паксловид – Kurir.mk

САД ќе му платат на „Фајзер“ околу две милијарди долари за дополнителни пакувања на лекот „Паксловид“ во 2023 година

Ивона Петрова — Wed, 14 Dec 2022 07:06:44 +0000

Владата на САД се согласи да и плати на фармацевтската компанија „Фајзер“ речиси две милијарди долари за дополнителни 3,7 милиони пакувања на лекот за Ковид-19, „Паксловид“. Новите залихи ќе ги надополнат 20-те милиони пакети претходно купени од американските власти, кои се очекува да бидат обезбедени на почетокот на 2023 година, се вели во соопштението на фармацевтскиот гигант. Администрацијата на Бајден претходно се согласи да плати околу 10,6 милијарди долари за првите нарачани 20 милиони пакувања. Фајзер, кој исто така ја продава својата ко-развиена вакцина за КОВИД-19 со германската „Бајонтех“, се очекува да надмине 100 милијарди долари приход оваа година. Минатата година концернот предвиде дека во 2022 година ќе произведе до 120 пакувања „Паксловид“. До 30 ноември, „Фајзер“ испорача речиси 37 милиони пакувања со лекот во 52 земји низ светот . Лекот моментално е достапен бесплатно во САД, каде што се испорачани повеќе од девет милиони пакувања во аптеките. Во декември минатата година во САД беше дозволена употреба на „Паксловид“ кај лица над 12 години, кај кои постои ризик од тежок тек на болеста.

Над 28.500 Грци примиле терапија за Ковид-19 со антивирусниот лек „Паксловид“

Ивана Ефремовски — Fri, 12 Aug 2022 08:29:08 +0000

Најмалку 28.500 пациенти со Ковид-19 во Грција примиле домашна терапија со антивирусниот лек „Паксловид“ од крајот на март до сега, објави грчкиот весник „Катимерини“, јави дописничката на МИА од Атина. Според весникот, повеќе од половина од лековите, односно 17.000 биле дадени во изминатите месец и половина, кога во земјата беше регистриран зголемен број заразени со Ковид-19. На дневна основа се одобруваат околу 400-500 барања за конкретниот лек, кој граѓаните или го добиваат на домашна адреса или го подигнуваат од аптеките, откако нивното барање, преку матичниот лекар, ќе добие зелено светло од надлежните. (МИА)

Лекови на Фајзер ќе бидат достапни по непрофитна цена во сиромашни земји

Ивона Петрова — Wed, 25 May 2022 10:30:11 +0000

Патентираните лекови на Фајзер, вклучувајќи ги и Паксловид (paxlovid) за лекување на Ковид-19 и Ибранс (ibrance) против рак на дојка, ќе бидат достапни по непрофитна цена во 45 најсиромашни земји во светот, соопшти компанијата. Планот на Фајзер вклучува 23 патентирани лекови и вакцини што лекуваат заразни болести, одредени видови на рак, како и за ретки и воспалителни болести. Пет земји, Руанда, Гана, Малави, Сенегал, Уганда, веќе се обврзаа да се приклучат на договорот, најавен на Светскиот економски форум во Давос. Претседателот на Малави, Лазарус Чаквера изјави дека договорот ќе им овозможи на земјите и производителот на лекови да ги поделат „товарот на трошоци и задачи во производството и испораката на резерви што ќе спасат милиони животи“. Имаше критики до Фајзер за начинот како се воведе вакцината против Ковид-19, а некои сиромашни земји чекаа со месеци, откако првите дози стигнаа во богатите држави.

Кина го одобри лекот против коронавирус на „Фајзер“, но само за пациенти со тешка клиничка слика

Ивана Ефремовски — Sat, 12 Feb 2022 14:51:25 +0000

Кина даде зелено светло за условна употреба на пилулата против ковид-19 од страна на американската компанија Фајзер, лек кој се продава под името „Паксловид“, соопшти Националната медицинска агенција. Одлуката е донесена во време кога Пекинг ги организира Зимските олимписки игри. Кинеските власти досега немаат одобрено ниту една странска вакцина против Ковид-19. „Паксловид“ беше одобрен кон крајот на декември во Соединетите држави и оттогаш е во околу четириесет земји. Директорите на „Фајзер“ изјавија дека компанијата е во преговори со повеќе од сто земји за „Паксловид“ и може да испорача 120 милиони дози оваа година. Кинеската национална администрација за лекови го одобри лекот „условно“ и, како и другите земји, само за пациенти со ризик од развој на тешка форма на ковид-19. Кина спроведува нулта толеранција за Ковид од почетокот на епидемијата и ги презема сите мерки за ограничување на појавата на нови случаи, од кои официјално има само неколку десетици дневно. На пример, само 40 нови случаи на зараза беа пријавени низ целата земја во текот на денот. Иако овие бројки се неспоредливи со оние што секојдневно се забележуваат во другите делови на светот, тие ги принудуваат кинеските власти да ја удвојат будноста во време кога Пекинг е домаќин на Зимските олимписки игри до 20 февруари. Сите странски учесници се ограничени на област строго одвоена од остатокот од кинескиот главен град.

Во Србија пристигна антивирусниот лек на „Фајзер“ – северниот сосед стана прва земја во континентална Европа која го доби „Паксловид“

Магдалена Андонова — Mon, 07 Feb 2022 15:49:05 +0000

Првиот контигент од антивирусниот лек Паксловид на Фајзер, еден од најмодерните лекови против корона вирусот, пристигна во Србија. Србија е првата земја во континентална Европа која го доби овој лек (го има само уште во Велика Британија), десет дена откако ЕМА (Европска агенција за лекови) одобри употреба и на овој лек. „Паксловид“ е антивирусен лек кој содржи две компоненти ритонавир и нирматрелвир и е наменет за орална употреба. Индициран е за третман на инфекција со ковид-19, кај возрасни на кои не им е потребен дополнителен кислород и кои имаат зголемен ризик од прогресија во тешка форма на болеста. Се препорачува да се започне со употреба на лекот во првите пет дена по почетокот на симптомите. На крајот на минатата година, Србија беше меѓу првите, заедно со Соединетите Американски Држави и Велика Британија, што потпишаа договор со претставниците на „Фајзер“ за набавка на најдобриот лек против коронавирусот, кој го намалува ризикот од хоспитализација и тешки болести до до 89 проценти.