пакети – Kurir.mk

АП: Расте побарувачката за пакетски услуги

Ивона Петрова — Mon, 20 Jun 2022 09:04:50 +0000

На пазарот на поштенските услуги во државава во 2021 година е забележан континуитет во растот на обемот на пакетите. Обемот на пакети е 4.832.940, кои сочинуваат 12,8 проценти од вкупниот обем на поштенски пазар, најмногу до сега, покажуваат податоците на Агенцијата за пошти (АП). Според АП, зголемување на бројот на пакети е во корелација со забрзаната промена на потрошувачките навики поради пандемијата, каде се поголем број на потрошувачи ја користат електронската трговија, при што доставата на купената стока најчесто ја обезбедуваат давателите на поштенските услуги. Во иднина се очекува и натамошен раст на побарувачката на овие услуги. Обемот на пакети кај давателите на поштенските услуги на слободниот пазар, во 2021 година бележи 38,7 проценти зголемување во однос на 2020 година. Од вкупниот обем на поштенски пратки на давателите на поштенски услуги на слободниот поштенски пазар, 66,7 проценти е остварен од поштенската услугата – пакети. Во 2021 година се забележува зголемување на обемот на пакетите кај давателот на универзалната услуга АД „Пошта на Северна Македонија“ во однос на 2020 година и тоа за 43 проценти. Зголемување на обемот на пакетите, како што информира АП, е во чекор со трендовите и сѐ поголемата побарувачка на онлајн услуги. Со оглед дека АД „Пошта на Северна Македонија“ имаше опаѓање на овие услуги наназад во годините, ова зголемување значи дека давателот на универзалната услуга е сѐ повеќе насочен кон нови услуги согласно побарувачката на пазарот. Од вкупниот обем на поштенски пратки на давателот на универзалната услуга, 0.42 проценти е остварен од поштенската услугата – пакети. Генерално, давателите на поштенските услуги на слободниот пазар имаат удел од 97 проценти во поштенската услуга – пакети, и со тоа го имаат приматот во обезбедување на оваа поштенска услуга.

Пошта добила најмногу рекламации за препорачани поштенски пратки и пакети

Ивона Петрова — Tue, 16 Mar 2021 10:34:27 +0000

Најголем процент поднесени рекламации до АД Пошта на РСМ – давателот на универзалната услуга, има за препорачани пратки, додека давателите на поштенски услуги на слободниот пазар најмногу рекламации имаат за услугата пакети, наведува Агенцијата за пошти во статистички извештај за првата половина од 2020 во однос на истиот период од 2019 година. До АД Пошта на Северна Македонија се доставени 445 рекламации во првите шест месеци од минатата година, за 271 помалку во однос на истиот период од претходната година кога имало 716. Зголемување на рекламациите има кај приватните поштенски оператори, од 253 во првото полугодие од 2019 на 302 во истиот период од 2020 година. Како што стои во извештајот, до АД Пошта на РСМ се доставени 420 рекламации за препорачани писма и девет за пакети, додека кај приватните оператори најмногу рекламации, 161 , има за пакети, по што следат тие за препорачани писма, 92, па за обични писма, 22, а четири рекламации се регистрирани за вредносни пакети. Анализата од Извештајот покажува опаѓање од 15 проценти на вкупниот обем на поштенските услуги за првото полугодие во 2020 година во однос на истиот период во 2019 година. Опаѓањето е резултат на намалување на обемот и кај давателот на универзална услуга за 16 проценти и кај давателите на поштенските услуги за осум проценти. – Кај давателот на универзалната услуга се бележи намалување на скоро сите услуги, и тоа во рамките на универзалната услуга од 16 проценти. Пратките за коресподенција како услуга која треба да биде достапна до сите корисници, бележи опаѓање исто така за 16 проценти.Пандемијата најмногу се почувствува во делот на обезбедување на оваа услуга, посебно имајќи го предвид фактот дека меѓународниот сообраќај беше затворен неколку месеци, се наведува во Извештајот. Давателите на поштенските услуги имаат намалување на пратките за коресподенција за 34 проценти. Следејќи ја состојбата со пандемијата која започна во март 2020 година, која беше проследена со затворања на голем број дејности, очекувано е и да има пад на овој вид на услугите и зголемување на малите пакети и пакетите. Регистрирано е зголемување на пакетските услуги (мали пакети + пакети) за 56 проценти, како резултат на големата понуда на онлајн услугите и нивното користење од страна на корисниците. Според извештајот на АП, во првото полугодие од 2020 година се бележи намалување на вработени лица во поштенскиот сектор. Во АД Пошта на РСМ во првото полугодие од 2020 година имало 2.051 вработен, за 37 помалку во однос на споредебениот период, а кај давателите на поштенски услуги 1 071, односно 62 помалку. Бројот на даватели на поштенски услуги е намален за девет проценти во првата половина од 2020 во однос на истиот период од 2019 година, односно нивниот се намалил од 44 на 40.

