (ИВЗ) и Католичката црква. Покрај верските заедници ЕВН во своите редовни филантропски активности низ годината вклучува различни организации кои работат со ранливи категории граѓани. Верските заедници преку хуманитарните организации „Свети Спас“, „ Каритас“ и „Ел Хилал“ ќе се погрижат пакетите со храна да бидат распоредени низ целата земја. Свештениците од хуманитарната организација „Свети Спас“ ќе достават храна до граѓаните кои се во тешка здравствена состојба или пак живееат во далечните рурални средини во парохиите. Пакети со прехранбени продукти кои беа донирани за Католичката црква, „Каритас“ и хуманитарните организации на Исламската верска заедница (ИВЗ) „Хилал“ ќе ги поделат кај семејства во ризик. Поради ситуацијата со корона вирусот и годинава нема да се подготват празнични јадења во народната кујна „Св. Апостоли Петар и Павле“ во Скопје, но затоа на посетителите ќе им се доделат намирници за време на Нова година и Божиќ. Празниците се моменти за љубов, радост и спокој, а овие донации имаат за цел да ја збогатат домашната трпеза на оние семејства на кои најмногу им е потребна ваква помош. ЕВН Македонија е одговорна компанија која низ годините контуинирано вложува во проекти за подобрување на квалитетот на живот на граѓаните и се приклучува кон најразлични иницијативи кои ги третираат предизвиците на семејствата од ранливи категории.

Градоначалникот Ѓорѓиевски обезбеди над 2000 пакетчиња за децата од Кисела Вода

Магдалена Андонова — Tue, 21 Dec 2021 11:29:25 +0000

Во пресрет на Новогодишните и Божикните празници, градоначалникот Орце Ѓорѓиевски, обезбеди пакетчиња за околу 1300 деца од градинките, околу 200 за децата со посебни потреби и преку 500 пакетчиња за дечињата од социјално-загрозени семејства. Дополнително, новогодишно пакетче ќе добијат и децата на сите вработени во Општина Кисела Вода. -Новогодишните празнувања треба да бидат убави за сите, посебно за дечињата кои цел живот ги паметат подароците под елката, семејните празнувања и радоста на дарувањето. Се потрудив, како градоначалник, дечињата од сите градинки на територија на Кисела Вода и децата со посебни потреби да добијат новогодишно пакетче. Дополнително, покрај овие 1500 дечиња, со пакетче ќе им ги разубавиме празниците и на преку 500 дечиња од социјално-загрозените семејства. Секое дете заслужува да биде среќно и да има убави спомени од детството. Ова е мој мал придонес кон таа цел–изјави градоначалникот Ѓорѓиевски при денешната посета на објектот “Мимоза” при ЈДГ “Весели цветови”, каде беше организирана свечена приредба за дечињата. Тој им посака убава, среќна и безгрижна година полна со радост и љубов, а дечињата, распеани и весели се заблагодарија за подарокот. Новогодишното дарување од страна на Општина Кисела Вода продолжува и во наредните денови.

Приведени татко и син од Шуто Оризари – кај нив биле пронајдени 255 пакетчиња марихуана

Магдалена Андонова — Thu, 08 Apr 2021 12:13:42 +0000

На 07.04.2021 година во 19.15 часот на подрачје на Полициското одделение Шуто Оризари, полициски службеници од Единицата за недозволена трговија при СВР Скопје, по претходно добиена наредба, извршија претрес во домот на Н.Д.(54) од Скопје, при што пронајдени се 255 пакетчиња марихуана подготвена за продажба, како и марихуана која не била спакувана и дигитална вага на која имало остатоци од марихуана. Од слобода се лишени Н.Д. и неговиот син Т.Д.(31). По целосно документирање на случајот, против лицата ќе биде поднесен соодветен поднесок.

Во пресрет на новогодишните празници, Мицкоски денеска посети десетина семејства и подели пакетчиња за најмалите

Магдалена Андонова — Wed, 30 Dec 2020 15:35:51 +0000

Во претпоследниот ден од годината посетив десетина семејства во скопските општини Ѓорче Петров, Чаир, Гази Баба и Аеродром, стои во Фејсбук статусот на Христијан Мицкоски, лидерот на паријата ВМРО-ДПМНЕ. - Насмевките на дечињата се бесценети. Барем за миг малку повеќе среќа за сите. Скромно, но со искрено срце за малите по возраст, но големи во душа херои, пишува тој.

Комитите во хумана мисија: Донираа стотина пакетчиња на децата со посебни потреби (ФОТО)

Ивана Ефремовски — Mon, 23 Dec 2019 14:58:04 +0000

Навивачката група организираа хуманитарна акција во Домовите за лица со посебни потреби – Ластовица Аеродром и Златен Сремец. Стотици новогодишни пакетчиња со грбот на Вардар им однесоа Комитити на дечињата.

УМС на ВМРО-ДПМНЕ им подари пакетчиња на децата од Дневниот центар во Шутка

Ивана Ефремовски — Thu, 27 Dec 2018 14:11:51 +0000

Децата од Дневниот центар за деца на улица- Шуто Оризари денеска добија новогодишни пакетчиња од Унијата на млади сили на ВМРО-ДПМНЕ.

Младите од ВМРО-ДПМНЕ поразговараа со децата, за нивното секојдневие, за нивните желби.

Претседателот на Унијата на млади сили, Јован Јаулески заедно со уште неколку членови на Унијата зборувајќи со децата им посакаа Новата година да им биде среќна и исполнета со многу здравје, среќа, радости, и им посакаа многу успеси.

Децата од центарот изразија голема благодарност за грижата и интересот, а младите ветија дека ќе ги посетат повторно.

Градоначалникот Јанчев подели новогодишни пакетчиња во градинката и Дневниот центар

Ристе Здравков — Wed, 26 Dec 2018 13:29:25 +0000

Најмладите од детската градинка „Рада Поцева“ денеска добија новогодишни пакетчиња од Дедо Мраз и градоначалникот Митко Јанчев. За нив беше изведена и мини претстава за Дедо Мраз. Дечињата имаа можност да ги запеат познатите новогодишни песнички и со тоа да се заблагодарат за новогодишните подароци.

Благодарност за подароците упати и директорката, Цанка Добринова која посака веќе следната година место во градинка да има за сите деца. Новогодишни пакетчиња градоначалникот им подели и на децата во Дневниот центар за лица со посебни потреби во Кавадарци. Новогодишната радост и таму беше присутна.

ФОТО: Децата од Клиниките за детски болести и Онкологија добија пакетчиња од Дедо Мраз

Ивона Петрова — Thu, 20 Dec 2018 15:10:22 +0000

Во пресрет на новогодишните празници, Тимот за спасување на планина на Црвен крст на град Скопје и волонтерите на Црвен крст Центар, на Клиниката за детски болести и Клиниката за Онкологија при Клиничкиот центар Мајка Тереза – Скопје, организираа показна вежба. Членови од Тимот маскирани во Дедо Мразовци, се спуштаа по јаже и им делеа подароци на децата хоспитализирани во двете клиники. Вежбата се реализираше во соработка со Општина Центар и Бугарската амбасада во РМ.