Кина: Вирус на пакети со смрзнати шкампи од Еквадор

Магдалена Андонова — Wed, 12 Aug 2020 12:37:25 +0000

Властите во градот Вуху во провинцијата Анхуи во источна Кина, денеска откриле денес пакетите со замрзнати морски ракчиња од Еквадор биле загадени со коронавирусот. Вирусот е откриен на внатрешната амбалажа на увезените шкампи, кои биле доставени на ресторан во градот Вуху, јави државната телевизија ЦТВ. Ваквите откритија се случија во неколку други градови, поради што кинеските власти забранија увоз на шкампи од три еквадорски производители. .Запленета на загадените пакувања со шкампи била извршена кај сите познати ресторани од Вухуа кои купиле морска храна од истиот производител од Еквадор. Еквадорските власти објавија дека Кина повторно дозволила увоз на ракчиња за еден од трите производители од Еквадор, чија лиценца за извоз на морска храна претходно била суспендирана. (MИА)

Фатени на дело: СДСМ дели пакети и 1.700 денари во Шутка и прави списоци на кои заокружува „сигурни гласачи“

Дарко Андоновски — Fri, 19 Jun 2020 13:24:07 +0000

Потпкупот на СДСМ пред избори продложува. Власта е фатена на дело во Шутка како дели пакети помош и пари на граѓани на насебата. Ромите при тоа мора да потпишат изјава со која се согласуваат гласот на изборите да го дадат за СДСМ. Во потпукот учествува Шерафедин Сефер вработен во МВР како приправник го организира поткупот заедно со Љатифа Шишковска, кандидат за пратеник на СДСМ.

Инфлагранте фатени во поткуп... pic.twitter.com/srVuzDekpw
— Дамата од Подземјето (@eJU8EQvRZ22Bbpp) June 19, 2020

Пакетот кој го добиваат идните гласачи на СДСМ има храна а на рака добиваат и 1700 денари.

Граѓаните децидни: Пакетите кои ги дели СДСМ се обид за предизборен поткуп, 62 % незадоволни од владините економски мерки

Ивона Петрова — Tue, 16 Jun 2020 09:57:27 +0000

Граѓаните сметаат дека пакетите социјална помош кои ги дели СДСМ, а за кои во јавноста излегоа голем број фотографии, претставуваат обид за предизборен поткуп. Високи 50,1 процент од анкетираните граѓани на истражувањето спроведено од Институтот “Habeas Corpus” кој разработува прашања од правниот и политички систем одговориле вака на прашање. Само 28,4 проценти сметаат дека тоа е искрена желба за помош. Високи 62 проценти од граѓаните кои учествувале на анкетата истакнале дека не се задоволни од економските мерки на Владата. Потврден одговор дале 29 отсто од анкетираните. Анкетата, информираат од Институтот, е направена врз стратификуван примерок од 1 159 испитаници во периодот од 08 јуни до 11 јуни 2020 година. При истражувањето се водела сметка на етнграфската карта, демографската застапеност, полот и возраста на испитаниците. Воедно се водеше сметка и при влезот на анкетниот прашалник и резултатите од последните парламентарни избори. Анкетата се спроведе телефонски, со употреба на фиксната и мобилна телефонија. АНКЕТА: Водство на ВМРО-ДПМНЕ пред коалицијата на СДСМ и БЕСА Владата не се справува добро со корона кризата, сметаат граѓаните

Уапсен маж поради испраќање сомнителни пакети во амбасадите во Австралија

Ивона Петрова — Thu, 10 Jan 2019 08:32:05 +0000

Австралиската полиција упаси 48-годишен маж под сомнение дека испраќал сомнителни пакети до амбасадите и конзулатите ширум Австралија. Повеќе од 12 странски претставништва во Мелбурн и во Канбера вчера добија сомнителни пакети. Полицијата се уште го утврдува точниот состав на материјалот во пакетите. Приведениот е обвинет за испраќање на опасни предмети по пошта, а максималната казна за тоа е до 10 години затвор. МИА